kuvendi i maqedonise se veriut Archives - Albeu.com

Xhaferi: VMRO mund ta bllokojë, por Kuvendi do të punojë pa probleme

E B — Sun, 04 Sep 2022 11:31:14 +0000

Nuk mund të ketë bllokadë të plotë të Kuvendit. VMRO-DPMNE mund t’i bllokojë vetëm komisionet që i drejton dhe Kuvendi do të vazhdojë të punojë pa probleme në lidhje me ato pika për të cilat ka parakushte, sipas Rregullores, të punojë, thotë kryetari i Kuvendit Talat Xhaferi në intervistë për Radion Evropa e Lirë.

Seancën e parë e keni caktuar vetëm për 14 shtator. Mbi njëzet ligje janë aktualisht të bllokuara. Në koordinimin e rregullt nuk është paraqitur koordinatori i grupit parlamentar të VMRO-DPMNE-së. Që prej muajit maj, opozita ka bojkotuar në mënyrë aktive punën e Kuvendit. A do të funksionojë legjislatura?

Mendoj se Parlamenti funksionon dhe do të funksionojë. Në çdo rast, pas vendimit për bllokim, është e drejta e opozitës ta përdorë atë si instrument në Parlament, është në domenin e diskutimeve që zhvillohen si në trupat punues ashtu edhe në seancë plenare.

Por, a do të miratohen këto ligje të nevojshme në kushtet kur lideri i VMRO-DPMNE-së, Hristijan Mickoski, ka kërcënuar me bojkot të plotë të Kuvendit, nëse nuk plotësohet kërkesa për zgjedhje të parakohshme?

Nuk mund të ketë bllokadë të plotë të Kuvendit, sepse mund të mos i shqyrtojnë pikat që janë në komisionet që ata drejtojnë, por komisionet e tjera që do t’i shqyrtojnë pikat sigurisht që kanë kushtet për t’u shqyrtuar në seancat plenare sipas Rregullores është planifikuar dhe ka një kohë të fillimit dhe përfundimit të diskutimit, në mënyrë që Kuvendi të vazhdojë të punojë pa probleme edhe në lidhje me ato pika për të cilat ka parakushte, sipas Rregullores së Punës, për t’u punuar.

Qeveria është zotuar të miratojë amendamentet kushtetuese dhe të përfshijë bullgarët në preambulë, të cilat janë kusht për negociatat me BE-në. VMRO-DPMNE propozon referendum për këtë çështje. Nëse mblidhen 150 mijë nënshkrimet e nevojshme, a do ta vendosni referendumin në procedurë parlamentare?

Është një pyetje hipotetike. Sido që të jetë, ka rregullore, ka procedurë, kështu që edhe unë si kryetar i Kuvendit dhe deputetët dhe askush tjetër nuk mund t’i shmangemi procedurës sepse është parakusht, përveç nëse sillem,në mënyrën se si sillen kryetarët e komisioneve përkatëse, për shembull mos thirrja e seancave. Por sido që të jetë, unë do t’i përmbush të gjitha detyrimet që dalin nga Rregullorja e Kuvendit dhe nga autoriteti dhe detyrimet e Kryetarit të Kuvendit për të respektuar procedurën, nuk kam pse të mos respektoj procedurën.

Duke folur për ndryshimet kushtetuese. A do të hyjnë në procedurë parlamentare nëse nuk sigurohet shumica e dy të tretave të nevojshme për miratimin e tyre?

Në thelb, me detyrimet që janë marrë, këto janë detyrime jo të mazhorancës dhe jo të Kuvendit, këto janë detyrime që shteti i mori në rrugën e hapjes së negociatave të para-anëtarësimit dhe në rrugën e anëtarësimit të plotë në NATO. Dhe nëse bëjmë një paralele nga Marrëveshja e Prespës dhe nevoja e ndryshimeve kushtetuese për t’u bërë anëtare e NATO-s, nga fushata kundër asaj që u bë atëherë duke treguar se pasojat për shtetin dhe qytetarët do të jenë kjo dhe ajo, por situata është e ndryshme në një kuptim pozitiv që kur u bëmë anëtare e NATO-s. Dhe në këtë kontekst, nëse e bëjmë sërish atë paralele, atëherë nevoja për ndryshime kushtetuese nuk është për shkak të nevojës së mazhorancës ose nuk e di kujt, por nevojës së shtetit që të mund të marrë përsipër dhe të ndjekë rrugë, e cila në fakt ishte përcaktuar para tre dekadash për të përballuar të gjitha sfidat që ka vendi në atë rrugë. Dhe në këtë kontekst, mendoj se të gjithë duhet të reflektojnë në raport me interesin e shtetit dhe të qytetarëve dhe në interesin e partive politike dhe në aspektin e politikës ditore, një luftë për pushtet për ndryshimin e qeverisë, por në në çdo rast se cila qeveri të vijë ajo do të duhet të shkojë në atë rrugë. Dhe në këtë kontekst, mendoj se si njerëz të zgjedhur dhe të përgjegjshëm, të gjithë duhet të arsyetojnë në kuadrin e nevojës dhe interesit të shtetit dhe qytetarëve që të hapet rruga drejt eurointegrimeve. Sido që të jetë, ne konkretisht si shtet nuk humbëm asgjë duke bërë ndryshime kushtetuese për të përmbushur kërkesat dhe kjo procedurë duhet të shkojë në drejtim të hapjes së rrugës për realizimin e synimi përfundimtar për të qenë një anëtar i plotë i BE-së.

