Siç parashikon formati i lojës, kutia solli njëkohësisht një përfitim dhe një penalitet për të. Nga njëra anë, ai fitoi një udhëtim si shpërblim, ndërsa nga ana tjetër u detyrua të marrë një vendim me pasoja të drejtpërdrejta në lojë, duke çuar në televotim dy banorë të tjerë, si dhe veten e tij.

Pas marrjes së vendimit, Shëndriti zgjodhi që në televotim të përfshijë Edisonin dhe Malin, duke i vendosur të tre përballë votës së publikut.

Televotimi është hapur me pyetjen “kë doni të shpëtoni”, duke e kthyer situatën në një garë të drejtpërdrejtë për mbijetesë në shtëpi.

Ky zhvillim pritet të ndikojë në dinamikat e lojës dhe në marrëdhëniet mes banorëve, ndërsa mbetet e paqartë arsyeja e saktë e përzgjedhjes së Shëndritit për këta dy konkurrentë.

Vendimi mund të interpretohet si pjesë e strategjisë së tij në lojë, megjithatë kjo nuk është konfirmuar prej tij në mënyrë të drejtpërdrejtë.

The post Shëndriti përballet me Kutinë e Pandorës, ja cilët janë banorët që shkojnë në nominim appeared first on Albeu.com.

Spektakli më i ndjekur do të nisë në orën 21:00 në Top Channel, ndërsa ende nuk duhet se kush do të jetë përballë Kutisë së Pandorës dhe se çfarë do të vendosë.

Ftohja mes Selin dhe Mirit, a ndikoi Greta? Çfarë po fshehin dy kunatat?

Mes Juxhinit, Mirit, Selinit, kush largohet sonte?

Për të zbuluar këto dhe shumë të tjera, ndiqni sot spektaklin e madh në Top Channel, DigitAlb me dy kanalet e dedikuara “Big Brother VIP 1” dhe “Big Brother VIP 2”, dhe në kanalin zyrtar të Top Channel në YouTube.

The post Ftohja mes Selin dhe Mirit, a ndikoi Greta? Për herë të parë Kutia e Pandorës appeared first on Albeu.com.

Në Zarfin e Bardhë, banori i Big Brother VIP përfitoi një udhëtim çift.

Ndërsa në Zarfin e Zi njoftohej se do të dërgonte në nominim tre persona.

Graciano vendosi të hakmerret ndaj Romeos, duke e dërguar atë në nominim së bashku me mikun më të mirë, Elvisin (Lisi), dhe pëlqimin e tij, Heidin.

Votimi është i hapur për publikun, për banorin që duan të shpëtojnë.

Romeo u nervozua pas këtij veprimi dhe e quajti Gracianon “burracak dhe të paftyrë”.

Kjo zgjedhje u shoqërua me komente të shumta nga banorët.

Lisi tha se e priste këtë veprim të Gracianos, ndërsa Heidi deklaroi të kundërtën.

The post Graciano hap Kutinë e Pandorës, ja çfarë përmbante Zarfi i Zi! Banori hakmerret ndaj Romeos, kalon në nominim… appeared first on Albeu.com.

I dyshuar për të paktën tre vepra penale, që nga korrupsioni, fshehja apo mosdeklarimi i pasurisë dhe pastrimi i parave, ish zëvendëskryeministri Arben Ahmetaj u largua nga Shqipëria pak përpara se Prokuroria e Posaçme të firmoste shkresën me të cilën i drejtohej parlamentit për të patur autorizim për arrestimin e tij. Të premten e shkuar ai kaloi kufirin tokësor me Greqinë, dhe hipotezat mbi vendndodhjen e tij, u bënë subjekt hamendësimesh.

Mënyra e largimit dhe koincidenca me veprimin e Prokurorisë ngritën dyshime të forta se mund të bëhej fjalë për një largim aspak të përkohshëm. Sot ai vetë, në një reagim të gjatë në Facebook, la të kuptohej qartë se do të jetë pikërisht kështu. Ndërsa shkruante se dikush i kish thënë se e donin në burg ai theksoi se “nëse do ta meritoj, sigurisht që do të ndodhi…po jo përpara se e vërteta të marrë rrugë e dritë”.

Më pas e gjitha u konfirmua dhe nga avokati i tij, Henrik Ligori, sipas të cilit zoti Ahmetaj “ndodhet pranë familjes në Angli” dhe se do të kthehet “kur të ketë liri”.

