Gjatë operacionit të koduar “Alias” u vu në pranga në flagrancë shtetasi A. K. alias A. Ll., 42 vjeç, banues në Mamurras.

“Gjatë kontrollit në hotelin ku 42-vjeçari qëndronte, u gjet një armë zjarri (pistoletë) me krehër dhe fishekë, ndërsa gjatë kontrollit fizik, këtij shtetasi iu gjet një sasi lënde e dyshuar narkotike Kokainë”, sqaron policia.

Finalizohet operacioni i koduar “Alias”.

Mbante pa leje, armë zjarri (pistoletë), arrestohet në ambientet e hotelit ku qëndronte, në Mamurras, 42-vjeçari.

Gjatë kontrollit fizik atij iu gjet dhe sasi lënde narkotike Kokainë.

Sekuestrohen arma e zjarrit me krehër dhe fishekë, si dhe sasia e Kokainës dhe 2 celularë.

Në vijim të operacioneve të zhvilluara në bazë të punës operative dhe kontrolleve, për identifikimin dhe ndalimin e shtetasve që cenojnë sigurinë e qytetarëve, duke mbajtur pa leje, armë zjarri, shërbimet e Komisariatit të Policisë Kurbin finalizuan operacionin e koduar “Alias”.

Gjatë operacionit u arrestua në flagrancë shtetasi A. K. alias A. Ll., 42 vjeç, banues në Mamurras.

Në Mamurras, gjatë kontrollit në hotelin ku 42-vjeçari qëndronte, u gjet një armë zjarri (pistoletë) me krehër dhe fishekë, ndërsa gjatë kontrollit fizik, këtij shtetasi iu gjet një sasi lënde e dyshuar narkotike Kokainë.

Materialet procedurale iu referuan Prokurorisë së Lezhës, për veprime të mëtejshme.

The post U kap me armë dhe lënde narkotike, arrestohet 42-vjeçari në Kurbin appeared first on Albeu.com.

Edhe në aksin nacional Milot–Mamurras, janë shënuar probleme dhe lëvizja e mjeteve është bërë e vështirë. Autoritetet përkatëse ndodhen në terren dhe po monitorojnë situatën. Ndërsa qytetarëve iu bëhet thirrje të tregojnë kujdes të shtuar dhe të shmangin lëvizjet e panevojshme.

The post Moti i keq në Kurbin/ Përroi del nga shtrati dhe përmbyt banesa e biznese, paralizohet aksi Milot-Mamurras appeared first on Albeu.com.

Lideri i opozitës tha se asnjë komb nuk e ka, asnjë udhëheqës, asnjë diktator dhe asnjë pushtues nuk ka bërë këtë shfarosje të shqiptarëve që ka bërë Edi Rama. Ai tha se Rama ka përqendruar çdo pushtet në dorën e tij. Për këtë ai tha se në një vit elektoral, ai arrestoi liderët e partive kryesore opozitare për të marrë mandatin.

“Miq, ka mjaft njerëz që më thonë ndonjëherë po, mos të ndalemi kaq shumë në vjedhjet e tyre. Po ju them unë ju që ato janë shkatërrimi i këtij vendi. Sepse po të marrësh Edi Ramën ta nxjerrësh në gjyqin e historisë së shqiptarëve, nuk do të gjendet një diktator, nuk do të gjendet një pushtues, nuk do të gjendet një kryeministër, më armik i egër i qenies kombëtare të shqiptarëve se ky. Në 10 vite ka larguar vetëm në hapësirën e Bashkimit Evropian 1 milionë e 100 mijë shqiptarë. Në 10 vite ka larguar 720 mijë të rinj shqiptarë. Në 10 vite ka bërë që Shqipëria, shqiptarët, një nga kombet e reja të Evropës, të kenë sot atë lindshmëri që kanë patur 100 vite më parë. Ka bërë sot që nga viti 2018 e në vazhdim vdekjet dominojnë lartësisht mbi lindjet. Ka bërë sot që me këtë trend, ne në 50 vite këtu do të jemi fare të rrallë, fare të paktë. Faktikisht, ne jemi në udhëtimin e shuarjes tonë. Asnjë komb nuk e ka, asnjë udhëheqës, asnjë diktator, asnjë pushtues nuk ka bërë këtë shfarosje të shqiptarëve që ka bërë Edi Rama.

