Sipas kursit zyrtar të Bankës së Shqipërisë, dollari amerikan (USD) u zhvlerësua me 0.44 lekë, ndërsa monedha europiane zbriti me 0.02 lekë.

Dollari amerikan u këmbye me 89.76 lekë, ndërsa euroja u këmbye me 99.71 lekë.

Ndaj monedhës vendase, pozitat i dobësuan edhe paundi britanik.

Monedha britanike, u këmbye me 118.16 lekë ose 0.23 lekë më pak dhe franga zvicerane këmbehet me 106.63 lekë ose 0.42 lekë më shume se ditën e enjte.

The post Vazhdon pikiata e monedhave të huaja/ Leku forcon pozitat ndaj valutave appeared first on Albeu.com.

Nga të dhënat e sotme të Bankës së Shqipërisë, mësohet se një euro është këmbyer me mesatarisht 101.84 lekë në tregun e këmbimit valutor duke kapur një tjetër rekord minimal gjatë javëve të fundit.

Me këtë ritëm duket se euro dhe leku do të barazohen në ditët në vijim, ndërsa dollari ka thyer edhe kufirin e 93 lekëve duke zbritur në 92.82 lekë.

Situata duket dramatike në tregun e këmbimit valutor ku nuk përjashtohet mundësia e spekulimit në treg për shkak se leku po vlerësohet me ritme shumë të shpejta brenda ditës.

Kështu për shembull, leku fitoi gati 3 pikë vetëm gjatë ditës së djeshme ndaj euros, gjë e cila nuk kishte ndodhur kurrë më parë. Në këto kushte duket se situata është bërë kaotike. /albeu.com

The post Kaosi me kursin e këmbimit, a do të bjerë euro nën 100 lekë? Shifrat tregojnë se PO appeared first on Albeu.com.

Sipas kursit zyrtar të këmbimit të Bankës së Shqipërisë, Euro humbi për të dytën ditë radhazi pothuajse një pikë në kursin e këmbimit dhe u këmbye me 101.4 lekë, duke zbritur në një minimum të ri historik. Zhvlerësimi i Euros me bazë vjetore ka arritur tashmë në 13.3%, ndërsa që nga fillimi i këtij viti kursi i këmbimit euro-lek ka rënë me 11.2%.

Rënia e lirë e Euros po ndiqet me ritme të ngjashme edhe nga valutat e tjera kryesore.

Paundi Britanik u këmbye të martën me 118.05 lekë, duke prekur gjithashtu një minimum historik, për të dytën ditë radhazi. Paundi ka rënë me 14.3% me bazë vjetore dhe me 8.4% që nga fillimi i vitit.

Dollari Amerikan tashmë duket drejt rënies poshtë kuotës së 90 lekëve, në nivelin më të ulët që prej fundit të vitit 2008. Monedha e gjelbër u këmbye sot me 90.2 lekë, në rënie me 21.8% krahasuar me një vit më parë dhe me 15.7% që nga fillimi i vitit.

Franga zvicerane zbriti në vlerën e 105.02 lekëve, niveli më i ulët që prej vitit 2010. Franga është zhvlerësuar me 11.1% krahasuar me të njëjtën periudhë të një viti më parë dhe me 9.6% që nga fillimi i vitit.

Rënia e paprecedentë e Euros është çelësi që shpjegon në pjesën më të madhe edhe ecurinë e kursit të valutave të tjera. Sektori bankar në Shqipëri i mban pozicionet e veta valutore kryesisht në monedhën europiane, duke qenë se ajo është monedha e huaj më e përdorur në ekonominë shqiptare dhe njëkohësisht më e lehta për t’u siguruar. Fakti që Euro vlen sot vlen shumë më pak krahasuar me një vit më parë bën që edhe vlera e valutave të tjera ndaj Lekut të bjerë, kjo edhe në varësi të ecurisë së kursit mes secilës valutë dhe Euros, në tregjet ndërkombëtare.

Ndërkohë, kursi i këmbimit Euro-Lek përcaktohet kryesisht nga raportet e brendshme të kërkesës dhe ofertës, ku ndikimin kryesor e kanë flukset hyrëse neto të valutës. Deficiti i llogarisë korrente pësoi një rënie të fortë në tremujorin e parë të vitit, ndërsa vlera e tij u tejkalua ndjeshëm nga prurjet e investimeve të huaja direkte, që shënuan përsëri një rekord historik në tremujorin e parë të vitit. Ekspertët vlerësojnë se përmirësimi i Bilancit të Pagesave duhet të ketë vijuar edhe në tremujorin e dytë, i nxitur sidomos nga flukset rekord të turizmit hyrës në vend, nga një cikël i ri rritës i remitancave dhe nga investimet e huaja, veçanërisht në sektorin e pasurive të paluajtshme.

