Filloni sa më herët

Në fakt këtë e kemi më shumë për prindërit. Është mirë të hapni një llogari kursimi për të vegjlit tuaj dhe të depozitoni aty çdo monedhë që njerëzit i kanë dhënë fëmijës tënd. Asnjëherë nuk është shumë herët për të kursyer. Sa më shpejt të filloni të kurseni aq më shumë stabilitet financiar do të keni në jetë.

Pyesni veten “pse po e bëni?”

Nëse keni nevojë të kurseni, pyesni veten se cili është qëllimi që po e bëni këtë hap. Kjo do ju ndihmojë që të jeni më të vendosur në lidhje me kursimin e parave.
Kurseni me rregullin 50 /30/ 20
Një supermetodë për kursim është rregulli 50-30-20. Pra përdorni 50% të të ardhurave tuaja për shpenzimet fikse, si qira, fatura, sende,, ushqime, abonime mujore etj. Më pas ndani 30% për shtesa si parukierja, kinema, darka etj. Dhe 20% kalojini në llogarinë ose arkën e kursimit.

Organizohuni dhe mbani shënime

Çdo shpenzim përgjatë muajit është mirë t’i organizoni në një tabelë exelle, ose t’i mbani shënim në një bllok të posaçëm. Qëllimi është të monitoroni gjithmonë lëvizjen tuaj financiare.

The post Si të kurseni para? Mos u vononi më shumë appeared first on Albeu.com.

Përderisa shumica e njerëzve kanë probleme t’i balancojnë shpenzimet personale me një udhëtim vjetor për t’u siguruar se do të kenë një shtrat për të fjetur dhe ushqim për të ngrënë çdo ditë, duket se shumë tjerë janë mjaft të organizuar me borxhet dhe faturat e bankës.

Madje, shpeshherë mund ta kenë rrogën e njëjtë, por ‘loja e kursimit’ është ajo që plot njerëzve u ndihmon ta bëjnë një jetë më të mirë.

Sidoqoftë, më poshtë ju sjellim disa truqe të kursimit të parave të cilat i praktikojnë njerëzit e pasur dhe që jua ndryshojnë pamjen e llogarisë së kursimit, transmeton Telegrafi.

Rregulli 24-orësh

Milionerët janë të fascinuar pas rregullit 24-orësh! Sa herë që kanë një dëshirë për të blerë diçka të shtrenjtë, ata presin 24 orë për ta marrë vendimin. Blerjet impulsive ndodhin nga nxitësit emocionalë dhe shpeshherë janë të panevojshme. Kështu, kur keni dëshirë të blini diçka, pyeteni veten se a e dëshironi atë gjë apo vërtet ju nevojitet!

Caktojeni një buxhet personal dhe përmbajuni

Kjo mund t’ju duket klishe por caktimi i buxhetit ditor dhe përmbajtja e atij plani do t’ju ndihmojë të kurseni mjaft para. Ekspertët zakonisht rekomandojnë ta ndani rrogën në metodën 50/30/20 (50% të rrogës për të blerë gjëra esenciale, 30% për gjëra personale dhe 20% për kursime).

Shpenzoni në gjëra që ju ndihmojnë të fitoni para

Shpenzimi i parave në gjëra që ju ndihmojnë të punoni, të kontribuoni në punën aktuale ose që jua shtojnë fitimin mujor është gjë e mirë.

Eksperiencat nuk kanë çmim!

Milionerët bëjnë një stil pompoz të jetesës dhe sigurohen që të shtojnë shumë përvoja në kalendarin e tyre. Kjo për shkak se ata prioritet i kanë eksperiencat dhe jo gjërat materialiste. Me shumë lehtësi, milionerët do t’i zëvendësonin shpenzimet ditore për udhëtime jashtë vendit, ngjitje në shkëmbinj, zhytje, etj.
Investoni në gjëra që ju bëjnë të lumtur dhe të shëndetshëm

Pasanikët sigurohen që të investojnë në gjëra që i lumturojnë ata – këtë bëjeni edhe ju. /Telegrafi/

The post Rregullat e kursimit të parave që njerëzit e pasur i ndjekin appeared first on Albeu.com.