Po ta marrim pastaj në qëndrimin tjetër, cili është qëndrimi i tij ndaj Kosovës? Nuk kam ndërmend të ndalem të bëj këtu historinë, po dy gjëra do them. Një njeri që del në konferenca ndërkombëtare dhe u thotë udhëheqësve evropianë se unë merrem më mirë vesh, më kollaj merrem vesh me kryeministrin e Serbisë se me atë të Kosovës nuk merrem vesh. Domethënë, se ai kryeministri i Serbisë është burrë i mirë. Ai është njeri i arsyes. Kurse ai i Kosovës, imagjinoni ju kur s’merret vesh me mua, si mund të merret vesh me Beogradin? Ndaj edhe një publicist i madh gjerman i tha, ti je, Edi Rama është kryeministri më i mirë i Serbisë pas Pashiqit. U ndala në këto elementë për të thënë kohën ku jemi. Ju thashë se na ka gjetur të gatshëm. Po. Pse të gatshëm? Në një projekt që ishte Shqipëria pa opozitë, apo Shqipëria me false opozitë, opozitë të kontrolluar, ai projekt u gropos njëherë e përgjithmonë falë guximit, kurajos, trimërisë tuaj, njerëz të idealeve, njerëz atdhetarësh, njerëz të sovranitetit të vendit tuaj.

Opozita është shtyllë e sovranitetit dhe një vend që humbet opozitën, nuk ka sovranitet të brendshëm. Ndaj dhe ju pavarësisht, s’po rri me bë histori tani, pavarësisht të gjitha presioneve primitive, akteve nga më të shëmtuarat, kombëtare, ndërkombëtare që u bënë ndaj Partisë Demokratike, ju qëndruat si viganë, nuk u mposhtet dhe sot Partia Demokratike është një forcë opozitare më e fortë se kurrë. Së dyti, në të gjithë takimet e mia para jush dhe para shqiptarëve, kam deklaruar dy gjëra. E para me Edi Ramën nuk ka zgjedhje. Nuk ka zgjedhje. E kam thënë me bindjen më të madhe se ai është armik i votës së lirë. Ai është armik, ai nuk pranon kundërshtarin. Njëlloj si jati që urdhëronte varjen në litar. I ati i tij, në pamje të parë një xhentëlmen, intelektual, por që firmoste varjen në litar të një poeti, në një kohë kur muri i Berlinit ishte në prag të rënies. Daja i tij, me datën 11 dhjetor 1990, kërkonte të çoheshin tanket tek studentët.

Ndaj dhe ky pluralizmin nuk e donte, donte ta zhdukte. Dhe ai që nuk do pluralizmin, nuk pranon votën e lirë kurrë.
Ju fituar në Kurbin, nder për ju, por ju se në Shqipëri, Edi Rama grabiti zgjedhjet. Vetëm dy ditë para zgjedhjeve, imagjinojeni pak, ç’do të thotë të japësh 2 miliardë euro falje gjobash dhe kamatash. 2 miliardë euro. Unë nuk e dija në atë kohë, thashë 200 milionë. Tani dalin llogaritë, dalin regjistrat, janë 2 miliardë. Për 200 mijë familje që kanë patur biznese nga të cilat 84.000 aktive. Shndërroi rrogëtarët e shtetit, shërbëtorët tuaj, në armiq të votës së lirë, në xhandarë të votës së lirë, në policë të votës së lirë. Organizoi në muajin elektoral me paratë tuaja, në kundërshtim me ligjin, 4530 aktivitete për të ndikuar tek zgjedhësit shqiptarë, nga të cilat dhe Giro d’Italia.

7 milionë euro ditën e votimit. 28 deputetë i ka të futur nga bandat, nga kartelet e drogës, Troplinët, Çelajt, e të tjerë. Dhjetra mijëra punësime të përkohshme, leje ndërtimi, certifikata pronësie gjatë zgjedhjeve. Jo zgjedhjet s’i fitoi kurrë ai. Zgjedhjet i fitonte absolutisht asnjë forcë tjetër përveç Partisë Demokratike në qoftë se ai nuk do sillej në këtë mënyrë. Natyrisht. Por krahas paralajmërimit se me Edi Ramën zgjedhje nuk ka, unë i isha betuar para jush se do mbrojë votën tuaj.
Dhe votën tuaj e mbrojtëm ne. Votën tuaj e mbrojtëm, siç e mbrojtëm në vitin 2001. Ne kishim në vitin 2001, në kushte i keni vetë parasysh, por ne dolëm të damkosim, të dënojmë vjedhjen e votës. Të njëjtën gjë arritëm në 2025-ën. Prandaj thashë, na ka gjetur të gatshëm. Na ka gjetur më të gatshëm se kurrë për t’i dhënë atë që meriton.
Ka dhunuar votën tonë, ka dhunuar votën e shqiptarëve, ka dhunuar thelbin e lirisë, ka dhunuar të ardhmen tonë. Poshtë Edi Rama!

