Berisha denoncoi se u janë dërguar mesazh nëpunësve që të marrin pjesë.

Teksa bëri thirrje që të heqin dorë dhe të anulojnë takimin e nesërmë, Berisha tha se “antimitingjet nuk do të tolerohen”.

“Jam këtu për të denoncuar me forcën më të madhe vendimin e kreut të Meduzës, kreut të organizatës kriminale për të organizuar nesër në Vlorë antimitingun e turpshëm të historisë. Ju paralajmëroj se në mënyrë absolute antimitingjet tuaja nuk do të tolerohen. Antimitingjet tuaj do të marrin atë përgjigje që do të mjeroheni me të. A ka akt më të turpshëm të marrësh nëpunësit këtu dhe të dalësh kundër protestës qytetare. A ka akt më përçarës! Hiqni dorë, anulojeni! Mos e provoni, të ndiqen rregullat. Ka një protestë më qytetare, dënoj edhe dhunën ndaj tyre. Ndaj dhe është fashiste, stalinisti praktika e antimiringjeve, hiqni dorë. Kam publikuar mesazhet që keni dërguar në administratë”, u shpreh Berisha.

The post Rama, antimiting në Vlorë/ Berisha: Merr nëpunësit dhe del kundër protestës qytetare, akt përçarës, hiqni dorë dhe anulojeni appeared first on Albeu.com.

Ndërsa kërkoi ardhjen e kreut të mazhorancës për t’iu përgjigjur pyetjeve të opozitës për problematikat e ngritura, ai shpjegoi se Shqipëria ka hyrë në diktaturë, ku edhe kreu i ekzekutivit e shpërfill ligjin.

“Po kujtoj nenin 80 të Kushtetutës që Kryeministri të mos i shmanget interpelancës, Kushtetuta përcakton themelin e shtetit. Dhe kur kryeministri shkel nenin bazë, që është Kushtetuta, imagjinoni se çfarë ndodh. Ka shumë zotërinj të nderuar që duan të diskutojnë me kryeministrin e vendit. Na thoni a është më Republikë Parlamentare Shqipëria apo jo”, tha ai mes të tjerash.

Gjithashtu, Alizoti shtoi se ligji dhe Kushtetuta janë bërë që të ndalojnë “epshin e liderave”, pasi në të kundërt kemi diktaturë.

“Nëpërmjet ligjit ndalohet epshi i liderit dhe kur lideri refuzon ligjin atëherë kemi diktaturë. A jemi në diktaturë? Jemi haptazi në diktaturë. Edhe këta zotërinjtë duhet ta thonë se jemi haptazi në diktaturë. Kryeministri po shkel ligjin, po shkel Kushtetutën. Ju keni tagrin të shpjegoni pse nuk vjen kryeministri në interpelancë, ka të bëjë me shtetin, me kushtetutën. Nga e merr të drejtën kryeministri i Shqipërisë të shkelë Kushtetutën e Shqipërisë, ju lutem më jepni përgjigje”, u shpreh Alizoti.

Nënkryetarja Klodjana Spahiu, iu përgjigj duke i shpjeguar se përgjigja do të merrej gjatë kohës kur të zhvillohen interpelancat e kërkuara me kryeministrin.

“Në zhvillim të interpelancave do merrni edhe përgjigjen nga kryeministri”, tha ajo.

The post Alizoti akuza Ramës: Jemi në diktaturë, kryeministri po shkel Kushtetutën, të vijë në Kuvend për interpelancë dhe të mos i shmanget appeared first on Albeu.com.

Zhupa theksoi se qeveria duhet të tërhiqet, pasi s’ka turizëm të qëndrueshëm me beton.

“Kam kërkuar interpelancë me ministrin e Mjedisit për projektin e Zvërnecit. Ku e keni ministrin? Pse nuk është futur në rendin e ditës interpelanca? Bëtë Gjirin e Manastirit kompleks, nuk pyetët se ishte zonë e mbrojtur, Butrintin po ashtu… nuk po pyesin as për Zvërnecin. Sot shqiptarët janë çuar, për një betejë që unë e kam nisur që me Butrintin dhe PD e ka çuar në Gjykatën Kushtetuese. Nuk ka turizëm të qëndrueshëm me beton të qëndrueshëm. Duhet të tërhiqeni dhe të trembeni nga shqiptarët e ndershëm që protestojnë atje përtej cdo partie. Nuk mund të thoni janë anti mjedisit se duan të respektojnë natyrën dhe mjedisin”, tha Zhupa.

The post Resorti në Zvërnec, Zhupa: S’ka turizëm të qëndrueshëm me beton të qëndrueshëm appeared first on Albeu.com.

