Me këtë rast PSRK ka propozuar që ndaj të pandehurit të shqiptohet masa e trajtimit të detyrueshëm psikiatrik në liri.

“Prokuroria Speciale e Republikës së Kosovës ka dorëzuar në Departamentin Special të Gjykatës Themelore në Prishtinë aktakuzë kundër të pandehurit I.P. për veprën penale “Nxitja e përçarjes dhe mosdurimit”, sipas nenit 141, paragrafi 1 të KPRK-së. PSRK ka ngritur aktakuzë me propozim për shqiptimin e masës së trajtimit të detyrueshëm psikiatrik në liri ndaj I.P.”, thuhet në njoftimin e PSRK-së.

Sipas aktakuzës, i pandehuri, më 03 mars 2025, në afërsi të Teqes “Saraçhane” në Prizren, ka nxitur dhe përhapur publikisht urrejtje dhe mosdurim midis grupeve fetare.

“Hetimet kanë rezultuar se I.P. e ka grisur dhe e ka shpërndarë në tokë librin e shenjtë të myslimanëve, Kuranin, duke shkaktuar mllef të madh te komuniteti islam dhe duke cenuar bashkëjetesën ndërmjet grupeve me ideologji të ndryshme fetare”, thuhet në njoftim.

Prokurori i çështjes, me rastin e ngritjes së aktakuzës, i ka propozuar Gjykatës që i pandehuri të shpallet fajtor dhe t’i shqiptohet masa e trajtimit të detyrueshëm psikiatrik në liri, “meqenëse aftësia e tij, në kohën e kryerjes së veprës penale, për të gjykuar dhe kontrolluar veprimet e veta ka qenë e zvogëluar në shkallë esenciale”.

The post Grisi Kuranin në Prizren, Prokuroria Speciale ngre aktakuzë dhe propozon trajtim psikiatrik appeared first on Albeu.com.

Ky episod iu dedikua besimit, teksa jemi në muajin e shenjtë të Ramazanit. Teqja rrëfeu si iu përkushtua besimit islam, që nga hera e parë kur hyri në xhami në moshën 12-vjeçare dhe gjatë gjithë periudhës së studimeve në shkollat fetare.

Myftiu foli për efektet e agjërimit gjatë Ramazanit.

“Nëse e mendojmë besimin islam si një ndërtesë të bukur, ajo mbahet në 5 shtylla. E para, është fjala. Katër të tjera janë vepra, agjërimi, falja, haxhi, zekati. Nga të gjithë adhurimet, agjërimi i Ramazanit është më interesanti, sepse kultivon sinqeritet, kultivon shpirtin e njeriut, që përmbledh kodet morale që ka njeriu në jetë. Është momenti më i mirë për të kuptuar se çfarë vlerash ke ti si njeri, çfarë mund të rregullosh, çfarë mund të japësh më shumë”.

Rama u ndal më tej te rëndësia e leximit, duke cituar profetin Muhamed: “Paqja e Zotit qoftë mbi të, që boja e shkrimit të nxënësit është më e shenjtë se gjaku i martirit”.

Dija është pikënisja e gjithçkaje, theksoi myftiu.

“Surja që ka nisur Kurani, që në fillim të thotë lexo. Në fund, thotë afroju Zotit. Pra, nis me dijen, për t’u afruar me Zotin. Kurani është i vlefshëm për çdo kohë, është shumë interesant. Flet me Kuran dhë të kupton si ai që është fëmijë, edhe ai i rritur. Por, ai që ka më shumë njohuri, e kupton më mirë Kuranin. Zoti të jep eksperiencë, sprova, sfida në jetë. Prandaj, se njerëzit që janë më të lartë në status, e kuptojnë më mirë Kuranin dhe Zoti u hap më shumë hapësira se ata që nuk kanë dijen. Dija është pikënisja e gjithçkaje”.

The post “Në emër të Zotit, lexo”/ Rama, podcast me myftiun e sapozgjedhur të Tiranës, në muajin e shenjtë të Ramazanit appeared first on Albeu.com.

Shkelësit tani përballen me gjoba apo burgim prej dy vjetëve.

