Pas vendimit të Gjykatës Speciale në Hagë ndaj drejtuesve të UÇK-së, deputeti i LDK-së, Arben Gashi, ka reaguar duke risjellë në vëmendje një kërkesë të mëhershme.

Ai tha se kishte kërkuar nga Kuvendi i Kosovës që t’ia ndalonte Gjykatës Speciale përdorimin e dokumenteve të prodhuara nga Serbia.

“Kam folur kur ishte koha. Shihni çfarë kam thënë më 1 gusht 2025. Kaq”, shkroi Gashi në Facebook.

The post Arben Gashi kujton kërkesën e tij që Speciales t’i ndalohej përdorimi i dokumenteve serbe appeared first on Albeu.com.

Peleshi deklaroi se Kuvendi qëndron kundër çdo përpjekjeje, për të relativizuar krimet e regjimit të Slobodan Millosheviçit.

Sipas deklaratës, e vërteta historike për luftën në Kosovë mbetet e palëkundur.

Kuvendi angazhohet gjithashtu, për drejtësi për viktimat e luftës dhe zbardhjen e krimeve të kryera ndaj popullit shqiptar në Kosovë.

Në këtë kuadër, është kërkuar edhe koordinimi i veprimeve me Kuvendin e Kosovës dhe adresimi i shqetësimeve përmes rrugëve institucionale.

Kryetari i parlamentit Niko Peleshi: Kuvendi i Shqipërisë qëndron kundër përpjekjeve për të relativizuar krimet e Millosheviçit. E vërteta historike mbetet e palëkundur: UÇK luftoi për lirinë dhe pavarësinë e Kosovës. Kuvendi i Shqipërisë beson në pafajësinë e krerëve të UÇK-së.

Kuvendi i Shqipërisë angazhohet që të kërkojë drejtësi për viktimat e luftës në Kosovë, që të zbardhen krimet e luftës në Kosovë kundër popullit shqiptar, të koordinojmë veprimet me Kuvendin e Kosovës që të çojmë shqetësimet në rrugë institucionale.

Kuvendi i Shqipërisë shpreh indinjatën e thellë dhe mosdakordësinë e plotë me një vendim që e konsideron thellësisht të padrejtë ndaj Hashim Thaçit, Kadri Veselit, Rexhep Selimit dhe Jakup Krasniqit.

Kuvendi i Shqipërisë rithekson një të vërtetë historike që nuk mund të relativizohet: lufta e Ushtrisë Çlirimtare të Kosovës ishte luftë për lirinë dhe çlirimin e Kosovës. Ishte lufta e një populli për t’i dhënë fund represionit, dhunës dhe përndjekjes dhe për të fituar të drejtën për të jetuar të lirë në vendin e vet. Ajo lindi si përgjigje ndaj represionit sistematik, dhunës, spastrimit etnik dhe genocidit të kryer nga regjimi i Slobodan Milosheviçit. Pa luftën dhe sakrificën e Ushtrisë Çlirimtare të Kosovës kundër pushtimit gjakatar serb, historia e çlirimit të Kosovës nuk mund të kuptohet. UÇK-ja ishte forcë vendimtare e rezistencës së popullit të Kosovës dhe e rrugës që çoi drejt çlirimit, lirisë dhe pavarësisë së saj. Hashim Thaçi, Kadri Veseli, Rexhep Selimi dhe Jakup Krasniqi janë të pandashëm nga kjo histori, nga lufta për çlirim dhe nga rrugëtimi i Kosovës drejt lirisë, pavarësisë dhe shtetësisë së saj.

Një aktgjykim nuk mund të rishkruajë historinë e një populli. Nuk mund të zhbëjë karakterin çlirimtar të luftës së Kosovës apo të barazojë agresorin me viktimën. Nuk mund të zhbëjë sakrificën e UÇK-së.

Deklarata:

Kuvendi shpreh shqetësimin e thellë për standardet e dyfishta në trajtimin e së kaluarës së përgjakshme të rajonit. Nderimet publike dhe shtetërore që u rezervohen personave të dënuar për krime lufte, si edhe glorifikimi i figurave të lidhura me gjenocidin dhe spastrimin etnik, përfshirë Ratko Mladiçin, cenojnë kujtesën e viktimave, pengojnë pajtimin dhe bien ndesh me vlerat europiane.

Kuvendi qëndron kundër çdo përpjekjeje të Serbisë dhe Rusisë për ta instrumentalizuar politikisht këtë proces, për të relativizuar krimet e regjimit të Miloševićit dhe për të delegjitimuar luftën çlirimtare, pavarësinë dhe shtetësinë e Kosovës.

Kuvendi i Shqipërisë qëndron në solidaritet të plotë me Kosovën, popullin dhe institucionet e saj, si dhe pranë Hashim Thaçit, Kadri Veselit, Rexhep Selimit dhe Jakup Krasniqit dhe familjeve të tyre.

