Nëpërmjet një reagimi në rrjete sociale, Lajçak thotë se gjatë javës që lamë pas ka zhvilluar takime me ambasadorë të NATO-s dhe të BE ku bën me dije se iu ka raportuar rreth situatës në Veri.

“Në fillim të kësaj jave, i informova kolegët e mi në Bruksel për vizitën time të fundit të përbashkët në rajon, situatën aktuale dhe rrugën përpara. Gjatë vizitës sime në selinë e NATO-s, u takova edhe me Zëvendës Sekretarin e Përgjithshëm të NATO-s Mircea Geoana për të diskutuar situatën në veri të Kosovës. Të dy ramë dakord se duhet të ndërmerren hapa të menjëhershëm për de-përshkallëzimin. Më tej theksova këtë pikë teksa iu drejtova ambasadorëve të NATO-s dhe BE-së. Do të shkoj në Uashington DC më pas me ftesë të partnerëve të mi amerikanë. Ne do të kemi diskutime intensive për rrugën përpara dhe hapat e ardhshëm të menjëhershëm”, bën më dije Lajçak.

The post Pas takimeve me ambasadorët e NATO dhe BE, Lajçak do të vizitojë SHBA appeared first on Albeu.com.