Gara për liderin e ri të PD-së duket se nuk do të ketë surpriza në një kohë që Sali Berisha, i cili inicioi lëvizjen e foltores ka shpallur kandidaturën për rikthimin në krye të të djathtëve. Vet lideri historik i Partisë Demokratike është zotuar për një garë me mundësi të barabarta, por mbështetja e demokratëve duket qartë në favor të Sali Berishës dhe çdo kandidat tjetër është në disavantazh përball ish-kryeministrit.

Në kushte kur gara për kreun e PD-së është e paracaktuar, duke parë mbështetjen, brenda Partisë Demokratike kanë nisur diskutimet për kandidatët për sekretar të Përgjithshëm, nënkryetarët apo edhe drejtuesin e Këshillit Kombëtar. Burime nga Komisioni i Rithemelimit bëjnë me dije se tri kandidaturat më të mundshme për sekretarin e Përgjithshëm të Partisë Demokratike janë Belind Këlliçi. Këlliçi është ndër figurat e reja të Partisë Demokratike që ka qenë i angazhuar intensivisht në këto 9 vite që Partia Demokratike ka qenë në opozitë.

Aktualisht, ai është ende kryetar në detyrë i forumit rinor të Partisë Demokratike, por për shkak se ka mbushur moshën 35-vjeç nuk mund ta mbajë më atë post. Nga ana tjetër, Flamur Noka është një nga kandidaturat e mundshme. Ai ka qenë më herët edhe sekretar Organizativ i Partisë Demokratike dhe konsiderohet se ka njohje me strukturat e Partisë Demokratike.  Sakaq, Këshilli i ri Kombëtar i Partisë Demokratike pritet që të zgjedh edhe dy nënkryetarët e selisë blu, një prej tyre më pas do të jetë edhe kryetar i Grupit Parlamentar.

Gazeta “Panorama” mëson përmes burimeve se kandidaturat më të mundshme për nënkryetar të PD-së pritet të jenë Luçiano Boçi dhe Agron Shehaj. Të dy deputetët në zgjedhjet e 25 prillit rezultuan me mbështetje pasi të dy thyen herësin. Ndërkohë Deputeti i Elbasanit Luçiano Boçi pritet të jetë edhe kryetari i ri i grupit parlamentar. Aktualisht Boçi është një nga nënkryetarët e grupit parlamentar Bashkë me deputetin Ervin Salianji.

Surpriza pritet te drejtuesi i ri i Këshillit Kombëtar. Në Kuvendin e 30 prillit pati disa rikthime të ish-funksionarëve të Partisë Demokratike, të tillë si Arben Imami, Rudian Hajdari apo Jozefina Topalli. Pikërisht kësaj të fundit pritet ti jepet drejtimi i Këshillit Kombëtar të PD-së, megjithëse një nga pretendentët e mundshëm është edhe Edi Paloka, i cili e drejtoi për disa muaj.

The post “Lufta” për vendin e dytë në PD, detyra e mundshme për Jozefina Topallin appeared first on Albeu.com.

Më 22 maj Partia Demokratike do të zhvillojë garën për kreun e ri të saj. Një garë e cila duket se do të jetë tërësisht formale, duke qenë se drejtimin e saj e synon ish kryeministri Sali Berisha, i cili praktikisht dhe e ushtron këtë funksion. Ai u trajtua thuajse si i tillë dhe në sallën e Kuvendit. Muzika dhe ovacionet e shoqëruan atë drejt podiumit ku do të merrte fjalën, aq sa për shkak të entuziazmit, i përqëndruar të përshëndeste delegatët e ngritur në këmbë për të, zoti Berisha u pengua dhe në shkallët e skenës.

Fjala e tij ishte një platformë politike e partisë, të cilën ai pritet ta drejtojë dhe zyrtarisht pas zgjedhjeve të 22 majit. Ai preku një shumëllojshmëri temash e problematikash, shoqëruar me zgjidhjet që siç tha, do të ofrojë Partia Demokratike, që nga ulja e taksave, të rishikimi i reformës në Drejtësi “për të zhdukur pasojat katastrofale të një reforme të korruptuar, apo te premtimi për nënshtetësi dhe për qytetarët e Kosovës.