E palëkundur mbetet bindja jonë në pafajësinë e tyre dhe po aq e palëkundur mbetet e vërteta historike: UÇK-ja luftoi për lirinë dhe çlirimin e Kosovës.

Ky aktgjykim nuk është fjala e fundit. Kuvendi pret që të gjitha mjetet juridike dhe shkallët e mëtejshme të procesit të ndiqen deri në fund, duke garantuar respektimin e plotë të standardeve të procesit të rregullt ligjor.

Kuvendi i Shqipërisë angazhohet që:

Në të gjitha forumet ndërkombëtare të denoncojë krimet e regjimit serb të Slobodan Milosheviçit në Kosovë, përfshirë aktet gjenocidale, krimet e luftës dhe dhunën seksuale gjatë luftës; të kërkojë drejtësi për viktimat dhe të dënojë mungesën e angazhimit të autoriteteve serbe për zbardhjen e këtyre krimeve, vendosjen e përgjegjësisë dhe garantimin e drejtësisë për viktimat.

Të koordinojë veprimet me Kuvendin e Kosovës, dhe i bën thirrje të dyja Qeverive tona që gjithashtu të koordinojnë veprimet, me qëllim korrigjimin e kësaj padrejtësie në rrugë institucionale.

The post Kuvendi dënon vendimin e Hagës për ish-krerët e UÇK-së: Besojmë në pafajësinë e çlirimtarëve, dy qeveritë të bashkërendojnë veprimet për të korrigjuar padrejtësinë appeared first on Albeu.com.

Niko Peleshi, hapi seancën plenare dhe bëri të ditur se dokumenti përfaqëson qëndrimin e përbashkët të të gjitha partive politike.

Kreu i Kuvendit e cilësoi vendimin e marrë një ditë më parë nga Dhomat Speciale në Hagë, si një moment të dhimbshëm për Kosovën dhe kujtesën kombëtare, ndërsa njoftoi se gjatë ditës do të përcillej deklarata e përbashkët që shpreh qëndrimin e Kuvendit.

The post Vendimi ndaj 4 ish-krerëve të UÇK-së, Kuvendi përgatit deklaratë të përbashkët për BE-në, Peleshi: Çast i dhimbshëm appeared first on Albeu.com.

Forcat e rendit kanë vendosur një sërë masash sigurie, siç dëshmojnë pamjet e siguruara, duke ngritur barriera metalike në aksin rrugor që lidhet me godinën e Parlamentit.

Plani i masave synon të pengojë çdo lëvizje të protestuesve drejt hapësirës rrethuese të Kuvendit, me qëllim shmangien e çdo përshkallëzimi të mundshëm të gjendjes.

The post Seanca plenare e shoqëruar me protestë, policia shton masat dhe bllokon hyrjen drejt Kuvendit appeared first on Albeu.com.

Procesi i krijimit të Kuvendit dhe formimit të ekzekutivit të ri në Kosovë ka hyrë në një territor të panjohur ligjor, teksa pritet që çështjet kryesore t’i kalojnë për shqyrtim Gjykatës Kushtetuese.

Përtej shkeljes së afatit prej 30 ditësh për themelimin e legjislativit, tani vihet në dyshim edhe vetë ligjshmëria e këtij akti, për shkak se një prej pozitave të nënkryetarit mbetet ende e paplotësuar.

Avokati Ardian Bajraktari thekson se kjo mangësi krijon premisa për të kundërshtuar pretendimin se Kuvendi është konstituuar, ndërsa eksperti i së drejtës Blerim Burjani tërheq vërejtjen se një vendim i pafavorshëm nga Gjykata Kushtetuese mund të shembë të gjithë strukturën institucionale, duke përfshirë legjislativin dhe qeverinë, e për pasojë vendin ta çojë në zgjedhje të parakohshme.

Në këtë kontekst, e gjithë vëmendja është përqendruar te vendimarrja e ardhshme e Gjykatës Kushtetuese dhe mundësia që ajo të vendosë një masë të përkohshme për të bllokuar përshkallëzimin e situatës. Por, sa mund të zgjasë kjo pritje për një aktgjykim përfundimtar mbi formimin e institucioneve? A ekziston një kornizë kohore ligjore për vendimin e saj dhe çfarë skenarësh parashikohen në ditët dhe javët në vijim?

Burjani: Një vendim negativ mund të shkatërrojë të gjithë procesin institucional

Juristi Blerim Burjani, në një prononcim për “Bota sot”, ka analizuar krizën e shkaktuar nga kontestimi i themelimit të Kuvendit në Gjykatën Kushtetuese, duke paralajmëruar se një aktgjykim i pafavorshëm do të kishte implikime të rënda për shtetin.

