Paraburgimi ndaj A.S.-së, i dyshuar për vrasjen e një personi në Lagjen e Romëve në Mitrovicë, është vazhduar edhe për dy muaj nga Gjykata Themelore në Mitrovicë.

Vendimi i ri përcakton që masa e paraburgimit të llogaritet nga 25.08.2026 deri më 25.10.2026. Këtë për KosovaPress e ka konfirmuar zëdhënësja e Gjykatës Themelore në Mitrovicë, Hateme Haxhaj.

Ngjarja ka ndodhur më 27 maj, kur një sulm me thikë në Lagjen e Romëve përfundoi me vdekjen e një personi dhe plagosjen e vëllait të tij.

Sipas Prokurorisë Themelore në Mitrovicë, viktima kishte marrë plagë në fyt nga një armë e ftohtë, përkatësisht thikë. A.S. ishte arrestuar menjëherë pas rastit dhe, me urdhër të prokurorit kujdestar të Departamentit për Krime të Rënda, ishte dërguar në mbajtje.

The post Gjykata zgjat me dy muaj paraburgimin e të dyshuarit për vrasjen në Mitrovicë appeared first on Albeu.com.