Zoti Berisha u shpreh se rruga e rithemelimit ishte një rrugë e imponuar nga disfatat e njëpasnjëshme të ish kryetarit Lulzim Basha “i cili e konsideroi këtë parti si sipërmarrjen e tij private, që vlerat konservatore i zëvendësoi në pazaret dhe bizneset me qeverinë, i cili së fundmi përfundoi i mbërthyer nga të gjitha anët dhe u vërsul me tërbim me vendime, me praktika, me qëndrime fund e krye antidemokratike. Shkelmoi sovranitetin e PD-së, statutin, forumet, anëtarësinë e saj”.

Por më shumë se sa humbjet elektorale të zotit Basha, rikthimi në skenë i zotit Berisha u nxit nga vendimi që e la atë jashtë grupit parlamentar, pasi më herët Departamenti amerikan i Shtetit e shpalli ish kryeministrin Berisha “non grata për korrupsion madhor”.

Ai sërish sot tha se ky kishte qenë një vendim i marrë pa prova e fakte. “Unë jam Sali Berisha. Kurrë, kurrë, kurrë, shpifjet, gënjeshtrën nuk e pranoj për të vërtetë. Jam mirënjohës pa kufi, ndaj jush që ndani me mua këtë qëndrim”, deklaroi ai.

Më pas, gjatë fjalës së tij të gjatë, nënvizoi se “jemi forcë sovrane konservatore, e cila qëndron në të drejtën e idealeve konservatore të shqiptarëve, të cilët, edhe një herë theksoj, as e majta e Xhorxh Sorosit dhe as e majta botërore nuk do mund ta kurrë ta mposhtin. Jo dhe jo”.

Në podium e Kuvendit të sotëm u ngjitën dhe figura të njohura të Partisë të lënë mënjanë nga zoti Basha. Salla priti duartrokitje ish nënkryetaren Jozefina Topalli, një kundërshtare e hershme e zotit Basha.

Por i vetmi zë kritik, që nuk ju bashkua entuziazmit të një ndryshimi të pritshëm për Partinë Demokartike ishte ai Fatbardh Kadillit, i cili ju kundërvu zoti Basha menjëherë pas zgedhjeve të 25 prillit të vitit të kaluar, por që nuk i ka kursyer kritikat edhe ndaj ish kryeministrit. “Zoti Berisha kërkon me këmbëngulje të bëhet kryetar partie dhe kandidat për kryeministër. Kërkon të mbetet oferta e vetme e PD, kur jemi në dekadën e tretë të shekullit XXI. Ndërkohë, është e sigurtë se e gjithë elita e re drejtuse e PD-së, që do të dalë nga ky Kuvend, do të jetë pak a shumë ajo që ishte prej një dekade me ca zbukurime të vogla.”Koha e shqiptarëve ka ecur përpara dhe e ka lënë PD-në pas. PD sot duhet të kapë të ardhmen. Për këtë arsye, dua t’i bëj thirrje edhe një herë tjetër Zotit Berisha që të hapë rrugën për një brez tjetër në krye të PD-së, i cili mund të vijë nga një garë e lirë dhe e vërtetë. Një garë ku merr pjesë zoti Berisha nuk është garë e vërtetë”, u shpreh Kadilli.

Sot Kuvendi po voton për zgjedhjen e Këshillit kombëtar, nga i cili do të burojnë institucionet e tjera drejtuese e që si detyrë të parë, iu la të zgjedhë dhe drejtuesin e ri të grupit parlamentar. Zoti Berisha dhe mbështetësit e tij nuk e njohin dretimin e grupit nga Enkelejd Alibeaj, pasi ky i fundit ankimoi në Apel vendimin e gjykatës së Tiranës që njohu Kuvendin e 11 dhjetorit të organizuar nga zoti Berisha. Grupi parlamentar mbetet ende struktura mbi të cilën ish kryeministri nuk e ka nën kontroll. Shumica dërrmuese e deputetëve nuk iu bashkuan Kuvendit të sotëm, një dëshmi e faktit se ribashkimi i demokratëve mbetet ende një mision i vështirë./VOA

The post VOA: PD mbledh Kuvendin, nuk shkojnë shumica e deputetëve appeared first on Albeu.com.