Sipas tij, kërcënimi më i madh qëndron te mundësia që i gjithë procesi të shpallet i pavlefshëm nëse gjykata e cilëson si jolegjitim. Megjithatë, ai lë një shteg shprese nëse vendimi është i fragmentuar dhe nuk e zhbën tërësisht konstituimin.

“Rreziku i madh është që i gjithë konstituimi të dështojë me një vendim negativ të Kushtetueses. Nëse aktgjykimi është i pjesshëm, atëherë mund të ruhet një pjesë e procesit, duke mos e shpallur Kuvendin të paligjshëm”, ka deklaruar Burjani për “Bota sot”.

Ai e përshkruan skenarin më të errët si një zinxhir që rrënon të gjithë aktivitetin shtetëror dhe e detyron vendin të rikthehet në kutitë e votimit.

“Në atë rast, bie gjithçka, Kuvendi dhe Qeveria, dhe brenda 45 ditëve shteti shkon në zgjedhje”, ka shtuar Burjani.

Lidhur me kohën e pritjes për vendim, Burjani thekson mungesën e një afati ligjor, por shpreh besimin për një zgjidhje të shpejtë.

“Gjykata nuk ka një afat të caktuar për t’u përgjigjur, por unë pres që kjo të ndodhë shumë shpejt”, ka pohuar ai.

Bajraktari: Pa plotësuar Kryesinë, konstituimi mbetet i cenueshëm ligjërisht

Ndërkohë, avokati Ardian Bajraktari ka vënë gishtin mbi një problematikë thelbësore kushtetuese që shkon përtej shkeljes së afatit 30-ditor. Ai bazohet në nenin 67 të Kushtetutës dhe në precedentët e vendosur nga vetë Gjykata Kushtetuese në çështjet KO119/14 dhe KO124/25, për të argumentuar se shpallja e konstituimit më 13 shtator 2026 është e goditshme.

Një pikë nevralgjike, sipas Bajraktarit, është se Kuvendi funksionon pa njërit prej nënkryetarëve të tij. Ai thekson se themelimi i legjislativit nuk përbën thjesht një formalitet që mbyllet me zgjedhjen e Kryetarit, pasi e drejta kushtetuese dhe praktika gjyqësore e ndërthurin ngushtë formimin e Kryesisë me procesin konstituiv.

“Përpos çështjes së afatit 30-ditor për themelimin e Kuvendit, i cili është një afat i detyrueshëm dhe tashmë i shkelur, ka edhe një problem tjetër me peshë kushtetuese”, ka deklaruar Bajraktari.

Ai thekson se vonesa në zgjedhjen e nënkryetarit përbën argument të mjaftueshëm për të konkluduar se procesi nuk është mbyllur.

“Konstituimi nuk është thjesht një formalitet që përmbyllet me zgjedhjen e Kryetarit. Për sa kohë që Kushtetuta dhe praktika e Gjykatës e lidhin formimin e Kryesisë me procesin konstituiv, atëherë mungesa e njërit prej nënkryetarëve është një bazë e fortë për të thënë se ky proces mbetet i hapur”, ka sqaruar ai.

Në këto rrethana, Bajraktari e sheh si ligjërisht të dobët deklaratën e Kryetares së Kuvendit për përfundimin e konstituimit.

“Rrjedhimisht, konstatimi i bërë sot nga Kryetarja e Kuvendit se Kuvendi është konstituuar, në aspektin juridik është i kontestueshëm”, ka thënë Bajraktari për “Bota sot”.

Ai nuk e hedh poshtë mundësinë që, nëse lënda arrin në Gjykatën Kushtetuese nga subjektet e autorizuara, ajo të shqyrtojë edhe vënien e masës së përkohshme për të evituar dëme të pakthyeshme dhe për të ruajtur fuqinë e vendimit përfundimtar.

Në përmbyllje, avokati këmbëngul se debati publik nuk duhet të fokusohet vetëm te respektimi ose jo i një afati, por edhe te thelbi i konceptit kushtetues të krijimit të Kuvendit.

“Në këtë fazë, pra, çështja nuk sillet më vetëm rreth asaj nëse u respektua afati 30-ditor, por edhe rreth pyetjes nëse, në kuptimin kushtetues, Kuvendi mund të konsiderohet i themeluar pa e përfunduar formimin e Kryesisë, një standard ky që tashmë është vendosur”, ka përfunduar Bajraktari.

The post Fati i Kuvendit dhe Qeverisë në dorë të Gjykatës Kushtetuese, ekspertët sinjalizojnë rrezikun e shkuarjes në zgjedhje appeared first on Albeu.com.

Pas vendimit dënues ndaj ish-krerëve të UÇK-së, në skenën politike janë shtuar kërkesat për shfuqizimin e Gjykatës Speciale.

