Përveç postit të ri, Bajrami është edhe ambasador i Kosovës në Belgjikë, në kryeqytetin e të cilës, Bruksel, Bashkimi Evropian ndërmjetëson dialogun Kosovë-Serbi.

Në muajin shkurt, disa ditë pas votimit të Qeverisë së re të Kosovës, numri dy në ekzekutivin kosovar, njëherësh ministri i Punëve të Jashtme dhe Diasporës, Glauk Konjufca, tha se procesi i dialogut do të udhëhiqet nga kjo ministri.

Mandatin e kaluar qeverisës, në nivel politik, Kosova në dialog është përfaqësuar nga kryeministri, Albin Kurti, ndërkaq në nivel kryenegociatorësh nga Besnik Bisilimi.

Viteve të fundit, Kosova dhe Serbia kanë zhvilluar një sërë rundesh të dialogut në nivel kryenegociatorësh, por takime të nivelit të lartë politik nuk ka pasur që nga shtatori i vitit 2023.

Atëbotë, rundi i fundit i dialogut në nivel të lartë u zhvillua pak ditë para sulmit të armatosur në Banjskë të Zveçanit, kur një grup i serbëve të armatosur vranë një polic të Kosovës. Kosova e fajëson Serbinë për këtë sulm, por Beogradi mohon se ka gisht në të.

Përgjatë vitesh të dialogut, Kosova dhe Serbia kanë arritur një sërë marrëveshjesh, por jo të gjitha janë zbatuar në terren./REL

The post Albin Kurti emëron Agron Bajramin kryenegociator në dialogun teknik me Serbinë appeared first on Albeu.com.

Duke folur për gazetarët, ai akuzoi opozitën se nuk janë të interesuar për një marrëveshje e për t’i dhënë fund situatës së krijuar.

“Nëse shkojmë në zgjedhje të reja, nuk do të kemi zgjidhje, meqenëse sërish do të na duhet të shkojmë në zgjedhje të reja, e pas atyre sërish do të na duhet të shkojmë në zgjedhje të reja. Unë nuk e di se si mund t’i kemi 80 deputetë, prandaj është e domosdoshme të merremi vesh. Nuk po më duken (opozita) të gatshëm dhe të interesuar për marrëveshje, dhe ky është një dëm i madh për shtetin e Kosovës”, deklaroi Kurti.

Kujtojmë që edhe pesë ditë kanë mbetur deri te përfundimi i afatit të Gjykatës Kushtetuese, për të zgjedhur presidentin e vendit.

Presidenti i Kosovës zgjidhet me dy të tretat e votave në dy raundet e para të votimit, apo me 61 vota në raundin e tretë, por nevojiten 80 deputetë në sallë që seanca të mundë të mbahet.

Prandaj nevojitet një marrëveshje mes partive parlamentare për këtë çështje, duke qenë se asnjëra parti, madje as ajo në pushtet e Kurtit me 57 deputetë, nuk e ka një numër kaq të madh deputetësh në Kuvendin me 120 vende.

The post Afati për Presidentin drejt fundit, Kurti: Rrezikojmë të shkojmë në zgjedhje të njëpasnjëshme appeared first on Albeu.com.

Ai ripërsëriti se shkuarja në zgjedhje të parakohshme nuk është opsion, duke shtuar se duhet të ketë vullnet nga të gjitha palët dhe gatishmëri për të bërë kompromis.

“Kemi hyrë në pjesën e fundit të muajit prill, dhe para vetës kemi një afat kushtues që po ofron, shkuarja në zgjedhje të parakohshme parlamentare unë besoj që nuk është opsion, e zgjedhja e presidentit është detyrë kushtetuese të zgjedhurve të popullit. Kjo kërkon vullnet për zgjidhje, gatishmëri për kompromis dhe vendime jo të lehta”, ka deklaruar Kurti.