Periudha korrik-gusht shënonte dhe pikun e sezonit turistik dhe rrjedhimisht edhe të prurjeve valutore nga turizmi. Për këtë arsye, në vetvete rënia e mëtejshme e Euros në periudhën e verës ishte e pritshme, por përmasat e kësaj rënieje, që prej fillimit të tremujorit të dytë, ishin padyshim të papritura.

Një argument tjetër që mund të shpjegojë rënien kaq të fortë të Euros është edhe një ofertë më e shtrënguar e Lekut, për shkak të tipareve të politikës monetare dhe asaj fiskale. Rritja e normave të interesit nga Banka e Shqipërisë e ka ngadalësuar ritmin e kreditimit të ekonomisë, megjithëse këtë vit normalizimi monetar është frenuar ndjeshëm, në mënyrë deri diku të papritur. Ndërkohë, qeveria shqiptare po vazhdon të ndjekë një politikë fiskale me tipare shtrënguese, e ilustruar nga vlerat e larta të suficitit buxhetor. Në mesin e këtij viti, suficiti buxhetor arriti në më shumë se 36 miliardë lekë, në rritje me pothuajse 88% krahasuar me të njëjtën periudhë të një viti më parë.

Në këtë mënyrë, oferta e lekut në treg duket të jetë ndjeshëm më e shtrënguar, siç dëshmohet nga ritmet shumë të ulëta të rritjes së agregatit monetar M2; nga tjetër, oferta e Euros duket në ekspansion, siç tregon tërthorazi përmirësimi i Bilancit të Pagesave dhe rritja e vazhdueshme e depozitave bankare në monedhën europiane.

Forcimi i monedhës vendase i bën më të lira importet e mallrave dhe shërbimeve dhe në teori duhet të ndikojë në një ulje të mëtejshme të inflacionit, në përputhje me kohëvonesat e transmetimit, që sipas llogaritjeve të bankës qendrore, janë nga tre deri në pesë muaj.

Por, nga ana tjetër, mbiçmimi i madh i Lekut po jep pasoja negative për eksportet shqiptare. Për muajin qershor, eksportet pësuan rënie me 17.3%, ndërsa për të gjithë 6-mujorin e parë rënia arriti në 7.4%. Leku i fortë po i bën eksportet shqiptare më pak konkurruese dhe rrezikon të sjellë pasoja negative në prodhimin dhe punësimin e sektorëve që i kanë të ardhurat në valutë të huaj.

Efektet direkte negative të lekut të fortë po ndihen edhe nga familjet që kanë të ardhura kryesisht në valutë, ku kategoria më e madhe është ajo e përfituesve të remitancave. Për të mbuluar rënien e vlerës së valutave, emigrantët mund të detyrohen të dërgojnë më shumë para për familjet në Shqipëri, faktor që mund të shtojë më tej ofertën valutore dhe nënçmimin e valutave të huaja, kryesisht Euros.

Rënia e fortë e Euros pritet të japë një ndikim negativ në bilancin e sektorit financiar, që në pjesën më të madhe mbahet në valutë të huaj. Është e pritshme që rritja e sektorit bankar këtë vit të ngadalësohet ndjeshëm, për shkak të efektit të kursit të këmbimit.

Leku i fortë po sjell ndërkohë përfitime të konsiderueshme për huamarrësit në Euro, përfshirë qeverinë shqiptare dhe huamarrësit privatë. Vlera e huave në Euro ka rënë me më shumë 13% në një vit për shkak të efektit të kursit. Kjo ka ulur barrën e borxhit dhe e ka bërë më të përballueshme shlyerjen e tij. Rënia e Euros mund të nxisë më shumë kreditimin në monedhën europiane, siç edhe në fakt ka ndodhur, sidomos pas tremujorit të fundit të vitit të kaluar.

Nga ana tjetër, vlera e depozitave në valutë të huaj po bie gjithmonë e më shumë si rezultat i kursit të këmbimit, po, deri tani, kjo nuk ka sjellë ndonjë efekt të dukshëm në reduktimin e euroizimit të depozitave. Pavarësisht zhvlerësimit, shqiptarët vazhdojnë ta perceptojnë Euron si një monedhë më të besueshme për të mbajtur kursimet e tyre./monitor

The post Valutat në rënie të lirë, Euro rrokulliset drejt 100 lekëve appeared first on Albeu.com.

