Sipas renditjes së Football Benchmark, talenti i Barcelonës është futbollisti më i vlefshëm në botë, me një vlerë të vlerësuar prej 286.8 milionë eurosh (rreth 338 milionë dollarë). Mosha e tij vetëm 18 vjeç dhe performancat e tij aktuale kontribuojnë në pozicionin e tij. Pavarësisht moshës së re, Jamal tashmë mban fanellën me numër 10 për Barcelonën, është titullar për ekipin kombëtar spanjoll dhe përfundoi i dyti në Topin e Artë 2025.

Në vendin e dytë është Mbape, me vlerë 232.2 milionë euro (afërsisht 274 milionë dollarë).

Top 10-shja nuk përfshin lojtarë nga kampionët në fuqi të Europës, PSG. As fituesi i Topit të Artë, Ousmane Dembele, nuk është i pranishëm.

1 Lamine Jamal – 286.8 milion €

2 Kylian Mbappe- 232.2 milion €

3 Erling Haland – 231.0 milion €

4 Xhud Bellingam – 199.0 milion €

5 Bukajo Saka – 156.5 milion €

6 Florian Virc – 154.5 milion €

7 Pedri – 154.5 milion €

8 Majkëll Olize 154.5 milion €

9 Vinicius Zhunior – 149,0 milion €

10 Jamal Musiala – 137,0 milion €

The post Lamine Jamal lojtari më i vlefshëm, Mbape renditet i dyti dhe Dembele ngel jashtë 10-shes më të mirë appeared first on Albeu.com.

Në të njëjtin nivel me ta qëndron edhe një emër i papritur, Klaemint Olsen i skuadrës NSÍ Runavík nga Ishujt Faroe.

Megjithatë, lideri aktual i renditjes është një tjetër dhe vjen nga një kampionat krejtësisht jashtë qendrës së vëmendjes.

Darko Lemajić, sulmues serb i klubit FC RFS në Letoni, ka shënuar plot 28 gola, duke grumbulluar më shumë se dyfishin e pikëve të yjeve si Haaland dhe Mbappé. Me këtë ritëm, ai është në rrugë të mirë për të befasuar Europën dhe për të fituar trofeun prestigjioz.

Karriera e Lemajić, ka kaluar nëpër klube modeste si Indija, Napredak Krusevac, Riga, RFS dhe një eksperiencë të shkurtër me Gent në Belgjikë. Pavarësisht profilit të ulët, 30-vjeçari po shpërthen këtë sezon në mënyrë spektakolare.

Sipas rregullave të “Këpucës së Artë”, golat në pesë ligat më të forta të Europës (Spanjë, Angli, Gjermani, Itali dhe Francë) shumëzohen me koeficientin 2, ndërsa ata të ligave nga vendi i 6-të deri në të 21-tin me 1.5. Të gjitha ligat e tjera, përfshirë atë letoneze, kanë koeficient 1.

Kjo do të thotë se, edhe pse Lemajić ka shënuar më shumë gola se kushdo tjetër në kontinent, për ta ruajtur epërsinë ndaj “gjigantëve” si Haaland dhe Mbappé, ai duhet të vazhdojë të shënojë me të njëjtin ritëm deri në fund të sezonit.

The post Gara për “Këpucën e Artë”, një emër i panjohur lë pas Mbappe dhe Haaland appeared first on Albeu.com.

Trajneri Xabi Alonso, pas ndeshjes, foli për mungesën e përpjekjes kolektive në mbrojtje, pa përmendur drejtpërdrejt as Vinicius Juniorin dhe as Mbappen. Problemet që Carlo Ancelotti kishte tentuar të zgjidhte më parë, janë kthyer sërish në vëmendje.

Sipas “Marca”, hierarkia e klubit është e vetëdijshme për çështjet e brendshme dhe ka siguruar Alonson se do ta mbështesë plotësisht në zgjidhjen e tyre, sidomos për menaxhimin e egove dhe disiplinës taktike.

Vëmendja kryesore është përqendruar te Vinicius Junior, forma e të cilit është në rënie, ndërsa rinovimi i kontratës ende nuk është finalizuar. Klubi dëshiron të kuptojë më qartë qëndrimin e tij dhe nivelin e përkushtimit.

Nga ana tjetër, Mbappe nuk ka bindur me angazhimin e tij pa top, duke sjellë shqetësim për trajnerin dhe stafin. Alonso e ka bërë të qartë se të gjithë lojtarët duhet të kontribuojnë në mbrojtje pa përjashtim.

Ndërkohë, Rodrygo Goes duket se është pranë largimit. Ai ka qëndruar pesë ndeshje radhazi në stol dhe klubi ka vendosur të kërkojë mundësi për shitjen e tij gjatë kësaj vere.

Këto zhvillime vijnë në një moment kritik për Real Madridin, i cili synon të rindërtojë skuadrën dhe të rikthejë balancën kolektive para fillimit të sezonit të ri në La Liga.