Kurti theksoi se diskutimet për zgjedhjen e presidentit, duhet të zhvillohen nga pozicionet e fituara në zgjedhjet e kaluara.

“Ne e dimë që nuk ka parti që mund të pretendojë se i fiton 80 e më shumë deputetë, andaj duhet të pranohet rezultati i zgjedhjeve dhe nga këto pozicione të zhvillohen diskutime të sinqerta e të arsyeshme në interesin më të mirë për vendit tonë. Ne jemi të hapur për zgjidhje e cila i përgjigjet vullnetit qytetar”, është shprehur Kurti.

Sipas tij, Kosova ka nevojë për stabilitet institucional “në këtë kohë të trazuar nga zhvillimet gjeopolitike”.

The post Ende asnjë konsensus për Presidentin, Kurti bën thirrje për kompromis: Mbajtja e zgjedhjeve të parakohshme nuk është opsion appeared first on Albeu.com.

Nga dokumenti rezulton se kursimet e tij kanë rënë dhe qiraja e banesës është rritur për 100 euro.
Në pasuritë e paluajtshme dhe të luajtshme nuk ka ndryshime të mëdha. Si pasuri të paluajtshme, Kurti ka deklaruar banesën e bashkëshortes, vlera e së cilës është 530 mijë euro.

Sa i përket parave të gatshme, Kurti ka deklaruar 16,41 euro në emër të tij, ndërsa bashkëshortja ka 19 mijë e 500 euro, të ardhura nga paga dhe trashëgimi nga prindi.

Vajza ka gjithashtu kursime: 2 mijë euro dhe 50 euro të tjera, të cilat sipas deklarimit kanë origjinë familjare. Vjet, kursimet e Kurtit ishin 1.800 euro.

Kurti ka deklaruar si borxh kreditë e bashkëshortes, që mbeten 160 mijë euro, si dhe rritjen e qirasë së banesës, tani 350 euro, nga 250 euro që paguhej vitin e kaluar.

Për të hyrat vjetore, Kryeministri ka deklaruar 21.315 euro nga paga e tij, ndërsa bashkëshortja ka fituar 51 mijë euro.

The post Kurti deklaron se ka vetëm 16,41 euro në bankë dhe se qiraja i ka shkuar më shtrenjtë appeared first on Albeu.com.

Zjarri u raportua rreth orës 12:55 të enjten në një banesë në lagjen “Mirëdita”, në Malishevë.

Jam i tronditur nga rasti i vdekjes së tre familjarëve, babait me dy fëmijë, nga zjarri si rezultat i shpërthimit të bombolës së gazit në Malishevë.

Në këto momente të rënda shpreh ngushëllimet e mia për të gjithë familjarët e viktimave.

Kryeministri i Kosovës, Albin Kurti, tha se zjarri tronditës u shkaktua nga shpërthimi i bombolës së gazit.

Në një reagim në Facebook, Kurti theksoi se viktimat janë një baba me dy fëmijë.

“Në këto momente të rënda shpreh ngushëllimet e mia për të gjithë familjarët e viktimave”, shkroi Kurti.

Kryetarja e Kuvendit dhe ushtruesja e detyrës së presidentit, Albulena Haxhiu, shkroi në Facebook se “me dhimbje të thellë e mora lajmin për humbjen tragjike të një babai dhe dy fëmijëve nga zjarri që ndodhi sot në Malishevë”.

Tre të vdekur nga zjarri në Malishevë, viktimat një i rritur dhe dy fëmijë

“Në këto çaste të rënda, shpreh ngushëllimet më të sinqerta për familjen dhe të afërmit e viktimave”, shtoi ajo.

Zëdhënësi i Policisë së Kosovës për rajonin e Gjakovës, Sheremet Elezaj, ka dhënë detaje tjera për rastin.

“Sot, rreth orës 12:55, jemi njoftuar për një incident zjarri në një banesë në lagjen “Mirëdita”, në Malishevë. Menjëherë pas pranimit të informacionit, në vendin e ngjarjes kanë dalë njësitë kompetente policore, zjarrfikësit dhe ekipet emergjente”, ka deklaruar Elezaj.