Interpelanca janë thirrur edhe me ministrin e Brendshëm Besfort Lamallari, ministrin e Infrastrukturës dhe Energjisë, Enea Karakaçi si dhe ministrin e Jashtëm Ferit Hoxha.

Rendi i ditës:

1. Miratimi i procesverbalit të seancës plenare të datës 1.6.2026.

2. Njoftime.

3. Interpelancë urgjente me Kryeministrin e Republikës së Shqipërisë, z. Edi Rama, kërkuar nga një grup deputetësh të Grupit Parlamentar të Partisë Demokratike.

4. Interpelancë urgjente me Ministrin e Punëve të Brendshme, z. Besfort Lamallari, kërkuar nga një grup deputetësh të Grupit Parlamentar të Partisë Demokratike.

5. Interpelancë me Kryeministrin e Republikës së Shqipërisë, z. Edi Rama, kërkuar nga deputetët Agron Shehaj dhe Erald Kapri.

6. Interpelancë me Ministrin e Infrastrukturës dhe Energjisë, z. Enea Karakaçi, kërkuar nga deputeti Kliti Hoti.

7. Interpelancë me Ministrin e Infrastrukturës dhe Energjisë, z. Enea Karakaçi, kërkuar nga deputeti Gjin Gjoni.

8. Interpelancë me Ministrin për Evropën dhe Punët e Jashtme, z. Ferit Hoxha, kërkuar nga deputeti Erald Kapri.

9. Projektligji “Për ratifikimin e marrëveshjes, ndërmjet Republikës së Shqipërisë dhe Republikës së Polonisë, për sigurimet shoqërore”.

10. Projektligji “Për nënproduktet me origjinë shtazore”.

11. Diskutime për çështje jashtë rendit të ditës.

The post Sot seancë plenare në Kuvend/ Gjashtë interpelanca me Ramën dhe ministrat dhe dy projektligje, rendi i ditës appeared first on Albeu.com.

Salianji e konsideron Berishën një kryetar jo legjitim, pasi thotë se kandidoi në kundërshtim me Statutin dhe pa lejuar kandidatë përballë. Ai paralajmëroi organizimin e një Kuvendi dhe vijimin e çështjes në gjykatë.

Kujtojmë se Sali Berisha, organizoi një Kuvend në stadium kur nisi procesin për t’i marrë vulën e partisë Lulzim Bashës.

Biseda në studio:

Artan Hoxha: Kur është Kuvendi i PD? Do të shkosh ti?

Ervin Salianji: PD jam unë. Unë do të bëj Kuvend më vete!

Artan Hoxha: Po si?

Ylli Rakipi: Do të bësh kuvend vërtetë?

Ervin Salianji: Pse kot flas unë? Kam nisur edhe proces tjetër unë. Së pari, institucionet funksionojnë me shkresa. Nuk kam shkresë pse jam përjashtuar. Kam dërguar shkresë me postë. Do të pres afatin ligjor.

Artan Hoxha: Do ti drejtohesh gjykatës?

Ervin Salianji: Patjetër.

Artan Hoxha: Beson te gjykatat?

Ervin Salianji: Do të vijoj procesin deri në fund. Kam folur me faktorin ndërkombëtar. Ja rezultati, e uroi njeri Berishën? Hyn ndonjë ambasador te dera e këtij? Ligjërisht do ta vazhdoj. Kam folur dhe kam informuar të gjithë faktorin. Po pres një element tjetër unë.

Ylli Rakipi: Kuvend për çfarë do të organizosh ti?

Ervin Salianji: Për të luajtur valle… Nuk e njohim ne Berishën, nuk është legjitim.

Ylli Rakipi: Pra do të kërkosh vulë?

Ervin Salianji: Do të vijojmë betejën derisa PD të jetë fituese.

The post Zhvillime “bombë” në Partinë Demokratike, Salianji deklaron se do të organizojë Kuvend appeared first on Albeu.com.

Bardhi tha se mazhoranca po përpiqet të shmangë lidhjen mes çështjeve të korrupsionit dhe procesit të integrimit europian, ndërsa sipas tij raporti i BE-së i referohet qartë problematikave që lidhen me aferat në sektorin publik.

“Jua ka zbardhur media, meqë thoni IBAR nuk ka lidhje me Ballukun. E lexuat apo edhe atë bëtë sikur nuk e lexuat”, u shpreh Bardhi nga foltorja e Kuvendit.

Ai citoi pjesë nga raporti i IBAR, ku thuhet se korrupsioni mbetet i përhapur në shumicën e fushave të jetës publike dhe biznesit në Shqipëri.

