Berisha nuk preferoi që të fliste gjatë për mediat, duke nisur vetëm një përshëndetje për të gjithë delegatët, dhe anëtarët e PD-së të cilët u bënë pjesë e procesit zgjedhor në të gjitha degët.

“Së pari një përshëndetje të përzemërt të gjithë delegateve dhe delegatëve, të ftuarve në këtë sallë, mbi 40 mijë anëtarëve që morën pjesë në këtë proces, zgjedhësve dhe Partisë Demokratike. Kjo është një ditë e një rëndësie të madhe, në komstituimin e forumeve të saj si një opozitë e vërtetë shqiptare”, tha Berisha./albeu.com

The post Berisha mbërrin te Kuvendi i PD i shoqëruar nga bashkëshortja: Ditë me rëndësi të madhe appeared first on Albeu.com.

Në Kuvend pritet të marrin pjesë 1100 delegatë të zgjedhur nga degët e Partisë Demokratike në të gjithë vendin.

Në Kuvend do të jenë dhe anëtarët aktualë të Këshillit Kombëtar, plus delegatet e rinisë dhe gruas dhe numri shkon në 1800 delegatë.

Gjatë punimeve, Kuvendi i PD-së do të zgjedhë edhe Këshillin e ri Kombëtar të PD-së.

Janë zbardhur emrat e 420 kandidatëve për postet në Këshillin e ri Kombëtar të PD-së, që do të jenë shumë prej ish-deputetëve të Partisë Demokratike pas vitit 2013, si Arben Imami, Myqerem Tafaj, Rudina Hajdari, Myslim Murrizi, ish kandidatët për kreun e PD, Edith Harxhi dhe Fatbardh Kadilli, mjeku Ilir Alimehmeti, artistët Bleona Qerreti, Renis Gjoka, Julian Deda, ish-kandidatët e zgjedhjeve të 6 marsit, gazetarët Floriana Garo, Fjoralba Dizdari, Patrik Sadikaj.

Në listë vërehet rikthimi i Arben Imamit, apo edhe një prej mbështetësve të Lulzim Bashës, ish-kryebashkiaku i Kavajës Isa Sakja. Ajo që bie në sy është se në këtë garë, “Rithemelimi” ka rikthyer emra të larguarish, figura të vjetra të PD-së, ish-ministra, ish-deputetë, por edhe artistë, mjekë, etj. Gjithashtu në listë janë edhe figura të reja në garë për një vend në Këshillin Kombëtar.

Më poshtë gjeni dhe rendin e ditës

Do të ketë 20 folës, prej të cilëve figura të rikthyer në PD, themelues, personalitete nga jashtë dhe të rinj. Parashikohet që votimi për anëtarët e rinj të Këshillit Kombëtar të nisë në orën 13:00. Kuvendi do të propozojë ndryshime statutore dhe do të votojë për Këshillin e ri Kombëtar.

Komisioni i Rithemelimit ka ftuar deputetët e Partisë Demokratike të marrin pjesë ditën e nesërme në Kuvendin e 30 prillit. Ne një mesazh dërguar të gjithë ligjvënësve demokratë, u kërkohet që si delegatë të konfirmojnë edhe prezencën e tyre dhe t’i bashkohen Kuvendit për një Parti Demokratike më të bashkuar, më të fortë dhe më të hapur.

“I nderuar Deputet i Partisë Demokratike,

Nesër, ditë e shtunë, datë 30 prill 2022 zhvillon punimet e Kuvendit Kombëtar të Partisë Demokratike. Në bazë të Nenit 42 të Statutit të PD, ju jeni delegat në Kuvend. Kuvendi hap punimet në orën 10:00. Hyrja tek Pallati Kongreseve nga ana e Hotel Rogner, pjesa anësore. Jeni të lutur të tërhiqni mandatin pranë recepsionit në selinë e Partisë Demokratike. Lutem konfirmimin e prezencës nga ana juaj në nr. 0683273805. Për një Parti Demokratike më të bashkuar, më të fortë, më të hapur!”, thuhej në meszhin e “Rithemelimit drejtouar deputetëve./albeu.com

The post Mblidhen delegatët e parë, çfarë po ndodh pak minuta para nisjes së Kuvendit të Berishës appeared first on Albeu.com.

