Partia Demokratike e Kosovës (PDK) ritheksoi të premten se do të qëndrojë në opozitë, ndërsa kërkoi përmbylljen e konstituimit të Kuvendit për t’i hapur rrugën krijimit të institucioneve të reja.

Në një letër dërguar Albin Kurtit të premten, kryetari i PDK-së, Bedri Hamza, deklaroi se pozicioni i partisë së tij ishte sqaruar si gjatë takimit të 10 korrikut, ashtu edhe përmes përgjigjes së 3 gushtit.

Hamza bëri të ditur se, për shkak të dallimeve programore dhe konceptuale, PDK-ja do ta përmbushë rolin e saj opozitar në Kuvendin e Republikës së Kosovës. Sipas letrës, partia do të kontribuojë nga aty në forcimin e demokracisë, mbrojtjen e interesit shtetëror dhe përfaqësimin e interesave të qytetarëve, transmeton Kosovapress.

Kryetari i PDK-së i kërkoi Kurtit që, brenda afatit të vendosur me aktgjykimin e Gjykatës Kushtetuese, të ndërmarrë veprimet e domosdoshme për përfundimin e konstituimit të Kuvendit.

Në letër kërkohet që këta hapa të ndërmerren sot, në përputhje me afatin e përcaktuar nga Aktgjykimi i Gjykatës Kushtetuese, në mënyrë që të përmbyllet konstituimi i Kuvendit dhe të mundësohet formimi i institucioneve të reja.

Hamza konfirmoi gjithashtu se PDK-ja do t’i japë votat e saj për ta çuar deri në fund procesin e konstituimit të legjislativit.

Ai shkroi se Partia Demokratike e Kosovës do të japë kontributin e vet për konstituimin e Kuvendit të Republikës së Kosovës.

Dokumenti, i cili përbën përgjigje ndaj letrës dhe ftesës së Kurtit për takim, mban datën 7 gusht 2026.

The post Hamza i përgjigjet Kurtit me letër appeared first on Albeu.com.

Lumir Abdixhiku, kryetar i Lidhjes Demokratike të Kosovës, ka shkuar në Kuvend së bashku me Vjosa Osmanin dhe Lutfi Hazirin, ku do të zhvillojnë takim me kreun e VV-së, Albin Kurti.

Para nisjes së takimit, Abdixhiku nuk dha deklaratë, duke bërë të ditur se do të flasë pasi të përfundojë takimi me Kurtin.

Ndryshe nga takimi i parë i mbajtur më 11 korrik, këtë herë kreu i LDK-së shoqërohet edhe nga nënkryetari i partisë, Lutfi Haziri.

Ndërkohë, ftesën e Kurtit për takim e kanë refuzuar kryetari i PDK-së, Bedri Hamza, si dhe kreu i Aleancës, Ardian Gjini.

The post Abdixhiku mbërrin me Osmanin dhe Hazirin në takimin me Kurtin appeared first on Albeu.com.

Haradinaj në “Debat Plus” thotë se nuk ka mundur të heshtë ndaj përgjithësimeve që kishte bërë Albin Kurti në Bruksel sa i përket kriminelëve të luftës në Ballkan.

“Kurti nuk e ndau Kosovën nga ajo deklaratë. Unë si ish-kryeministër nuk mund të mos e vlerësojë drejtë dëmin që kjo deklaratë i bënë Kosovës…Kurti foli me gjuhën e njëjtë për pjesëmarrësit në luftëra si për Mlladiqin, si për Serbinë si për mua”, tha ai, përcjell Telegrafi.

I pari i AAK-së thotë se edhe Serbia ka tentuar të barazojë kriminelët serb të luftës me boshnjakët, kroatët por edhe shqiptarët.

“Edhe Kurti në Bruksel foli më gjuhën e Serbisë. Për ata arsye ja kam bërë pyetjen se “mos jeni rekrutuar nga Serbia”. Pra për shkak të dëmit që na ka bërë gjuha e tij nga Brukseli”.

Kurti në Bruksel me 18 maj kishte deklaruar se “edhe më tej, në Ballkanin Perëndimor kemi edhe kriminelë të luftës dhe të paqes që dominojnë në institucione”.

Deputeti i Aleancës për Ardhmërinë e Kosovës, Ramush Haradinaj në seancën e 20 majit në Kuvendin e Kosovës ka pyetur kryeministrin Albin Kurti “Mos je njeri i Serbisë”.

The post “Je njeriu i Serbisë”, Haradinaj tregon përse i tha ashtu Kurtit (VIDEO) appeared first on Albeu.com.

Në këtë letër, AAK ka renditur gjashtë pika, përmes të cilave thotë se paraqet qëndrimin rreth dialogut.

AAK kërkon që temat nacionale të mos jenë ekskluzivitet i askujt.

“Askush nga institucionet e Kosovës nuk mund të ndërmarrë veprime për sa i përket temave të dialogut me Serbinë e të befasojë Kuvendin e Republikës së Kosovës. Askush nuk duhet të hyjë në obligime të fshehta apo të hapura, pa dakordim paraprak me spektrin politik në Kosovë, përkatësisht Kuvendin e Republikës së Kosovës”, thuhet në pikën e parë të letrës që AAK i ka dërguar Kurtit.

Më poshtë keni letrën e plotë që Haradinaj i ka dërguaar Kryeministrit Kurti:

The post Kjo është përmbajtja e letrës që Haradinaj ia ka dërguar Kurtit (FOTO LAJM) appeared first on Albeu.com.