“Megjithatë, BE-ja thekson se korrupsioni mbetet i përhapur në shumicën e fushave të jetës publike dhe biznesit, përfshirë të gjitha degët e qeverisjes qendrore dhe vendore, si edhe institucionet, duke mbetur një çështje me shqetësim serioz”, citoi Bardhi nga raporti.

Sipas tij, dokumenti i Bashkimit Europian evidenton si sektorë me risk të lartë korrupsioni infrastrukturën publike, prokurimet publike dhe kontratat e Partneritetit Publik-Privat.

“BE-ja thekson se këto masa tani duhet të zbatohen me vendosmëri dhe të japin ndikim veçanërisht në sektorët më të rrezikuar nga korrupsioni, mbi të gjitha në infrastrukturën publike, kadastrën dhe të drejtat e pronësisë, doganat, administratën tatimore, arsimin, shëndetësinë, prokurimet publike dhe kontratat e Partneritetit Publik-Privat”, vijoi ai.

Në fjalën e tij, Bardhi ndaloi edhe te çështja e zgjedhjeve, duke theksuar se raporti i IBAR kërkon masa konkrete për garantimin e barazisë mes palëve politike.

“Ju keni thënë s’kemi probleme me zgjedhjet, por IBAR thekson se duhen marrë masa të krijohet barazi mes palëve, ndërsa shton se duhet të zhduket rrjeti i patronazhistëve”, deklaroi Bardhi.

Në përfundim, ai tha se mazhoranca tashmë është e detyruar të zbatojë rekomandimet e Bashkimit Europian.

“Meqë deri tani nuk e keni dëgjuar opozitën që nuk ka thënë asnjë germë ndryshe nga sa ju ka thënë BE në IBAR, jeni të detyruar të zbatoni tani atë që ju kanë kërkuar 27 vendet e BE-së”, përfundoi Bardhi.

Bardhi: Në emër të grupit të PD deklaroi=j nga kjo foltore do votojmë pro çdo investimit në Shkodër dhe në veri dhe që financohet nga buxheti i shtetit. Keni patur mundësi ta bëni këtë. Deputetët e Shkodrës së PD kur ka kaluar buxheti i 2026 kanë paraqitur amendamente konkrete për financime në Shkodër dhe gjithë qarkun. Përpara se të na vini këtu me projektin Porta e Alpeve, na ecni një herë me porta hyrëse e Shkodrës. Turp që një qytet që mund të jetë 1 orë larg, për shkak se nuk keni kryer asnjë investim duhen 4 orë.

Ç’nevojë keni ju të merrni hua. Pse duhet të marrim 100 mln euro hua për disa projekte , pse duhet të marrim hua. Kërkojini BB të kthejë 50 mln euro që vodhi nga Tuneli. Zotrote merr mbrapsht 50 mlnd që ke paguar kot për TEC e Vlorës, dhe çojmë jo 100 mln por 130 mln në Shkodër. Nuk ka nevojë që paratë e shqiptarëve të gjallë ne i vjedhim hajde të fusim borxh edhe shqiptarët që nuk kanë lindur akoma.

Nuk votojmë pra se është profesor i Oksfordit që vjedh paratë e shqiptarëve. Si mund të votojmë ne që ti çojmë fondet te ky njeri (Benet Beci)? Nuk votojmë. Keni gënjey çdo shqiptar se nuk ka bllokuar çështja e BB IBAR. Jua ka bzardh media. Meqë qeveria e mban konfidencial. IBAR që COELA ia ka kaluar mbledhjes së ambasadorëve.

Ju kërkuam ti referoheni standardeve të Komisionit të Venecias, nuk pranuat. Dhe detyruar BE ta fusin ë Raportin IBAR si kushte të Shqipërisë për ti mbushur.

The post “Thatë se IBAR nuk ka lidhje me Ballukun”, Bardhi në Kuvend: Raporti konfirmoi shqetësimet e opozitës për ish-zv.kryeministren, AKSHI, korrupsionin dhe zgjedhjet appeared first on Albeu.com.

Deputetja demokrate tha se sa më i paqartë të jetë projekti, aq më e lehtë bëhet ndarja e fondeve dhe privilegjeve për klientët e qeverisë. Sipas saj, ky nuk është projekt zhvillimi por është një gjeografi sipas tenderit. Ajo tha se kur qeveria fut bregdetin te Porta e Alpeve, nuk po ngatërron hartën, por po teston sa shumë mund të deformojnë realitetin pa dhënë asnjë shpjegim.