Procesi i numërimit të votave nisi pas mbi 2 orëve pushim dhe do të zhvillohet në selinë PD.

Kujtojmë se demokratët kanë votuar sot 150 emra nga 420 kandidatë për Këshillin Kombëtar të Partisë Demokratike.

Që prej më shumë se 6 orësh 1425 delegatë nga 1800 gjithsej janë mbledhur sot në Pallatin e Kongreseve për të mbajtur punimet e Kuvendit Kombëtar të PD-së.

Vendimet e marra sot në Kuvendin Kombëtar:

1.Miratohen ndryshimet në statut

2.Miratohet data 22 maj për zgjedhjet për kryetarin e PD

3.Shpallet vakanca për pozicionin e kryetarit të grupit parlamentar të PD

4.Miratohet rezoluta.

5.Përzgjedhja me votim të fshehtë e Këshillit Kombëtar të PD/albeu.com/

The post Nis numërimi i votave për anëtarët e Këshillit Kombëtar të PD appeared first on Albeu.com.

Berisha shtoi se për emrin e ri të kryetarit të Grupit Parlamentar të PD-së, do të ndiqen procedurat nga një grup ekspertësh.

“Sot u mor një vendim ndaj personit të emëruar nga Gaz Bardhi dhe ai në detyrë është “nul” për këtë Kuvend. Procedurat ligjore do ndiqen dhe do jetë grupi i ekspertëve që do përcaktojë emërimin e kryetari të grupit. Duhet të jetë një nga nën kryetarët të partisë. Emër nuk kam se varet kush do votohet. Kryesia e partisë zgjidhet para 22 majit. Kuvendi i shtrin jetëgjatësinë Komisionit deri në konstituimin e PD”, tha Sali Berisha.

Por pavarësisht se statuti i Komisionit të Rithemelimit thuhet se kryetari mund të zgjidhet nga Këshilli, tjetër gjë thotë rregullorja e Kuvendit të Shqipërisë. Në nenin 16 të rregullores së Kuvendit përcaktohet se janë deputetët ata që zgjedhin kryesinë e grupit ku bën pjesë dhe kryetari.

Nëse kjo dispozitë ligjore do të ndiqej, do të ishte e vështirë të zgjidhej një kryetar grupi nga deputetët që mbështesin sot Berishën për shkak se ai ka vetëm 17 vota në grupin parlamentar ndërsa 35 të tjerë nuk iu bashkuan Kuvendit Kombëtar.

Neni 16 i Rregullores së Kuvendit:

Çdo grup parlamentar, në mbledhjen e tij të parë, zgjedh kryesinë e tij. Kryesia e grupit përbëhet nga kryetari, zëvendëskryetari, sekretari dhe/ose zëdhënësi. Në mungesë të kryetarit të grupit, ai përfaqësohet nga zëvendëskryetari.

Për zgjedhjen e kryesisë, si dhe për çdo ndryshim të mëvonshëm të përbërjes së grupeve parlamentare ose kryesive të tyre, vihet në dijeni Kryetari i Kuvendit.

Kryetari i Kuvendit zhvillon takim me kryetarët e grupeve parlamentare me qëllim përcaktimin e vendeve të grupeve parlamentare në sallën e Kuvendit. Vendet e deputetëve të secilit grup parlamentar përcaktohen nga kryetari i secilit grup.

Grupet parlamentare miratojnë rregulloren e brendshme të organizimit të tyre./albeu.com/

The post Kuvendi shkarkoi Alibeajn, Berisha: E kishte komanduar Gazment Bardhi aty appeared first on Albeu.com.

