Dhomat e Specializuara të Kosovës në Hagë kanë reaguar në lidhje me kërkesën e avokatëve mbrojtës të Hashim Thaçit, të cilët kanë kërkuar lirimin me kusht të tij bashkë me një sërë garancish, përfshirë edhe një shumë prej 50 mijë eurosh si dorëzani. Sipas institucionit, autoriteti për të marrë një vendim të tillë i përket ekskluzivisht gjyqtarit të çështjes.

Në përgjigjen zyrtare për Rtv21, Specialja thekson se është pikërisht gjykatësi i vetëm që vendos mbi masën e paraburgimit, duke u bazuar në dispozitat ligjore dhe rregulloren në fuqi. Po ashtu, bëhet e ditur se ai do të shpallë vendimin në një moment të përshtatshëm, duke e shoqëruar atë me arsyetimin përkatës.

Ndër kushtet e tjera të propozuara nga mbrojtja, theksohet se Thaçi nuk do të lejohet të dalë jashtë kufijve të Kosovës dhe se do t’i detyrohet të dorëzojë pasaportën si dhe çdo lloj tjetër dokumenti që shërben për udhëtim.

Tutje, parashikohet që ai të mos bëjë asnjë koment publik, qoftë në mënyrë të drejtpërdrejtë apo të tërthortë, në mediat tradicionale apo platformat sociale. Gjithashtu, atij nuk do t’i lejohet të flasë për përmbajtjen e dosjes së tij me persona jashtë një grupi të përcaktuar anëtarësh të ekipit ligjor mbrojtës.

The post Gjykata Speciale sqaron procedurën për kërkesën e Thaçit për lirim me kusht appeared first on Albeu.com.

Mbrojtja e ish-presidentit Hashim Thaçi i është drejtuar Gjykatës Speciale në Hagë me një kërkesë për lirimin e tij me kusht.

Sipas kësaj kërkese, Thaçi nuk konsiderohet rrezik për arratisje, ndërsa për lirimin e tij është paraqitur edhe një garanci financiare në vlerën 50 mijë euro.

Në parashtresë thuhet: “Mbrojtja e z. Hashim Thaçi (“Mbrojtja”) paraqet me këtë parashtresë argumentet e saj në kuadër të rishikimit të paraburgimit, në përputhje me nenin 41(6) dhe (10) të Ligjit,¹ rregullat 56 dhe 57 të Rregullores,² si dhe urdhrin e Gjyqtarit të Vetëm të Gjykimit (“GVG”).³

Po ashtu, në kërkesë theksohet: “Mbrojtja kërkon që GVG-ja të urdhërojë lirimin e përkohshëm të z. Thaçi, ndër të tjera, me arsyetimin se ai nuk paraqet rrezik arratisjeje, veçanërisht duke pasur parasysh garancinë financiare prej 50.000 eurosh të ofruar për të siguruar lirimin e tij,⁴ si dhe se vazhdimi i paraburgimit të tij nuk është më i arsyeshëm ose proporcional”, thuhet mes të tjerash në kërkesën e mbrojtjes së ish-presidentit Hashim Thaçi.

The post Mbrojtja e Hashim Thaçit i kërkon Gjykatës Speciale lirimin me kusht, ofrohen 50 mijë euro garanci appeared first on Albeu.com.

Edhe pse disa muaj më parë këmbëngulte se posti i presidentit duhej t’i besohej një figure jopartiake dhe bashkuese, Lidhja Demokratike e Kosovës tashmë po e kushtëzon përkrahjen për krijimin e institucioneve me emërimin e një kandidati të saj në këtë detyrë.

Nënkryetari i LDK-së, Lutfi Haziri, ka bërë të ditur se 18 deputetët e kësaj partie mund të votojnë në mënyrë të unifikuar vetëm në rast se kandidati për president del nga radhët e LDK-së.

Çështja që shtrohet është nëse kemi të bëjmë me një lëvizje nga qëndrimi i mëparshëm i partisë, apo me një situatë të re politike që ka sjellë një qasje tjetër.

Për këtë zhvillim, në një prononcim për “Bota sot”, profesori Nijazi Halili tha se deklarata e fundit e Hazirit e rikthen në fokus një praktikë të njohur të politikës në Kosovë, atë të shkëmbimit të posteve institucionale për të siguruar shumicën parlamentare.