Sipas tij, në vendin e ngjarjes janë gjetur tre viktima, të cilat nuk kanë arritur t’u mbijetojnë plagëve.

“Në këtë banesë janë gjetur tre persona të gjinisë mashkullore (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete. Zjarri është lokalizuar dhe nuk është raportuar për pasoja të tjera”, ka shtuar ai.

Policia njofton se për rastin është informuar edhe prokurori i shtetit dhe se hetimet janë duke vazhduar për të zbardhur shkaqet e zjarrit

The post Kurti i tronditur nga vdekja e një babai me dy fëmijë në Malishevë appeared first on Albeu.com.

Sipas njoftimit të Zyrës së Kryeministrit, gjatë darkës, Kurti e falënderoi Lordin Coaker për mbështetjen historike të Mbretërisë së Bashkuar ndaj Kosovës, duke përmendur në veçanti: ndihmën ndaj refugjatëve, rolin e Gjeneralit Michael Jackson në çlirim, si dhe pas luftës në shtet-ndërtim, zhvillim dhe integrim.

“Kryeministri Kurti theksoi se Kosova dëshiron të ketë bashkëpunim edhe më të ngushtë ushtarak dhe të mbrojtjes, në drejtim të vlerave dhe qëllimeve të përbashkëta”, thuhet në njoftimin e Zyrës së Kryeministrit.

Në këtë kontekst, ai përmendi bashkëpunimin në fusha specifike, si bashkë-zbarkimet, trajnimet dhe zhvillimin e kapaciteteve.

The post Vizita në Britani, Kurti me ministrin e Shtetit për Mbrojtje diskutojnë thellimin e bashkëpunimit ushtarak appeared first on Albeu.com.

Pas takimit mes kryeministrit Albin Kurti dhe kreut të LDK-së, Lumir Abdixhiku, të dy palët janë shprehur me tone të ndryshme.

Kurti është shfaqur optimist për arritjen e një marrëveshjeje, duke deklaruar se; “ka vullnet për të shmangur zgjedhjet dhe marrëveshja mund të ndodhë”.

Në anën tjetër, Abdixhiku ka ritheksuar qëndrimin e tij se; “një parti s’mund t’i ketë tri pozitat kryesore”, duke lënë të kuptohet se pa marrëveshje vendi mund të shkojë në zgjedhje.

Ndërkohë, Partia Demokratike e Kosovës (PDK) ka vendosur kushte për një takim me Kurtin, duke kërkuar formalizim të ftesës dhe seriozitet institucional.

Kurti po ashtu, ka kritikuar qasjen e PDK-së, duke vlerësuar se mungesa e emrave konkretë e bën të vështirë arritjen e një marrëveshjeje për presidentin. Ai ka theksuar se pa propozime konkrete, procesi mbetet i bllokuar.

Mediat në Kosovë shkruajnë se, kritika ka pasur edhe nga Aleanca për Ardhmërinë e Kosovës (AAK).

Kreu i saj, Ramush Haradinaj, ka akuzuar Kurtin për mungesë prioriteti në këtë proces, duke deklaruar se; “nuk e ka pasur prioritet zgjedhjen e presidentit, prandaj po përfundojmë në zgjedhje”.

The post Ngërçi politik për çështjen e presidentit Kosovë / LDK s’pranon kandidat të VV-së, PDK vendos kushte appeared first on Albeu.com.

Musliu e kritikoi Kurtin për performancën e qeverisë gjatë katër viteve të fundit, duke i thënë:

“Kthehu në temë kryeministër, sepse i ke pasë katër vjet me qeverisje dhe nuk e ke realizuar asnjë projekt.”