Aktorja tha se zgjodhi bregdetin shqiptar për pushime.

“Gjithmonë, kur kam ndërmend pushimet, natyra është e panegociueshme. Sepse, për këtë shkon në plazh e në mal, për të pasur kontakt me natyrën. Vetë qenia njerëzore është shumë e lidhur me natyrën. Nuk ka luks më të madh se sa kontakti me natyrën. Por, më pëlqejnë pak të zgjedhura (pushimet”. E dua pak komoditetin”, tha Monika, duke mos kursyen ironinë.

Por, sa shpenzojnë personazhet e njohur për pushime. Monika flet troç:

“Hamë një drekë të mirë. Nuk hamë darkën. Gjoja që do të mbajmë peris. A kemi ardhur për të thënë troç? E kemi derdhur lekun te dreka, mëngjesi është nga hoteli dhe kalon një vakt. Shumë qartë!”/topchannel

The post Habit Monika Lubonja: Nuk ha darkë, që të kursej appeared first on Albeu.com.

Derisa rritemi, jemi të kushtëzuar të gjejmë një punë të mirë dhe të fitojmë një rrogë mujore. Kur zhvillojmë aftësi për të fituar para, ne nuk jemi të pajisur me mjetet dhe aftësitë se si të kursejmë para nga paga. A zbrazet llogaria juaj bankare brenda pak ditësh nga marrja e pagës? A preokupoheni shpesh me mënyrën se si të kurseni para nga paga juaj çdo muaj?

The post Si të kurseni nga rroga çdo muaj? appeared first on Albeu.com.

Problemi nuk qëndron te sasia e parave që fitoni, por te shpenzimet që bëni. E mira do të ishte të kishim një zgjidhje të thjesht, por mesa duket diçka e tillë nuk ekziston. Megjithatë nuk është e pamundur të shmangni shpenzimet e kota.

1. Pyete veten pse

Blerjet impulsive janë ato që na bëjnë të pendohemi më pas për paratë e çuara dëm.

Në momentin që ti e pyet veten pse po e blen atë që ke zgjedhur, ti menjëherë reflekton mbi zgjedhjen tënde.

“Pse po e blej këtë?”… Në shumicën e rasteve ju nuk e keni një përgjigje të saktë për këtë pyetje.

Pse po blen një smartphone të ri? Ka diçka që nuk shkon me telefonin aktual? Pse po blen një palë xhinse të reja? Të janë grisur ato të vjetrat? Apo të intereson më shumë mendimi i të tjerëve për paraqitjen tënde të jashtme? Pse po del përsëri? Dëshiron të argëtohesh apo ke frikë se mos mbetesh vetëm?

Në momentin që ti kupton arsyen e vërtetë për paratë që po shpenzon atëherë do të shohësh se asgjë nuk do të ndryshoj duke blerë diçka të re çdo ditë.

2. Krijo një buxhet

Nuk ka rëndësi nëse është një buxhet ditor apo javor, e rëndësishme është të ekzistojë një i tillë. Kur ke një buxhet të caktuar ti je i detyruar të mendosh për çdo blerje që bën.

Është më mirë t’a lidhni këtë buxhet me diçka që është e rëndësishme për ju. Mund të jetë një udhëtim në një vend ekzotik, shërbim për makinën apo për të paguar pjesën e mbetur të kredisë.

3. Mos shpenzo para që nuk janë tuat

Sa njerëz njihni që kanë borxhe? Apo njerëz që kërkojnë një kredi të dytë pasi kanë shlyer të parën? Është e vështirë ti thuash jo parave të gatshme, por mos gabo t’i konsiderosh ato të tuat.

Kredia është një aset i mirë nëse përdoret për një qëllim të planifikuar, si për shembull fillimi i një biznesi.

Ajo është një jastëk i butë ku mund të mbështetesh në raste emergjente. Ndërsa në raste të tjera kredia është një borxh afatgjatë me pasoja të shumta.

Koncepti është i thjeshtë: nëse nuk ke para, mos i shpenzo ato. Sa më shumë të futesh në borxhe aq më e vështirë është të dalësh prej tyre.