“Deklaratat e fundit të nënkryetarit të LDK-së, Lutfi Haziri, lidhur me mundësinë që LDK t’i ofrojë 18 votat e saj në Kuvendin e Kosovës në kuadër të një marrëveshjeje të mundshme me Lëvizjen Vetëvendosje, në këmbim të postit të Presidentit, rikthejnë në qendër të vëmendjes një praktikë tashmë të njohur në politikën kosovare: shkëmbimin e pozicioneve institucionale për sigurimin e shumicave parlamentare.

Nga këndvështrimi politik, kjo qasje nuk përbën një risi për kulturën e koalicioneve në Kosovë. Megjithatë, ajo krijon një tension të dukshëm me diskursin e mëhershëm publik të LDK-së, e cila në mënyrë të përsëritur ka theksuar nevojën për një president konsensual, mbipartiak dhe unifikues”.

Sipas Halilit, kjo mënyrë veprimi nuk është e re në kulturën e koalicioneve në vend, por njëherazi e dëmton LDK-në për shkak të ndryshimit të qasjes së saj politike.

Ai theksoi gjithashtu se synimi i LDK-së për të marrë postin e presidentit tregon një zhvendosje nga koncepti i një figure neutrale shtetërore drejt një kandidature të hapur partiake.

Për këtë aspekt, profesori u ndal më gjerësisht te ndryshimi i qëndrimit parimor të kësaj partie.

“Deklarata e Hazirit, sipas së cilës votat e LDK-së do të unifikoheshin vetëm në rast se kandidati për president vjen nga vetë radhët e partisë, duke përmendur edhe emra si Lumir Abdixhiku apo vetë ai, e zhvendos theksin nga ideja e një figure neutrale shtetërore drejt një kandidature të qartë partiake.

Kjo qasje krijon perceptimin e një ndryshimi në qëndrimin parimor: nga kërkesa për një president jopartiak si standard institucional, në një pozicionim politik që e kushtëzon mbështetjen me përfaqësim të drejtpërdrejtë partiak në postin më të lartë shtetëror.

Në këtë kuptim, mund të thuhet se LDK nuk e ka braktisur plotësisht idenë e presidentit unifikues, por e ka riformuluar atë në funksion të realpolitikës dhe balancave të reja në Kuvendin e Kosovës”.

Në përfundim, ai vlerësoi se deklaratat e fundit të LDK-së për postin e presidentit flasin më shumë për një lëvizje taktike politike sesa për një ndryshim ideologjik.

“Në përmbyllje, ky pozicionim duket më shumë si një qasje taktike e momentit sesa një ndryshim i thellë ideologjik, duke reflektuar dinamikën e zakonshme të negociatave politike në një sistem parlamentar ku kompromisi mbetet instrumenti kryesor i funksionimit institucional”, përfundoi Nijazi Halili për “Bota sot”.

The post LDK-ja e lidh mbështetjen me postin e presidentit, Halili: Po ndiqet një taktikë e njohur politike appeared first on Albeu.com.

Ai u pyet nëse i kishte ardhur një ftesë nga vetë Ermali.

“Ka ardhur, po unë Ermalit i kam vënë një kusht: Do të luajmë të tre aktorët kryesorë. Nëse Ermal Mamaqi bën një film, ku do jemi të tre aktorë kryesore të ish- grupit “TheShblsh” do marr pjesë” -shprehet aktori.

The post Gentian Zeneli zbulon kushtin që i ka vënë Ermal Mamaqit për të marrë pjesë në filmat e tij appeared first on Albeu.com.

Pas kësaj fotojë, Eva ka shtuar vetëm 2 fjali: “I them shoqeve të mia të mos bëjnë më publike çfarë diskutoj në privatësi. I dua shigjetarët”.

Pra u kuptua apo jo? Jo vetëm që është ‘single’, por e ka te qartë se çfarë shenjë horoskopi duhet të jetë i dashuri. Një shigjetar pasi i do ata.

The post Çuna vëmendje! Eva Murati është single dhe ky është “kushti” për partnerin e ardhshëm (FOTO LAJM) appeared first on Albeu.com.