Asokohe drejtonte ministrinë e Arsimit, Kushi nëpërmjet një reagimi në rrjetet sociale ka sqaruar se në asnjë moment emri i saj nuk përmendet në dosjen e prokurorisë italiane si person të cilit do t’i jepeshin dhurata në këmbim të ndonjë ndikimi prej saj në procedurën e akreditimit.

Në lidhje me disa abuzime të bëra nga disa media gjatë ditës së sotme, shkruan ajo, mbi hetimet e dosjes italiane për mashtrimet me diploma të Universitetit ‘Wisdom’, dua t’ju sqaroj se: Në dosje ka një paragraf ku thuhet: “Ia vlen të përmendim që në vazhdim të dhuratave Catalano Lucia e Cianci Savino përpiqen të përgatisin dhe të dhurojnë dhurata simbolike në kuadër të festës së Krishtlindjes për amabasadorin, përfaqësues të ambasadës, ministre, zv. ministre, shefes së kabinetit, zyrës së matrikullimit dhe zyrës së akreditimit”.

“Dua të ndaj qëndrimin tim me opinionin publik se Ministria e Arsimit dhe Sportit, si institucion dhe në rastin tim si ish drejtuese e këtij institucioni, MAS nuk është pjesë e procesit të akreditimit të universiteteve apo programeve të studimit në asnjë hap të procesit. Akreditimi i institucioneve arsimore bëhet nga një bord i pavarur ekspertësh, vendas dhe të huaj, të zgjedhur me një konkurs të hapur” shkruan ajo.

Ndaj thekson Kushi, “si titullare e këtij institucioni për periudhën shtator 2020 – shtator 2023, edhe pse ngrihen dyshime në media, nuk kam shkëmbyer asnjëherë dhurata kortezie për urime festimesh me simbolika të tilla.”

Zbulimi i skemës së mashtrimit

Pas një hetimi të gjatë të Guarda Di Finanza në Itali, janë vënë në pranga 9 persona, mes të cilëve edhe pronari i Wisdom University, Savino Cianci, siç rezulton në dokumentet e qendrës kombëtare të regjistrimit të biznesi në Shqipëri.

Ata akuzohen për një skemë mashtrimi me dhënien e diplomave fiktive, teksa sipas mediave italiane hetimet nisën pas një denoncimi të bërë nga një qytetar.

Referuar mediave italiane, thuhet se ata merrnin afërsisht rreth 8 mijë euro për çdo diplomë apo vërtetim fals që u jepej “studentëve”. Sipas dosjes hetimore, mediat italiane shkruajnë se ka pasur edhe raste kur u janë dhënë në këmbim një çantë e një firmë të njohur, me vlerë 1200 euro.

The post E përfshirë në skandalin me shitjen e diplomave false? Kushi reagon për herë të parë appeared first on Albeu.com.

Zhupa ka siguruar grupin e mazhorancës, se ndryshe nga sa ka ndodhur me të kur ishte vetëm anëtare e komisionit, atyre do t’u lejohet e drejta e fjalës.

Në lidhje me këtë, Kushi është shprehur se kjo nuk është e vërtetë, ndërsa ka shtuar se nëse opozita ka pasur një periudhë të “nxehtë” me protesta, mazhoranca e ka pasur të zënë me punë.

DEBATET

Zhupa: “Në 2025 uroj që komisioni të drejtohet nga PS”.

Kushi: “Të respektojmë bashkë rregulloren, sidomos ju si drejtuese e komisionit. Të mos bëjmë kompromis me të drejtat e nxënësve dhe studentët. Për opozitën ka qenë një sezon i nxehtë me protesta, për mazhorancën ka qenë sezon i nxehtë për punë”.

Zhupa: “Fjala këtu është e shenjtë, do të flisni sa të doni se pse si anëtare e kam vuajtur këtë pjesë. Nuk kemi shfrytëzuar politikisht pjesën e arsimt dhe kulturës, por propozimet tona kanë qenë përtej partisë dhe ideologjsë”.

Mazhoranca, MA ka bërë punë gjatë verës, ka shtruar njerëz në administratë e jo rroga apo trajnime për mësuesit. Atë që keni bërë nuk e quaj punë.

The post Ina Zhupa dhe Evis Kushi “përplasen” te Media/ Socialistja: Ju protestoni ne punojmë, demokratja: Atë që bëni ju nuk e quaj punë appeared first on Albeu.com.

Dy ministrat, Bledi Çuçi dhe Evis Kushi morën pjesë në ceremoninë e organizuar me këtë rast. Ministri i Brendshëm tha se shtimi i oficerëve të sigurisë nëpër shkollat publike të vendit është pjesë e vizionit tonë për ta shndërruar Policinë e Shtetit në një bërthamë komunitare

“Ne besojmë se çështjet e sigurisë në një vend nuk janë vetëm probleme të organeve të policisë, por janë probleme të të gjithë shoqërisë. Në këtë kuadër një nga nismat tona ka qenë përfshirja e punonjësve të sigurisë nëpër shkollat tona edhe si një nga veprimet konkrete për të realizuar atë që ne themi “policimi në komunitet”. Nga një pilotim që bëmë nga gjimnazet qëndrore të Tiranës sot po flasim për një shtrirje të kësaj prezence në të gjithë Shqipërinë, jo vetëm në gjimnaze, por edhe në shkolla 9-vjeçare”, u shpresh Çuçi

Me certifikimin e sotëm numri total i oficerëve të sigurisë në shkollat e vendit shkon në 220.