DASH konfirmon se të dërguarit e SHBA-së në Shqipëri do të këmbëngulin që zyrtarët e lartë në vend që kryejnë shkelje dhe abuzime të dalin përpara drejtësisë dhe të mos i shpëtojnë pandëshkueshmërisë.

Përcaktimet publike nën autoritete të tilla i lejojnë Shtetet e Bashkuara të promovojnë përgjegjësinë për zyrtarët qeveritarë që përfshihen në korrupsion ose kryejnë shkelje dhe abuzime të të drejtave të njeriut, dhe të mbështesin përpjekjet për të penguar ose penguar abuzimin në të ardhmen dhe për të luftuar mosndëshkimin. Shtetet e Bashkuara do të vazhdojnë të përdorin të gjitha mjetet në dispozicion për të luftuar korrupsionin dhe për të mbrojtur të drejtat e njeriut në nivel global”-thuhet në përgjigjen e DASH.

DASH i është përgjigjur deklaratave të Sali Berishës se Blinken nuk ka asnjë provë kundër tij duke theksuar se informacionet që Sekretari i Shtetit ka  për përfshirjen e Ish-Kryeministri Berisha në korrupsion i përkasin periudhës kur ai ishte kryeministër i Shqipërisë.

“Sekretari i Shtetit ka informacione të besueshme se Berisha ishte përfshirë në korrupsion të konsiderueshëm, veçanërisht gjatë kohës që ishte kryeministër i Shqipërisë. Ky korrupsion minoi sundimin e ligjit dhe besimin e publikut shqiptar në institucionet, proceset dhe zyrtarët publikë të qeverisë së tyre.

Korrupsioni i Berishës është raportuar gjerësisht në raportimet e OJQ-ve dhe shtypit vendas, rajonal dhe ndërkombëtar, si dhe në hetime të lidhura me përpjekjet e vetë qeverisë shqiptare kundër korrupsionit. Ai njihet gjerësisht se ka përdorur pushtetin e tij për përfitimin e tij dhe për të pasuruar aleatët e tij politikë dhe anëtarët e familjes së tij në kurriz të besimit të publikut shqiptar në institucionet e tyre qeveritare dhe zyrtarët publikë. Për më tepër, retorika e tij kur aktivitetet e tij të raportuara janë vënë nën hetim ose shqyrtim ka treguar se ai është i gatshëm të mbrojë veten, anëtarët e familjes dhe aleatët e tij politikë në kurriz të hetimeve të pavarura, përpjekjeve kundër korrupsionit dhe llogaridhënies.

DASH shkon edhe më tej me akuzat duke u ndalur konkretisht edhe në ditët e sotme.

“Veprimet korruptive të Berishës vazhdojnë të kenë jehonë në Shqipëri dhe në të gjithë rajonin sot.”-Shkruhet në email.

Më 19 maj të vitit 2021, DASH shpalli ‘non grata’ Sali Berishën si të përfshirë në “veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij”. Pas vendimit të SHBA  Berisha ka shpërthyer me akuza kundër aleatit më të rëndësishëm të Kombit Shqiptar dhe ka hedhur në gjyq numrin 3 të administratës, Sekretarin amerikan të Shtetit, Antony Blinken i cili ishte ai që bëri publik vendimin e SHBA./Report tv

The post SHBA i jep goditje të fortë Berishës, një ditë para Kuvendit appeared first on Albeu.com.

I pyetur nga gazetarët se pse platforma e propozuar nga Alibeaj nuk u kalua për votim, Bardhi tha se qëndrimet e deputetëve nuk kanë ndryshuar.

“Sa kohë që nuk ka një vendim për mbledhjen e Kuvendit, është një akt për përçarjen e PD-së. ka një platformë të shumicës së grupit të PD-së, është një akt konkret për bashkimin e demokratëve, pjesa tjetër duan ta lënë përjetë në opozitë Partinë Demokratike.

