Një nga këto objekte i përket kuzhinës… sfungjeri që përdorim për të larë enët. Hulumtimet shkencore kanë zbuluar se është një nga sendet më të kontaminuara në shtëpi. Çuditërisht, në një gjendje të lagësht, sfungjerët rritin baktere të reja çdo 20 minuta. Pra, larja e tyre në ujë të nxehtë nuk arrin shumë dhe nëse nuk i dezinfektoni apo zëvendësoni rregullisht, sa herë që lani enët, thjesht po transferoni bakteret në enët tuaja pa i pastruar ato.

Ekspertët rekomandojnë ndërrimin e sfungjerëve të kuzhinës një herë në javë, veçanërisht nëse nuk keni pjatalarëse dhe lani enët me dorë. Gjithsesi, mos harroni ta lani mirë me ujë menjëherë pas përdorimit – në mënyrë që të mos mbetet mbetje në të – dhe gjithashtu ta kulloni që të thahet më shpejt.

The post Ky është objekti në shtëpinë tuaj që duhet ta ndërroni çdo javë appeared first on Albeu.com.

Ka vende dhe objekte të ndryshme që, pa e ditur, janë vatra mikrobesh dhe janë edhe më të pista se sendet e tualetit.

Shikoni tre prej tyre më poshtë…

1. Lavaman

Koliformet u gjetën në 44% të kuzhinave, ndërsa e afërta e tyre Escherichia coli në 15% – kryesisht në mostrat që studiuesit mblodhën brenda ose rreth lavamanit të kuzhinës. Siç shpjegojnë ekspertët, sipërfaqet e lagura të kuzhinës janë gjithashtu më të rrezikshmet, pasi lagështia është një faktor që lehtëson rritjen dhe përhapjen e mikrobeve.

2. Dërrasa prerëse

Dërrasat prerëse vijnë në kontakt me shumë ushqime të ndryshme, kështu që është e rëndësishme t’i lani ato shpesh dhe siç duhet – në mënyrë ideale pas kontaktit me çdo ushqim të ndryshëm, por veçanërisht pas prerjes së perimeve të palara ose mishit të papërpunuar. Rreth një në katër (23%) e dërrasave prerëse që studiuesit ekzaminuan ishin të ndotura, ndërsa shumë të tjera (76%) ishin tepër të konsumuara, me gërvishtje të thella dhe të çara në sipërfaqen e tyre, vende ku bakteret mund të fshihen lehtësisht.

3. Peshqir & sfungjer

Në një studim, rreth 45% e shtëpive kishin të paktën një patogjen ushqimor dhe, krahasuar me zonat e tjera të kuzhinës, sfungjerët e enëve mbanin ngarkesën më të lartë mikrobike – 64% e atyre të studiuara ishin të kontaminuara me baktere. “Sfungjerët janë një rezervuar bakteresh”, thotë një ekspert. “Por më e keqja është se nëse mbi sfungjerët apo peshqirët e kuzhinës ka baktere stafilokoku apo baktere koliforme, ka mundësi që ato të jenë të pranishme edhe në pjesë të tjera të kuzhinës. Nëse sfungjerët dhe peshqirët i përdorim për të pastruar banakun apo vende të tjera, atëherë bakteret do të përhapen”, shton profesori. /albeu.com

The post Këto janë tre objektet më të ndotura në kuzhinë appeared first on Albeu.com.

Një prej tyre është zbardhuesi i rrobave, i njohur për efektin e tij të menjëhershëm mbi veshje. Ky produkt përdoret gjerësisht, por shpeshherë në mënyrë të gabuar duke rrezikuar seriozisht shëndetin.

Përdorimi i tij në kuzhinë ka tërhequr vëmendjen e Occupational Safety and Health Administration duke ndaluar kategorikisht përdorimin e tij në ambiente specifike, siç është p.sh kuzhina.

Zakonisht zbardhuesin e përdorim të hequr mykun, njollat në dysheme dhe pllakat e banakut, por ky produkt është një ndër më të rrezikshmit pasi ka efekte gërryese dhe krijon irritim për sytë, lëkurën dhe traktin e frymëmarrjes. Por nuk mjafton me kaq, zbardhuesi dëmton mushkëritë dhe ekzofagun duke sjellë kancer të tyre.

Edhe kur e holloni në ujë, efekti i tij gërryes është i fuqishëm aq sa të shkaktojë djegie dhe acarim. Zbardhuesi bëhet dyfish i rrezikshëm kur kombinohet me uthull molle, lëng limoni dhe produkte të tjera me përmbajtje acide duke sjellë vapë toksike të emetuar në ajër që mund të rezultojë fatale në disa raste.

The post Mos e pastroni kurrë kuzhinën me këtë detergjent, mund të shkaktojë kancer të mushkërive appeared first on Albeu.com.

The post Si t’i bëni enët e kuzhinës të shkëlqejnë me 4 përbërës natyralë (VIDEO) appeared first on Albeu.com.

“Salmonella dhe bakteret e tjera rriten dhe mbijetojnë më mirë në sfungjer sesa në furça, arsyeja është se sfungjerët në përdorim të përditshëm nuk thahen kurrë”, tha Trond Møretrø, një shkencëtar kërkimor në Nofima, një institut norvegjez i kërkimit ushqimor.
“Një sfungjer i vetëm mund të strehojë një numër më të madh bakteresh sesa ka njerëz në Tokë,” tha autori i një studimi të ri, i cili u botua në Journal of Applied Microbiology.