4. Ji i gatshëm të ndryshosh

Një ndër arsyet pse njerëzit kanë probleme financiare është fakti që ata nuk pranojnë të ndryshojnë stilin e jetesës. Një shprehje thotë; “Çmenduri: të bësh të njëjtën gjë papushim dhe të presësh rezultate të reja.”

Sa shpesh drekoni jashtë? Sa para mund të kurseni duke gatuar në shtëpi? Para se të thoni unë nuk di të gatuaj, mos harroni se me praktikë mund të realizoni (pothuajse) gjithçka. A përdorni makinën për të shkuar në punë? A iu nevojitet vërtet? A ke menduar ndonjëhrë të shkosh në punë me autobus, biçikletë ose në këmbë? Sigurisht që të gjitha këto forma janë para të kursyera për xhepin tuaj.

Njerëzit i druhen ndryshimit të stilit të jetës jo prej komfortit më shumë se sa prej krenarisë. Një person e ka më të kollajt të hyjë në borxh dhe të shkojë në palestër me miqtë, në vend që të ushtrohet në shtëpi dhe të pranojë faktin që nuk ka para.

Në fund të ditës, ti dhe vetëm ti i njeh problemet e tua. Por nëse mendon se zakonet e tua të shpenzimit të parave nuk ndikojnë shumë në stilin tënd të jetesës, atëherë nuk keni për çfarë të shqetësoheni./Albeu.com/

The post Si t’i menaxhoni shpenzimet tuaja? appeared first on Albeu.com.

Në krahasim me vitin e mëparshëm, kursimet në sistem u shtuar me 5%, duke arritur në 5551 miliardë lekë. Këto janë ritmet më të ulëta të rritjes që nga viti 2019.

Në vlerë depozitat u rritën me 61 miliardë lekë në 2022-n, nga 103 miliardë lekë që ato ishin shtuar në 2021-n.

Ngadalësimi lidhet kryesisht me ecurinë e dobët të kursimeve në lekë, ndërsa rritja është udhëhequr tërësisht nga valuta.

Sipas Bankës së Shqipërisë, depozitat në lekë ishin pothuajse në të njëjtin nivel me vitin 2021, me një tkurrje të lehtë prej 640 milionë lekësh (-0.1%).

Kjo është ecuria më negative që nga 2019-n. sidomos gjatë vitit pandemik, kursimet në monedhën vendase shënuan rritje, duke u ndikuar kryesisht nga pamundësia për të shpenzuar, si rrjedhojë e kufizimeve në lëvizje.

Tendenca ishte pozitive dhe në 2021-n, ndërsa në 2022-n, çmimet e larta duket se kanë ndikuar në aftësinë e familjeve dhe individëve për të kursyer, ndonëse në gjysmën e dytë të vitit interesat e depozitave ishin më të favorshme, për shkak të shtrëngimit të politikës monetare të bankës së Shqipërisë.

Depozitat me afat të individëve në lekë ranë me 6% në 2022-n, duke qenë faktori kryesor që ndikoi këtë ecuri të dobët. Në tjetër arsye lidhet edhe me joshjen për të investuar në bono thesari, për shkak të rritjes së lartë të normave, çka bëri që kursimet të zhvendosen nga depozitat në letrat me vlerë të qeverisë.

Në të kundërt, kursimet në valutë kanë vijuar me rritjen e fortë. Stoku i depozitave në monedhë të huaj arriti në rekordin e 725 miliardë lekëve, duke u rritur ndjeshëm me 9.3%.

Kjo ecuri u ndikua si nga kursimet e bizneseve ashtu dhe të individëve. (Zgjerimi mund të jetë edhe më i fortë, nëse zhvishet efekti i kursit të këmbimit, pasi depozitat raportohen në lekë, ndërkohë që euro u zhvlerësua ndjeshëm në 2022).

Si rrjedhojë e rritjes së fortë, në fund të vitit 2022, depozitat në valutë zinin 56.8% të totalit në fund të 2022-t, nga 54.6% një vit më parë./monitor

The post Shqiptarët nuk arrijnë të kursejnë në lekë, depozitat arrijnë rekordin e 11 miliardë eurove në 2022 appeared first on Albeu.com.