The post Real Madridi do të ndëshkojë Mbappen dhe Viniciusin pas humbjes turpëruese nga PSG appeared first on Albeu.com.

Sulmuesi francez iu bashkua ekipit pas angazhimit me përfaqësuesen në Ligën e Kombeve, por u detyrua të ndalojë aktivitetin për shkak të dhimbjeve të forta të stomakut që e penguan të stërvitej dhe të merrte pjesë në ndeshjet ndaj Al Hilal dhe Pachuca.

Sipas raporteve zyrtare nga klubi, Mbappé është diagnostikuar me gastroenterit akut – një inflamacion i stomakut dhe zorrëve që shoqërohet me të vjella, diarre dhe dhimbje të forta barku.

Futbollisti është izoluar në dhomën e tij të hotelit për disa ditë, duke ndjekur një regjim të rreptë ushqimor të përbërë vetëm nga fruta dhe lëngje, ndërkohë që nuk ka marrë pjesë në stërvitjet kolektive.

Gjendja e tij shëndetësore është vlerësuar si serioze nga stafi mjekësor i klubit, sidomos për shkak të humbjes së shpejtë në peshë – mes katër dhe pesë kilogramë brenda pak ditësh – çka ka shkaktuar shqetësim të madh te Real Madridi.

Aktualisht, ylli francez ka filluar të bëjë ushtrime të lehta në palestër, por mbetet ende e paqartë se kur do të rikthehet në formën e duhur fizike për të qenë në dispozicion të trajnerit Xabi Alonso.

Real Madridi do të përballet të enjten në mbrëmje me Salzburgun në raundin e tretë të fazës së grupeve të Kupës së Botës për Klube, dhe mbetet të shihet nëse Mbappé do të jetë në gjendje të kontribuojë në këtë ndeshje apo do ta humbasë të gjithë turneun.

The post Mbappe po shërohet nga sëmundja, po ka humbur shumë kilogramë brenda pak ditësh appeared first on Albeu.com.

Francezi realizoi 31 gola në La Liga dhe 42 në të gjitha garat, duke vendosur një rekord të ri për një lojtar debutues te Real Madridi.

Edhe pse Gyokeres shënoi 39 gola në ligën portugeze, ai nuk e mposhti Mbappen për shkak të sistemit të pikëzimit të UEFA-s, i cili favorizon golat e shënuar në ligat më të forta si La Liga.

Çdo gol në Spanjë vlen dy pikë, ndërsa në Portugali 1.5 pikë.

Mbappe grumbulloi 62 pikë, ndërsa Gyokeres 58.5, diferencë kjo që ia dha francezit trofeun prestigjioz. Kjo është një shembull tipik se si koeficientët e ligave ndikojnë drejtpërdrejt në garën për Këpucën e Artë.

Francezi pati një fillim të ngadalshëm te Reali, duke mos shënuar në tri ndeshjet e para dhe duke u përballur me një dëmtim muskulor në shtator. Megjithatë, ai shpërtheu në gjysmën e dytë të sezonit me gola vendimtarë në garat kryesore.

Mbappe shënoi tregolësh ndaj Barcelonës dhe Manchester Cityt, dhe në total, 29 nga golat e tij erdhën në vitin 2025, duke dëshmuar formën mbresëlënëse në pjesën më të rëndësishme të sezonit.

Në një konferencë për shtyp, Mbappe pranoi vështirësitë fillestare dhe theksoi përkushtimin ndaj klubit të ri: “Nuk erdha në Madrid për të luajtur keq. Mendova shumë dhe kur mendon shumë, nuk luan mirë. Tani po mendoj vetëm të jap më të mirën time”.

The post Pse Kylian Mbappe fitoi Këpucën e Artë edhe pse Gyokeres shënoi më shumë gola appeared first on Albeu.com.

Gjendja e tij shëndetësore është përkeqësuar që nga dita e hënë, kur filloi të ndjejë shqetësime menjëherë pas stërvitjes, vetëm 48 orë para përballjes ndaj Al Hilal.

Mbappé, i cili është i izoluar në një dhomë hoteli që nga data 16 qershor, ka marrë vetëm ujë dhe fruta, pa qenë në gjendje të ushtrojë apo të shoqërohet me pjesën tjetër të ekipit.

Ai nuk ishte as në stadium për të parë ndeshjen kundër Al Hilal, të cilën Real Madridi e mbylli me barazim 1-1.

Pasi nuk pati përmirësim të ndjeshëm, klubi madrilen vendosi ta dërgojë 26-vjeçarin në një qendër spitalore për trajtim të specializuar dhe vëzhgim të afërt mjekësor.

Në këtë fazë të rikuperimit, ai është përjashtuar plotësisht nga përballja e ardhshme në Grupin G ndaj Pachucas.