Ndërsa shumë baktere nuk janë të dëmshme, ato që janë si salmonela mund të përhapen nga sfungjerët te duart, sipërfaqet e kuzhinës dhe pajisjet dhe potencialisht t’i sëmurin njerëzit, tha ai.
“Sfungjeri është i lagësht dhe grumbullon mbetje ushqimore të cilat janë gjithashtu ushqim për bakteret, duke çuar në rritjen e shpejtë të baktereve”.

Ajo që i habiti më shumë studiuesit në lidhje me gjetjet e tyre ishte se nuk kishte shumë rëndësi se si njerëzit pastronin sfungjerin e tyre apo sa shpesh. “Mënyra se si konsumatorët i përdornin sfungjerët e tyre nuk kishte shumë rëndësi për sa i përket rritjes së baktereve. Është shumë e vështirë për konsumatorët të shmangin rritjen e baktereve në sfungjer për sa kohë që sfungjerët nuk zëvendësohen çdo ditë,” tha Møretrø.
Hulumtimi mbi sfungjerët dhe furçat e përdorura bazohet në një studim të bazuar në laborator të publikuar vitin e kaluar nga i njëjti ekip studiuesish, i cili zbuloi se bakteret e dëmshme mbijetojnë më mirë në sfungjer sesa në furça.

Studiuesit mblodhën sfungjerë kuzhine nga 20 njerëz që jetonin në Portugali dhe 35 furça dhe 14 sfungjerë nga njerëzit që jetonin në Norvegji.
Një studim i mëparshëm me 9,966 njerëz nga ekipi hulumtues zbuloi se sfungjerët përdoreshin zakonisht për pastrim në kuzhina në shumicën e 10 vendeve evropiane, me furçat mjetet dominuese të pastrimit për larjen në vetëm dy vende Norvegjinë dhe Danimarkën.
Nga furçat e mbledhura në Norvegji, 32 nga 35 përdoreshin pesë deri në gjashtë herë në javë ose më shumë. Sfungjerët e mbledhur në Norvegji përdoreshin më rrallë.

Kur studiuesit shtuan bakteret e salmonelës në furça dhe sfungjer, ata gjetën një reduktim të ndjeshëm në numrin e salmonelës në furçat që mund të thaheshin gjatë natës. Por nuk kishte asnjë ulje për furçat e ruajtura në një qese plastike ose për sfungjerët pavarësisht nga kushtet e ruajtjes.

Markus Egert, një mikrobiolog në Universitetin Furtwangen në Gjermani, i cili ka kryer kërkime të ngjashme, tha se ai përdorte tashmë furça për të larë enët e tij, të cilat i pastronte në pjatalarëse. Nëse njerëzit preferonin një sfungjer, Egert, i cili nuk ishte i përfshirë në këtë studim, rekomandoi përdorimin e një sfungjeri të ri çdo dy deri në tre javë.

“Furçat janë zgjidhja më e mirë për të pastruar enët, nga pikëpamja higjienike. Kjo mund të ishte parashikuar më parë, por autorët e vërtetojnë këtë me disa eksperimente të bukura.”

The post Sfungjeri nuk është mënyra më higjienike për të pastruar enët, por ka një alternativë appeared first on Albeu.com.

1. Përbërësit kushtojnë: Në këto restorante, ushqimi është një eksperiencë dhe kësisoj pjatat përmbajnë përbërës të shumëllojshëm dhe shumë prej tyre nuk gjenden rëndom te tregu i fruta-perimeve afër shtëpisë. Mendoni që as 500 gramë bërxollë wagyu (lloj japonez i mishit të viçit) mund të kushtojë 200 dollarë. 1 kilogram haviar mund të shkojë deri në 10,000 dollarë. Tartufi i bardhë 7,500 dollarë. Pra, afërmendsh që çmimet do të jenë të larta dhe porcionet e vogla.

2. Thjesht më elegante: Ok, shumë e qartë. Për shefat, ushqimi duhet të kënaqë syrin, pastaj stomakun. Qëndron për ata, nuk e dimë për ju.

3. Duhet që të mos ngopesh direkt: Nëpër vende të tjera, njerëzit konsumojnë zakonisht tri pjata: antipastë, pjata kryesore dhe ëmbëlsira. Në restorantet fine-dining mund të ndodhë që njerëzit të konsumojnë edhe shumë pjata: finger food (ushqim që konsumohet me gishta), antipastë, supë, sallatë, pjata e parë kryesore, diçka që ju përgatit për pjatën e radhës, pjata e dytë kryesore, djathë, ëmbëlsirë dhe pije. Kështu restorantet zvogëlojnë porcionet në mënyrë që të shijoni të gjitha ushqimet.

4. Shefija i/e kuzhinës bën art: Le ta pranojmë, një pjatë e mbushur plot e përplot nuk ngjan kurrë bukur. (Na fal spaghetti me ragù alla bolognese, nuk e kemi me ty. Ti dukesh mirë gjithmonë).

5. Duken cilësi premium: Me fjalë të tjera, çdo gjë që është në sasi të limituar, nga veshjet te ushqimi, e shohim ndryshe. Taktikë e bukur. Faleminderit që luani me psikologjinë tonë.

6. Kafshatat: Kafshatat e para në një ushqim shijojnë gjithmonë më shumë dhe teksa hani, sensorët e shijes bëhen më pak të ndjeshëm. Duke e ditur mirë këtë, kuzhinierët përqendrohen në cilësinë e pjatës.

Pra, herë tjetër mos thoni më me vete, “Kaq pak?”.

The post Kaq pak?! Arsyet pse restorantet e shërbejnë ushqimin në porcione të vogla appeared first on Albeu.com.