Avdullah Hoti, ish-kryeministër i Kosovës, ka reaguar ndaj zhvillimeve institucionale në vend, duke theksuar se respektimi i kushtetutshmërisë qëndron mbi çdo interes elektoral.

Në një postim në Facebook, Hoti ka pretenduar se partia e parë në zgjedhje ka shkelur aktgjykimin e Gjykatës Kushtetuese, pasi ka penguar konstituimin e Kuvendit brenda afatit kushtetues prej 30 ditësh nga certifikimi i rezultateve zgjedhore.

Ai ka deklaruar se çdo hap i ndërmarrë pas skadimit të këtij afati bie ndesh me aktgjykimin e Gjykatës Kushtetuese.

“Pamundësimi i qëllimshëm i konstituimit të Kuvendit, i nxitur nga interesa elektorale, nuk mund të kalojë pa reagim”, ka thënë Hoti.

The post Hoti: Kushtetutshmëria duhet të mbizotërojë ndaj çdo interesi zgjedhor appeared first on Albeu.com.