Kushtet klimatike në SHBA – temperatura të larta dhe lagështi e madhe – vështirësojnë edhe më shumë rikthimin e shpejtë të sulmuesit francez.

Megjithatë, Mbappé tashmë ka pasur një sezon debutues mbresëlënës me fanellën e Real Madridit, duke realizuar 43 gola dhe pesë asistime në 56 paraqitje. Ai pritet të rikthehet sapo të marrë dritën jeshile nga stafi mjekësor.

Parte médico de Mbappé.

— Real Madrid C.F. (@realmadrid) June 19, 2025

The post Kylian Mbappe përfundon në spital në SHBA dhe do të mungojë ndaj Pachucas, nuk dihet kur rikthehet appeared first on Albeu.com.

Sulmuesi i Real Madridit ka shënuar 42 gola në të gjitha kompeticionet, duke konfirmuar edhe njëherë statusin e tij si një nga lojtarët më të mirë në kontinentin e vjetër, duke mposhtur Mohamed Salahun që sot ia doli të shënonte për Liverpoolin, por ishte tri gola larg francezit.

Ky është një tjetër sukses i madh individual për Mbappen, i cili tashmë ka në koleksionin e tij:

Këpuca e Artë në Ligën e Kampionëve

Golashënuesi më i mirë në La Liga

Pas transferimit të shumëpritur te Real Madrid, Mbappe ka shpërblyer menjëherë besimin e klubit dhe tifozëve me paraqitje të jashtëzakonshme dhe efikasitet para portës.

Me këtë trofe, Mbappe jo vetëm që shton lavdinë personale, por edhe forcon pozitën e tij si një ikonë globale e futbollit modern. Ai është tashmë një nga të paktët lojtarë në histori që kanë fituar të gjitha Këpucët e Arta më të rëndësishme në nivel klubesh dhe ndërkombëtar.

The post Dështon Salah, Kylian Mbappe fiton zyrtarisht Këpucën e Artë Evropiane për 2024/25 appeared first on Albeu.com.

Ronaldo shënoi dy herë në fitoren e Al Nassr në Ligën Saudite Pro në fundjavë për t’u ngjitur në krye të listave të golashënuesve të divizionit, por kjo nuk mjaftoi për t’i bërë përshtypje djalit të tij 5-vjeçar, Mateos.

Në intervistën për gazetën spanjolle La Sexta, Ronaldo pranoi se kapiteni i Francës e ka tejkaluar atë në sytë e djalit të tij.

“Mateo, atij i pëlqen shumë Mbappe-ja”, tha Ronaldo.

Duke shtuar: “Ai ndonjëherë më thotë: ‘Hej babi, Mbappe-ja është më i mirë se ti’, dhe unë i përgjigjem duke thënë: “Jo, unë jam më i mirë se ai, kam shënuar më shumë gola”.

Kujtojmë se, super ylli portugez ishte idol i Kylian Mbappe.

The post Cristiano Ronaldo: Djali im më thotë se Mbappe është më i mirë se unë appeared first on Albeu.com.

Bëhet fjalë për Kylian Mbappé, i kërkuar shumë nga Florentino Perez në radhët e Blancos, në atë që ishte transferimi i vitit.
Francezi, i cili prej kohësh është protagonist në gazeta edhe për arsye jashtë fushës, ngre pretendimet e tij dhe bën premtime të mëdha për 2025: “Askush nuk do të pendohet për blerjen time”.

“Dua të fitoj tituj në vitin 2025”, ka përfunduar Mbappe, i cili vetëm pak ditë më parë ngriti Kupën Intercontinentale kundër Pachuca-s, trofeun e tij të parë me spanjollët.

Këtë sezon, 26-vjeçari ka shënuar 13 gola në 23 ndeshje duke dhënë dhe 3 asistime për Real Madridin.

The post Kylian Mbappé: Askush nuk do të pendohet për blerjen time appeared first on Albeu.com.

Sulmuesi francez u largua me pushime pas prezantimit të tij madhështor si një futbollist i ri i Realit përpara një Santiago Bernabeu të stërmbushur.

Tanimë është mësuar se Mbappe do të filloj stërvitjet me Realin më 7 gusht, dhe nuk do të luaj në El Clasicon në SHBA më 3 gusht.

Kjo do të thotë se Mbappe mund të përfundojë të humbasë të gjitha ndeshjet parasezonale për shkak të nevojës së tij për të fituar mprehtësinë e ndeshjes.

Francezi ka të ngjarë të shikojë ndeshjen e Superkupës së UEFA-s kundër Atalantës më 14 gusht, si data për të bërë debutimin e tij në Real Madrid.

Mbappe duhet patjetër të jetë plotësisht gati për ndeshjen hapëse të La Ligas 2024/25 kundër Mallorca më 18 gusht dhe do të jetë i etur për të luajtur që nga fillimi. /Telegrafi/

The post Mësohet data se kur Mbappe do t’i bashkohet Realit në stërvitje appeared first on Albeu.com.