Qëndrimet nuk votohen, qëndrimet shprehen, çdo deputet që i ka vënë emrin e tij asaj platforme, natyrisht që kanë shprehur qëndrimin e tyre. Vendimet merren në institucionet e bashkisë.

Nëse dikush do ti kthejë deputetët e PD-së në karagjozë, e ka gabim. Nuk ka pasur asnjë tërheqje, asnjë prej tyre nuk është tërhequr. E rëndësishme është që për ato 5 çështje, 32 deputetët kanë pasur atë mendim për të arritur bashkimin.

Forumet mblidhen sa herë që ka vendime për të diskutuar”.

Pse platforma nuk u kalua me votë?

Bardhi: Deri tani kemi parë akte që e përçajnë PD-në, kjo nuk është zgjidhje për interesin e demokratëve, sigurisht që është zgjidhje për interesin personal të Sali Berishës, uroj shumë që të ketë reflektim, që të ketë një vlerësim realist të situatës.

Kjo platformë nuk qëndron në zyrën e zotit Alibeaj, është bërë publike. Po ta ripërsëris, ai dokument është rezultat i një diskutimi prej 9 orësh në mbledhjen e grupit të PD-së. Pas shprehjes së atij qëndrimi ka pasur mbledhje grupi, ku nuk është ngritur asnjë pretendim nga asnjë prej kolegëve.

Cilido që ka një qëndrim shtesë ta formalizojë dhe ta sjellë në grupin parlamentar./albeu.com

The post Kuvendi i Berishës të shtunën, Bardhi: Do ta lërë PD-në përjetë në opozitë appeared first on Albeu.com.

Ai kishte edhe një paralajmërim për Bashën, kur i tha që të mos i kudërvihet vendimeve të Kuvendit të 11 dhjetorit.

Sipas Berishës, Komisioni i Rithemelimit të PD-së, vendosi që sot të fillojë nga puna për zbatimin e vendimeve të Kuvendit të mbajtur në stadium.

“Sot Komisioni i Përkohshëm i PD, pas diskutimeve ka vendosur të fillojë menjëherë nga puna për zbatimin e vendimeve të Kuvendit të 11 Dhjetorit të rithemelimit të PD. Deri më 22 mars, të gjitha strukturat e kësaj partie duhet të shndërrohen në struktura të anëtarëve të PD në të cilat ata do të vendosin me votën e lirë për drejtuesit e tyre. Duke vazhduar me këtë proces, demokratët janë të vetëdijshëm se janë në një revolucion të pandalshëm, të një rëndësie jetike dhe ata mbeten të gatshëm për të përmbushur çdo mision që do kërkohet në avancimin e kauzës sonë. Komisioni vendosi t’i komunikojë deputetit Lulzim Basha vendimet supreme të anëtarësisë së PD në aktin më historik të lirisë gjatë pluralizmit, siç ishte referendumi i datës 18 dhe ky akt siç e dini ishte shkarkimi, ratifikimi i shkarkimit. Si një akt protokollar dhe jo detyrim sepse detyrimi është shpallur para të gjithë shqiptarëve, deputetit Basha do i dërgohet një shkresë ku do njoftohet për këtë vendim. Për të gjithë anëtarët e PD që votuan më 18 dhjetor, Komisioni vendosi të njoftojë se anëtarësi e PD është më këmbë dhe e vendosur të zbatojë vendimin e saj, vendimi i marrë do zbatohet pa asnjë lloj hezitimi. Paralajmëroj deputetin Basha të mos imagjinojë e mendojnë për një çast t’i kundërvihet vendimit të referendumit më të gjerë që është mbajtur ndonjëherë në historinë e vendit. Anëtarët kanë vendosmëri absolute për të zbatuar këtë vendim”, tha Berisha./albeu.com/

The post Tha se do i çojë një shkresë me shkrim Bashës, çfarë po paralajmëron Sali Berisha? appeared first on Albeu.com.

Berisha u shpreh se Basha ka bërë çdo përpjekje të mbushë sallën e Kuvendit të thirrur prej tij me nxënës dhe drejtues të PS-së.