Për këtë çështje ka reaguar profesori dhe juristi Muhamet Kelmendi, i cili ka theksuar se Kuvendi i Kosovës duhet të ndërmarrë hapa institucionalë, por nuk mund ta mbyllë veprimtarinë e Speciales përmes një vendimi të zakonshëm.

Sipas Kelmendit, çdo ndërhyrje në statusin ose mandatin e kësaj gjykate duhet të respektojë Kushtetutën e Kosovës, legjislacionin në fuqi dhe detyrimet ndërkombëtare të vendit.

Ai ka rikujtuar se Gjykata Speciale dhe Zyra e Prokurorit të Specializuar janë themeluar mbi një bazë juridike që përfshin marrëveshjen ndërkombëtare të ratifikuar nga Kuvendi, ndryshimin kushtetues të Nenit 162, si dhe Ligjin për Dhomat e Specializuara dhe Zyrën e Prokurorit të Specializuar.

“Kuvendi i Kosovës duhet të veprojë. Megjithatë, për shkak të kuadrit juridik mbi të cilin janë themeluar këto institucione, Kuvendi nuk mund ta zhdukë Specialen thjesht me një vendim të zakonshëm. Çdo ndryshim i statusit apo mandatit të saj duhet të jetë në pajtim me Kushtetutën, ligjin përkatës dhe detyrimet ndërkombëtare të Kosovës”, ka deklaruar ai.

Kelmendi ka vlerësuar se deputetët duhet të analizojnë kompetencat kushtetuese e ligjore të Kuvendit dhe të përcaktojnë procedurën institucionale për përfundimin e mandatit të Speciales, nëse për një veprim të tillë ekzistojnë kushtet juridike.

“Neni 162 përcakton se mandati vazhdon deri në momentin kur Këshilli i Bashkimit Evropian njofton për përfundimin e tij. Kuvendi duhet të shqyrtojë të gjitha kompetencat e veta kushtetuese dhe ligjore dhe të kërkojë rrugën institucionale për mbylljen e mandatit, nëse plotësohen kushtet juridike për këtë. Kjo gjykatë duhet të zhbëhet”, ka shkruar Kelmendi në Facebook.

The post Kelmendi: Mandati i Speciales mund të përfundojë vetëm përmes procedurave kushtetuese dhe ligjore appeared first on Albeu.com.

Katër interpelanca urgjente janë kërkuar nga deputetë të Grupit Parlamentar të Partisë Demokratike, ndërsa një interpelancë tjetër është paraqitur nga deputeti Blendi Himçi.

Rendi i ditës përfshin çështje që lidhen me Ukrainën, inteligjencën artificiale, sektorin e ullirit, statusin e gjyqtarëve dhe prokurorëve, disenjot, shoqëritë me ofertë publike, si dhe përbërjen e komisioneve të përhershme të Kuvendit.

1. Miratimi i procesverbalit të seancës plenare të datës 8 shtator 2026.

2. Njoftime.

3. Interpelancë urgjente me Ministrin e Mjedisit, Sofjan Jaupaj, e kërkuar nga një grup deputetësh i Grupit Parlamentar të Partisë Demokratike.

4. Interpelancë urgjente me Ministrin e Punëve të Brendshme, e kërkuar nga një grup deputetësh i Grupit Parlamentar të Partisë Demokratike.

5. Interpelancë urgjente me Ministren e Arsimit, Mirela Kumbaro, e kërkuar nga një grup deputetësh i Grupit Parlamentar të Partisë Demokratike.

6. Interpelancë urgjente me Ministren e Shëndetësisë dhe Mirëqenies Sociale, Klodiana Spahiu, e kërkuar nga një grup deputetësh i Grupit Parlamentar të Partisë Demokratike.

7. Interpelancë me Ministrin e Infrastrukturës dhe Energjisë, Enea Karakaçi, e kërkuar nga deputeti Blendi Himçi.

8. Shqyrtimi i projektligjit “Për ratifikimin e Konventës për Themelimin e Komisionit Ndërkombëtar të Kërkesave për Ukrainën, bërë në Hagë, më 16.12.2025”. Pas pyetjeve do të paraqitet qëndrimi i nismëtarit dhe i Komisionit për Çështjet Ligjore dhe Administratën Publike. Mendimet e tyre do t’i japin edhe Komisioni për të Drejtat e Njeriut dhe Mjetet e Informimit Publik dhe Komisioni për Europën dhe Punët e Jashtme. Në vijim do të flasin grupet parlamentare dhe projektligji do të votohet.

9. Shqyrtimi i projektligjit “Për ratifikimin e Konventës kuadër të Këshillit të Evropës për Inteligjencën Artificiale, të Drejtat e Njeriut, Demokracinë dhe Shtetin e së Drejtës”. Pas pyetjeve do të dëgjohen nismëtari dhe Komisioni për të Drejtat e Njeriut dhe Mjetet e Informimit Publik. Mendime do të paraqesin Komisioni për Çështjet Ligjore dhe Administratën Publike dhe Komisioni për Europën dhe Punët e Jashtme, përpara diskutimit të grupeve parlamentare dhe votimit.