“Këto struktura kanë sjellë diçka, kanë rritur sigurinë në shkollat tona. Padiskutim që këto struktura kanë qenë elementi më i rëndësishëm për të pasur ambiente të shkollave më të sigurta ndaj atyre fenomeneve që ju i dini, si shitja e lëndëve narkotike, konflikteve, bulizmit dhe elemente të tjerë të paligjshmërisë. Ka një rëndësi të jashtëzakonshme puna që ju do të bëni dhe bëjnë kolegët tuaj nëpër shkolla. Duhet ta kuptoni si një mision sepse është një mision dhe një detyrë që ju ngarkohet ju për të garantuar një shoqëri të së ardhmes më të sigurt dhe më të mirë”, tha ministri Çuçi.

Ministrja e Arsimit dhe Sportit, Evis Kushi tha se certifikimi i këtyre të rinjve të tjerë sot është një moment krenarie.

“Deri para 3 vitesh ne i quanim një kontribut të shtuar apo një vlerë e shtuar në institucionet tona arsimore. Ndërsa sot ne i quajmë një domosdoshmëri, për vetë kontributin dhe rolin e rëndësishëm që kanë për të garantuar sigurinë dhe një mjedis sa më miqësor në institucionet tona arsimore. E filluam si një projekt pilot, por më pas e pamë se sa i rëndësishëm është kontibuti i oficerëve të sigurisë në institucionet tona arsimore. Dhe këtë vit ne vendosëm që ta rrisim numrin e tyre. Kishim 150 deri vitin e kaluar. Dhe këtë vit kemi 220 oficerë sigurie jo vetëm në shkolla të mesme por edhe në shkolla 9-vjeçare që kanë një numrë të madh nxënësish”, u shpreh ministrja Kushi./Albeu.com. 

The post Certifikohen 114 oficerë sigurie, Çuçi e Kushi: Vendosen në gjimnaze dhe shkollat 9-vjeçare të vendit appeared first on Albeu.com.

Ministrja e Arsimit, Ministria Kushi deklaroi se është vendosur se paga e pedagogëve do të rritet me 15%.

“Sot kemi vendosur që pagat e pedagogëve të rriten me 15 për qind, 7 për qind mbulohet nga buxheti i shtetit, pjesa tjetër nga Universiteti, mbështetja jonë për universitet do të jetë edhe më e madhe. Pedagogët të ardhurat i sigurojnë jo vetëm nga paga bazë por kanë edhe shumë mundësi të tjera, ndryshe nga mësuesit. Kanë mundësi të tjera, jo vetëm nga buxheti i shtetit por edhe nga programet e financuara nga BE”, tha ministrja Kushi.

Kushi nuk e përjashtoi mundësinë që kufiri prej 15 për qind të rritet sërish me kalimin e kohës./albeu.com

The post Protesta e pedagogëve, Kushi: Qeveria vendosi rritje të pagave me 15% appeared first on Albeu.com.

“Sot është dita e parë që mësuesit tanë në të gjithë vendin kthehen nga pushimet dhe fillojnë intensivisht punën për t’u përgatitur për fillimin e vitit të ri shkollor. Nuk mund të nisnim më mbarë se sa me trajnimet e para të mësuesve për Abetaren e Përbashkët Unike, e cila tashmë është gati dhe këtë shtator do të jetë në duart e çdo vogëlushi. Jam shumë e lumtur që në datën 1 shtator do të jem bashkë me Ministren Arbërie Nagavci në ditën e parë të shkollës në Kosovë, ku prej andej do të nisim promovimin e risisë më të bukur për të gjithë nxënësit dhe mësuesit. Suksese dhe punë të mbarë për të gjithë mësuesit e Shqipërisë dhe Kosovës! –përfundon statusin ministrja Kushi./albeu.com

The post Abetare e përbashkët Shqipëri-Kosovë, Kushi: Nisin trajnimet e mësuesve appeared first on Albeu.com.

“Prezantuam në MAS Drejtorin e Agjencisë Kombëtare të Financimit të Arsimit të Lartë, Dr. Artan Spahiu. Kam besim se me përvojën e tij të gjatë si pedagog dhe drejtues në institucione të arsimit të lartë, si dhe punën si avokat dhe jurist në institucione të administratës publike, me profesionalizëm dhe integritet të lartë, Artani do të japë kontribut për avancimin e reformave të ndërmarra në arsimin e lartë në Shqipëri”, shkruan Kushi./albeu.com

The post Ndryshime në Ministrinë e Arsimit, Kushi prezanton drejtori i ri appeared first on Albeu.com.

Ministrja e Arsimit dhe Sportit Evis Kushi ka njoftuar nëpërmjet një statusi në rrjetet sociale rinisjen e shërbimit, si dhe afatin e rishikuar për regjistrimet.

Statusi i plotë i Ministres Evis Kushi:
Ju njoftoj se sot kanë rifilluar regjistrimet e nxënësve në sistemin e-Albania për klasat e para dhe të dhjeta të vitit të ri shkollor 2022 – 2023.

Afati i ri për këto shërbime do të jetë data 31 korrik 2022.
Faleminderit të gjithëve për mirëkuptimin!/albeu.com

The post Regjistrimet në klasa të para dhe të dhjeta, Kushi njofton afatin e ri appeared first on Albeu.com.