Ndërsa shpjegonte pozicionin e vet, duke hedhur poshtë të gjitha dyshimet e rënda të ngritura ndaj tij nga Prokuroria, teksti i tij ishte po ashtu i mbushur me insinuata. “S’kam marrë pjesë në procedurat e inceneratorëve. Letra do të dalin, e nëse dikush do të kërkojë t’i fshehë, do dalin gjithsesi”, shkruajti ai, duke e konsideron veten një kokë turku. “Hetimi im s’ka pasur fare të bëjë me inceneratoret, se unë për shkak të pozicioneve skam pasur tagër të përfshihem në procedurat e tenderimit. Eshtë hetuar Arbeni, jeta e tij për 25 vite, dhe jo procedura. Të thahet liqeni, mbase ngelet peshk në taban. Standart që s’duhet t’i përkasë drejtësisë së re”. Dhe nuk munguan as notat e zhgënjimit ndaj kolegëve të tij të majtë, kur duke ironizuar shkruajti se “falenderoj dhe kolegët e mi të mazhorancës dhe opozitës për nxitimin e treguar këtë javë. I “mirëkuptoj” për këtë, sepse politika dhe drejtësia e re e akoma e hershme për t’u quajtur e maturuar, kërkojnë statistika”.

Sipas Prokurorisë, nga hetimet është vërtetuar një lidhje e ngushtë mes zotit Ahmetaj dhe dy sipërmarrësve që përfituan kontratat e inceneratorëve, Klodian Zoto dhe Mirel Mërtiri, si dhe mbështetja që siç thonë prokurorët, ish anëtari i qeverisë, në funksionet e ministrit të Ekonomisë e më pas të Financave, i ka ofruar atyre, duke marrë shpërblime në shkëmbim.

Dosja ndaj zotit Ahmetaj, me ato pak elementë që janë bërë publikë deri tani, i ngjan një “kutie të Pandorës”, e cila duket se implikon që nga individë privatë, deri te një rreth i gjerë zyrtarësh të thuajse të gjitha niveleve, të vënë në shërbim të interesave të dy sipërmarrësve.

Në parlament, opozita shfrytëzoi sërish seancën e sotme për të akuzuar shumicën, duke drejtuar gishtin ndaj kryeministrit Edi Rama, si përgjegjësin kryesor sipas saj të çështjes së inceneratorëve. “Askush tjetër, duke nisur nga Edi Rama dhe çdo ministër që ka votuar në mbledhjet e këshillit të ministrave, jo vetëm kanë mbyllur sytë, po kanë nxituar të fimosë, të çertifikojë çdo letër, çdo shkresë që ka shkuar nga kompjuteri i Klodian Zotos. Kjo dosje na provoi secilit prej nesh se çfarë është kapaja e shtetit. Unë e di që një pjesë prej jush e kanë lexuar dosjen e nuk janë ndjerë mirë. Nuk janë ndjerë mirë për faktin se kanë kuptuar se qeveria e Edi Ramës në fakt nuk ishte qeveria e Edi Ramës, ishte qeveria e Klodian Zotos. Kanë kuptuar se qeveria e Edi Ramës nuk ishte grdiane e buxhetit të shtetit, por ishte lëvruese e fondeve në mënyrë të paligjshme për dy biznesmenë të lidhu me të, Klodian Zoto dhe Mirel Mërtiri”, deklaroi kryetari i grupit demokrat Gazmend Bardhi.

Socialistët ju përmbajtën rigorozisht aspektit teknik e procedurial të çështjes, duke votuar më pas, siç dhe kishin paralajmëruar, në favor të kërkesës për arrestimin e zotit Ahmetaj. Një votim thuajse në unanimitet me vetëm 3 abstenime.

Ndërsa kryeministri Rama, i cili qëndroi disa minuta në sallë në hapje të seancës, për t’u rikthyer pasi përfundoi ndërhyrja e përfaqësuesit të opozitës, bëri të ditur më vonë, se do të thyente heshtjen mbi rastin, sot në mbrëmje, duke ju drejtuar opinionit publik./voa

The post VOA: Dosja “Ahmetaj” i ngjan “kutisë së Pandorës” appeared first on Albeu.com.

Luizi dërgoi në nominim Oltën, Kristin dhe Armaldon.

Luizi u surprizua nga dy shokët e tij të ngushtë, Mario dhe Joni. Edhe Kiara u prezantua me shokët e Luizit.

The post “Kutia e Pandorës”, Luizi dërgon në nominim Oltën, Kristin dhe Armaldon appeared first on Albeu.com.

Në Tiranë, në megaoperacioni antidrogë “Kutia e Pandorës” shkatërroi një grup kriminal dhe vuri në pranga 4 pjesëtarë të tij që shpërndanin sasi dhe doza drogash të forta.