Projektligji është miratuar me 94 vota për dhe 77 kundër.

Dokumenti është miratuar pas një serie të djegieve të librit të shenjtë në Islam, veprime që kanë nxitur tensionet në shtetet myslimane.

Danimarka dhe Suedia fqinje, kanë regjistruar së fundi disa protesta, për shkak të këtyre incidenteve, çka ka rritur shqetësimet për sigurinë në Skandinavi.

Përgjatë debatit të së enjtes në parlament, shumë deputetë të opozitës janë deklaruar kundër projektligjit.

“Historia do të na gjykojë ashpër për këtë gjë, dhe me arsye… në fund do të ketë rëndësi nëse kufizimet në liri të shprehjes janë të përcaktuara prej nesh, apo nëse janë të diktuara prej jashtë”, ka thënë Inger Stojberg, lidere e demokratëve të Danimarkës.

Mirëpo, koalicioni qeveritar i qendrës së djathtë, i kryeministres Mette Frederiksen, ka thënë se kritikat ndaj fesë do të jenë ligjore, pasi ligji do të ketë vetëm ndikim margjinal.

Në fund të gushtit, kur Qeveria i ka propozuar ndryshimet, ka thënë se dëshiron të dërgojë sinjal te bota.

Edhe Qeveria në Stokholm ka thënë se është duke shqyrtuar projektligj të ngjashëm.

Si Danimarka, ashtu edhe Suedia, i kanë shfuqizuar që një kohë ligjet për blasfeminë. /REL

The post Danimarka miraton ligjin që ndalon djegien e Kuranit appeared first on Albeu.com.

Vendim të ngjashëm ka marrë edhe Suedia më herët gjatë javës.

Aktivistët kundër-islamit në Danimarkë dhe Suedi i kanë dëmtuar dhe djegur disa kopje të Kuranit – libër i shenjtë për myslimanët – dhe diçka e tillë e ka zemëruar botën myslimane dhe janë rritur kërkesat që qeveritë t’i ndalojnë këto veprime.

“Autoritetet besojnë se është e nevojshme në këtë kohë që ta rrisim fokusin se kush hyn në Danimarkë, në mënyrë që t’iu përgjigjemi kërcënimeve specifike”, ka thënë Ministria e Danimarkës përmes një deklarate.

Kontrollet më të ashpra kufitare do të zbatohen fillimisht deri më 10 gusht.

“Djegiet e fundit të Kuranit, siç kanë thënë edhe zyrtarët e sigurisë, kanë ndikuar në situatën aktuale të sigurisë”, ka thënë ministri i Drejtësisë, Peter Hummelgaard, përmes një deklarate.

Si Danimarka, ashtu edhe Suedia, i kanë dënuar aktet e djegies së Kuranit dhe kanë thënë se janë duke shqyrtuar mundësinë e hartimit të ligjeve të reja që do të ndalonin diçka të tillë.

Mirëpo, kritikët kanë thënë se vendime të tilla e rrezikojnë lirinë e shprehjes, që u garantohet qytetarëve me kushtetutë.

Myslimanët e konsiderojnë Kuranin si fjalë të Zotit dhe dëmtimi i qëllimshëm i librit është shumë ofendues për ta.

The post Danimarka rrit kontrollet kufitare pas djegieve të Kuranit appeared first on Albeu.com.

Që të dy protestuesit ishin nga një grup që e quan veten “Patriotët danezë”, i cili mbajti një demonstratë të ngjashme javën e kaluar dhe transmetoi drejtpërdrejt ngjarjet në Facebook.

Organizatori i kësaj proteste të hënën në Kopenhagë shkeli Kuranin dhe i vuri flakën atij, pranë një flamuri irakian që e kishte vendosur në tokë.

Iraku dënoi djegien e Kuranit para ambasadës së tij në Danimarkë të hënën dhe tha se stafi danez në ambasadën në Bagdad ishte larguar nga Iraku pas protestave atje.

Protestat kanë shpërthyer në të gjithë Iranin dhe Irakun pasi Danimarka dhe Suedia lejuan djegien e Kuranit, sipas ligjeve të tyre që mbrojnë fjalën e lirë dhe të drejtën për të protestuar.