Berisha u shpreh se numërimi i votave do të bëhet përpara kamerave.

Ai shtoi se ky ishte Kuvendi i përfundimit të kryetarokracisë dhe presidenco-kracisë.

Me përfundimin e punimeve të Kuvendit Kombëtar, ish-kryeministri u shpreh se tashmë PD do të rikthehet si forcë fitimtare.

“Kjo shënon përfundimin e punimeve të Kuvendit të Partisë Demokratike me sukses të plotë. Siç theksova në fjalën time, ky Kuvend, mund të quhet Kuvendi i përfundimit të kryetarokarcisë dhe presidencokracisë. Vendosi në piedestal një elitë të re përfaqësuese të PD, e tëra e zgjedhur me modelin një anëtar një votë. E tëra e zgjedhur në përputhje me kushtetutën tonë të lirisë. Të gjithë anëtarët ishin të propozuar nga anëtarësia e partisë ose të vetëdeklaruar për të garuar në postin që kanë marrë”, u shpreh Berisha./albeu.com/

The post Vota për Këshillin Kombëtar, Berisha zbulon risinë në numërim (VIDEO) appeared first on Albeu.com.

Komentet Hajdari i bëri në Kuvendin Kombëtar të PD, të mbajtur gjatë ditës së sotme, ku ajo ishte mes të rikthyerve në këtë forcë politike.

Ajo shtoi se që e vogël ishte rritur nga babai i saj me përfytyrimin se si duhej të ishte PD-ja.

“Jap fjalën time para delegatëve të PD. Edhe para se të përjashtohem. Ish kryetari i emëruar nuk më lejoi të flisja. Sot kam privilegjin që të flas para delegatëve.”

“PD është partia më e bukur në botë për mua. Ai përfytyrim më motivon. Në 30 vite PD ka bërë shumë për vendin lëvizim lirshëm në BE dhe jemi pjesë e NATO.”

“Kemi bërë disa gabime që duhet t’i korrigjojmë sa më parë. Ndryshimet kushtetuese të 2008 kanë qenë të gabuara. U hoqëm qytetarëve fuqinë dhe mbyllëm listat. U bojkotua Kuvendi, zgjedhjet lokale dhe solli krizë të thellë brenda PD. Kjo krizë i ka rrënjët për të zëvendësuar demokracinë. Duhet ta shndërrojmë PD në një forcë të madhe opozitare”, tha Hajdari./albeu.com/

The post Emocionet “mbërthejnë” Rudina Hajdarin: PD është partia më e bukur në botë appeared first on Albeu.com.

Komentet Berisha i ka mbajtur gjatë një deklarate për media, në përfundim të mbledhjes së Komisionit të Rithemelimit në selinë e partisë Demokratike.

“Ishte një proces shuë i mirë me pjesëmarrjen e mbi 40 mijë anëtarëve.

Komisioni do të jetë nëseër përpara jush për t’iu informuar mbi procesin dhe t’iu përgjigjet pyetjeve tuaja.

U ra dakord që t’i propozohet Kuvendit data për zgjedhjen e Kuvendit. Data që do t’i propozohet Kuvendit dhe do të jetë ose data 21 ose data 22 e majit. Gara është hapur dhe do përcaktohen rregullat nga komisioni. Sapo të vendos kuvendi unë pothuaje e kam shpallur kandaidaturën dhe Luvendi do të vendosë datën”, tha Berisha./albeu.com/

The post Kryetari i ri i PD, Berisha zbulon datën appeared first on Albeu.com.

Bushati ka nisur shqetësimin se psocesi i nisur nga Komisioni i Rithemelimit, po e thellon më tepër përçarjen e PD-së.

Në propozimet e tij, Bushati kërkon që të mbahet një Kuvend Pajtimi nga ku te dalim me mesazhe te qarta për te ardhmen tone dhe rikthimin si alternative qeverisëse.