Edi Rama ka përqendruar çdo pushtet në dorën e tij. Në vitin elektoral arrestoi liderët e partive kryesore opozitare për të marrë mandatin. Të gjitha këto mendoj se do i kapërcente duke bërë lobingje me Mogherina-t, me Charles Goligal, me McGonigal-ët. Të gjitha këto mendoj se do i kalonte duke përdorur paratë tuaja për të mashtruar botën, por jo nuk arriti. Ata që vëzhguan zgjedhjet, ata ishin njerëz me karakter, njerëz besnikë të parimeve të tyre. Ju bëri presionin më të turpshëm, më banditesk, por në raporte, por në raport ja numëruan të gjitha.” tha Berisha.

The post Berisha: Edi Rama ka shfarosur kombin, është armiku më i madh i shqiptarëve, me të nuk ka zgjedhje appeared first on Albeu.com.

Situata në Elbasan

Prefektura e Elbasanit ka publikuar informacionin zyrtar të orës 10:30 mbi gjendjen e motit dhe situatën në terren pas reshjeve të ditëve të fundit. Sipas të dhënave nga Emergjencat Civile, në qarkun Elbasan nuk ka reshje shiu që prej orës 05:00 të mëngjesit, ndërsa aktualisht moti paraqitet me vranësira, por pa probleme të evidentuara.

Të gjitha 7 bashkitë e qarkut,Elbasan, Librazhd, Gramsh, Peqin, Belsh, Cerrik dhe Prrenjas raportojnë situatë të qetë dhe pa ngjarje që lidhen me emergjencat hidrike apo infrastrukturore. Nga komunikimi i vazhdueshëm me sallën operative, nuk janë konstatuar probleme në komunitet, duke e vlerësuar situatën si të stabilizuar.

Ndërkohë, në aspektin e furnizimit me energji elektrike, ekipet e OSHEE-së janë në terren dhe po punojnë për riparimin e disa defekteve të shkaktuara kryesisht në zonat malore. Punime të dedikuara po zhvillohen në:

Orenjë, Lunik, Polis dhe Xhyrë (Bashkia Librazhd)

Skënderbegas (Bashkia Gramsh)

Stravaj (Bashkia Prrenjas)

Pavarësisht këtyre defekteve të izoluara, shpërndarja e energjisë në pjesën tjetër të qarkut është normale.

Lidhur me qarkullimin rrugor, të gjitha akset nacionale dhe rurale janë të hapura dhe të kalueshme. Deri në momentin e raportimit, nuk janë shënuar bllokime, rrëshqitje apo prani rreziku në rrugë.

Strukturat e Emergjencave Civile të Prefekturës së Elbasanit konfirmojnë se vijojnë monitorimin e pandërprerë të situatës meteorologjike, furnizimit me energji dhe gjendjes së infrastrukturës, duke qenë në gatishmëri për çdo zhvillim të mundshëm.

The post Moti mbërthen vendin/ Probleme në Kurbin me qarkullimin e mjeteve në rrugë, ndërprerje energjie në disa zona në Elbasan (VIDEO) appeared first on Albeu.com.

Ngjarja ka ndodhur në fshatin Gjormë.

Policia shkoi menjëherë në vendngjarje pas njoftimit dhe paraprakisht ka dyshime të arsyeshme se raporton i ndjeri është vetëvrarë me armë gjahu.

”Në fshatin Gjormë, Kurbin, në banesën e tij është gjetur pa shenja jete shtetasi L. K., 50-vjeç. Nga veprimet e para hetimore dyshohet se 50-vjeçari është vetëvrarë me armë gjahu”, thuhet shkurtimisht në njoftimin paraprak.

Grupi hetimor pret rezultatet e ekspertizës mjeko ligjore, asaj balistike dhe ndërkohë që po merren edhe dëshmitë e familjarëve për të mësuar më shumë rreth motiveve që mund ta kenë shtyrë viktimën në aktin ekstrem të dyshuar.

The post E rëndë në Kurbin, 50-vjeçari gjendet pa shenja jete në banesë appeared first on Albeu.com.

Bëhet me dije se zjarrfikësit e Lezhës, Mirditës dhe Kurbinit po luftojnë me flakët të cilat duket se po favorizohen nga era e fortë.

Gjithashtu mësohet se ka nisur edhe ndërhyrja nga ajri me helikopter për të bërë të mundur shuarjen e flakëve.

Grupi hetimor ka nisur hetimet për të zbuluar shkaqet, pasi dyshohet për zjarrvënie të qëllimshëm.

The post Zjarret në Kurbin përfshijnë pyjet, nis ndërhyrja nga ajri appeared first on Albeu.com.

