Kjo kokore delikate, me pesë trëndafila diamanti të vendosur në një bandë lulesh, i përkiste fillimisht Mbretëreshës Nënë, e cila e kishte marrë si dhuratë martese nga babai i saj, Earl i Strathmore dhe Kinghorne, në vitin 1923. Që atëherë, tiara ishte veshur rrallëherë dhe u fotografua për herë të fundit në vitet 1930.

Rikthimi i saj nga Kate u pa si një nderim i veçantë për Mbretin Charles, i cili ishte shumë i afërt me gjyshen e tij. Ekspertët e modës dhe historianët mbretëror e konsideruan këtë moment jo vetëm një deklaratë stili, por edhe një simbol të vazhdimësisë së trashëgimisë mbretërore. Lauren Kiehna nga Court Jeweller theksoi se veshja e tiarës shpreh lidhjen ndërbrezat dhe aspiratën e Kate për të ndjekur shembullin e Mbretëreshës Nënë.

Edhe Bethan Holt, drejtoreshë mode në The Daily Telegraph, e përshkroi kurorën si një “thesar të humbur” që tani merr jetë të re. Përveç aspektit historik, ky aksesor ka treguar se Princesha Kate është e aftë të bashkojë elegancën bashkëkohore me respektin për traditën mbretërore, duke e bërë këtë një nga momentet më të paharrueshme të saj në skenën publike.

The post Rikthimi historik i Kate Middleton: kurora e rrallë e Mbretëreshës Nënë appeared first on Albeu.com.

Në një ceremoni televizive Pushpika De Silva fitoi titullin “Mrs Sri Lanka” dhe fituesja e vitit të kaluar, Caroline Jurie duhej ta kurorëzonte atë. Pasi i vendosi kurorën, Jurie u rikthye në skenë, mori mikrofonin dhe tha se nuk mund ta mbante titullin, sepse ishte e divorcuar.

Pastaj Jurie tërhoqi në një mënyrë aspak të kujdesshme kurorën nga koka e De Silva-s dhe ia vendosi shoqërueses së parë.

“Ekziston një rregull që ndalon gratë që janë martuar dhe janë divorcuar, kështu që unë po marr një hap tjetër dhe po e kaloj kurorën në vendin e dytë,” -i tha Jurie publikut.

Pasi ia hoqi kurorën me forcë, ajo ia vendosi shoqërueses së dytë. Në një postim në Facebook, De Silva tha se ajo shkoi në spital për t’u trajtuar për dëmtime në kokë pas incidentit.

“Ka shumë nëna beqare si unë sot që vuajnë në Sri Lanka. Kjo kurorë u kushtohet atyre grave, atyre nënave beqare që vuajnë për të rritur fëmijët e tyre vetëm.”, tha ajo në një konferencë për shtyp.

“Ne jemi të zhgënjyer. Ishte e turpshme se si Caroline Jurie u soll në skenë dhe organizata ‘Mrs World’ tashmë ka filluar një hetim mbi këtë çështj.”, tha organizatorja kryesore e konkursit, Chandimal Jayasinghe.

BBC raportoi se policia në Sri Lanka arrestoi Caroline Jurie dhe modelen Chula Padmendra si pasojë e incidentit, me akuzat e lëndimit të thjeshtë dhe kauzës kriminale.

The post Miss-it i heqin kurorën me dhunë, policia vë në pranga shkaktaret e incidentit! (VIDEO) appeared first on Albeu.com.