Pra, prisni që ndonjë nga deputetët e VMRO-DPMNE-së të votojë për amendamentet kushtetuese?

Nuk do ta shihja kështu, të prisja apo të mos prisja. Pres që partitë politike, si përfaqësues të qytetarëve, të reflektojnë se cili është interesi i qytetarëve që ne përfaqësojmë, në këtë kontekst pres. Unë nuk bëj llogaritë nëse dikush do të mund të sillet në një mënyrë apo tjetër në raport me atë që është përgjithësisht e mirë për shtetin dhe qytetarët./alsat

The post Xhaferi: VMRO mund ta bllokojë, por Kuvendi do të punojë pa probleme appeared first on Albeu.com.

Maqedonia e Veriut ratifikoi protokollet për anëtarësimin e Suedisë dhe Finlandës në NATO

admin — Wed, 27 Jul 2022 11:51:20 +0000

Ditën e sotme Kuvendi i Maqedonisë së Veriut ka ratifikuar protokollet për antarësimin e Suedisë dhe Finlandës në NATO. Sot në seancën e 82-të, këto protokolle kaluan me 103 vota “pro” dhe dy “kundër”. Kujtojmë se është hera e parë që Kuvendi i Maqedonisë së Veriut ratifikon protokollet e vendeve të reja që aspirojnë anëtarësimin [...]

Presidentja e KE në Kuvendin e RMV për propozimin francez: Gjuha maqedonase është e juaja

admin — Thu, 14 Jul 2022 11:45:28 +0000

Në Kuvendin e Maqedonisë së Veriut, Presidentja e Komisionit Evropian Ursula von der Leyen mbajti fjalën e saj duke inkurajuar ligjvënësit që ta mbështesin propozimin francez.

Por sipas saj, nëse qëndrojnë në pritje për një ofertë më të mirë, ata janë në të drejten e tyre.

Deputetët e opozitës e shoqëruan këtë deklaratë të presidentes së KE-së me kontestime, por këto deklarata ajo i falenderoi për ”demostrim të një sjellje demokratike”.

“Nuk mund të ketë asnjë dyshim që gjuha maqedonase është e juaja dhe duhet të respektohet.” Ishte kjo deklarata që u shoqërua me duartrokitje dhe ovacione në kuvendin e RMV-së.

Po ashtu, presidentja e KE-së theksoi se propozimi francez respekton identitetin e maqedonasve.

Nuk mund të ketë asnjë dyshim që gjuha maqedonase është e juaja dhe duhet të respektohet. Nuk do të ketë ndonjë diskutim tjetër rreth kësaj nga Bashkimi Evropian. Propozimi respekton edhe identitetin tuaj kombëtar. Mund të mbështeteni te unë që të jeni të sigurt se procesi i integrimit do të bëhet sipas parimeve standarte. Keni treguar angazhim për të drejtat e të gjitha komuniteteve, apo pakice etnike. Interpretimi historik nuk është një lloj kushti për çështjen e hapjes së negociatave. Eshtë një çështje tjetër që mund të diskutohet edhe më vetë.”

Në përfundim të fjalës së saj, Ursula von der Leyen u bëri thirrje ligjvënësve që të “bëjnë gjënë e duhur për paqen dhe prosperitetin e Maqedonisë së Veriut.”

The post Presidentja e KE në Kuvendin e RMV për propozimin francez: Gjuha maqedonase është e juaja appeared first on Albeu.com.