Sipas informacioneve policore, bëhet fjalë për Flogerta Koçi, e cila së bashku me 29-vjeçarin Emiljan Nikolli, më datë 30 maj i kanë vjedhur një shumë parash një drejtues taksie në fshatin Fushë Mamurras, si dhe e kanë kanosur me armë.

Po ashtu, më datë 10 maj, dyshohet se 29-vjeçari ka hyrë i maskuar në ambientet e një karburanti në fshatin Fushë Gjormë, ka kanosur punonjësin dhe me 23-vjeçaren i kanë vjedhur xhiron ditore.

Në kërkim është shpallur 29-vjeçari, i cili rezulton me precedentë të theksuar në vjedhje.

Ndërkohë që materialet proceduriale janë referuar në Prokurorinë e Lezhës për veprat penale “Vjedhja me dhunë” dhe “Vjedhja”, të kryera në bashkëpunim.

“Nga këto veprime dyshohet se 23-vjeçarja dhe shtetasi E. N., 29-vjeç, banues në Mamurras (i shpallur në kërkim), më datë 30.05.2025, në fshatin Fushë Mamurras, i kanë vjedhur një shumë parash, drejtuesit të taksisë ku ishte pasagjere shtetasja F. K., duke e kanosur me armë.

Më datë 10.05.2025, dyshohet se 29-vjeçari ka hyrë i maskuar në ambientet e një karburanti në fshatin Fushë Gjormë, ka kanosur punonjësin dhe në bashkëpunim me shtetasen e ndaluar, i kanë vjedhur xhiron ditore.

Vijon puna për kapjen e shtetasit E. N..

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Vjedhja me dhunë” dhe “Vjedhja”, të kryera në bashkëpunim”, njofton policia.

The post Vodhën taksistin dhe punonjësin e karburantit, arrestohet 23-vjeçarja dhe shpallet në kërkim i riu (EMRAT) appeared first on Albeu.com.

I plagosuri është transportuar me urgjencë drejt spitalit rajonal të Kurbinit, por fatkeqësisht ka ndërruar jetë gjatë rrugës.

Drejtuesi i mjetit është larguar nga vendngjarja pa dhënë ndihmë, duke marrë me vete edhe automjetin.

Grupi hetimor, nën drejtimin e Prokurorisë, po vijon hetimet për identifikimin dhe kapjen e autorit, si dhe për zbardhjen e plotë të rrethanave të ngjarjes tragjike.

The post Aksident i rëndë në Kurbin/ U përplas nga automjeti, humb jetën këmbësori, shoferi largohet nga vendi i ngjarjes appeared first on Albeu.com.

Blutë bëjnë me dije se 3 persona kanë qëlluar me thikë një 30-vjeçar, i cili është dërguar me urgjencë në spital.

Ndërkohë, policia po ushtron kontrolle në zonë për kapjen e përsonave të përfshirë në konflikt.

Njoftimi:

Kurbin/Informacion paraprak

Rreth orës 14:55, në Milot, dyshohet se janë përfshirë në një konflikt të çastit, shtetasit E. K., K. K. (vëllezër), G. K., të tre banues në Milot dhe A. A., banues në Malbardhë.

Si pasojë është dëmtuar, dyshohet me mjet prerës, shtetasi A. A., rreth 30 vjeç, i cili është dërguar në spital, për mjekim, në gjendje jashtë rrezikut për jetën.

Shërbimet e Policisë po kryejnë kontrolle në zonë, për kapjen e shtetasve të përfshirë në konflikt.

Ndërkohë, grupi hetimor po kryen veprimet për zbardhjen e rrethanave të konfliktit.

The post Sherr në Kurbin, plagoset një 30-vjeçar, i riu dërgohet me urgjencë në spital appeared first on Albeu.com.

“Ai është një përfaqësues i denjë i krahinës dhe bir i një familjeje me tradita shekullore, i cili do të fitojë dhe maksimalizojë votën për listën e PD-së, për një rezultat 5 me 2!
Qytetarët shprehën indinjatën dhe zemërimin e tyre për qeverinë e skandaleve dhe gjuhën e pahijshme që kryeministri aktual përdor ndaj opozitës. Programi i PD-së është zgjidhja, fjala e Sali Berishës është garancia, dhe puna e të gjithëve do të sjellë rezultatin që presim. Shqipëria dhe populli i saj po presin opozitën”, u shpreh drejtuesi politik i PD për Lezhën, Agron Gjekmarkaj.

The post Prezantohet në Kurbin kandidati i PD në zgjedhjet e 11 majit, Kastriot Piroli/ Gjekmarkaj: Shqipëria dhe populli i saj presin opozitën appeared first on Albeu.com.