10. Shqyrtimi i projektligjit “Për pranimin e vendimit DEC-I 1/119-VI/2024, të Këshillit të Anëtarëve të Këshillit Ndërkombëtar të Ullirit, për ndryshimin e nenit 36 të Marrëveshjes Ndërkombëtare për Vajin e Ullirit dhe Ullinjtë e Tavolinës, 2015, aderuar me ligjin nr. 112/2017”. Për nismën do të shprehen nismëtari dhe Komisioni për Bujqësinë, Ushqimin dhe Zhvillimin Rural. Mendim do të japin Komisioni për Çështjet Ligjore dhe Administratën Publike, Komisioni për Ekonominë, Punësimin dhe Financat dhe Komisioni për Europën dhe Punët e Jashtme. Pas diskutimit do të bëhet votimi.

11. Shqyrtimi i projektligjit “Për disa shtesa dhe ndryshime në ligjin nr. 96/2016, ‘Për statusin e gjyqtarëve dhe prokurorëve në Republikën e Shqipërisë’, të ndryshuar”. Procesi do të vijojë me pyetje, qëndrimin e nismëtarit dhe atë të Komisionit për Çështjet Ligjore dhe Administratën Publike. Komisioni për Ekonominë, Punësimin dhe Financat dhe Komisioni për të Drejtat e Njeriut dhe Mjetet e Informimit Publik do të paraqesin mendimet e tyre, më pas do të zhvillohen diskutimet dhe votimi.

12. Shqyrtimi i projektligjit “Për disenjot”. Pas pyetjeve dhe qëndrimit të nismëtarit, do të flasë Komisioni për Ekonominë, Punësimin dhe Financat. Mendime do të japin Komisioni për Çështjet Ligjore dhe Administratën Publike, Komisioni për Burimet Natyrore, Infrastrukturën dhe Zhvillimin e Qëndrueshëm dhe Komisioni për Europën dhe Punët e Jashtme. Në përfundim do të zhvillohen diskutimi dhe votimi.

13. Shqyrtimi i projektligjit “Për disa ndryshime dhe shtesa në ligjin nr. 10236, datë 18.2.2010, ‘Për marrjen në kontroll të shoqërive me ofertë publike’”. Pas pyetjeve dhe paraqitjes së qëndrimit të nismëtarit, çështja do të trajtohet nga Komisioni për Ekonominë, Punësimin dhe Financat. Mendim do të japin Komisioni për Çështjet Ligjore dhe Administratën Publike dhe Komisioni për Europën dhe Punët e Jashtme. Më pas do të bëhen diskutimet dhe votimi.

14. Shqyrtimi i projektvendimit “Për disa ndryshime në vendimin nr. 85/2026, ‘Për caktimin e kryesive të komisioneve të përhershme të Kuvendit’”. Projektvendimi do të hidhet në votim.

15. Shqyrtimi i projektvendimit “Për disa ndryshime në vendimin nr. 86/2026, ‘Për caktimin e anëtarësisë së komisioneve të përhershme të Kuvendit’”. Edhe kjo pikë do të kalojë drejtpërdrejt për votim.

16. Shqyrtimi i projektvendimit “Për disa ndryshime në vendimin nr. 87/2026, ‘Për caktimin e anëtarëve zëvendësues në përbërjen e komisioneve të përhershme të Kuvendit’”. Votimi do të kryhet me shumicë të thjeshtë.

17. Diskutime për çështje jashtë rendit të ditës.

Gjatë diskutimeve për çështje jashtë rendit të ditës, çdo deputet do të ketë në dispozicion jo më shumë se 5 minuta. Kur fjala merret në emër të një grupi parlamentar, koha maksimale është 8 minuta. Në total, kjo pikë nuk mund të zgjasë më shumë se 60 minuta.

The post Kuvendi të enjten me 17 pika në rend dite, nga interpelancat te ndryshimet për pagat e magjistratëve appeared first on Albeu.com.

“Jemi në dijeni të votimeve të së dielës, si dhe vendimeve për konstituimin e Kuvendit dhe formimin e Qeverisë. Gjithashtu, jemi në dijeni edhe për kërkesën e paraqitur në Gjykatën Kushtetuese lidhur me kushtetutshmërinë e këtyre vendimeve. I takon Gjykatës Kushtetuese të shprehet për kërkesën e paraqitur”, deklaroi një zëdhënës i Komisionit Evropian për Radion Evropa e Lirë.