Sipas të dhënave të publikuara pak më parë nga Banka e Shqipërisë, 1 euro u këmbye sot me mesatarisht 106.26 lekë 105.60 lekë që ishte të premten.

Ky është një përmirësim i dukshëm sa i përket euros, megjithatë monedha europiane gjendet ende tepër e zhvlerësuar përballë Lekut, i cili është forcuar ndjeshëm gjatë javëve të fundit jo vetëm ndaj saj, por edhe në raport me monedhat e tjera.

Paundi ndërkohë u këmbye mesatarisht me 124.12 lekë sot duke fituar 1.15 pikë krahasuar me fundin e javës së kaluar.

Me rritje është edhe dollari amerikan krahasuar me lekun.

Megjithatë, më shumë se sa një trend rritës i këtyre monedhave ndaj lekut, i cili shihet në pozita mjaft të forta këto kohë, duket se lëvizjet e sotme janë një korrektim i momentit në trendin e përgjithshëm rënës të monedhave të huaja ndaj monedhës sonë.

Mbetet për t’u parë se si do të paraqiten monedhat nesër dhe në vijim. /albeu.com

The post Euro fitoi pikë ndjeshëm ndaj Lekut sot, fund i trendit rënës apo korrektim i momentit? appeared first on Albeu.com.

Banka e Shqipërisë raportoi pak më parë të dhënat nga tregu i këmbimit valuator gjatë ditës së sotme duke treguar se euro ka rënë edhe nën kufirin e 107 lekëve ku u ndal dje.

Mësohet se ditën e sotme, një euro është këmbyer me mesatarisht me 106.95 lekë nga 107.40 lekë që ishte dje. Ndërkohë, sot, një euro blihet me 107.31 lekë.

Leku shfaqet i fortë edhe përballë dollarit amerikan. BSH raporton se një dollar amerikan këmbëhet mesatarisht me 99.99 duke humbur 0.43 pikë krahasuar me dje.

Kjo është një situatë e pazakontë për lekun dhe raportin e monedhës kombëtare me monedhat e huaja, ndërsa rënia e euros është shumë e dukshme dhe e shpjegueshme vetëm më pastrimin e sasive të mëdha të parave të pista në Shqipëri. /albeu.com

The post Euro po “shkrin si akullore” para lekut, drama nuk paska fund! Me sa u këmbyen sot appeared first on Albeu.com.

Sipas tij zhvlerësimi i euros dhe rënia e dollarit janë përcaktuar nga kerkesë oferta në treg, duke sjellë efekte pozitive për bizneset importuese, të cilat blejnë me lirë mallrat, ndryshe nga eksportuesit, të cilët kanë pasur humbje pas forcimit të monedhës vendase.

“Banka nuk është në pozitat për të ndërhyrë”, u shpreh ai.

Megjithatë, ky ndryshim i kursit të kembimit, për Guvernatorin e Bankës së Shqiperisë duhet të nxisë rritjen e investimeve dhe kursimeve të qytetarëve dhe bizneseve në monedhen vendase.

“Normat e interesit të depozitave dhe kredive bankare kanë ardhur në rritje, ndërsa kursi i këmbimit të lekut ndaj euros ka vijuar tendencat forcuese, në përgjigje të përmirësimeve të vazhdueshme të bilancit të shkëmbimeve tregtare e financiare me jashtë”, theksoi ai.

The post Sejko: Nuk do të ndërhyjmë në kursin e këmbimit appeared first on Albeu.com.

Sipas kursit zyrtar të këmbimit të Bankës së Shqipërisë, euro u këmbye të martën me 112.63 lekë, në rënie të mëtejshme me 0.25 pikë krahasuar me fundin e javës së kaluar.

Sipas agjentëve të tregut valutor, faktori kryesor që po zhvlerëson euron është oferta e lartë e monedhës europiane. Ata shprehen se volumi i blerjeve të euros nga agjentët e këmbimit valutor është shumë më i lartë në raport me atë të shitjeve dhe kjo po shkakton një rënie të vazhdueshme dhe progresive të kursit të monedhës europiane. Krahasuar me të njëjtën periudhë të një viti më parë, kursi i këmbimit të euros kundrejt lekut është zhvlerësuar me afërsisht 7%.

