I pyetur nëse është e pranueshme për të tani Marrëveshja e Uashingtonit – e arritur më 2020 në Shtëpinë e Bardhë – nëse administrata e re amerikane e Donald Trumpit insiston në zbatimin e saj, Kurti tha se pret që marrëveshja tjetër, ajo e Brukselit, të nënshkruhet.

“Unë mund të jem përgjegjës për marrëveshjet në të cilat kam marrë pjesë dhe kam pranuar dhe pres të njëjtën gjë edhe nga Beogradi, edhe pse ata e shtypin dhe nuk e respektojnë këtë marrëveshje.

Le të fillojmë me marrëveshjen e fundit, e cila është një marrëveshje gjithëpërfshirëse, sepse ajo normalizon marrëdhëniet ndërmjet Kosovës dhe Serbisë përmes njohjes de facto të njëra-tjetrës”, tha Kurti, pas pjesëmarrjes në një ngjarje në Prishtinë.

Kosova dhe Serbia u pajtuan për Marrëveshjen për rrugën drejt normalizimit të raporteve vitin e kaluar. Marrëveshja nuk është nënshkruar, por Bashkimi Evropian – që ndërmjetëson dialogun mes Kosovës dhe Serbisë – insiston se ajo është obligative për palët.

Marrëveshja prej 11 nenesh, ndër tjerash parasheh një nivel të vetëmenaxhimit për komunitetin serb në Kosovë, njohje të ndërsjellë të simboleve shtetërore, që Serbia të mos bllokojë anëtarësimin e Kosovës në organizata ndërkombëtare, dhe kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.

Ndërkaq, Marrëveshja e Uashingtonit për normalizim ekonomik u arrit në shtator të vitit 2020 mes SHBA-së dhe Kosovës e Serbisë në Shtëpinë e Bardhë, në prani të presidentit Donald Trump.

Kjo marrëveshje, që përfshiu edhe njohjen e pavarësisë së Kosovës nga Izraeli, nuk është zbatuar plotësisht.

Kurti tha se do të ketë bashkëpunim dhe komunikim me administratën e re të Trumpit.

“Trump, në një letër dërguar një pararendësi tonë, po ashtu e ka vendosur në thelb njohjen reciproke si diçka qendrore për raportet e ardhshme midis Kosovës dhe Serbisë dhe ne dëshirojmë, jemi të gatshëm që ta vazhdojmë këtë bashkëpunim, e pse jo edhe ta zgjerojmë e thellojmë këtë bashkëpunim, i cili shprehet jo vetëm në aspektin diplomatik.

Por, sidoqoftë aspekti diplomatik është nga ndër më kryesorët”, tha Kurti.

Gjatë mandatit të parë të Trumpit (2017-2020), Kurti kishte pasur përplasje me të dërguarin e atëhershëm të SHBA-së për rajonin e Ballkanit Perëndimor, Richard Grenell.

Grenell, bashkëpunëtor i ngushtë i Trumpit, e kishte cilësuar Kurtin “antiamerikan” dhe e kishte akuzuar atë se kishte kundërshtuar politikat amerikane të sugjeruara nga ish-presidentët Bill Clinton, Barack Obama dhe Donald Trump.

Ndërkaq, Kurti kishte pretenduar se emisari amerikan kishte gisht në rrëzimin e Qeverisë së tij të parë, në marsin e vitit 2020./REL

The post Kurti për Marrëveshjen e Uashingtonit: Së pari ajo e Brukselit appeared first on Albeu.com.

Kamikawa tha se vizita e saj në Kosovë – që është vizita e parë – është në funskion të arritjes së paqes dhe stabilitetit në kontinentin evropian.

Para vizitës në Kosovë, ajo qëndroi edhe në Serbi dhe Bosnje e Hercegovinë.

Sipas njoftimit të lëshuar nga zyra e Kurtit, në takim është biseduar për raportet mes Kosovës dhe Serbisë dhe dialogun për normalizimin e raporteve që ndërmjetësohet nga Bashkimi Evropian.

“Kryeministri Kurti dhe ministrja Kamikawa, gjithashtu diskutuan rreth çështjeve rajonale, përfshirë raportet me Serbinë dhe procesin e dialogut, në kuadër të së cilit kryeministri Kurti tha se është arritur Marrëveshja Bazike, por e cila nga fillimi dhe në vazhdimësi është shkelur në mënyrë të hapur nga Serbia”, u tha në njoftim.

Kosova dhe Serbia kanë arritur Marrëveshjen për rrugën drejt normalizimit të raporteve vitin e kaluar. Marrëveshja – edhe pse nuk është nënshkruar, për shkak të refuzimit të Serbisë – nga BE-ja konsiderohet e obligueshme për palët.

Marrëveshja prej 11 nenesh, ndër tjerash parasheh edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.

Vizita e ministres Yoo Kamikawa në Kosovë zhvillohet në kohën kur Kosova dhe Serbia këtë vit shënojnë 15-vjetorin e vendosjes së raporteve diplomatike.

Në takimin mes Kurtit dhe ministres japoneze është diskutuar edhe për mënyrat se si palët mund të thellojnë dhe forcojnë raportet. Po ashtu, gjatë një takimi me gazetarë në Kosovë, zyrtarë japonezë thanë se shteti i tyre po e shqyrton mundësinë e heqjes së vizave për qytetarët e Kosovës. Tokio veçse ka hequr regjimin e vizave për mbajtësit e pasaportave diplomatike dhe atyre zyrtare të Kosovës.

Ndërkaq, në takimin mes Kurtit dhe kryediplomates japoneze për mundësinë e investimeve nga kompanitë japoneze, veçmas në sektorin e energjisë së ripërtërishme dhe infrastrukturës hekurudhore.

Japonia i jep mbështetje Kosovës në shumë sfera përmes Agjencisë Japoneze për Bashkëpunim Ndërkombëtar (JICA) në menaxhimin e mbeturinave, menaxhimin dhe monitorimin e ndotjes së ajrit dhe mbështetjen për televizionin publik të Kosovës.

Japonia po ashtu mbështet fushën e mbrojtjes, duke ofruar trajnime për oficerët e Forcës së Sigurisë së Kosovës.

Gjatë ditës, ministrja Kamikawa është takuar edhe me kryediplomaten e Kosovës, Donika Gërvalla. Në kuadër të vizitës, ajo është paraparë të takohet edhe me zyrtarë të tjerë në Kosovë./rel

The post Kryediplomatja japoneze takim me Kurtin: Paqja dhe stabiliteti, vendimtare për Evropën appeared first on Albeu.com.