Kreu i Kuvendit, Glauk Konjufca, ndërhyri duke i kujtuar deputetes se “ka diskrecionin të vendos”. Megjithatë, Musliu vazhdoi të kërkonte që kryeministri të fliste për çështjen e naftës dhe të thërriste kabinetin qeveritar.

Ngjarja shkaktoi tension në sallë dhe rikonfirmoi përplasjet midis opozitës dhe qeverisë në Kuvendin e Kosovës.

The post VIDEO/ Tensione në Kuvendin e Kosovës, deputetja e PDK afrohet tek foltorja, i largon mikrofonin Albin Kurtit appeared first on Albeu.com.

Tanimë në mbledhjen e mbajtur sot, vendimi është miratuar dhe 500 mijë euro do të transferohen në llogarinë e Federatës së Futbollit të Kosovës, ku pastaj FFK do t’i shpërndajë te futbollistët dhe stafi.

Në rast se Kosova shkon në Botëror, atëherë Qeveria e Kosovës do t’i ndajë edhe 1 milionë euro të tjera premio për futbollistët dhe stafin. “Triumfi në Bratislavë, ku Sllovakia u njoh me futbollistët të rangut botëror nga Kosova, përbën një moment dhe sukses historik për vendin tonë.

Në fund të nëntorit, i ndamë 250 mijë euro për sigurimin e “play off”-it dhe po atë ditë u zotuam se do të ndajmë 500 mijë euro të tjera, në rast së fitores ndaj Sllovakisë”, tha Kurti.

“Ky zotim do të jetësohet sot (dje), por dua që kjo mos të mbarojë këtu. Urojë që djemtë tanë shembullorë, të cilët i takova, të fitojnë finalen e ‘play off’-it dhe të shkruajnë emrin e tyre në historinë e Kosovës. Kualifikimi në Kupën e Botës do të shënonte shënimin e 10-vjetorit të pranimit në UEFA dhe FIFA. Në rast kualifikimi në Kupën e Botës do të ndajmë edhe 1 milionë euro të tjera për ekipin përfaqësues. Po zotohemi sot se nëse shkojmë tutje dhe kualifikohemi do të ketë shpërblime që nuk ua merr mendja, për sukseset që do të pasojnë në Kampionatin Botëror që do të mbahet në SHBA”, shprehet Kurti.

The post Premtimi i qeverisë “Kurti”, 1 milion euro plus shpërblim për Kosovën nëse kualifikohet në Botëror appeared first on Albeu.com.

Kryeministri tha se gjatë këtij mandati programet do të përkthehen në plane me projekte, qëllime, objektiva, strategji dhe me punë të përditshme. Në fund, Kurti theksoi se e mira e përgjithshme dhe interesi publik,kanë qenë dhe do të mbeten pikënisja dhe synimi i qeverisjes së tij.

“Në zgjedhjet e dhjetorit 2025, qytetarët na dhanë një besim të paparë në Kosovën e pasluftës. Ne kërkuam besimin qytetar për ta kthyer atë në siguri e begati. Nuk garuam me premtime që harrohen, por me zotime që jetësohen. Në dritë të kësaj, sot kemi filluar një takim të përbashkët të kabinetit tonë qeveritar, i cili do të vazhdojë për dy ditë rresht, me qëllim që zotimet e fushatës para qytetarëve dhe ekspozenë e prezantuar para deputetëve t’i shndërrojmë në program qeverisës.

Zotime që kthehen në program dhe program që përkthehet në plane me projekte, qëllime me objektiva, strategji me operacione, masa me punë të përditshme që do të realizohen përgjatë këtij mandati. Angazhimi, e mira e përgjithshme dhe interesi publik, zhvillimi dhe barazia, integriteti dhe dinjiteti shtetëror kanë qenë dhe do të mbeten pikënisja dhe synimi i qeverisjes sonë”, u shpreh Kurti.

The post Kurti mbledh kabinetin qeveritar: Premtimet ndaj qytetarëve do të bëhen program qeverisës appeared first on Albeu.com.