E ftuar në emisionin “Të Paekspozuarit” në MCN TV, Topalli tha se nuk ka njohje dhe miqësi me Kokalarin.

Ndërsa Belind Këlliçi, deklaroi se Kokalari i ka dhënë një ndihmë të madhe Partisë Demokratike.

Pjesë nga biseda:

Ylli Rakipi: Zonja Topalli, Evi Kokalari tha se nuk i flisni asaj dhe i shmangni gratë.

Jozefina Topalli: Jo. Nuk është ashtu. Nuk kemi miqësi, nuk njihemi.

Ylli Rakipi: Çfarë detyre ka Kokalari në PD?

Belind Këlliçi: Asnjë detyrë. Jeton në SHBA dhe është aktiviste e Partisë Republikane.

Ylli Rakipi: Deklaratat e Kokalarit përfaqësojnë PD?

Belind Këlliçi: Janë deklaratat e saj, është aktiviste republikane, ka qëndrimet e saj konservatore.

Arjan Çani: Po me Jozefinën cfarë pati ajo sepse Jozefina tani është në krahun e duhur?

Jozefina Topalli: Unë jam mësuar aq shumë…

Belind Këlliçi: Evi i ka shërbyer jashtë mase Partisë Demokratike.

Ylli Rakipi: Nuk kam gjë, kam miqësi me të e kam ftuar në studio. Por kam pyetje që lidhen me të.

Belind Këlliçi: Ajo ka thënë nuk kam asnjë ambicie për asnjë pozicion.

Arjan Çani: Kam një parandjenjë që kur Berisha të zgjidhet edhe kryetar, Evi do dalë kundër Berishës. Do ti duket sikur e ka lënë pas dore.

The post “Jozefina nuk më flet”, Topalli i përgjigjet Kokalarit pas ankesës së saj appeared first on Albeu.com.

Lajmin e bëri të ditur një ditë më parë Komisioni i Rithemelimit përmes një njoftimi të Edi Palokës.

Këshilli i ri Kombëtar u zgjodh në Kuvendin e 30 prillit, i organizuar nga “Rithemelimi” dhe ish-kryeministri Sali Berisha.

Paloka bëri të ditur se Këshilli Kombëtar do të mblidhet në orën 18.00 dhe gjatë kësaj mbledhjeje do të zgjidhet edhe kryetari i këtij organi të PD-së.

Po ashtu ai tha se do të mbajnë edhe një qëndrim për zgjedhjen e presidentit të ri të vendit.

Kuvendi i 30 prillit duket se e ka thelluar edhe më shumë çarjen mes palëve në selinë blu, ndonëse pas 6 marsit pati tentativa dhe retorikë për bashkim.

“Rithemelimi” nuk e njeh Enkelejd Alibeaj si kryetar të grupit parlamentar, pasi votuan për ta shkarkuar në Kuvend. Për rrjedhojë deputetët që mbështesin këtë palë dhe që janë pjesë e komisionit bojkotuan dje mbledhjen e thirrur nga Alibeaj për të diskutuar çështjen e presidentit.

Paloka tha se Këshilli Kombëtar është i vetmi organ legjitim për të mbajtur një qëndrim lidhur me zgjedhjen e presidentit të ri, ndërkohë që Alibeaj është shprehur se ky Këshill është një institucion paralel dhe i vetmi organ legjitim sipas tij është Grupi Parlamentar i PD-së./albeu.com/

The post A po thellohet përçarja? Mblidhet sot Këshilli Kombëtar i PD appeared first on Albeu.com.

Që në nisje të intervistës, Berisha u ndal te Kuvendi i 30 prillit si dhe te rikthimi i tij i tretë në PD.

Pjesë nga biseda

Çfarë që prodhoi Kuvendi i 30 prillit, bashkim apo përçarje?

Ky është një proces unik në llojin e tij që zhvillohet në narko-shtet. Nëse rikthehemi nga shtatori deri sot, çfarë do shihni ju në këtë përballje?! Ka një përballje mes legjitimes dhe jo legjitimes. Midis bashkimit dhe përçarjes, midisi demokratikes dhe autokratikes. Kjo është e vërteta e pamohueshme. Pse është mes jolegjitimes dhe legjitimes?! Ky proces nisi kur kryetari i PD nën presionin e tmerrshëm të ambasadores së SHBA-ve mori një vendim të pabazuar në asnjë ligj të PD në asnjë forum të PD, në asnjë ligj të Shqipërisë, për përjashtimin tim nga grupi parlamentar në një kohë kur ai nuk kishte kompetencë. Për vendosjen e kësaj kompetencë u përdorën firmat e ¼ të delegatëve dhe u mblodh një Kuvend në dhjetor që miratoi një status të ri që e nxjerr partinë nga mundësi të tilla. Ne atë kuvend PD erdhi pas një votimi të certifikuar të lirë, të rreth 40 mijë anëtarëve të saj. Të garantojë se në historinë e saj s’ka pasur të tillë. Në këtë kontekst, unë nuk ju premtova asgjë më shumë demokratëve, se sa rikthimin e votës së lirë.

