Lajm i rreme Archives - Albeu.com

U raportua për vdekjen e legjendës së boksit Aziz Salihu, reagon Monika: Është gënjeshtër, ju mbuloftë Zoti me turp

D Marku — Mon, 11 Aug 2025 18:04:46 +0000

Sot u përhap një lajm për ndarjen nga jeta të legjendës së boksit, Aziz Salihu, një emër i madh dhe i respektuar në botën e sportit.

Megjithatë, lajmi rezultoi të ishte i pavërtetë, dhe vajza e tij, këngëtarja e njohur Monika Salihu, nuk nguroi të reagojë menjëherë përmes një InstaStory për të hedhur poshtë këto thashetheme.

Në reagimin e saj të drejtpërdrejtë, Monika shkroi me fjalë të forta: “Ishalla po ia zgjatni ymrin babës tem, por është gënjeshtër, se nuk ka vdekur. Ju mbulofsh Zoti me turp. Çka me ju thënë tjetër”.

Këto fjalë vijnë në një kohë kur Aziz Salihu po përballet me një sfidë të madhe shëndetësore.

Ish-boksieri i njohur është diagnostikuar me sëmundjen e Alzheimer, një gjendje që prek kujtesën dhe funksionet njohëse, dhe kjo situatë u bë publike përmes deklaratave të vetë Monikës, vetëm pak ditë më parë.

Lajmi për ndarjen e tij nga jeta ishte një keqkuptim i madh dhe u shpërnda shpejt në rrjetet sociale dhe mediet online.

The post U raportua për vdekjen e legjendës së boksit Aziz Salihu, reagon Monika: Është gënjeshtër, ju mbuloftë Zoti me turp appeared first on Albeu.com.

FOTO/ Rama i jep një post të rëndësishëm Mark Markut? Reagon kryeministri: Lajm i rremë!

M C — Tue, 08 Oct 2024 16:05:05 +0000

Kryeministri Edi Rama e ka cilësuar të rremë lajmin se do ta vendosë pedagogun Mark Marku, në krye të reformës për transparencën e institucioneve ndaj qytetarëve dhe medias.

Reagimi:

LAJM I RREMË

Sigurisht të tilla rrena ka me shumicë në kanalet pa filtra e as higjienë minimale që informojnë shqiptarët, por e bëj këtë përgënjeshtrim vetëm në respekt të faktit që zoti Mark Marku ka ardhur qytetarisht në Podkastin FLASIM dhe më takon t’ia kthej respektin, si njeri me të cilin s’kemi as të njëjtat bindje politike, as varësira të asnjë natyre në punët tona.

The post FOTO/ Rama i jep një post të rëndësishëm Mark Markut? Reagon kryeministri: Lajm i rremë! appeared first on Albeu.com.

Alarmi për bombë në Aeroportin e Prishtinës, reagon policia: Ishte i rremë

E S — Wed, 28 Dec 2022 11:56:48 +0000

Aeroporti i Prishtinës sot në orët e mëngjesit ka marrë një kërcënim me bombë, i cili më pas rezultoi i rremë.

Zëdhënësja e Aeroportit, Valentina Gara ka bërë të ditur se udhëtarët dhe personeli janë evakuuar dhe janë të sigurt.

“Konfirmojmë se kemi pranuar një kërcenim me bombë. Udhëtarët dhe personeli janë evakuuar dhe janë të sigurt. Ekipet e involvuara në planin emergjent janë duke kryer detyrat e tyre”, shkruan Gara në Facebook.

Ndërkaq, Policia e Kosovës ka njoftuar se kërcënimi për bombë në Aeroportin Ndërkombëtar të Prishtinës “Adem Jashari”, ishte alarm i rrejshëm “me qëllime të caktuara”. Sipas Policisë, në objekt janë kryer kontrolle dhe se s’është gjetur asgjë.

The post Alarmi për bombë në Aeroportin e Prishtinës, reagon policia: Ishte i rremë appeared first on Albeu.com.

Ditë pushimi më 6 dhjetor në Tiranë? Rama: Lajmi rremë

E S — Thu, 01 Dec 2022 12:10:24 +0000

Kryeministri Edi Rama, ka dalë të flasë për mediat jashtë ambientit të kryeminsitrisë ku ka bërë me dije vendimet që qëveria ka marrë ditën e sotme.

Teksa foli për pensionet dhe të papunës, Rama u pyet nga gazetarët nëse ishte e nevojshme që të bëhej pushim data 5 dhjetor.

Rama u shpreh se ky është një lajm i rremë, pasi çdo gjë do të vazhdojë normalisht.

“Nuk është marrë asnjë ditë pushimi. Është lajmi i rremë, puna do të vazhdojë normalisht”, është shprehur Rama. /albeu.com

The post Ditë pushimi më 6 dhjetor në Tiranë? Rama: Lajmi rremë appeared first on Albeu.com.