Me afrimin e sezonit turistik, perspektivat e kursit të këmbimit duket se anojnë gjithnjë e më shumë drejt një zhvlerësimi të mëtejshëm të monedhës europiane.

Në analizën e fundit për ecurinë e kursit të këmbimit të këtij muaji, Raiffeisen Research i ka rishikuar për poshtë parashikimet e kursit të këmbimit euro-lek për këtë vit. Raiffeisen Research parashikon që kursi i këmbimit të euros të bjerë në nivelin 112 lekëve deri në muajin shtator dhe ta mbyllë vitin 2023 pranë nivelit të 112.4 lekëve. Ky parashikim mbështetet në pozitat tashmë të forta të lekut, pritjet për një sezon të mirë turistik, të shoqëruar me dërgesa të konsiderueshme të emigrantëve dhe nivele të larta të investimeve të huaja direkte.

Në fakt, rënia e ditëve të fundit sugjeron që gjatë sezonit veror kursi i euros mund të bjerë edhe më poshtë se parashikimet e fundit të Raiffeisen Research.

Forcimi i lekut në kursin e këmbimit me euron është një faktor me ndikim të rëndësishëm në ekonominë shqiptare. Një monedhë vendase më e fortë i bën më të lira importet e mallrave dhe të shërbimeve nga jashtë. Forcimi i monedhës vendase ka qenë një faktor që i ka zbutur pjesërisht presionet e jashtme inflacioniste dhe ka ndikuar, mes faktorëve të tjerë, që Shqipëria të ketë nivele inflacioni më të ulët krahasuar me ekonomitë e tjera të rajonit dhe Europës.

Efekti i mbiçmimit të lekut ndaj euros ka qenë pozitiv edhe për të huamarërsit në valutë të huaj me të ardhura në lekë, duke filluar nga qeveria shqiptare, deri te huamarrësit private. Sipas vlerësimeve të Bankës së Shqipërisë, forcimi i kursit të këmbimit të lekut në vitin 2022 ka sjellë reduktimin me rreth 37 miliardë lekë të vlerës së borxhit publik në vitin 2022.

Nga ana tjetër, forcimi i lekut po jep një ndikim gjithnjë e më negative për sektorët eksportues të ekonomisë, që i kanë të ardhurat përgjithësisht në lekë, ndërsa shpenzimet në monedhën vendase. Një monedhë vendase e mbiçmuar është një faktor me ndikim negativ në konkurrueshmërinë e eksporteve të mallrave dhe shërbimeve.

Forcimi i lekut ndaj euros dhe shumicës së valutave të huaja ka dhënë një ndikim negativ edhe në bilancin e Bankës së Shqipërisë. Vitin e kaluar, banka qendrore pësoi një humbje prej afërsisht 14.5 miliardë lekësh nga zhvlerësimi i monedhave të rezervës valutore kundrejt lekut. Humbjet e Bankës së Shqipërisë nga ulja e vlerës së valutës mbulohen me transferim ose emetim letrash borxhi nga qeveria, ndaj kanë një ndikim negativ dhe në nivelin e borxhit publik. Megjithatë, për sa kohë që efekti negativ në bilancin e Bankës së Shqipërisë është më i ulët se efekti pozitiv në portofolin total të borxhit në valutë të huaj, ndikimi i kursit të këmbimit mbi borxhin publik në terma neto është dukshëm pozitiv (rreth 23 miliardë lekë për vitin 2022, sipas vlerësimeve të bankës qendrore).

Gjithashtu, forcimi i lekut mund të ketë një ndikim negativ në të ardhurat buxhetore, që dominohen nga TVSH-ja dhe sidomos nga ajo e përfituar prej mallrave të importuar. Vitin e kaluar, forcimi i lekut nuk pati një efekt të rëndësishëm negativ në të ardhura, për shkak të ndikimit shumë më të lartë pozitiv nga rritja e çmimeve. Por, me frenimin e rritjes së çmimeve, këtë vit efekti i forcimit të lekut mbi të ardhurat buxhetore mund të jetë më i ndjeshëm./monitor

The post Rënia e euros nuk ndalet, prek rekord të ri historik appeared first on Albeu.com.

Sipas kursit zyrtar të këmbimit të Bankës së Shqipërisë, monedha europiane u këmbye të hënën me 115.44 lekë, duke shënuar nivelin më të ulët që prej datës 4 janar të këtij viti.

Sipas agjentëve të tregut, kursi i këmbimit po shfaq tipare të ngjashme me tremujorin e fundit të vitit të kaluar, me ofertë konstante të euros dhe pa lëvizje të mëdha në kërkesën për monedhën europiane.