Policia e sekuestroi 6 kg dhe 1100 doza heroinë dhe kokainë, si dhe shuma të konsiderueshme parash në lekë dhe në euro. Megaoperacioni vijon, për ta zbardhur plotësisht këtë veprimtari kriminale dhe për të vënë në pranga të gjithë autorët e saj.

Operacioni “Rrjeta” në Shkodër, evidentoi dhe goditi transportimin e 16 emigrantëve, me 3 automjete, me qëllim kalimin e paligjshëm të kufirit.

Raste vjedhjesh u goditën nga Policia e Tiranës dhe e Durrësit. Operacioni “Gracka” në Tiranë, vuri në pranga një shtetase, pasi kishte vjedhur para në banesën që mirëmbante, ndërsa operacioni “Eleven” në Durrës, vuri në pranga shtetasin S. T., pasi vodhi gjatë këtij viti, 11 biçikleta.

Policia e Durrësit zbardhi se një aksident me pasojë vdekjen, i ndodhur ditën e djeshme, kishte për shkak përplasjen nga një automjet, drejtuesi i të cilit u largua nga vendi i aksidentit, por u arrestua brenda 24 orëve.

Në Fier u finalizua operacioni “Tregu” që vuri në pranga pronarin e një biznesi të paregjistruar, i cili shiste celularë dhe pajisje të tjera elektronike të kontrabanduara./albeu.com

The post “Kutia e Pandorës”, arrestohen 4 anëtarë të një grupi kriminal në Tiranë appeared first on Albeu.com.

Në pranga kanë rënë B. F., 40 vjeçe, banuese në Tiranë drejtuese e grupit kriminal, H. B., 41 vjeçe, anëtare e grupit kriminal, A. K , 45 vjeç, anëtar i grupit kriminal, K. B., 20 vjeç, anëtar i grupit kriminal.

Po ashtu janë sekuestruar 6 kilogramë heroinë e kokainë dhe 1100 doza heroinë e kokainë dhe 83.555 euro, 420.000 lekë të rinj, 2 automjete, 2 motoçikleta, 3 peshore elektronike dhe 4 aparate celulare.

Njoftimi i policisë:

Goditet një grup kriminal që ushtronte veprimtarinë kriminale në fushën e shpërndarjes në sasi dhe në doza të drogave të forta heroinë e kokainë.

Finalizohet operacioni policor i koduar “Kutia e Pandorës” pas një hetimi disajavor me metoda proaktive.

Vihen në pranga 4 shtetas, pjestarë të një grupit kriminal.

Sekuestrohen 6 kilogramë heroinë e kokainë dhe 1100 doza heroinë e kokainë.

Gjithashtu janë sekuestruar shuma të mëdha parash në euro dhe lekë.

Në vijim të operacioneve të njëpasnjëshme të zhvilluara nga Seksioni për Hetimin e Narkotikëve në Drejtorinë Vendore të Policisë Tiranë, për goditjen e veprimtarisë kriminale të shpërndarjes së drogave të forta, bazuar dhe në inteligjencën informative se një grup kriminal, shpërndante me shumicë dhe në doza, lëndë narkotike heroinë e kokainë, referuan materialet në Prokurorinë e Rrethit Gjyqësor Tiranë e cila regjistroi procedimin penal në janar të këtij viti.

Si rezultat i hetimit disajavor nën drejtimin e Prokurorisë së Rrethit Gjyqësor Tiranë, u bë e mundur grumbullimi i provave të nevojshme për pjestarë të një grupi kriminal që shpërndanin lëndë narkotike heroinë e kokainë në zona të ndryshme të Tiranës.

Bazuar në këto prova u organizua dhe finalizua me sukses operacioni policor i koduar “Kutia e Pandorës”

Në kuadër të operacionit u kapën dhe u arrestuan në flagrancë shtetasit:

1. F., 40 vjeçe, banuese në Tiranë drejtuese e grupit kriminal
   H. B., 41 vjeçe, anëtare e grupit kriminal
   A. K , 45 vjeç, anëtar i grupit kriminal
   K. B., 20 vjeç, anëtar i grupit kriminal.

Nga kontrolli i ushtruar në banesat e shtetases B. F., dhe A. K., Policia gjeti dhe sekuestroi në cilësinë e provës materiale 6 kilogramë lëndë narkotike heroinë e kokainë, përkatësisht 3 kg 891 gramë lende narkotike e dyshuar heroinë dhe 2 kg e 110 gram lëndë narkotike kokainë, ku një pjesë ishte e ndarë në 1100 doza gati për shitje.