Sipas zëdhënësit, Kosova ka nevojë për institucione “plotësisht të konsoliduara për të çuar përpara reformat dhe për të avancuar në rrugën e integrimit në BE, përfshirë edhe në kuadër të Planit të Rritjes për Ballkanin Perëndimor”.

BE-ja konfirmoi gjithashtu se është e informuar për ankesën e dorëzuar në Gjykatën Kushtetuese për të vlerësuar nëse vendimet për Kuvendin dhe Qeverinë janë në përputhje me Kushtetutën, duke përsëritur se vendimi për këtë çështje i takon gjykatës më të lartë në vend.

Pas konstituimit të Kuvendit dhe zgjedhjes së Qeverisë, PDK-ja iu drejtua Gjykatës Kushtetuese duke kërkuar vendosjen e një mase të përkohshme ndaj Kuvendit të ri. Partia kërkon që kjo masë të jetë në fuqi deri në përfundimin e shqyrtimit të kushtetutshmërisë së konstituimit.

Ankesa u dorëzua të hënën në mëngjes nga deputetët Arian Tahiri dhe Përparim Gruda, së bashku me avokatin Faton Fetahu, në emër të PDK-së.

Pas paraqitjes së kërkesës, Tahiri u shpreh para mediave se fillimisht duhet të merret një masë e përkohshme, “në mënyrë që të mos shkaktohen dëme e situata më të rënda në kuptim juridik dhe institucional”.

Përfaqësuesit e PDK-së pretendojnë se Lëvizja Vetëvendosje, e cila ndodhet në pushtet, ka shkelur afatin kushtetues 30-ditor për konstituimin e Kuvendit. Sipas tyre, është shkelur edhe rregulli që parashikon thirrjen e seancës çdo 48 orë deri në përfundimin e procesit të konstituimit.

Një aktgjykim i Gjykatës Kushtetuese i vitit të kaluar përcakton se Kuvendi duhet të konstituohet brenda 30 ditësh nga certifikimi i rezultateve. Ky afat përfundoi më 7 gusht 2026.

Seanca konstituive u zhvillua të dielën, më 13 shtator. Gjatë saj u zgjodhën nënkryetarët e Kuvendit nga radhët e Lidhjes Demokratike të Kosovës, komunitetit serb dhe pakicave joserbe. Kryetarja Albulena Haxhiu e shpalli Kuvendin të konstituuar edhe pse nuk ishte zgjedhur nënkryetari nga radhët e Partisë Demokratike të Kosovës, forcës së dytë politike në vend.

Disa orë pas kësaj seance, deputetët votuan Qeverinë e re të Kosovës, të drejtuar nga Albin Kurti. Në seancën e jashtëzakonshme morën pjesë vetëm deputetët e Lëvizjes Vetëvendosje dhe të komuniteteve joshumicë, ndërsa PDK-ja, LDK-ja dhe Aleanca e bojkotuan atë.

PDK-ja, e cila mungoi edhe në seancën konstituive, kishte tërhequr më herët kandidaturën e Vlora Çitakut për postin e nënkryetares së Kuvendit, pasi LVV-ja nuk e kishte mbështetur atë në seancën e 11 shtatorit. Më pas, LVV-ja deklaroi se do ta votonte Çitakun, por PDK-ja nuk u paraqit në seancë.

Më 11 shtator ishte zgjedhur nënkryetari nga radhët e LVV-së, ndërsa Albulena Haxhiu ishte votuar në krye të Kuvendit gjatë seancës së mëparshme, më 9 shtator.

The post Kriza institucionale në Kosovë/ BE: Gjykata Kushtetuese duhet të vendosë për Kuvendin dhe Qeverinë appeared first on Albeu.com.

Bashkimi Evropian deklaroi se është informuar për votimin e së dielës, përmes të cilit u konstituua Kuvendi i Kosovës dhe u formua Qeveria e re, por nënvizoi se vlerësimi për pajtueshmërinë e këtyre veprimeve me Kushtetutën i takon Gjykatës Kushtetuese.

“Jemi në dijeni të votimeve të së dielës, si dhe vendimeve për konstituimin e Kuvendit dhe formimin e Qeverisë. Gjithashtu, jemi në dijeni edhe për kërkesën e paraqitur në Gjykatën Kushtetuese lidhur me kushtetutshmërinë e këtyre vendimeve. I takon Gjykatës Kushtetuese të shprehet për kërkesën e paraqitur”, tha për Radion Evropa e Lirë një zëdhënës i Komisionit Evropian.

Sipas tij, Kosova ka nevojë për institucione “plotësisht të konsoliduara për të çuar përpara reformat dhe për të avancuar në rrugën e integrimit në BE, përfshirë edhe në kuadër të Planit të Rritjes për Ballkanin Perëndimor”.