Fjala e saj:

Kur një projekt nuk ka kufij të qartë, nuk ka transparencë financiare dhe nuk ka kritere publike, atëherë hapet dera për atë që kjo qeveri di të bëjë më mirë: favorizime, grabitje pronash dhe klientelizëm. Ka një pyetje që askush nga qeveria nuk i përgjigjet: Si ka mundësi që fondet për Alpet dhe zhvillimin malor përfundojnë në zona bregdetare? Nëse projekti quhet “Porta e Maleve, e Alpeve”, pse përfshihen territore që identitetin ekonomik e kanë te deti, turizmi bregdetar dhe te fusha? Kjo bën projektin të duket jo si strategji zhvillimi, por si një hartë politike interesash.

Këto paradokse nuk janë gabime teknike në fakt. Janë mjegull politike. Sa më i paqartë projekti, aq më e lehtë bëhet ndarja e fondeve dhe privilegjeve për klientët e qeverisë. Dhe kur shteti nuk jep harta, kritere dhe as transparencë, njerëzit kanë të drejtë të dyshojnë se pas zhvillimit fshihet një operacion për kontroll territori.

Kur flitet për Portën e Alpeve për Lezhën dhe Shkodrën, askush nuk shpjegon: Sa fonde shkojnë te secili qark? Cilat janë projektet konkrete? Kush përfiton? Me çfarë kriteresh? Paradokset në fakt, që duken në sipërfaqe, gjithmonë fshehin interesin e tyre poshtë. Me këtë qeveri, Alpet kanë zbritur deri në det në Lezhë, që ka bregdetin, lagunën, fushën, që na doli papritur Porta e Alpeve. Me këtë logjikë, nesër në portin e Shëngjinit mund të mbajmë një stacion ski pa problem.

Ky nuk është projekt zhvillimi. Kjo është një gjeografi sipas tenderit. Ose Alpet kanë lëvizur nga vendi, ose fondet po ecin sipas interesit. Kur qeveria fut bregdetin te Porta e Alpeve, nuk po ngatërron hartën; po teston sa shumë mund të deformojnë realitetin pa dhënë kurrë asnjëherë asnjë shpjegim. Lezha ka detin. Paradokset që duken në sipërfaqe shpesh fshehin interesin e vërtetë, përsëris, por për pushtetin rëndësi nuk ka relievi; rëndësi ka relievi i interesave. Në këtë vend, edhe malet nuk ndjekin më natyrën. Ndjekin klientin.

Kur zgjedhjet manipulohen, ekonomia kontrollohet nga klientela dhe parlamenti trajtohet si dekor, atëherë sigurisht që Al Capone nuk është më figurë filmi. Është model qeverisjeje. Dhe projekti i paketës së maleve dhe i Portës së Alpeve është njëri prej tyre. Unë do kisha dashur shumë ta votoja. Dhe ndoshta edhe do ta votoj. Por unë jam e bindur se paratë që ju i quani me emrin e bukur e interesant “Porta e Alpeve”, do shkojnë rrush e kumbulla.

The post “Është pa transparencë dhe kufij të qartë”/ Topalli në Kuvend: Porta e Alpeve shërben për favore politike, paratë e qytetarëve në rrush e kumbulla appeared first on Albeu.com.

Ai akuzoi ministrinë për zhvendosjen e godinës së spitalit në ambiente të papërshtatshme, duke i cilësuar ato si “qenefhane”.

Korreshi ngriti edhe shqetësimin e mungesës së ilaçeve dhe pajisjeve mjekësore, ndërsa teksa iu referua një raporti tha se janë evidentuar mbi 100 milionë lekë medikamente të skaduara.

“Pyetja e parë drejtuar ju është “a keni ngrënë mëngjes ?” se unë po ju ofroj mëngjesin e spitalit në Lushnje për pacientët. Ky është mëngjesi që hahet nga pacientet. Nga auditimi që keni bërë ju, në punë nuk është kuzhiniere, por është infermiere. E keni lënë ju me shkrim, në kuzhinë punon infermierja si kuzhiniere.

Pse keni zhvendosur godinën e spitalit Lushnjë dhe e latë prej 8 muajsh në një qenefhane, ku është dhe sot dhe nuk zbardhet leja e ndërtimit. Kush e mban këtë përgjegjësi, që të gjithë pacientët e Lushnjës të rrinë në qenefhane. E dyta si jeni më gjeografinë, kaq të vështirë e keni të kuptoni që ka edhe qytete të tjera përveç Tiranës. Pse nuk vini me mua të vizitojmë ambientet e spitalit Lushnje. Pyetje e drejtpërdrejtë nga qytetarët e Lushnjes, cfarë bën punën ministrja e Shëndetësisë, rri në aeroplan apo duhet të shikojë edhe spitalet që ka në varësi?! Sepse në avion mund të kontrollosh maksimumi ndihmën e shpejtë. Nga raporti që thoni ju janë mbi 100 mln lekë ilaçe të skaduara”, tha Korreshi.