Gjithashtru nga kontrolli u gjetën dhe u sekuestruan dhe shuma të mëdha parash në euro dhe lekë, konkretisht 83.555 euro, 420.000 lekë të rinj, 2 automjete, 2 motoçikleta, 3 peshore elektronike dhe 4 aparate celulare.

Nga hetimit e kryra rezulton se këta shtetas vepronin në formën e grupit kriminal që drejtohej nga shtetasja B. F., e cila siguronte lëndën narkotike në sasi të mëdha dhe më pas furnizonte shpërndarësit në doza.

Po nga hetimet është bërë e mundur që të identifikohet edhe personi që furnizonte me sasi kokaine e heroine shtetasen B. F., por për arsye hetimi nuk bëjmë me dije të dhëna pasi operacioni është në vijim për kapjen dhe vënien para përgjegjësisë ligjore të personave të tjerë të implikuar në këtë veprimtari kriminale.

Thkesojmë faktin se vetëm gjatë muajit Janar 2023 , nga Seksioni për Hetimine Narkotikëve në DVP Tiranë janë finalizuar me sukes 4 procedime proaktive. /albeu.com

The post “Kutia e Pandorës” zbulon grupin kriminal në Tiranë, sekuestrohen drogëra të forta, 4 të arrestuar appeared first on Albeu.com.

Halimi sheh si problem kryesor për rritjen e çmimit të energjisë elektrike në vend, importin e energjisë elektrike nga jashtë.
Në një postim në Facebook, Eduart Halimi ngre 5 pyetje që sipas tij vërtetojnë se energjia e importuar nga jashtë, është faktori që çoi në rritjen e çmimit të energjisë.

Postimi i Eduart Halimi:

5 pyetje mbi Energjine dhe “Pandoren shqiptare”!

Si keshilltar ligjor i tregut privat te energjise, une dhe ekipi im jemi vazhdimisht te informuar mbi ate ndodh me energjine! Ne keshillojme dhe perfaqesojme me shume se 60 kompani prodhuese te energjise.

Sipas eksperteve tane qe mbulojne prodhimin e energjise nga HEC, prodhimi vendas ne gjysmen e pare te vitit 2021 nuk ka qene i ulet. Kjo do te thote qe me nje menaxhim te mire vjetor apo disa vjecar te kaskades se Drinit nuk do te kishte keto mungesa te menjehershme te energjise ne prodhimin vendas. Menaxhimi i prodhimit te kaskades se Drinit duhet pare ne lidhje te ngushte me gjithe prodhimin vendas. Kjo ishte skema fillestare kur u ofrua nga qeveria investimet ne hec- et dhe fotovoltaiket e vegjel. Kjo skeme u prish dhe KESH nuk perfiton nga 532MË hece dhe fotovoltaike per ta optimizuar ujin e rezervuareve te kaskades.
Ndaj dhe keto 4 muajt e veres FTL ( Furnizuesi i tregut te lire FTL , pjese e OSHEE ) i duhet te bleje ne treg te huaj energjine ( importoje) sot per neser dhe keshtu cmimi natyrisht do jete shume me i larte. Kjo eshte mungese e thelle profesionalizmi dhe menaxhimi pa vision.

Importimi, blerja e energjise nga jashte eshte “Kutia e Pandores” shqiptare.

Ja pese pyetje qe ndoshta na nxjerin ne disa konkluzione?

A eshte e vertete se cmimi qe i eshte blere prodhuesve vendas gjate 2021 eshte rreth 60 Euro/ Mëh?

A eshte blere energjia nga (importi) disa dite me pare nga FTL me 290 Euro / Mëh nderkohe qe tregu dje ne HUPEX ( tregu hungarez qe eshte tregu me i lire ne

EU dhe prej nga ku zakonisht importohet energjia ne shqiperi, ishte gjysma e cmimit? (shih tabelen e HUPEX)

Por gjate shtatorit a eshte blere pothuaj me cmim mbi 100-180 Euro/MËh?

A jane ne konflikt ERE /administrata qendrore/ lokale me prodhuesit e vegjel te energjise duke i vene keta te fundit ne veshtiresi financiare ne vend qe ti ndihmonin per te rritur investimet?

A ka lidhje ky represion ndaj prodhuesve vendas, me importin e energjise nga 60 Eur/Mëh brenda ne 290 eur/ Mëh importi?

Pergjigjet? Ndoshta kontrolli i duhur kushtetutes Parlament/Ekzekutiv/Drejtesi do verifikonte nese kane lidhje, por te gjithe jane te zene me gjera me te medha se kjo! Ndoshta do i vije rradha./albeu.com

The post Rritja e çmimit të energjisë, reagon Eduart Halimi: Kush është “Kutia e Pandorës” appeared first on Albeu.com.

