Kupës së Italisë Archives - Albeu.com

Juve siguron finalen e Kupës së Italisë kundër Interit (VIDEO)

admin — Wed, 20 Apr 2022 21:03:06 +0000

Juventusi ka fituar edhe ndeshjen e dytë kundër Fiorentina, me rezultatin 2-0, dhe është kualifikuar në finalen e Kupës së Italisë ku e pret skuadra e Interit që eliminoi Milanin.

Juventusi donte t’i mbyllte llogaritë sa më shpejt dhe pas gjysmë ore lojë kishte një mundësi të mirë shënimi, por Dusan Vlahovic nuk ia doli ta ndëshkonte ish-skuadrën.

Atë që nuk e bëri sulmuesi serb e bëri Federico Bernardeschi, i cili më një “volej” brenda zone shënoi në portën e Fiorentinës që e bëri të famshëm. Ekipi i Italianos u mundua të reagonte, por Perin bëri një pritje fantastike ndaj Cabral.

Pesë minuta nga nisja e pjesës së dytë Quarta vuri në provë sërish portierin e Juventusit, që ishte vendimtar me pritjen e tij. Bardhezinjtë reaguan, por ishin të pafat. Zakaria u ndal nga shtylla pingule.

Fiore nuk u dorëzua dhe provoi me Biraghi me një goditje dënimi. Në minutën e 69-të Adrien Rabiot e çoi topin në rrjetë, por festa bardhezi u prish nga VAR për pozicion jashtë loje.

Gjithsesi me rëndësi ishte fitorja në fund dhe Juventusi e mori, madje duke shënuar në shtesë edhe golin e dytë me brazilianin Danilo.

SHIKO GOLIN E 2

The post Juve siguron finalen e Kupës së Italisë kundër Interit (VIDEO) appeared first on Albeu.com.

Juventusi me poker kalon në çerekfinale të Kupës së Italisë (VIDEO)

admin — Tue, 18 Jan 2022 22:02:38 +0000

Juventusi ka siguruar një vend në fazën çerekfinale të Kupës së Italisë pasi e ka mposhtur Sampdorian 4-1.

“Zonja e Vjetër” e tregoi seriozitetin me të cilin i është qasur kësaj ndeshje dhe e gjeti golin e parë në minutën e 25’ me anë të Cuadrados dhe ky në fakt ishte goli i vetëm i realizuar në pjesën e parë.

Në minutën e 52’ epërsia e vendasve u thellua në 2-0 me anë të Daniele Ruganit, por Andrea Conti ngushtoi shifrat në minutën e 63’,

Juventusi realizoi edhe dy gola. Fillimisht Dybala dhe më pastaj edhe Alvaro Morata në minutën e 77’ nga penalltia.

Ndërkohë, Juve në çerekfinale do të përballet me fituesin e çiftit Sassuolo-Cagliari. /albeu.com/

The post Juventusi me poker kalon në çerekfinale të Kupës së Italisë (VIDEO) appeared first on Albeu.com.

Milani triumfon ndaj Geonas dhe siguron çerekfinalen e Kupës së Italisë (VIDEO)

admin — Thu, 13 Jan 2022 22:51:36 +0000

Milani ka arritur të fitojë pas shtesave ndaj Genoas për t’u kualifikuar në çerekfinale të Kupës së Italisë.

“Kuqezinjtë” ishin në disavantazh pas 45 minutëshit të parë kur mbrojtësi Leo Ostigard realizoi për mysafirët në minutën e 17-të.

Në pjesën e dytë vendasit i barazuan shifrat nëpërmjet Olivier Giroud i cili realizoi një gol të bukur pas një asistimi nga Theo Hernandez në minutën e 74-të.

Goli i Giroud – VIDEO

Pas kësaj rrjetat mbetën të paprekura për pjesën e mbetur të 90 minutëshit, duke lënë gjithçka për kohën e vazhdimeve.

Në vazhdime, Rafael Leao i dha avantazhin skuadrës tre minuta pa përfunduar pjesa e parë në minutën e 103-të, një gol nga i cili po tentonte të harkonte, duke e befasuar portierin Semper.

Goli i Leaos – VIDEO

Për të mos i lënë asgjë në dorë fatit, Alexis Saelemaekers e thelloi epërsinë në minutën e 112-të nga një tjetër asistim i Theos, duke e vulosur fitoren e “Kuqezinjve” për 3-1.

Goli i Saelemaekers – VIDEO

Me këtë fitore Milani kualifikohet për në çerekfinale të Kupës së Italisë, aty ku do të takohet me fituesin e duelit Lazio-Udinese.

The post Milani triumfon ndaj Geonas dhe siguron çerekfinalen e Kupës së Italisë (VIDEO) appeared first on Albeu.com.

ZYRTARE/ Juve-Atalanta, finalja e Kupës së Italisë luhet me tifozë, ja sa do jenë

admin — Thu, 13 May 2021 14:39:05 +0000

Finalja e Kupës së Italisë, që do të luhet në “Mapei Stadiumin” të Reggio Emilia, të mërkurën e ardhshme, u prezantua këtë mëngjes në sallën ‘tricolore’ të Komunës në fjalë. Juventusi dhe Atalanta do të diskutojnë finalen e 73-të të këtij kompeticioni, e para që nuk luhet në Romë që nga viti 2008. Starti do të jetë në orën 21:00 dhe ndeshja do të transmetohet drejtpërdrejt në “Rai 1”. Kjo do të jetë e para ndeshje futbolli me publik, në fakt, pas shpërthimit të pandemisë së koronavirusit në mars 2020.

“Mapei Stadium” do të jetë 20% i mbushur, pra do të ketë 4.300 tifozë. Një hap i rëndësishëm drejt normalitetit. 150 nga të pranishmit do të ftohen nga ASL i Reggio Emilia, midis vullnetarëve që luftuan dhe po luftojnë kundër Covid-19. Për “Lega Serie A” foli drejtori Luigi De Siervo:

“Ne e shikojmë të ardhmen me optimizëm, duke filluar nga këtu. Shpresojmë t’iu kthehemi stadiumeve me tifozë në mënyrë të rregullt dhe në përputhje me rregullat. Do të jetë një aplikacion në dispozicion, në të cilin mund të regjistroheni paraprakisht për në finale dhe të keni biletën tuaj.

Për të hyrë do t’ju duhet vetëm një test antigjenik në 48 orët para fillimit të ndeshjes (ose çertifikata e vaksinimit). Kjo finale do të jetë një provë se si mund të kthehemi te tifozët në përputhje me rregullat në mjediset sportive”.Edhe pë rata që do ta përcjellin duelin nga televizionet është meduar.

Plor 30 kamera do të fiksojnë gjithçka. Qëllimi është të mposhtet rekordi i 10.2 milionë spektatorëve, që panë finalen e fundit (17 qershor 2020) midis Napolit dhe Juventusit. Edhe në atë ndeshje u përdorën të gjitha mjetet e mundshme teknologjike. Edhe mesjavën e ardhshme do të jenë në punë 30 kamera, që nga ato në dhomën e zhveshjes, deri te droni, për të përcjellë të gjitha detajet. Vetëm klasiket spanjolle midis Realit dhe Barcelonës ka një mbulim të ngjashëm në nivelin e kamerave.

The post ZYRTARE/ Juve-Atalanta, finalja e Kupës së Italisë luhet me tifozë, ja sa do jenë appeared first on Albeu.com.