The post Sajmir Korreshi interpelancë me ministren e Shëndetësisë: Të gjithë pacientët e Lushnjes rrinë në “qenefhane”,100 milionë lekë ilaçe të skaduara, mungojnë pajisjet dhe medikamentet appeared first on Albeu.com.

Tre prej banorëve janë parë të ulur në sallën e Kuvendit, të shoqëruar edhe nga deputeti i Partisë Mundësia, Erald Kapri.

Ndërkohë, në të njëjtën kohë, deputeti i Partisë Mundësia, Agron Shehaj po zhvillonte një interpelancë me zv.kryeministren Albana Koçiu lidhur me çështjen e banorëve dhe pretendimet e tyre për tjetërsimin e pronave.

Sipas banorëve, projekti turistik në zonën e Rrjollit po ndërtohet mbi tokat e tyre, të cilat pretendojnë se janë tjetërsuar përmes dokumenteve të falsifikuara dhe më pas i janë shitur investitorit strategjik.

Projekti ka nisur në shkurt të këtij viti dhe parashikon ndërtimin e 33 strukturave akomoduese dhe shërbimi, me godina nga 3 deri në 10 kate mbi tokë, si dhe një kat nëntokë, nga shoqëria ABA Blue Borgo.

The post Prej muajsh protestojnë për vjedhjen e pronave, banorët e Rrjollit marrin pjesë në seancën plenare në Kuvend appeared first on Albeu.com.

Sapo mori fjalën, Manja u shpreh se po i drejtohej Peleshit për një “ndjesë me mikrofon”, duke iu referuar një situate të mëparshme në sallë, ku sipas tij kishte kërkuar falje pa mikrofon.

“Ndjesa ime pa mikrofon është më e fortë se cinizmi yt me mikrofon”, tha Manja, duke shtuar se ndërhyrja e tij lidhej edhe me pamundësinë për të replikuar më herët gjatë debatit.

Ai theksoi se, megjithëse rregullorja e Kuvendit nuk lejon replika në atë moment, ekziston mundësia e mirëkuptimit mes kolegëve për ndryshimin e radhës së fjalës, gjë që sipas tij nuk u respektua.

Gjatë fjalës së tij, Manja iu rikthye edhe debatit politik me opozitën, duke përmendur kreun e PD-së Sali Berisha, të cilin e akuzoi për përdorimin e gjuhës së ashpër dhe të konfliktit politik ndër vite.

Sipas tij, përballja me një figurë me eksperiencë të gjatë politike kërkon më shumë se rregullore parlamentare, duke iu referuar “rregullores personale” të çdo politikani në debat.

Në fund të replikës, Manja u shpreh se reagimi i tij ishte i nevojshëm për të sqaruar situatën e krijuar në sallë.

“Z. kryetar i Kuvendit, meqë qëparë nuk ma dhe fjalën për të konsumuar minutat e mia për t’iu përgjigjur Sali Berishës për akuzat që bëri, të paktën të kërkoja edhe ndjesën me mikrofon se të ula gradat që ke dhe preferove që në vend të ndjesës publike simes pa mikrofon të dominojë cinizmi yt me mikrofon. Dua të të kujtoj se fuqia e ndjesës pa mikrofon është shumë më e fortë sesa cinizmi i kujtdo në këtë sallë. Unë e njoh rregulloren e Kuvendit dhe sigurisht nuk lejohet replika, por e drejta për të ndryshuar radhën në mirëkuptim me kolegët dhe ju, ekziston. Ju nuk e patët këtë mirëkuptim dhe e mirëkuptoj sepse nuk është e lehtë të përballesh me një dinozaur politik si Sali Berisha që ka 40 vjet që mbijeton në politikë me mjetet që di të përdorë më mirë: intrigën, presionin, baltën, shpifjen, shantazhin, shto tani në fund edhe gradën shkencore non grata. Që të përballesh me këtë nuk të vjen në ndihmë rregullorja e Kuvendit sesa rregullorja jote”, tha Manja.

Nga ana e tij, Peleshi u përgjigj shkurt se nuk e lejon rregullorja të replikojë në atë moment, por shtoi se do t’i analizojë deklaratat e Manjës për të reflektuar më tej mbi qëndrimin e tij.

The post Manja replika në Kuvend me Peleshin: Ndjesa pa mikrofon vlen më shumë se cinizmi yt, të ula gradat… appeared first on Albeu.com.