“Është anëtarësia ajo që vendos sot për shkarkimin e Lulzim Bravës nga ajo detyrë që siç dëshmoi nuk e ka merituar ndonjëherë. Ky është një kapitull i ri në rrugën e rithemelimit të PD-së dhe pluralizmit shqiptar. Ky është një akt madhor që ka dridh themelet e shtetit. E patë kreun e Meduzës se si përpiqej të tjetërsohej në çdo gjë. E patë Lul Bravën se si ka mbledh nga nxënës shkollash deri në kryetarët e PS-së. Shikoni nga ana tjetër se si ka sjellë shpresë të madhe PD-ja e re”, është shprehur Berisha./albeu.com/

The post Referendumi, voton Berisha! Mesazh për Bashën e Ramën appeared first on Albeu.com.

Por si i komentojnë këto zhvillime analistët?

Për Mentor Nazarkon, Berisha ka të drejtë të shkojë te selia e partisë së tij. “Mori tone dramatike, por u paratha. Berisha kishte një thirrje pardje, mblidhuni bashkë te shtëpia e mendimit. Por duhet të ishte një zhvillim normal. Ai ka të drejtë të shkojë te partia e tij. Partia nuk duhet t’i ketë dyert e mbyllura për ata që janë në front me kryetarin. Nuk e di kush e dha shkëndijën që të kishte tone dramatike. Rikthimi i raportit me të vërtetën duhet të kishte ndodhur më përpara për ta futur Bashën në hullinë e një lideri të vërtetë” tha ai.

Artur Zheji u shpreh se Sali Berisha i bëri një të mirë dhe të keqe vetes. “Doktorit i duhej një event masiv për të thënë se “unë jam ai që lëviz ujërat” prandaj nuk bëhen hesapet me mua si një pensionist. Ka dalë në profilin e tij “3D” me mbështetje, influencë. Por i ka bërë edhe një dëm vetes, sepse ka treguar fuqinë e tij të vërtetë, që ka qenë e nëndheshme kur ishte Basha kryetar. I ka bërë një të mirë vetes që “shiko kush jam unë, negocioni ndryshe”, nga ana tjetër ka treguar fuqinë e tij të vërtetë”.

Botuesi Fahri Balliu e cilësoi Kuvendin Kombëtar të Sali Berishës diamant. “Në jetën politike shqiptare që mund të përshkruhet si kënetë mashtrimi dhe korrupsioni dhe një bashkëpunimi nga peng-kryetari Basha, vetë Kongresi, kuvendi është një diamant që do të ndihet shumë shpejt në ditët dhe muajt e ardhshëm. Ai ishte drejtuar kundër Ramës dhe në punë e sipër zgjidh edhe problemet brenda PD-së. Sot ishte një procedim normal që u paralajmërua me shumë kulturë dhe edukatë nga Berisha dhe gjithçka që ndodhi aty me grupin e rithemelimit. Përsa i përket bravave dhe zyrave të shqyera në stilin e një mendësie guerrilase dhe staliniste janë pjesë shumë e largët. Ka rrezik ti kenë marrë nja 200 e ca euro dhe hajt ti gjesh ato” tha ai për Belind Këlliçin, i cili denoncoi vjedhjen e disa materialeve dhe sendeve në zyrë.

“Berisha ishte i qetë dhe shumë i moderuar. Basha në përgjithësi është i qetë, por tani momenti, retorika është në funksion të diçkaje politike. Ai po konfiguron përkrahësit, se po të bënte luftën brenda PD do të shkonte në Kuvend. Një lider që mendon që nuk duhet të jetë atje ku pjesa e militantëve është, është mangësi për atë” tha Agim Nesho.

Pjesë e kuvendit të 11 Dhjetorit ishte edhe Fatbardh Kadilli, ish-kandidat për kryetar të PD-së, i cili i kërkoi Sali Berishës në sy që të hapte krahun për brezin e ri. Por cfarë ndodhi më pas? “Pati një moment kur atakova Berishën dhe modelin e tij dhe ftesën që të mos rikthehet në krye të PD-së. Në stadium kishte delegatë por edhe tifozë të Berishës. Ishte më i ashpër reagimi në Këshillin Kombëtar kur sfidova Bashën sesa kur fola në stadium për Berishën. Unë nuk vajta për Berishën, shkova për t’u folur demokratëve dhe në 18 nëse do të ketë Kuvend unë do të shkojë për t’u folur demokratëve”.