Synimi juaj ishte bashkimi?

Bashkimi me votën e lirë. E kam thënë dhe e kam përsëritur, bashkimi rreth votës së lirë. Ai që pranon votën e lirë, është i mirëpritur dhe s’ka asnjë lloj intimidimi.

The post Kuvendi i 30 prillit: A do bashkohen demokratët? Ja çfarë thotë Berisha appeared first on Albeu.com.

Berisha u shpreh i bindur se ata do t’i bashkohen dora dorës.

“Partia erdhi më 30 prill më e bashkuar se asnjëherë, me qindra dhe mijëra anëtarë por edhe drejtues të saj që para 6 marsit, nuk ishin në një pozicion me shumicën, u bashkuan në këtë proces. Në disa degë, ish kryetarët u rikonfirmuan kryetarë. Anëtarësia masivisht u bashkua. Ka akoma disa grupe të vogla, por shumë të vogla të cilat dora dorës do bashkohen. Thirrja e bashkimit drejt votës së lirë funksionoi. Nuk ka bashkim më të ndershëm dhe demokratik sesa ky.

Funksionoi përkundër sulmeve dhe trillimeve të sajuara nga qeveria dhe propaganda e saj kundër PD-së. Asnjë deputet nuk mund të mbajë peng zyrën e PD-së. Unë kam besim se në tërësi deputetët e PD-së do i bashkohen shumicës. Nuk mund të them se çdonjëri prej tyre por në tërësi shpreh bindjen më të madhe se pas Kuvendit edhe shumica dërrmuese e tyre tdo t’i bashkohen PD-së.

Ata që pretendojnë po pse nuk u shty kuvendi, ju them sepse nuk pranonte shumica që ta shtynim. Edhe pakica nuk pranoi sepse u bashkuan në proces dhe votuan”, tha Berisha./albeu.com

The post 35 deputetë të munguan në Kuvendin e PD, Berisha flet me bindje: Do na bashkohen dora-dorës appeared first on Albeu.com.

Berisha foli për votën e lirë, për të cilën tha se u përzu nga kryeministri Edi Rama dhe Lulzim Basha. Ish-kryeministri tha se vota e lirë është rikthyer.

“Po ju paraqes zhvillimet më të rëndësishme të Kuvendit të PD-së. Një proces që nisi gjysmën e dytë të shtatorit dhe u finalizua me sukses në Kuvendin e 30 prillit. Ata që i kujtojnë hapat e parë të kësah nisme, premtimet më të pra, do të gjejnë se vota e lirë ishte premtimi më solemn që u bëmë demokratëve shqiptarë në fillim dhe në mënyrë të përsëritur theksova para tyre se ne sollëm në Shqipëri votën e lirë. Ndërkohë Rama dhe për ngjashmëri, Lulzim Basha e përzunë atë nga Shqipëria. Mund të them se në ato ditë gjer sot, PD kaloi procese si kurrë më parë, Kuevnde gjigante, referendume të papara. Kalo në zgjedhje në çdo seksion, grupsesksion dhe degë. Së fundmi bëri zgjedhje për këshillin kombëtar të PD-së. Në të gjithë këtë proces ka patur dominim vota e lirë. E keni ndjekur dhe nuk gjeni një rast të vetëm dhe të thotë se nuk ishte i drejtë numërimi i tyre, se pata një presion nga sipër për të votuar. Kjo përbën përmbushjen e një zotimi, të një rëndësie themelore. Në këtë proces, shumëmujor, është votuar dhe kanë garuar qindra kandidatura. Në mënyrë absolute asnjë prej tyre i sugjeruar, i emëruar nga instancat e epërme të kësaj partie. Jo vetëm u rithye vota e lirë me këtë forcë politike, por u arkivua në harresë ajo që duhet kryetarokraci apo presidentokraci. Pa këtë proces, janë zgjedhur kandidatët më të mirë, janë votuar  përfaqësues të shkëlqyer të demokratëve. Si kurrë ndonjëherë më parë, në 8 degë të PD, nga Saranda në Mat, kanë fituar 8 zonja të nderuara”, tha Berisha./albeu.com

The post Berisha: Vota e lirë që e kishte përzënë nga Shqipëria Rama e Basha, u rikthye appeared first on Albeu.com.