“Që kur Vetëvendosja ka marrë qeverinë, shkronjat kanë zvogëluar. Ndoshta për kursim letre, me ndihmën e durimit tuaj po kërkoj pikën që duhet të lexoj”, tha Rama duke i dhënë fjalën ministrit të Arsimit të Kosovës, që të flasë për pranimin e studentëve në universitetet shqiptare dhe anasjelltas.

The post Rama kritikon me batuta qeverinë Kurti: Keni zvogëluar shkronjat, kurseni letrën appeared first on Albeu.com.

Gruaja tha se mendon sikur dikush i ofron asaj sasinë e parave që po mendon të shpenzojë, dhe nëse do të preferonte të merrte paratë në dorë sesa të blinte artikullin, atëherë ajo e di që nuk ka nevojë për të.

Alexandra, e cila është nga Australia, tha: “Nëse shihni, për shembull, një këllëf iPhone që e dëshironi vërtet dhe ky këllëf kushton 25 dollarë, dhe unë ju drejtohem dhe ju them:

‘Në rregull, mund të bëni vetëm një zgjedhje, ose të blini këllëfin, ose do t’ju jap 25 dollarë në dorë’. Nëse thoni: ‘Në fakt unë kam vërtet nevojë për një këllëf të ri telefoni, i vjetri s’më bën më punë’, atëherë mund ta blini se e dini që keni vërtet nevojë për të. Ndërsa nëse thoni, ‘E di çfarë? Më duhen 25 dollarë dhe s’po e marr këllëfin e telefonit’, atëherë ju vërtet nuk keni pse ta bëni këtë blerje”.

Postimi i saj pati shumë itneraktivitet, me ndjekës që herë e gjenin të vlefshme këshillën e Alexandrës, herë nuk binin dakord me të. Pati edhe të tjerë që ndanë eksperiencat e tyre, duek treguar se çfarë ka funksionuar për t’i ndaluar nga bëra e blerjeve impulsive.

Një prej tyre tha se përdor këtë teknikë: “Unë gjithmonë e krahasoj produktin që dua të ble me tarifën time për orë në punë. Nëse dikush thotë ‘duhet të punosh 4 orë dhe ne do të japim këtë artikull’, nëse ia vlen, atëherë do ta marr”.

Një tjetër tregoi: “Nëse shoh diçka në një dyqan, i jap vetes një javë kohë, dhe nëse ende mendoj për të pas një jave, e marr. Nëse e kam harruar, e lë”.

The post Ishte e varur nga blerjet, gruaja tregon për të gjithë metodën që e shpëtoi dhe e bëri të kursejë para appeared first on Albeu.com.

Është i domosdoshëm tani, qoftë për ngrohje edhe për gatim. Më siguri jeni të vetëdijshëm që kur gatuani, përdorni shumë gaz. Aq më tepër nëse nuk jeni të vëmendshëm dhe bëni disa gabime.

Atëherë ka ardhur koha për të mësuar disa truke të thjeshta por efektive që do t’ju ndihmojnë të jeni më kursimtarë në lidhje me gazin.

Respektoni përmasat midis tenxhereve dhe vendit të gatimit me gaz

Mos vendosni një tenxhere të vogël në një vatër më të madhe, është një humbje e padobishme e gazit. Flakët që nuk qëndrojnë nën tenxhere, në fakt, janë nxehtësi që shpërndahen në mjedis dhe bëjnë që gazi të harxhohet kot.

Mos e mbani flakën e lartë

Pranojeni që edhe ju, kur jeni me nxitim, ngrini zjarrin në maksimum me shpresën që do të gatuani më shpejt. Nuk jeni të vetmit, megjithatë është mirë ta rregulloni këtë zakon të keq: nëse doni të kurseni gaz gjatë gatimit, duhet të mësoni të reduktoni nxehtësinë sa më shumë që të jetë e mundur. Një nga rregullat bazë për të qenë të kujdesshëm në kuzhinë është përdorimi i sasisë së nxehtësisë së nevojshme për të ngrohur ose gatuar, pa tepricë. Për shembull, pasi uji i makaronave të vlojë, nuk është nevoja ta mbani flakën e lartë, për të ruajtur temperaturën mund ta ulni lehtë fuqinë e flakës. Një tjetër truk? Përdorni ujë gjysmë të vakët dhe mos e mbushni tenxheren më shumë sesa duhet.