Ministria e Jashtme e Irakut u bëri thirrje autoriteteve të vendeve të BE-së që të “rishqyrtojnë shpejt të ashtuquajturën liri të shprehjes dhe të drejtën për të demonstruar”.

Protestuesit në Irak kanë djegur ambasadën suedeze në Bagdad të enjten. Një zëdhënës i Ministrisë së Jashtme irakiane tha se stafi danez në ambasadë ishte larguar nga Iraku dy ditë më parë.

Në anën tjetër, edhe Algjeria thirri ambasadorin danez dhe të ngarkuarin suedez me punë për të dënuar vazhdimin e sulmeve ndaj kopjeve të Kuranit, tha Ministria e Jashtme algjeriane në një deklaratë të hënën.

Edhe në Jemen, mijëra protestues u mblodhën të hënën në kryeqytetin Sana për të protestuar kundër përdhosjes së Kuranit në vendet evropiane.

Rebelët Houthi, të cilët kontrollojnë Sanan dhe qytete të tjera, organizuan protestën “kundër krimit të djegies së Kuranit të shenjtë”./REL/

The post Dy burra djegin Kuranin jashtë ambasadës së Irakut në Kopenhagë appeared first on Albeu.com.

Në Iran, Irak dhe Liban, protestuesit planifikuan demonstrata pasi policia suedeze lejoi një protestë të enjten, në të cilën një i krishterë irakian që jetonte në Stokholm shkelmonte dhe qëndronte mbi një Kuran, librin e shenjtë të Islamit, jashtë ambasadës së Irakut.

Kryeministri i Irakut Shia al-Sudani ka urdhëruar dëbimin e ambasadorit suedez nga Iraku dhe tërheqjen e të ngarkuarit me punë të Irakut nga Suedia.

Në Iranin fqinj, demonstruesit gjithashtu planifikonin të dilnin në rrugë. Ministri i Jashtëm iranian Hossein Amirabdollahian i ka shkruar një letër Sekretarit të Përgjithshëm të Kombeve të Bashkuara lidhur me përdhosjen e Kuranit dhe ka thirrur ambasadorin suedez.

“Ne e konsiderojmë qeverinë suedeze përgjegjëse për rezultatin e reagimeve provokuese nga myslimanët e botës”, tha zëdhënësi i Ministrisë së Jashtme iraniane Nasser Kanaani.

Burri në Stokholm gjithashtu fshiu këmbët e tij me një fotografi të liderit suprem të Iranit, Ayatollah Ali Khamenei gjatë protestës së tij, dhe bëri një veprim të ngjashëm me një foto të klerikut të famshëm shiit irakian, Muqtada al-Sadr.

Grupi militant shiit i Libanit, Hezbollah, gjithashtu bëri thirrje për një demonstratë të premten pasdite.

Udhëheqësi i Hezbollahut, Hassan Nasrallah, përmes një fjalimi të enjten mbrëma u bëri thirrje myslimanëve që të kërkojnë nga qeveritë e tyre të dëbojnë ambasadorët e Suedisë.

“I ftoj vëllezërit dhe motrat në të gjitha lagjet dhe fshatrat që të marrin pjesë në të gjitha xhamitë, të kërkojnë nga shteti që të mbajë një qëndrim ndaj Suedisë”, tha Nasrallah në fjalimin, sipas Agjencisë Kombëtare të Lajmeve të Libanit.

Arabia Saudite dhe Katari, thirrën diplomatët suedezë për të dënuar përdhosjen. Ministria e Jashtme e Turqisë gjithashtu e kritikoi veprimin.

Në Pakistan, kryeministri Shehbaz Sharif dënoi ashpër ngjarjet në Suedi. Ai i bëri thirrje Organizatës së Bashkëpunimit Islamik prej 57 vendesh që të luajë një “rol historik në shprehjen e ndjenjave të myslimanëve dhe ndalimin e këtij demonizimi”.