Ata zbulojnë se mbreti i Jordanisë fshehu 70 milionë £ pasuri. Ato gjithashtu tregojnë se si ish-kryeministri britanik Tony Blair dhe gruaja e tij shmangën 312,000 £ taksë kur blenë një zyrë në Londër. Rrjedhja gjithashtu lidh Presidentin rus Vladimir Putin me asetet sekrete në Monako.

 

“Pandora Papers”

 

Por një nga zbulimet më të mëdha është se sa njerëz të njohur dhe të pasur kanë krijuar kompani offshore për të blerë fshehurazi prona në Mbretërinë e Bashkuar. Dokumentet zbulojnë mijëra pronarë që kanë investuar fshehurazi duke shmangur taksat. Presidenti i Azerbajxhanit Ilham Aliyev dhe familja e tij, të cilët janë akuzuar për vjedhje të vendit të tyre, janë një shembull. Hetimi zbuloi se Aliyev dhe bashkëpunëtorët e tij të ngushtë ishin përfshirë fshehurazi në marrëveshje pronësie në Mbretërinë e Bashkuar me vlerë më shumë se 400 milionë £.

Dokumentet financiare tregojnë se si mbreti i Jordanisë ngriti fshehurazi një perandori pronash në Mbretërinë e Bashkuar dhe SHBA me vlerë më shumë se 70 milionë £ (mbi 100 milion dollarë). Ata identifikojnë një rrjet kompanish në Ishujt e Virgjër Britanikë dhe parajsa të tjera tatimore të përdorura nga Abdullah II bin Al-Hussein për të blerë 15 shtëpi që kur ai mori pushtetin në 1999. Ato përfshijnë 50 milionë £ në tre prona në Malibu, Kaliforni, dhe prona në Londër dhe Ascot në Mbretërinë e Bashkuar. Avokatët e mbretit Abdullah thanë se të gjitha pronat janë blerë me pasuri personale, të cilat ai i përdor gjithashtu për të financuar projekte për qytetarët e Jordanisë.

Presidenti i Kenias Uhuru Kenyatta dhe gjashtë anëtarë të familjes së tij zotëronin fshehurazi një rrjet kompanish në parajsat fiskale. Ato kanë qenë të lidhura me 11 firma njëra prej të cilave, 30 milionë dollarë.

Anëtarët e rrethit të ngushtë të kryeministrit pakistanez Imran Khan, përfshirë ministrat e kabinetit dhe familjet e tyre, posedojnë fshehurazi kompani miliona dollarë. Presidenti i Ukrainës Volodymyr Zelensky transferoi aksionet e tij në një kompani sekrete pak para se të fitonte zgjedhjet e vitit 2019. Presidenti i Ekuadorit Guillermo Lasso, një ish-bankier është po ashtu në listë.

Në “rrjetë” ka rënë edhe Tony dhe Cherie Blair. Dokumentet tregojnë shmangën taksën kur blenë pronën e tyre 6.45 milionë funte. Ish-kryeministri dhe gruaja e tij Cherie blenë ndërtesën në Marylebone, Londrën qendrore, në korrik 2017.

Zonja Bler tha se shitësit kishin këmbëngulur që ta blinin shtëpinë përmes kompanisë në kompani offshore. Ajo tha se ata e kishin kthyer pronën sipas rregullave të Mbretërisë së Bashkuar dhe do të jenë të detyruar të paguajnë tatimin nëse e shesin atë në të ardhmen. Pronarët përfundimtarë të pronës ishin një familje me lidhje politike në Bahrein – por të dyja palët thonë se fillimisht nuk e dinin se me kë kishin të bënin.

Dokumente të tjera tregojnë se si familja në pushtet në Azerbajxhan, Aliyev ka fituar fshehurazi prona në Mbretërinë e Bashkuar duke përdorur kompani offshore.

Dosjet tregojnë se si familja e akuzuar prej kohësh për korrupsion bleu 17 prona, duke përfshirë një zyrë prej 33 milionë paund në Londër për djalin 11-vjeçar të presidentit, Heyder Aliyev. Ndërtesa në Mayfair u ble nga një kompani në pronësi të një miku të familjes së Presidentit Ilham në 2009. Qeveria e Mbretërisë së Bashkuar thotë se po godet pastrimin e parave me ligje dhe zbatim më të ashpër, dhe se do të prezantojë një regjistër të kompanive në offshore që posedojnë prona në Mbretërinë e Bashkuar.

The post Hapet “Kutia e Pandorës”: Pasuritë sekrete dhe marrëdhëniet e fshehta të udhëheqësve botërorë appeared first on Albeu.com.