Sipas dëshmisë së V.Shehut e cila është bashkëshortja e viktimës ka treguar se me datën 16.09.2015 në shtëpinë e tyre ka qenë për vizitë kunati i saj Xhevahir Shehu me familjen e tij.

Pasi kanë dalë tek porta e shtëpisë janë takuar me shtetasin Granit (Guliano) Shehu, i cili po dilte nga shtëpia e tij me një makinë tip “Smart” dhe është takuar dhe përshëndetur me Xhevahirin dhe aty në prani u ka thënë se po i bënte guide me makinë bashkëshortes së tij S.

Pas një ore konkretisht rreth orës 17:00 kur Graniti është kthyer nga guida ka venë re që i ka folur Milazimit dhe të dy kanë qëndruar afër portës së oborrit të shtëpisë së Granitit.

Më pas deklaruesja është thërritur nga ana e burrit të saj dhe pasi është afruar ai e ka pyetur: “Di gjë se vajza ka marrë 12.000 lek të shtëpia e Granitit?”

Ndërsa ajo i ka thënë se s’ka mundësi, pasi vajza e tyre nuk di as të numërojë paratë.

Në këto momente Graniti ka ndërhyrë duke thënë se: “E kam pyetur vajzën dy javë më parë dhe ka thënë se po i kam marrë pasi vetëm G. ka hyrë në dhome”.

Milazimi i është drejtuar Graniti duke i thënë: “Ti ke parë vajzën time duke vjedhur, paske kamer në dhomë?”

Më pas kanë thërritur dhe pyetur vajzën aty në rrugë, e cila me pas ka hyrë brenda në shtëpi.

Deklaruesja V. Shehu pasi ka hyrë brenda në shtëpi bashkë me vajzën ka dëgjuar të shara dhe të bërtitura dhe menjëherë ka dalë përjashta te porta dhe pretendon se ka parë bashkëshortin Milazim Shehu të gjakosur.

Menjëherë nga ana e saj është ndërhyrë duke ulëritur: “O maskara çfarë bëtë?” – dhe duke e tërhequr të shoqin, i cili është rrëzuar afër portës së oborrit të shtëpisë.

Në rrethana të tilla, shtetësja V. Shehu me ndihmën edhe të disa familjareve të saj kanë dërguar me një automjet bashkëshortin në spitalin privat “Hygea”, ku me gjithë ndërhyrjen e mjekëve rreth orës 01.00 shtetasi Milazim Shehu, ka ndërruar jetë.

Autori, Granti Shehu u arrestua në shtetin anglez në vitin 2019 ku dhe atë vit u ekstradua në vendin tonë. Përfundimisht ai do të vuaj 13 vite burgim.

The post “Di gjë se vajza ka marrë 12.000 lek te shtëpia e Granitit”/ Si ndodhi sherri me 1 të vrarë mes dy kushërinjve në Kamëz appeared first on Albeu.com.

Ai shkroi deklaratën e Pavarsisë së Shqipërisë. Dora e tij shkroi alfabetet e miratuar nga Kongresi i Manastirit.

Është një nga personalitetet më të shquara të lëvizjes sonë kombëtare, arsimore e kulturore në fundin e Rilindjes Kombëtare dhe të fillimeve të Pavarësisë duke përjetuar ngjarjet më kulmore të jetës së vendit në çerekun e parë të shekullit tonë në shumicën e të cilave në mos organizator, qe pjesëmarrës i drejtpërdrejtë. Në shkrimet e tij përdorte emrat e pendës Jakin Shkodra e Lek Gruda.

U lind në Shkodër më 20 shkurt 1879, ndërsa në një dorëshkrim shënohet data 19 shkurt 1880 dhe u rrit në gjirin e një familje tregtare të kulturuar shkodrane, nga prindërit Pjetër e Leze Gurakuqi.

Më 2 mars 1925 u vra në Bari prej Baltjon Stamollës në derë të Hotel Cavour, kushëri i vetë Luigjit. Ishte mbrëmja e 2 marsit, në restorantin e hotelit, Luigj Gurakuqi po darkonte me dy miq të tij dhe gruan e njërit prej tyre: Riza Dani me bashkëshorten Makbule dhe vëllai i tij Dan Hasani. Kërkoi leje prej tyre duke i paraqitur arsyen: do t’shkoj tek Sotiri, mbâsi i kam premtue nji kukull vajzes së tij. Në xhepat e shkyer të ish-Ministrit të financave policia italiane gjeti vetëm 350 lira. Nisi të hante një herë në ditë me të dalë refugjat.