Formohet grupi i punës në Kuvend, deputetët maqedonas do të debatojnë për vërejtjet rreth propozimit francez

E B — Tue, 05 Jul 2022 18:08:50 +0000

Grupi i punës i cili do të përbëhet nga dy deputetë të LSDM-së dhe VMRO-DPMNE-së, një nga BDI-ja, një nga Aleanca për shqiptarët, dhe një deputet nga partitë më të vogla politike prej nesër fillon me debatin lidhur me vërejtjet e tyre për propozimin francez, pas çka pritet të dalin me përfundime. Gjatë takimeve të tij, kryetari i Këshillit Evropian, Charls Mishel u takua edhe me kryeparlamentarin Talat Xhaferi bashkë me koordinatorët e grupeve parlamentare. Nikolla Micevski nga radhët e VMRO-DPMNE-së shpjegoi se cilat do të jenë kërkesat e tyre:

“Të fshihet Neni 11 dhe Neni 14 nga Protokolli, e pastaj në kornizën negociuese ku do të kemi parime mbi të cilat udhëhiqen negociatat, të fshihen nenet për rishikimet vjetore dhe pjesa që i referohet Protokollit të Konferencës së parë Ndërqeveritare. Duke pasur parasysh se vendoset në tavolinë për debat dhe ka dëshirë që të bisedohet, është evidente se ka mundësi që të ketë ndryshime të caktuara sa u përket këtyre situatave.”- deklaroi Nikolla Micevski, Koordinator I VMRO-DPMNE-së.

Nga LSDM-ja pohojnë se nesër do të ketë takim mes koordinatorëve të grupeve parlamentare dhe përfaqësuesve të partive në Kuvend, ku do të debatohet për përfundimet që duhet të shqyrtohen dhe miratohen në shtëpinë ligjvënëse.

“Këto bisedime nuk kanë të bëjnë me përmbajtjen e kornizës negociuese. Rikujtojmë, Hristijan Mickoski dhe VMRO-DPMNE-ja që moti publikisht refuzuan të marrin pjesë në grupet pune, edhe pse kjo u ishte ofruar. Presim përgjegjësi nga të gjitha partitë politike.“- thonë nga LSDM.

Paraprakisht, Charls Mishel në Qeveri u takua edhe me partitë më të vogla: Lidhjen Demokratike, PLD-në, PRSD-në (Partia e Re Socialdemokrate) dhe RDM-në. Shumica prej tyre, këto ditë shprehën mospajtimin e tyre për propozimin francez. Megjithatë, në takimin që zgjati një orë e gjysmë, ata i porositën Mishelit se do të ishte mirë që në këtë proces të kyçet edhe Parlamenti përmes një grupi pune, i cili do të jepte konkluzione të veta. Kreu i LD-së, Pavle Trajanov, thotë se ato konkluzione do të ishin të obligueshme për Qeverinë, duke thënë se ende ka hapësirë për korrigjim të propozimit francez.

“I shpreha rezervat e mia rreth asaj se çështjet dypalëshe të imponuara nga Bullgaria nuk duhet të jenë pjesë e kornizës negociuese, kurse të gjitha marrëveshjet e tjera, duke përfshirë edhe Protokollin, duhet të jenë detyrim në bazë reciproke. Ky është mendimi im, sepse deri pardje pohohej se kjo punë ka mbaruar – ose merre ose lëre, por procesi i harmonizimit të Protokollit vazhdoi. Kjo do të thotë se sërish do të mblidhet Këshilli i BE-së dhe me shumë gjasa atëherë do të merret një vendim përfundimtar. Domethënë ka hapësirë për modifikime dhe korrigjime.”- deklaroi Pavle Trajanov, Kryetar I Lidhjes Demokratike. Takimi i parë i grupit pune pritet të mbahet nesër./tv21

The post Formohet grupi i punës në Kuvend, deputetët maqedonas do të debatojnë për vërejtjet rreth propozimit francez appeared first on Albeu.com.

Plas sherri në Kuvendin e Maqedonisë së Veriut, deputeti shkul mikrofonin dhe u hedh filxhanin e kafesë kolegëve (VIDEO)

E B — Mon, 27 Jun 2022 18:21:37 +0000

Gjatë seancës së ditës së sotme në Komisionin për çështje europiane ka ndodhur një incident mes Kryesuesit të Komisionit për Çështje Evropjane në Kuvend, Arbër Ademit dhe deputetëve të VMRO-DPMNE-së.