Zgjidhni metodat më të shpejta të gatimit

Një mënyrë e parëndësishme, por vërtet efektive për të kursyer gazin gjatë gatimit? Zgjidhni metodat më të shpejta të gatimit, të cilat nuk kërkojnë shumë kohë. Për shembull, mund të kaurdisni perimet duke i prerë në copa të vogla dhe duke i lënë krokante në vend që t’i zieni. Kjo do t’ju kursejë gaz, kohë dhe para. Edhe tenxherja me presion është një opsion shumë i mirë falë përçueshmërisë më të lartë dhe temperaturave të larta të brendshme, gatuan ushqimin në një kohë të shkurtër.

Bëni të gjitha përgatitjet paraprake për gatimin me sobën e fikur
Ne jemi gjithmonë në nxitim dhe shpesh, edhe kur është koha për të gatuar, e lëmë gjithçka në sekondën e fundit. Është gabim. Nëse doni të kurseni gaz gjatë gatimit dhe të mbroni portofolin tuaj, duhet të jeni të organizuar mirë. Bëni të gjitha veprimet paraprake që duhen për vaktin që do të përgatisni me sobën e fikur: merrni të gjithë përbërësit që ju nevojiten, pastroni dhe copëtoni perimet, shkrini mishin, marinoni peshkun përpara se të ndizni zjarrin.

Zgjidhni enët e duhura

Për të kursyer gaz gjatë gatimit dhe për të mos humbur nxehtësinë, nëse mundeni përdorni tiganët me fund të sheshtë. Me këto modele e gjithë sipërfaqja ngrohëse mbetet në kontakt me flakët, duke ofruar rendiment maksimal. Gjithashtu kushtojini vëmendje materialeve. Përqendrohuni në ato më të përçueshmet, si bakri dhe çeliku inox, ato nxehen më shpejt dhe lejojnë një shpërndarje më të barabartë të nxehtësisë. Të mira janë edhe giza dhe qeramika, të cilat e ruajnë nxehtësinë më gjatë.

The post Çmimi vazhdon të rritet, 4 këshilla për të kursyer gazin gjatë gatimit appeared first on Albeu.com.

Nëse gjate ditës dielli mund të na ngrohte paksa, në mbrëmje e kuptojmë se ka ardhur i ftohti. Të gjithëve na shkon mendja për një supë apo për një çokollatë të nxehtë. Mos ka ardhur koha të ndezim edhe një ngrohës? Për të gjithë ata që duan të kursejnë, ja disa këshilla.

1. Mbrojini këmbët dhe kokën
Vishni çorape të trasha dhe vendosni kapelë.

2. Shmangni veshjet sintetike
Ato do ju djersitin dhe do e keni ftohtë sapo të dilni jashtë.

3. Konsumoni produkte kalorike
Proteinat dhe produktet që përmbajnë niseshte e ndihmojnë trupin të prodhojë ngrohtësi.

4. Preferoni pijet e nxehta
Çaj, kafe, supë apo çokollatë, kënaqeni veten dhe qëndroni ngrohtë.

5. Natën, shishja me ujë është mikesha më e mirë
Uji i ngrohtë do ju ngrohë dhe do ju mundësoje një gjumë të mirë.

6. Përfitoni nga dielli
Kur bën kohe e mire dhe kur dielli ndriçon, përfitoni për të hapur grilat dhe perdet.

7. Mbrojini dritaret
Kur koha është e keqe mirë është të vendosni një palë perde të trasha.

8. Mbyllini dyert
Kjo do ju ruajë një ambient të ngrohtë.

9. Tapeti është jeta
Jo vetëm nëpër dhoma, por edhe në tualet duhet të vendosni copa të përshtatshme tapeti që këmbët tuaja të jenë sa më të ngrohta.
Përveç të tjerat tapeti ngroh edhe gjithë ambientin.

The post 8 hapa, si të qëndroni ngrohtë në shtëpi pa rënduar faturën e energjisë elektrike appeared first on Albeu.com.