Takimi ka ardhur pas kërkesës së vetë të riut, të shndërruar në adoleshentin më të përfolur në SHBA javët e fundit.

“Më telefonoi dhe donte të dinte nëse mund të vinte. Ishte një djalë vërtet i këndshëm. Erdhi bashkë me të ëmën”, tha Trump.

Trump tha se Rittenhouse nuk duhet të ishte gjykuar kurrë për ngjarjen, pasi ishte e qartë që kishte vepruar për vetëmbrojtje.

“Dërgimi i çështjes në gjyq ishte shkelje nga ana e prokurorit. Do të kishte vdekur po të mos vepronte”, u shpreh Trump.

Rittenhouse u shpall i pafajshëm për vrasjen e dy personave dhe plagosjen e një të treti, gjatë trazirave në Kenosha, Usikonsin, vitin e kaluar, pasi juria vendosi se ai kishte vepruar për vetëmbrojtje.

Gjyqi shkaktoi reagime të shumta, pasi incidenti tragjik ndodhi gjatë një proteste të organizuar nga mbështetës të lëvizjes Black Lives Matter./albeu.com/

The post Vrau dy persona, Donald Trump pret në shtëpi të riun: Ishte i këndshëm appeared first on Albeu.com.

Gjatë grumbullimit ku morën pjesë rreth 200 persona, protestuesit filluan të thyejnë xhama, të godisnin policët me objekte të ndryshme dhe të flisnin për djegien e mundshme të Qendrës së Drejtësisë, njoftoi një televizion lokal.

Protestuesit dolën në rrugë pas lirimit të 18 vjeçarit Kyle Rittenhouse, i cili kishte deklaruar se po vetëmbrohej kur qëlloi me armë gjatë trazirave në Kenosha, të Uiskonsit.

Ai ishte akuzuar për vrasje, tentativë vrasjeje dhe rrezikim të sigurisë për vrasjen e dy personave dhe plagosjen e një të treti me një armë gjysmë automatike të stilit AR./REL

The post Degradon në dhunë protesta në Oregon, pas vendimit për Kyle Rittenhouse appeared first on Albeu.com.

Kyle Rittenhouse, 18 vjeç, vrau burrat dhe plagosi një të tretë në rrugët e Kenosha, Ëisconsin, më 25 gusht 2020.

Rittenhouse qëlloi për vdekje Joseph Rosenbaum, 36, dhe Anthony Huber, 26, dhe më pas plagosi 27-vjeçarin Gaige Grosskreutz.

Gjatë gjykimit të profilit të lartë dhe përçarës politik, mbrojtja e tij tha se kishte frikë për jetën ndaj qëlloi. Prokurorët argumentuan se ai po kërkonte telashe atë natë.

Ai u përball me pesë akuza, duke përfshirë vrasje me dashje, e cila dënohet me burgim të përjetshëm.

Fati i tij u vendos nga një juri prej 12 personash e përbërë nga shtatë gra dhe pesë burra, të cilët kishin kaluar më shumë se tre ditë duke diskutuar.

Adoleshenti qëndroi me avokatin e tij për të dëgjuar vendimin, më pas filloi të dridhej dhe të qante dhe gati u rrëzua teksa dëgjoi fjalët “jo fajtor” të lexuara pesë herë.

Dy netë para se të shfaqej në Kenosha vitin e kaluar, trazirat kishin shpërthyer në rrugët e saj pasi policia qëlloi Jacob Blake, një burrë me ngjyrë, duke e lënë të paralizuar.

Rittenhouse, 17 vjeç atëherë, kishte udhëtuar në qytet nga shtëpia e tij në Illinois. I armatosur me një pushkë gjysmë automatike, ai tha se kërkonte të ndihmonte në mbrojtjen e pronës nga trazirat.

Rasti është bërë një pikë e ndezur në debatin shumë të polarizuar mbi të drejtat e armëve në SHBA.

Rittenhouse përkrahet si hero nga ata që thonë se ai u përpoq të ruante paqen në protesta ndonjëherë të dhunshme.

Të tjerët u tmerruan nga ajo që ata panë, një adoleshent i armatosur në një mjedis të paqëndrueshëm.

Avokati mbrojtës i zotit Rittenhouse, Mark Richards, tha se klienti i tij “do të dëshironte që asnjë nga këto të mos kishte ndodhur ndonjëherë” dhe thjesht donte të vazhdonte me jetën e tij./albeu.com

The post Qëlloi dy persona për vdekje dhe plagosi një të tretë, adoleshenti amerikan shpallet i pafajshëm appeared first on Albeu.com.