Në videon që ka publikuar deputeti i VMRO-DPMNE-së, Mile Lefkov shihet se incidenti ka ndodhur afër foltorës së sallës së komisionit.

Në një video që po qarkullon shihet qartë se si deputetët e VMRO-së kanë shkulur nga vendi mikrofonin e me këtë rast krahas dhunës në institucionin legjislativ ato edhe kanë shkaktuar incident.

Në anën tjetër shihen se si deputetet e BDI-së Koxhaxhiku dhe Bilalli Zendeli mundohen që të qetësojnë situatën./INA

The post Plas sherri në Kuvendin e Maqedonisë së Veriut, deputeti shkul mikrofonin dhe u hedh filxhanin e kafesë kolegëve (VIDEO) appeared first on Albeu.com.

Kuvendi i Maqedonisë së Veriut: Telat Xhaferi nuk ka shkelur Rregulloren, lejohet kyçja e dyerve

E B — Thu, 26 May 2022 12:59:05 +0000

Nga Kuvendi i Maqedonisë së Veriut thonë se kryetari i Kuvendit, Talat Xhaferi në asnjë çast nuk e ka shkelur Rregulloren gjatë vazhdimit të djeshëm të seancës 71.

Nga kabineti i Xhaferit thonë se Rregullorja lejon mbylljen e dyerve, gjegjësisht e njëjta është bërë për të konstatuar numrin e deputetëve të pranishëm në seancë.

“Sipas kësaj, gjatë ditës së djeshme dyert e sallës ishin të mbyllura që të munden shërbimet e Kuvendit të konstatojnë numrin e deputetëve të pranishëm, respektivisht nëse ka kuorum për të kaluar në votim. Duke e pasur parasysh se në sallën me kupola, ku mbaheshin në këtë periudhë seancat plenare, nuk ka pajisje përkatëse, u vendos praktikë që koordinatori të përpilojë listën e deputetëve të pranishëm të paraqitur për fjalë. Nga ky aspekt, Rregullorja lejon mundësi për mbylljen e dyerve të sallës, me kërkesë të Kryetarit të Kuvendit, ose të një deputeti, të mbështetur nga më së paku dhjetë deputetë. Më saktë, neni 97 i Rregullores së Kuvendit të Republikës së Maqedonisë, parashikon se gjatë votimit nominal të deputetëve dyert e sallës në të cilën mbahet seanca e Kuvendit mbyllen dhe nuk lejohet hyrja dhe dalja e deputetëve derisa zgjat votimi nominal. Votimi mund të bëhet edhe me prononcimin nominal të deputetëve”, thuhet mes tjerash në reagimin e Kuvendit./tv21

The post Kuvendi i Maqedonisë së Veriut: Telat Xhaferi nuk ka shkelur Rregulloren, lejohet kyçja e dyerve appeared first on Albeu.com.

Xhaferi: Ta dini, nuk lejoj përsëritjen e “27 prillit” në Kuvend

E B — Thu, 26 May 2022 11:55:36 +0000

Vazhdon debati mes VMRO-DPMNE-së opozitare dhe kryetari të Kuvendit Talat Xhaferi në Kuvendin e Maqedonisë së Veriut.

Koordinatori i VMRO-së, Nikolla Micevski tha se deputetët e pushtetit po të ishin në vendin e opozitës mbrëmjen e djeshme do të bënin dramë.

“Nuk ka arsyetim për atë që e bëtë mbrëmjen e djeshme. Po të ishim në situatë të këtillë, e di se çfarë do të bënin disa deputetë këtu mbrëmë? Drama, do të kishte televizione, do të shtriheshin për tokë, të mbyllur pa vetëdije”, tha Micevski.

E menjëhershme ka qenë përgjigja e kryetarit Xhaferit, i cili tha se nuk do të lejojë përsëritjen e 27 prillit të vitit 2017.

“Veç sa të iu rikujtoj, po të ishte situata ndryshe, ose në të kundërtën, do të iu rikujtoj për 24 dhjetorin të 2012, dhe prillin e vitit 2017, këtë nga unë nuk do ta shihni Nikolla Micevski, ta dini. Vetëm punë sipas Kushtetutës dhe Rregullores. Këtë e kam thënë edhe me 27 prill 2017. Nga unë nuk do të shihni përsëritje të fotografive nga viti 2017 dhe 24 dhjetori i vitit 2012”, deklaroi Xhaferi.

The post Xhaferi: Ta dini, nuk lejoj përsëritjen e “27 prillit” në Kuvend appeared first on Albeu.com.