Të enjten në mëngjes, protestuesit në Bagdad sulmuan ambasadën suedeze për disa orë dhe vunë një zjarr të vogël. Stafi i ambasadës ishte evakuuar një ditë më parë. Pasi protestuesit u larguan nga ambasada, diplomatët e mbyllën atë për vizitorët pa specifikuar se kur do të rihapet.

Kryeministri Sudani tha në një deklaratë se autoritetet irakiane do të ndjekin penalisht ata që janë përgjegjës për ndezjen e zjarrit dhe iu referua një hetimi të “zyrtarëve të pakujdesshëm të sigurisë”.

Muajin e kaluar, një burrë dogji një Kuran jashtë një xhamie në Stokholm gjatë festës kryesore myslimane të Kurban Bajramit, duke shkaktuar zemërim botën islame.

E drejta për të mbajtur protesta të tilla publike mbrohet nga Kushtetuta në Suedi.

Policia suedeze në përgjithësi jep leje bazuar në faktin nëse ajo beson se një tubim publik mund të mbahet pa ndërprerje të mëdha ose rreziqe sigurie.

Për myslimanët, djegia e Kuranit përfaqëson një përdhosje të tekstit të shenjtë të fesë së tyre.

Djegiet e Kuranit në të kaluarën kanë ndezur protesta në të gjithë botën myslimane, disa prej të cilave janë kthyer në protesta të dhunshme.

Në Afganistan, talibanët pezulluan të gjitha aktivitetet e organizatave suedeze në vend.

Një protestë e ngjashme nga një aktivist i ekstremit të djathtë u mbajt jashtë Ambasadës së Turqisë në fillim të këtij viti, duke ndërlikuar përpjekjet e Suedisë për të bindur Turqinë që ta lejojë atë të anëtarësohet në NATO./REL

The post Myslimanët nëpër botë të zemëruar me përdhosjen e Kuranit në Suedi appeared first on Albeu.com.

“Këshilli për të Drejtat e Njeriut i OKB-së do të mbajë në takim urgjent për të diskutuar për aktet e paramenduara të urrejtjes fetare, siç u manifestua me përdhosjen e Kuranit të shenjtë në disa shtete evropiane”, tha zëdhënësi Pascal Sim.

Kjo mbledhje është thirrur nga Pakistani, që ka parashtruar kërkesën në emër të Organizatës për Bashkëpunim Islamik.

Më 28 qershor, një irakian shqeu disa fletë dhe më pas dogji librin e Kuranit para një xhamie në Stokholm të Suedisë.

Ai kishte marrë leje për protestën para xhamisë dhe protesta përkoi me nisjen e Festës së Kurban Bajramit.

Salwan Momika tha se kishte kërkuar leje nga policia për të djegur Kuranin, për “të shprehur mendimin tim për Kuranin”.

Kjo protestë nxiti reagim të ashpër nga shtetet myslimane në mbarë botën.

Kjo nuk është hera e parë që në Stokholm mbahen protesta në të cilat është lejuar djegia e Kuranit. Në janar, në Stokholm një person dogji Kuranin, që çoi në reagim të ashpër të Turqisë.

Ky incident thelloi mospajtimet mes Ankarasë dhe Stokholmit, teksa Turqia ende nuk ka ratifikuar pranimin e Suedisë në NATO.

The post OKB me mbledhje urgjente për djegien e Kuranit appeared first on Albeu.com.

Siç është bërë e ditur, libri është në pronësi të familjes Prushi, që e ka trashëguar këtë pasuri të çmuar brez pas brezi.

Familja Prushi ka një ritual të veçantë për mirëmbajtjen e librit të shenjtë. Rituali është gjithmonë i njëjtë. Mario Prushi lan me kujdes duart dhe fytyrën përpara se të puthë dhe të vendosë në ballë një prej Kuraneve më të vegjël në botë.⁠

 

View this post on Instagram

 

A post shared by Al Jazeera English (@aljazeeraenglish)

“Ne e kemi ruajtur brez pas brezi me përkushtim absolut”, thotë Mario Prushi, 45 vjeç, në shtëpinë e tij në Tiranë.
Ekspertët thonë se është një nga Kuranët më të vegjël në qarkullim, me librin e vogël që mbahet brenda një kutie argjendi, e nxirë me kalimin e viteve.