Sipas Bushatit, nëse Kuvendi i Pajtimit merr dakordësi, atëhere automatikisht duhet të tërhiqet padia e bërë në Gjykatën e Apelit.

“Flasim gjatë gjithë kohës për bashkim, por në fakt në bazë po ndodh krejt e kundërta. Kam vërejtur me shqetësim se ky proces i nisur nga Komisioni i Rithemelimit, me të vërtetë po zgjedh një kryetar të ri dege, por po e thellon përçarjen. Pavarësisht se rithemelimi mund të gëzoje mbështetjen e shumicës, procesi nuk është gjithëpërfshirës. Që të gjejmë zgjidhje dhe të japim sinjale pozitivë une sugjeroi:

-Të ndalohet procesi i zgjedhjeve në degë.  Të shtyhet për një periudhe jo me shumë se 1 mujore derisa të ndërmerren hapa te integrimit të të gjitha grupimeve ne këtë proces.

-Gjate kesaj periudhe mund te vendosim te mbledhim një Kuvend gjithëpërfshirës, le ta quajmë “Kuvend Pajtimi” nga ku te dalim me mesazhe te qarta për te ardhmen tone dhe rikthimin si alternative qeverisëse.

– Nëse ky hap merr dakordësi, automatikisht duhet të tërhiqet padia e bërë në Gjykatën e Apelit dhe të mos fokusohemi ne debate juridike

– Të ndalohet që sot dalja ne Televizione  e kolegeve tanë të këtij grupi, duke mbajtur qëndrime apo duke mbrojtur qendrime kontradiktore me njeri-tjetrin që evidentojnë dhe japin mesazhin se përçarja vazhdon.

Sot vetëm bashkimi e shpëton Partinë Demokratike, çdo proces tjetër vetëm sa e zvogëlon atë dhe nuk e bën kurrë fituese”, ka thene Bushati.

The post “Duhet një Kuvend pajtimi”, 4 propozimet e deputetit të PD që mund t’i jepnin fund përçarjes appeared first on Albeu.com.

Në deklaratën e komisionit thuhet se shkarkimi i Lulzim Bashës është firmosur nga 4446 delegatë të Kuvendit Kombëtar të PD-së dhe rreth 44 mijë anëtarë të kësaj force kanë votuar për shkarkimin e tij.

Mesazhi i plotë:

Te nderuar anetare te Keshillit Kombetar

4446 delegate te Kuvendit Kombetar te Partise Demokratike dhe 44000 anetare te saj me vendimet e tyre historike kane vendosur te marrin ne dore fatet e Partise Demokratike duke shkarkuar Lulzim Bashen ne nje spektalel te vertete demokracie per t’i hapur rruge rithemelimit te saj!

Komisioni u ben thirrje te gjithe anetareve te Keshillit Kombetar te mos behen pjese e pengmarrjes se PD dhe te lexojne e respektojne vullnetin e shumices qe shkarkoi kryetarin dhe jo te deputetit Basha qe kerkon te shkarkoje shumicen!

Opozita nuk eshte as vule dhe as brave por vullneti i demokrateve i shprehur qarte me vote ne referendumin historik te dt 18 Dhjetor!

Sot eshte dita per t’ju bashkuar vullnetit te sovranit dhe jo per te percare e “perjashtuar” partine per karriken e thyer te ish kryetarit!

Komisioni i Rithemelimit/albeu.com/

The post Sot mbledhja e Këshillit Kombëtar të PD, grupi “Berisha” ka një mesazh të fortë për anëtarët appeared first on Albeu.com.

Basha shtoi se ashtu si do të jetë PD sot, ashtu do të jetë edhe Shqipëria nesër.

“Zgjodhëm të ardhmen, zgjodhëm të ndryshojmë për mirë. Sepse si do të jetë Partia Demokratike sot, do të jetë Shqipëria nesër!”, është shprehur Basha./albeu.com/

The post Dje mblodhi Kuvendin, sot Basha vjen me mesazhin frymëzues për demokratët: Zgjodhëm të ardhmen (VIDEO) appeared first on Albeu.com.