Nuk ju shau kush? “Jo, jo! Më jepnin dorën. Kjo e sotmja ishte një teatër, fajësoj Bashën që nuk lëshoi karrigen kur humbi zgjedhjet për herë të pestë radhazi” theksoi Kadilli.

I pyetur nëse do të votoni në referendumin që ka iniciuar Sali Berisha në 18 Dhjetor për shkarkimin e Bashës, Kadilli tha se “Largimin e Bashës e kam kërkuar me zë, përpjekje dhe garë. Jam i gatshëm për aktet politike që shkarkojnë Bashën. Berishën nuk e dua të rikthehet, por është Basha që e futi partinë në këtë ngërç”. /Abcnews.al

The post I tha Berishës në sy hap krahun, Kadilli zbulon çfarë ndodhi më pas appeared first on Albeu.com.

Basha shtoi se nuk ka dashur ta fusë prokurorinë në mes të demokratëve, në situatën e kapjes së shtetit.

“Suel Çela mund të frikësojë Sali Berishën, por jo mua. Suel Çela mund të frikësojë njerëzit rreth Berishës, por jo mua. Tom Doshit ja harroi emrin Berisha, por jo unë. Suel Çela dhe banda e tij janë kallëzuar disa herë dhe e fundit ishte masakra e 25 prillit. Po të shkoni në prokurori do i shikoni kallëzimet atje. Arsye kryesore, pse deri më sot ishte të mos e fusnim prokurorinë mes demokratëve ishte se në një shtet të kapur, shërbimi më i keq që mund t’i bënim demokratëve ishte që t’i lejoja vetes që të fusja prokurorët mes demokratëve”, u shpreh Basha./albeu.com/

The post Basha: Suel Çela mund të frikësojë Sali Berishën, por jo mua appeared first on Albeu.com.

Basha shtoi se Berisha për të ka pushuar së qenuri një çështje dhe bën mirë që të heq dorë nga manipulimi i demokratëve.

“Çdokush që shkel sakrificat e demokratëve do ta marrë përgjigjien. Këtë forcë nuk do ta marrë peng as Rama e as Berisha, një njeri që ka përfunduar si “non grata” i aleatit tonë të fuqishëm. Koha jote është ndalur, e ke ndalur vetë, kemi thyer e shkelur standardet tona për të të shpëtuar prandaj hiq dorë. Ndale këtu përpjekjen tënde me njërëzit e tu qe janë turp i PD, cliroji ata që i ke manipuluar.

Ai ka pushuar së qenuri një cështje për mua dhe PD i është berë e qartë 3 ditë më partë se cdo asocim me këtë njeri e bën partinë të pavlefshme.

Nuk e ul qafën para askujt e asgjëje, por shqipëria sot është peng i krimit e korrupsionit. Është qesharake kjo paçavure”, është shprehur Basha./albeu.com/

The post “Nuk e ul qafën para askujt!”, Basha ngre tonet: Berisha ka pushuar së qenuri çështje për mua appeared first on Albeu.com.

Basha u shpreh se Berisha e nisi karrierën e tij politike si një ish-komunist, me dy tesera partie në xhep dhe po e përfundon si një i shpallur “non grata” nga Shtetet e Bashkuara.

“Berisha e nisi karrierën politike me dy tesera në xhep dhe po e përfundon si i shpallur “non grata” nga Shtetet e Bashkaura. Ne nuk ndalemi përballë një paçavure që shoqërohet nga disa paçavure të tjerë”, është shprehur Basha.

Basha shtoi se Berisha po kërkon të rikthejë skemat e vitit të errët 97’ dhe sipas tij është kthyer në një tub oksigjeni për regjimin e Ramës./albeu.com/

The post Basha: Berisha “paçavure”, e nisi karrierën politike me dy tesera të Partisë Komuniste në xhep appeared first on Albeu.com.