Ky vendim pritet të merret brenda një afati jo më shumë se 90 ditë.

Burime konfidenciale nga gjykata e Janinës thanë se mbrojtja e Haxhiut kishte argument bazë në kërkesën për azil publikimet në media se atij i rrezikohet jeta prej bandave rivale në Shqipëri, por njëkohësisht Laert Haxhiu rrezikohet edhe “prej regjimit të kryeministrit Rama pasi sipas mbrojtjes të tij, Haxhiu rrezikon edhe për ndjenjat e tija filo greke të përndiqet prej regjimit të Ramës pasi atje filo grekët dhe minoritarët përndiqen, duke referuar rastin e kryetarit të zgjedhur të bashkisë Himarë, si rast flagrant të persekutimit të vorioepirotëve”,siç u shpreh mbrojtja përballë trupit gjykues.

Vlen të përmendet se Lart Haxhiu përfaqësohet prej së njëjtës zyrë avokatie që ka përfaqësuar pothuaj të gjithë personat me precedentë penalë që kanë përfituar azil politik në Greqi këto vitet e fundit në Greqi.

Siç dihet nga publikimet e vendimeve të gjykatës së lartë greke ,këta persona kanë fituar azilin në Greqi, pikërisht prej ndjenjave të tyre filogreke dhe kërcënimeve të regjimit anti grek në Shqipëri.

Në të gjitha rastet dëshmitarë në gjyqet që vendosej azili për këta persona, dalin eksponentë të lartë drejtues së një shoqate që merr në mbrojtje minoritetin Grek në Shqipëri, si dhe një zyrtare e lartë e shtetit Shqiptar e cila udhëton enkas për të dëshmuar në Gjykatën e Lartë Greke pro çdo rasti kërkese azili që pikërisht zyra në fjalë merr përsipër.

Gjithashtu, mësohet se ende nuk ka mbërritur në Athinë dosja e përkthyer me provat dhe dëshmitë që e lidhin Haxhiun me një seri krimesh në Shqipëri dhe dy vrasje të kryera në Greqi, cka me shumë gjasa do ti mundësojnë atij lirinë brenda pak muajve.

The post Kërkesa për azil politik në Greqi, Gjykata e Janinës jep vendimin për shumë të kërkuarin Laert Haxhiu appeared first on Albeu.com.

Mediet greke raportojnë se Laerti ka kërkuar të mos e ekstradojnë drejt Shqipërisë, ndërsa pritet të kërkojë azil në Greqi.

Kujtojmë se Laert Haxhia u arrestua mbrëmjen e së hënë në Janinë të Greqisë. Ai u la në burg me masën ‘arrest me burg’ për 40 ditë.

Sipas avokatit të tij, shkruan mediat greke, Haxhiu nuk i pranon akuzat për vrasjen në Lushnje në vitin 2017 që la dy të vdekur dhe dy të plagosur dhe nuk dëshiron të ekstradohet në autoritetet shqiptare, por kërkon të qëndrojë në Greqi.

Sipas informacioneve, autoritetet shqiptare pritet të kërkojnë menjëherë ekstradimin e tij në shtetin fqinj.

30-vjeçari ishte shpallur në kërkim për vrasjen e dyfishtë të ndodhur në vitin 2017 në Lushjnë. Haxhiu cilësohe si një nga pesë njerëzit më të kërkuar nga policia shqiptare.

Haxhiu u kap mbrëmjen e së hënës nga policia greke me leje qendrimi greke të falsifikuar, me emrin me inicialet Mikis Askalidis, 32 vjeç, lindur në Gjeorgji./albeu.com/ 

The post Akuzohet për masakrën e Lushnjës, Laert Haxhiu dërgohet në burgun e Koridhalos, kërkon azil në Greqi appeared first on Albeu.com.