Statistikat e disponueshme deri në fund të 9-mujorit të vitit të kaluar treguan se deficiti i llogarisë korrente rezultoi në nivele të ngjashme krahasuar me një vit më parë, por nga ana tjetër investimet e huaja direkte rezultuan në nivelet më të larta historike.

Statistikat e Bankës së Shqipërisë treguan se depozitat bankare në valutë të huaj u rritën me ritme të larta edhe vitin e kaluar. Veçanërisht, depozitat në euro u rritën me 17%.

Tërthorazi, kjo tregon se prurjet valutore në ekonomi ishin të larta, pa llogaritur këtu edhe prurjet e konsiderueshme informale, që, sipas agjentëve të tregut, kanë një rol të rëndësishëm në ecurinë e kursit të këmbimit mes euros dhe lekut.

Teorikisht, forcimi i lekut mund të jetë ndikuar edhe nga kahu konsolidues i politikës monetare, por edhe asaj fiskale. Banka e Shqipërisë rriti vitin e kaluar normën bazë të interesit me ritme të shpejta, duke e çuar nga 0.5% në 2.75%. Ndërkohë, megjithëse treguesit buxhetorë përfundimtarë të vitit 2022 nuk janë publikuar ende, deri në fund të nëntorit deficiti buxhetor ishte në nivele ndjeshëm më të ulët krahasuar me një vit më parë.

Të dhënat e Bankës së Shqipërisë treguan se në fund të vitit të kaluar 2022 rritja vjetore e agregatit monetar M2, që përafron ofertën monetare në lekë (të zhveshur nga llogaritë dhe depozitat e qeverisë), zbriti në nivelin më të ulët që prej vitit 2018. Kjo tregon një ngadalësim të rritjes së ofertës së lekut, edhe ky faktor me ndikim potencial në kursin e këmbimit valutor.

Leku vazhdon të shfaqë pozita të forta, në linjë me tendencën e vërejtur në vitet e fundit, madje në nivele më të mira edhe se parashikmet afatshkurtra të analistëve financiarë.

Analiza periodike e Raiffeisen Research për kursin e këmbimit valutor mes euros dhe lekut në muajin janar parashikonte që në tremujorin e parë 2023 që raporti mes monedhave të lëvizte në intervalin mes 116 dhe 118 lekëve, ndërsa parashikimi pikësor për kursin mesatar është i vendosur pranë nivelit të 117.5 lekëve.

Megjithatë, edhe në analizën e mësipërme nënvizohej se risqet për shmangie nga intervali i parashikuar janë kryesisht në favor të lekut, çka do të nënkuptonte një rënie të Euros në nivele edhe më të ulëta.

Sipas të dhënave nga Banka e Shqipërisë, kursi mesatar i këmbimit të euros për vitin 2022 zbriti në 119 lekë, 122.5 lekë që kishte qenë në vitin 2021. Por, gjysma e dytë e viti solli një tendencë në dukshme drejt një mbiçmimi më të lartë të monedhës vendase.

Për tremujorin e fundit 2022, euro u këmbye mesatarisht me 116.4 lekë, ndërsa për muajin dhjetor kursi mesatar ishte edhe më i ulët, në nivelin 114.9 lekë. Në datën 28 dhjetor, euro shënoi edhe nivelin më të ulët të të gjitha kohërave, në vlerën e 112.83 lekëve./monitor

The post Euro e nis edhe këtë javë me rënie, prek nivelin më të ulët prej datës 4 janar appeared first on Albeu.com.

Sipas kursit zyrtar të këmbimit të Bankës së Shqipërisë, Euro u këmbye të martën me 117.57 Lekë, në rënie me 0.5 Lekë të tjera nga niveli që kishte mbyllur javën e kaluar. Agjentët e këmbimit valutor shprehen se rënia e Euros është e lidhur tashmë me prurjet e larta të lidhura me sezonin veror.

Për pesë muajt e parë të vitit, hyrjet e shtetasve të huaj në Shqipëri u rritën me 55% dhe tejkaluan madje edhe shifrat e regjistruara në periudhën e para pandemisë, në vitin 2019.

Pritshmëritë e subjekteve të lidhura me turizmin edhe për sezonin veror janë shumë të larta dhe me shumë të ngjarë turizmi hyrës këtë vit pritet të regjistrojë nivelet më të larta historike. Veç rritjes së numrit të turistëve, një ndikim në shtimin e prurjeve valutore hyrëse po jep edhe rritja e ndjeshme e çmimeve që po aplikojnë këtë vit bizneset e sektorit të turizmit.