“E kemi trashëguar nga brezi në brez me një përkushtim absolut”, tregon 45-vjeçari Prushi për agjencinë e lajmeve “AFP”, nga shtëpia e tij në Tiranë.

Vetëm 2 centimetër i gjerë dhe 1 centimetër i hollë, libri thuajse zhduket në pëllëmbën e pronarit të tij dhe mund të lexohet vetëm me një xham zmadhues.
Është e vështirë të përcaktosh se kur daton ky Kuran, në mungesë të analizave shkencore, por sipas studiuesit Elton Karaj, libri me 900 faqe ka nisur të qarkullojë që prej shekullit të 19-të.

“Ky Kuran është printuar në një format shumë të vogël, është ndër më të vegjlit në botë. Në pamje të parë mund të them se publikimi i tij daton nga fundi i shekullit të 19-të”, thotë Karaj./al

The post Historia e madhe e Kuranit më të vogël në botë që ndodhet në Shqipëri appeared first on Albeu.com.

“Ne dënojmë me forcë lejen e autoriteve Suedeze për të djegur një kopje të Kur’anit të Shenjtë në Stokholm në ditën e Bajramit dhe jemi të befasuar që ky akt urrejtjeje konsiderohet liri e mendimit dhe shprehjes.

Ne mendojmë se akte të tilla nxisin konflikte dhe dhunë midis qytetërimeve dhe nuk ndihmojnë në zbutjen e konflikteve ndërkombëtare”, thuhet në reagimin e qendrës që nxit dialogun ndërfetar dhe po ashtu bashkëjetesën fetare.

The post QBNF dënon djegien e Kur’anit në Suedi: Nxit konflikte appeared first on Albeu.com.

“Nuk më ka tërhequr kurrë bixhozi. Nuk mund të hyj kurrë në një garë ku mes forcat e mia dhe sfidoj fatin. Është një sfidë që e ndalon Kur’Ani. E thotë bukur. Nuk e kam bërë për këtë arsye, por e thotë, mos e sfido fatin e të nesërmes”, thoshte Rama në atë kohë.

Por sot, katër vite më vonë, Rama ka organizuar një dëgjesë për të shqyrtuar mundësinë e rikthimit të basteve online. Kërkesat ishin të shumta nga përfaqësuesit e shoqatave, por për atë çfarë thotë libri i shenjtë i Kur’Anit nuk u fol.

Kujtojmë se Rama ka njoftuar ndryshimin që do bëhet në ligjin për lojërat e fatit më 31 dhjetori i vitit 2018, me ligjin e ri, i cili do të ndalonte së funksionuari të gjitha kazinotë elektronike si dhe do të mbyllen të gjitha pikat e basteve.

Edi Rama: “Sipas ligjit duke nisur nga 31 dhjetor i këtij viti do të pushojnë së funksionuari të gjitha kazinotë elektronike.  Ndryshimi i sotëm përfshin edhe bastet sportive, si edhe çdo lloj basti për çdo garë të ashtuquajtur në pistë, kuaj, qen apo çdo lloj skllavi të faunës shqiptare.

Tej argumenteve të biznesit, të të punësuarve, të të ardhurave të cilat për hir të vërtetës të cilat janë dyfishuar në raport me të shkuarën, 54 milionë dollarë nga rritja e formalitetit dhe nga taksat përmes formalizmit, pavarësisht se 40 kompani kishte në të shkuarën dhe mblidheshin gjysma e taksave, tani ka 20 dhe mblidhen dyfishi i taksave, në territorin e Republikës së Shqipërisë nga 1 janari nuk do të ngrihet asnjë qepen për baste.

Dhe ashtu siç është përcaktuar në ligjin ekzistues nuk do ngihet më asnjë qepen për kazino elektronike në asnjë zonë të banuar në 28 mijë kilometër katror të Republikës së Shqipërisë.

The post Sot nuk u përmend libri i shenjtë, si e justifikoi Rama mbylljen e lojërave të fatit para 4 vitesh (VIDEO) appeared first on Albeu.com.