Gjatë seancës konstituive të së dielës, më 13 shtator, Kuvendi zgjodhi nënkryetarët nga Lidhja Demokratike e Kosovës, komuniteti serb dhe pakicat joserbe. Kryetarja e Kuvendit, Albulena Haxhiu, e shpalli të përfunduar konstituimin e organit ligjvënës, ndonëse nuk ishte zgjedhur nënkryetari që i takon Partisë Demokratike të Kosovës, forcës së dytë politike në vend.

Disa orë pas kësaj, deputetët zhvilluan një seancë të jashtëzakonshme ku miratuan Qeverinë e re të Kosovës, të drejtuar nga Albin Kurti. Në këtë mbledhje nuk morën pjesë PDK-ja, LDK-ja dhe Aleanca, ndërsa të pranishëm ishin vetëm deputetët e Lëvizjes Vetëvendosje të Kurtit dhe përfaqësuesit e komuniteteve joshumicë.

PDK-ja, e cila mungoi në seancën konstituive, e kishte tërhequr më herët kandidaturën e Vlora Çitakut për postin e nënkryetares së Kuvendit, pasi LVV-ja nuk e kishte mbështetur atë në seancën e 11 shtatorit. Më vonë, LVV-ja deklaroi se do ta votonte Çitakun, por PDK-ja nuk u paraqit në seancë.

Në 11 shtator ishte zgjedhur edhe nënkryetari i Kuvendit nga radhët e LVV-së, ndërsa Albulena Haxhiu ishte votuar në krye të Kuvendit gjatë seancës së mëparshme, të zhvilluar më 9 shtator.

Pas këtyre zhvillimeve, PDK-ja iu drejtua Gjykatës Kushtetuese duke kërkuar vendosjen e një mase të përkohshme ndaj Kuvendit të ri. Partia kërkoi që masa të qëndrojë në fuqi deri në shqyrtimin e përputhshmërisë së procesit të konstituimit me Kushtetutën.

Komisioni Evropian konfirmoi gjithashtu se BE-ja është në dijeni të kësaj kërkese dhe përsëriti se vendimi për të i takon Gjykatës Kushtetuese.

Ankesa u dorëzua të hënën në mëngjes nga deputetët e PDK-së, Arian Tahiri dhe Përparim Gruda, së bashku me avokatin Faton Fetahu, në emër të kësaj partie.

Pas paraqitjes së kërkesës, Tahiri u shpreh para mediave se fillimisht duhet të miratohet një masë e përkohshme, “në mënyrë që të mos shkaktohen dëme e situata më të rënda në kuptim juridik dhe institucional”.

Përfaqësuesit e PDK-së pretendojnë se Lëvizja Vetëvendosje, e cila është në pushtet, ka shkelur afatin kushtetues prej 30 ditësh për konstituimin e Kuvendit, si dhe rregullin që parashikon thirrjen e seancës çdo 48 orë deri në përfundimin e këtij procesi.

Në bazë të një aktgjykimi të Gjykatës Kushtetuese të vitit të kaluar, Kuvendi duhet të konstituohet brenda 30 ditësh nga certifikimi i rezultateve. Ky afat skadoi më 7 gusht 2026. /REL

The post BE: Gjykata Kushtetuese duhet të vendosë për konstituimin e Kuvendit dhe Qeverisë appeared first on Albeu.com.

Partia Demokratike e Kosovës ka depozituar pranë Gjykatës Kushtetuese një ankesë ku kërkon të vlerësohet nëse procesi i konstituimit të Kuvendit, përfshirë edhe përzgjedhjen e kryetares dhe nënkryetarëve, ka qenë në pajtim me ligjin themelor të vendit.

Pas paraqitjes së kërkesës, përfaqësuesit e kësaj partie, Arian Tahiri, Përparim Gruda dhe avokati Faton Fetahu, theksuan urgjencën e një vendimi nga kjo gjykatë. Sipas tyre, veprimet e institucioneve që burojnë nga një legjislativ, i cili pretendon se është ngritur në shkelje të Kushtetutës, rrezikojnë të sjellin pasoja të rënda ligjore dhe institucionale.

Kreu i grupit parlamentar të PDK-së, Arian Tahiri, sqaroi se objekti i ankesës përfshin vlerësimin e vendimit për shpalljen e Kuvendit të konstituuar, zgjedhjen e kryetares, si dhe procedurën dhe votimin për nënkryetarët.

“Ne kemi shprehur vazhdimisht besimin tonë në punën dhe integritetin profesional të Gjykatës Kushtetuese. Prandaj, konsiderojmë se është e domosdoshme dhe imediate të merret një vendim sa më i shpejtë, me qëllim që të parandalohen dëme dhe situata më të komplikuara në sferën juridike dhe institucionale,” u shpreh Tahiri.