Edhe ecuria e eksporteve këtë vit paraqitet mjaft pozitive, me një rritje vjetore prej 46% për pesëmujorin janar-maj. Eksportet po nxiten nga rritja e çmimeve, sidomos në segmentin e mineraleve, metaleve dhe materialeve të ndërtimit.

Deficiti tregtar është rritur me 9% krahasuar me një vit më parë, por vlerësohet se përmirësimi i bilancit në tregtinë e shërbimeve e ka balancuar këtë efekt. Deri në fund të tremujorit të parë të vitit, statistikat tregojnë se deficiti i llogarisë korrente u ngushtua me 22% me bazë vjetore.

Tendencë e vazhdueshme e konstatuar nga bankat janë gjithashtu prurjet e larta të Paundit Britanik nga pikat e këmbimit valutor. Edhe prurjet në Paund në mënyrë të tërthortë ndikojnë në zhvlerësimin e mëtejshëm të Euros, sepse ajo është valuta e huaj referuese për ekonominë dhe sistemin financiar shqiptar, ndaj edhe bankat i mbajnë pozicionet e tyre valutore kryesisht në këtë monedhë.

Dëshmi e ofertës së lartë është edhe rezultati i ankandit të radhës për blerjen e valutës, që u organizua sot nga Banka e Shqipërisë. Sipas të dhënave nga tregu, në ankand u blenë gjithsej 13 milionë Euro, ndërsa shuma e ofruar në ankand arriti në 16.2 milionë Euro.

Shuma e parashikuar për t’u blerë në raundin e parë të ankandit ishte mes 5 dhe 8 milionë eurove dhe Banka e Shqipërisë vendosi të blejë të plotë vlerën e sipërme të intervalit prej tetë milionë Eurosh.

Blerjet në raundin e parë u realizuan me një kurs që ishte në intervalin mes 117.4 dhe 117.64 Lekëve. Kursi mesatar i ponderuar rezultoi 117.56 Lekë. Banka e Shqipërisë ushtroi edhe opsionin e blerjes në raundin e dytë, për një shumë shtesë prej 5 milionë Eurosh, me kursin mesatar prej 117.56 Lekësh.

Megjithëse Banka e Shqipërisë bleu 13 milionë Euro në një ditë të vetme, shumë kjo e konsiderueshme për tregun valutor shqiptar, as ankandi i sotëm nuk ndikoi në frenimin e rënies së Euros.

Ekspertët presin që kjo tendencë të vijojë edhe gjatë javëve në vazhdim, që përfaqësojnë edhe pikun e sezonit turistik. Sipas tyre, i vetmi faktor që mund të zbusë rënien e Euros mund të jetë rifillimi i blerjes nga kompanitë e sektorit energjetik. Në tregun valutor qarkullojnë zëra se KESH mund të blejë rreth 30 milionë Euro për nevojat e veta, por një operacion i tillë nuk është i konfirmuar zyrtarisht.

Euro ndërkohë po humbet pikë edhe në tregjet ndërkombëtare. Kursi mes Euros dhe Dollarit Amerikan u ritkhye në raportin 1 me 1, për hertë të parë pas 20 vjetësh, i nxitur nga shtrëngimi i shpejtë monetar që po ndjek Rezerva Federale Amerikane. Megjithatë, agjentët e tregut valutor nuk besojnë se zhvillimet në tregjet ndërkombëtare kanë ndonjë ndikim të ndjeshëm në kursin Euro-Lek, që ndikohet kryesisht nga raportet e kërkesës dhe ofertës së brendshme.

Por, zhvlerësimi i Euros ndaj Dollarit reflektohet edhe në kursin e Lekut kundrejt monedhës Amerikane. Dollari u këmbye sot me 117.51 Lekë, 0.79 Lekë më shumë krahasuar me fundin e javës së kaluar. Kursi i Dollarit ka arritur tashmë nivelin më të lartë që prej vitit 2017.

Mbiçmimi i Dollarit luan një rol në shtrenjtimin e një disa lëndëve të para jetike që kuotohen në këtë monedhë, si, për shembull, karburantet apo gruri./monitor

The post BSH bleu sot 13 milionë euro, por rënia e monedhës europiane ndaj lekut nuk ndalet, barazohet me dollarin appeared first on Albeu.com.