VMRO-ja nga nesër bllokon Kuvendin

E B — Mon, 09 May 2022 10:23:03 +0000

Afati i dhënë nga VMRO-DPMNE për fillimin e bisedimeve për zgjedhjet e parakohshme skadon sot, dhe nëse nuk ka marrëveshje për lidership për këtë çështje, opozita nga nesër ka paralajmëruar bllokadë aktive të Kuvendit.

Kryeministri Dimitar Kovaçevski dje ishte i vendosur se nuk do të ketë takim lidershipi të bazuar në shantazhe dhe kërcënime, ndërsa bllokadën e paralajmëruar gjatë luftës në Ukrainë dhe në kohë krize e cilësoi si hap të papërgjegjshëm.

Nga aeroporti sportiv “Stenkovec” në Shkup ku u mbajt Dita e hapur për ekspozimin e avionëve që është pjesë e stërvitjes “Swift Response 22”, kryeministri Kovaçevski tha se mund të ketë takim lidershipi, por për çështjet që janë strategjike, që nënkupton një jetë më të mirë të qytetarëve dhe lidhur me përballjen me krizën energjetike.

“Mbledhje lidershipi e bazuar në shantazhe dhe kërcënime, duke e parë kryetarin e VMRO-DPMNE-së duke numëruar mbrapsht si në një film të keq aksion, nuk do të ketë, ky është qëndrim i të gjitha partive politike nga blloku ynë”, tha Kovaçevski.

Lidhur me shpalljen e bllokadës së Kuvendit nga partia më e madhe opozitare gjatë luftës në Ukrainë dhe në kohën kur çmimet e energjisë dhe ushqimeve janë vazhdimisht në rritje, ai tha se kjo është e papërgjegjshme dhe për qëllime politike.

Sipas VMRO-DPMNE-së, Maqedonia është në disa kriza, dhe këto kriza sipas tyre, shkaktohet nga krimi dhe paaftësia e menaxherëve në energjetikë dhe në ekonominë shtetërore.

“Të dyja krizat e mëdha janë rezultat i LSDM-së dhe BDI-së. Dhe nuk mund të japin zgjidhje, sepse nuk dinë dhe nuk kanë plan”, thonë nga partia opozitare.

Pas shpalljes së sondazhit dje, LSDM-ja theksoi se ky hulumtim është një përpjekje e dëshpëruar e VMRO-DPMNE-së për ta inkurajuar Hristijan Mickoskin në hapat e tij destruktiv dhe bllokada me sondazhe të porositura dhe të falsifikuara.

Nga LSDM thanë se në Kuvend mbeten të bllokuara disa zgjidhje ligjore, si Ligji për Qendrën Klinike, Ligji për Mësimdhënësit dhe Bashkëpunëtorët Profesionistë në Shkollat Fillore dhe të Mesme, Ligji për Shërbimin në Ushtri dhe të tjera, vetëm për shkak të VMRO-DPMNE-së./ina

The post VMRO-ja nga nesër bllokon Kuvendin appeared first on Albeu.com.

Kuvendi i Maqedonisë voton pro zgjatjes së krizës energjitike për ngrohje

E B — Thu, 17 Feb 2022 08:36:33 +0000

Kuvendi me 59 vota “pro”, asnjë kundër dhe abstenim, e miratoi Vendimin me të cilin aprovohet vazhdimi i afatit për ekzistimin e gjendjes së krizës në Qytetin e Shkupit, për shkak të mungesës së energjisë për ngrohje, mundësisë për përdorimin e lëndëve alternative djegëse dhe kushteve në tregun e energjisë për ngrohje, në kuadër të seancës së 63-të.

Gjendja e krizës do të zgjasë deri më 30 prill të vitit 2022.

Qeveria, konkretisht Elektranat Maqedonisë së Veriut, duhet të marrin obligimin për furnizim me energji ngrohëse kundrejt BEG si furnizues në kushtet kur çmimi i energjisë është rritur për 40 për qind.

Për opozitën, qytetarët nuk duhet të paguajnë fatura më të larta për shkak të punës së pakujdesshme të Qeverisë, përkatësisht të institucioneve që nuk kanë ditur ta menaxhojnë krizën energjetike. Për shumicën qeverisëse, Qeveria u përgjigjet me kohë dhe në mënyrë efikase të gjitha sfidave, në interes të qytetarëve dhe ekonomisë./alsat

The post Kuvendi i Maqedonisë voton pro zgjatjes së krizës energjitike për ngrohje appeared first on Albeu.com.