Në organizimin e këtij atentanti kishin dorë si Ahmet Zogu, Ceno Kryeziu, ashtu dhe Çatin Saraçi, dëftuar kjo nga letra nisur nga vrasësi që kërkon ndihmë:

“Kerkoj mbrojtje dergoni të holla ndermjetsoni për pshtim pranë Qeveriës Italjane. Pyetnij Çatin Saraçin ku asht…? “besa” ndihma!…

Miku i tij, Hasan Prishtina, mbi varrin e tij do të shprehej: “Flej i qetë Gurakuq, shpagen tânde do ta marrim me përparimin e Shqipniës.”

Autoritetet italiane nuk lejuan që funerali të mbahej në qytet, por vetëm brenda mureve të varrezave. N’ato çaste tragjike miku i afërt i Gurakuqit, Lin Kamsi ruajti veshjen me të cilën ishte vra “trimi i bardhë si dborë” për t’ia lanë si kujtim brezave të ardhshëm. Në Bari rendën refugjatë shqiptarë prej gjithkah. U mbajtën fjalime prej bashkëshort es së Sotir Gjikës, zonjës Lilli Quarta, prej Hasan Prishtinës, Llazar Fundos, Beqir Valterit etj.

The post Sot 97 vite nga vdekja, si u vra pabesisht nga kushëriri i tij i parë Luigj Gurakuqi appeared first on Albeu.com.

Pas dështimit të martesës së parë nga e cila ka një vajzë, Natasha përfundoi e dashuruar me Marcelon, kushëririn e saj të parë me të cilin gjithashtu patën një kurorëzim të ëmbël dashurie.
“Ne jemi kushërinj të parë, normalisht ka shumë persona që nuk e kuptojnë. Nuk jam rritur me të, sepse ai jetonte në Uruguay dhe unë në Kolumbi e nuk e shihja si kushëri, nuk kishte konotacionin e kushëririt.”,- ka rrëfyer ajo.

Ajo u shpreh se hera e fundit që ata u panë para se të takoheshin si të rritur ishte në moshën 11 vjeçare.
E pyetur se si ndodhi martesa, ajo ka thënë:

“Në atë kohë nuk mund të martoheshe me kushëririn e parë në kishën katolike dhe u martuam në rrugë civile. Ai e ka adoptuar Izabelën (vajzën nga martesa e parë), sepse erdhi në jetën time kur ajo ishte 9 muajshe dhe aty filloi historia jonë. Kur vendosëm të kishim fëmijë biologjik, gjinekologu tha se nuk ka asnjë problem, por unë kisha dyshime, sepse kështu është përfolur gjithmonë nga gojëdhënat. Shkuan te një profesionist i gjenetikës dhe aty kuptuam se shumë gjëra i dimë gabim sipas gojëdhënave.”

The post Habitet rrjeti, aktorja e famshme martohet me kushëririn e saj të parë! appeared first on Albeu.com.

Kushëriri ka filmuar momentin kur kanë kryer marrëdhënie intime dhe e ka kërcënuar vajzën e hallës se nëse nuk i jep para, videon do t’ja tregojë bashkëshortit të saj.

E frikësuar nga kjo situatë e pazakontë që po ndodhte mes dy kushërinjve, herë pas herë gruaja i ka dhënë 50-vjeçarit 100 mijë lekë të vjetra, 50 euro dhe 70 mijë lekë të vjetra.

Denoncimin për këtë ngjarje e ka bërë vetë gruaja në policinë e Vlorës.

Për këtë situatë është vënë në dijeni policia dhe prokuroria e Vlorës dhe aktualisht ndaj 50-vjeçarit është vendosur nga gjykata e Vlorës masa e sigurisë “arrest në burg” për akuzën e “Shtrëngimit me anë të kanosjes dhe shantazhit me qëllim marjen e pasurisë”./albeu.com

The post Skandal në Vlorë! 50-vjeçari kryen marrëdhënie me vajzën e hallës, e filmon dhe e kërcënon me pamjet appeared first on Albeu.com.