Ai paralajmëroi se edhe qeveria e dalë nga një Kuvend i tillë mund të miratojë akte të paligjshme, nëse vërtetohet se themeli i saj, pra konstituimi i Kuvendit, është antikushtetues. “Për çdo vendim të jashtëligjshëm, ne do t’i drejtohemi Gjykatës për ta rikthyer vendin në shinat kushtetuese dhe për të siguruar respektimin e institucioneve dhe aktit më suprem juridik, Kushtetutës së Kosovës,” shtoi ai.

Deputeti Përparim Gruda argumentoi se, bazuar në Kushtetutë dhe një vendim paraprak të Gjykatës Kushtetuese, afati për formimin e Kuvendit ishte 8 gushti. Ai pohoi se më vonë Lëvizja Vetëvendosje kishte vendosur si datë kufi politike 6 shtatorin, por që as ky afat nuk u mbajt.

“Pasi u tejkalua një afat kushtetues dhe një afat i vetë-imponuar politikisht, ne u gjendëm përpara një situate të vështirë. Megjithatë, vendosëm të merrnim pjesë në seancat e 9 dhe 11 shtatorit, por as ato nuk sollën zgjidhje. Kur kuptuam se përveç shkeljeve të afateve, po bëhej tallje me institucionet dhe qytetarët përmes seancash absurde dhe justifikimesh boshe, vendosëm t’i drejtohemi Gjykatës Kushtetuese. Ndonëse ajo ka një aktgjykim për këtë çështje dhe kishim hezituar, tani që pushteti ka dalë tërësisht jashtë kontrollit kushtetues, nuk na mbeti rrugë tjetër,” deklaroi Gruda.

Ai iu referua një parimi juridik sipas të cilit askush nuk mund të nxjerrë përfitime nga shkeljet e veta. “Lëvizja Vetëvendosje nuk mund t’i shkelë të gjitha afatet dhe në fund të përfitojë prej këtyre veprimeve. Nuk mund të vendoset një precedent ku një subjekt politik zëvendëson afatet kushtetuese me të vetat. Asnjë shumicë, sado e madhe, nuk është mbi Kushtetutën,” theksoi ai.

Gruda nënvizoi se roli i Kushtetutës është të kufizojë pushtetin dhe paralajmëroi se të nesërmen do të depozitohet një kërkesë tjetër, këtë herë për zgjedhjen e qeverisë së re. Ai argumentoi se nëse Kuvendi është formuar në kundërshtim me ligjin themelor, atëherë të gjitha vendimet që dalin prej tij janë të cenueshme kushtetuese. “Nesër do të kontestojmë edhe formimin e Qeverisë. Nuk mund të vazhdojmë të lejojmë që Kuvendi të zgjedhë organet kryesore të shtetit duke krijuar dilema të thella kushtetuese dhe duke minuar legjitimitetin,” shtoi ai, duke përmbyllur se në një demokraci kushtetuese, legjitimiteti nuk buron thjesht nga numri i votave, por nga respektimi rigoroz i Kushtetutës.

Avokati Faton Fetahu detajoi tri pikat kryesore të kërkesës së dorëzuar në Kushtetuese. Sipas tij, ato kanë të bëjnë me procesin e zgjedhjes së kryetares së Kuvendit, me ndryshimin e procedurës së votimit për nënkryetarët, dhe me faktin se Kuvendi u shpall i konstituuar pa pasur një anëtar të Kryesisë nga grupi i dytë më i madh parlamentar.

Fetahu theksoi qëndrimin e PDK-së se Kuvendi nuk është konstituuar në pajtim me Kushtetutën, Rregulloren e tij dhe praktikën gjyqësore të Kushtetueses. Ai argumentoi se mungesa fizike e deputetëve të PDK-së në sallë gjatë votimit për anëtarët e Kryesisë nuk përbën heqje dorë nga e drejta e tyre për të propozuar kandidatë. Ai shtoi se grupi parlamentar i PDK-së ka kërkuar në mënyrë të vijueshme mbajtjen e seancës gjatë gjithë periudhës kur nuk kishte tentativa për ta bërë këtë, dhe se rasti duhet parë në tërësinë e tij, jo vetëm përmes prizmit të pjesëmarrjes në një seancë të vetme.

Në fund, Fetahu shprehu bindjen se gjykata do ta pranojë kërkesën dhe do të vendosë me shpejtësi një masë të përkohshme, me synimin për të shmangur atë që ai i cilësoi si dëme të pariparueshme për interesin publik. “Ne presim që ky rast të konfirmohet nga Gjykata Kushtetuese si shkelje kushtetuese dhe që kërkesa të shpallet e pranueshme. Mbi të gjitha, është e domosdoshme të vendoset sa më parë masa e përkohshme,” përfundoi ai.

The post PDK konteston në Kushtetuese formimin e Kuvendit dhe zgjedhjen e kryesisë appeared first on Albeu.com.