Laboratori i drogës në Fier Archives - Albeu.com

Laboratori i drogës në Fier, banorët e admironin Çervanakun, gazetarja: Është shfaqur i qetë para autoriteteve

E S — Fri, 02 Dec 2022 09:44:16 +0000

Viktor Çervanaku, ish-kryekomunari i Frakullës në Fier, admirohej nga banorët e zonës.

Ai njihej si bamirës dhe nuk mendohej se mund të kishte lidhje me trafik të drogës, ndërkohë që në banesën e tij policia zbuloi disa ditë më parë rreth 430 kg kokainë e fshehur mes plehut kimik.

Gazetarja Dorjana Bezat ka bërë me dije se autoritetet kanë parë një lloj qetësie nga ana e tij lidhur me përfundimin që do nxjerrin hetimet.

“Më ka bërë përshtypje komunikimi me banorët. Të gjithë kishin një admirim për Çervanakun se e njihnin si bamirës, jo si një person që ka shkelur ligjin duke kultivuar dhe shitur lëndë narkotike. Askush nuk e prekte banesën e tij, Sa i përket autoriteteve, vërehet një qetësi e tij. Ai sigurohet që analizat të dalin vetëm mbetje plehu. Një qetësi, një rehati jo vetëm e Çervanakut, por edhe vëllait të tij. Ngre dyshime se nuk ka qenë rasti i parë që ky grup kishte kultivuar lëndë narkotike”, ka thënë gazetarja Bezat.

The post Laboratori i drogës në Fier, banorët e admironin Çervanakun, gazetarja: Është shfaqur i qetë para autoriteteve appeared first on Albeu.com.

Laboratori i drogës në Fier, gjykata lë në burg 10 të arrestuarit

E B — Sat, 26 Nov 2022 10:46:48 +0000

10 të arrestuarit për laboratorin e drogës në Fier, janë lënë në burg nga gjykata.

Ata akuzohen për përfshirjen e tyre në laboratorin e drogës me kokainë, i cili u gjet mbrëmë në kuadër të megaoperacionit ku morën pjesë DEA, SPAK dhe policia malazeze.

Të arrestuarit janë Viktor Cervanaku, Zenel Cervanaku, Denilson Cervanaku, Enxhi Ferhati, Nikolin Gjolena, Klajdi Vrioni (Kodra), Julian Malaj, Redion Meshi, Bledar Matoshi, Marildo Rona.

Kujtojmë se operacioni u zhvillua dy ditë më parë, ku morën pjesë DEA, SPAK dhe policia malazeze duke bërë të mundur kapjen e 430 kg kokaine të fshehur në 400 kliogram pleh kimik në Tivar, ndërkohë që u zbulua dhe laboratori që përdorej për përpunimin e kokainës në Frakull të Fierit.

The post Laboratori i drogës në Fier, gjykata lë në burg 10 të arrestuarit appeared first on Albeu.com.

Laboratori i drogës në Fier, dalin pamjet e megaoperacionit: Si u kapën 430 kg kokainë në pleh kimik (VIDEO)

E B — Fri, 25 Nov 2022 13:06:54 +0000

Kanë dalë pamjet e operacionit të zhvilluar në Frakull të Fierit, ku u kapën 430 kg kokainë, që ishte fshehur në pleh kimik.

Strukturat e Drejtorisë së Përgjithshme të Policisë së Shtetit kanë përfunduar me sukses dhe në konspiracion të plotë, hetimet në kuadër të një procedimi penal, për një grup të strukturuar kriminal në fushën e trafikimit të drogave të forta (kokainë), me angazhimin e një numri të konsiderueshëm të oficerëve të policisë gjyqësore dhe të agjentëve gjyqësorë dhe kanë ekzekutuar deri më tani, për 10 shtetas, masën e sigurisë “Arrest në burg”, për veprën penale “Trafikimi i lëndëve narkotike”, kryer në formën e grupit të strukturuar kriminal.

Gjithashtu, strukturat e Policisë kanë kryer kontrollin e 14 ambienteve, në qytete të ndryshme (Tiranë, Lushnjë dhe Fier), dhe si rezultat, janë sekuestruar: 6 armë zjarri, 2 armë gjahu, municion luftarak, rreth 16 000 euro dhe 20 paleta me rreth 24 ton “pleh artificial”, brenda të cilit, ekzistojnë dyshime të arsyeshme, të bazuara në prova se gjendet një sasi prej rreth 430 kg lëndë narkotike kokainë, vlera e së cilës, referuar shitjes në tregun me pakicë, kap shifrën rreth 40 milionë euro.

Drejtori i Përgjithshëm i Policisë së Shtetit Drejtues Madhor Muhamet Rrumbullaku nëpërmjet një mesazhi, ka falënderuar të gjithë trupën policore të angazhuar për finalizimin me sukses të këtij megaoperacioni. Ky megaoperacion tregoi integritetin dhe profesionalizmin e strukturave policore, në luftën pa kompromis ndaj fenomeneve kriminale./albeu,com

The post Laboratori i drogës në Fier, dalin pamjet e megaoperacionit: Si u kapën 430 kg kokainë në pleh kimik (VIDEO) appeared first on Albeu.com.