Liridon Latifi po përjeton një fillim të shkëlqyer në futbollin kazak, ku aventura e tij e re ka nisur në mënyrën më premtuese.

Vendimi i sulmuesit shqiptar për t’iu bashkuar Kyzylzharit kishte befasuar shumëkënd, por 32-vjeçari nuk ka vonuar të tregojë vlerat e tij në fushën e lojës.

Gjatë katër ndeshjeve të para me ekipin e ri, Latifi ka shënuar dy herë, duke u kthyer menjëherë në një prej futbollistëve më të rëndësishëm të skuadrës dhe duke siguruar besimin e trajnerit.

Performancat e tij janë pritur pozitivisht edhe nga tifozët e Kyzylzharit, të cilët shpresojnë që shqiptari ta ruajë këtë ritëm edhe në vazhdim të sezonit.

Kontrata e Latifit me klubin kazak skadon në dhjetor të këtij viti, por nëse ai vijon të paraqitet në këtë nivel, zgjatja e marrëveshjes duket një mundësi e konsiderueshme.

Përvoja dhe cilësitë e tij e bëjnë Latifin një kandidat për të luajtur rol vendimtar në synimet e Kyzylzharit gjatë këtij sezoni.

The post Liridon Latifi nis me dy gola aventurën e tij në Kazakistan appeared first on Albeu.com.