Armand Duka, President i Federatës Shqiptare të Futbollit, i ka përcjellë urimet Presidentit të Federatës Spanjolle të Futbollit, Rafael Louzán, pasi Spanja fitoi titullin kampion në Kupën e Botës 2026.

Në mesazhin drejtuar homologut të tij, Duka nënvizon nivelin e shkëlqyer që përfaqësuesja spanjolle shfaqi nga fillimi deri në fund të turneut. Sipas tij, fitimi i trofeut ishte tërësisht i merituar dhe pasqyroi cilësinë, përkushtimin dhe vizionin që karakterizojnë futbollin spanjoll.

Presidenti i FSHF-së e cilëson rrugëtimin e Spanjës si të jashtëzakonshëm, ndërsa uron Federatën Spanjolle për triumfin në Kupën e Botës FIFA 2026. Ai thekson se skuadra spanjolle prodhoi futbollin më të mirë gjatë gjithë kompeticionit dhe e fitoi me meritë trofeun më prestigjioz të futbollit botëror.

Duka vlerëson gjithashtu punën e kryer për zhvillimin e futbollit në Spanjë dhe rezultatet e arritura prej tij në skenën ndërkombëtare, duke i dëshiruar Federatës Spanjolle vazhdimësi të suksesshme.

Në përmbyllje të mesazhit, Presidenti Duka i uron Rafael Louzán, ekipit kombëtar dhe të gjithë futbollit spanjoll arritje të tjera në vitet e ardhshme.

The post Armand Duka përgëzon homologun spanjoll Rafael Louzán pas triumfit historik në Botërorin 2026 appeared first on Albeu.com.

Në fazën me eliminim direkt, Brazili dhe Norvegjia përballen në raundin e 1/16-ave, në një ndeshje që do të zhvillohet në “MetLife Stadium” në Neë York, duke nisur nga ora 22:00.

Për të siguruar kalimin në raundin e 1/8-ave, Carlo Ancelotti dhe Stale Solbakken kanë zgjedhur të hedhin në fushë formacionet më të mira të mundshme.

Historia mes dy skuadrave në Kupën e Botës regjistron vetëm një duel, atë të vitit 1998 në fazën e grupeve, ku triumfuan “Nordikët”. Në total, Brazili dhe Norvegjia janë ndeshur 4 herë, me norvegjezët që numërojnë dy fitore, ndërsa dy takime të tjera kanë përfunduar në barazim.

The post Brazili sfidon Norvegjinë për të prishur “mallkimin”, Haaland kërcënon prapavijën e “Seleçao” (FORMACIONET ZYRTARE) appeared first on Albeu.com.

Paraguai dhe Franca përballen në fazën me eliminim direkt, në raundin e 1/16-ave, në një ndeshje që do të zhvillohet në stadiumin “Lincold Financial Field” në Philadelphia, duke nisur nga ora 23:00.

Për këtë duel, Gustavo Alfaro dhe Didier Deschamps kanë zgjedhur të hedhin në fushë formacionet më të mira të mundshme, me objektivin për të siguruar kualifikimin në raundin e 1/8-ave, aty ku i pret Maroku.

Në historinë e Kupës së Botës, Paraguai dhe Franca janë ndeshur dy herë. Takimi i parë daton në Kupën e Botës 1958, gjatë fazës së grupeve, ku “gjelat” fituan me rezultatin 7-3. Përballja tjetër ishte në Kupën e Botës 1998, në fazën e 1/8-ave, ku francezët triumfuan 1-0 falë golit të Laurent Blanck me “golden goal”, sipas formatit të asaj kohe.

The post Franca me “armët” më të forta ndaj Paraguait, sfida e 1/16-ave nis në 23:00 (FORMACIONET ZYRTARE) appeared first on Albeu.com.

Gjithçka u zhbllokua shumë herët, kur Habib Diarra realizoi me kokë pas një goditjeje nga këndi në minutën e 4-t. Për irakianët situata u bë edhe më e vështirë pas ndëshkimit me karton të kuq të mbrojtësit Rebin Sulaka. Në pjesën e dytë, Senegali e shtoi presionin dhe përfitoi nga inferioriteti numerik, duke shënuar golin e dytë në minutën e 56-të me sulmuesin Ismaila Sarr, pas një pasigurie të mbrojtjes kundërshtare. Vetëm tre minuta më vonë erdhi edhe goli i tretë, me autor mesfushorin Pape Gueye. Pikërisht lojtari i Villarrealit realizoi sërish në minutën e 71-të, ndërsa kundërshtarët dukeshin të dorëzuar. Në fund, në minutën e 82-të, Iliman Ndiaye vulosi shifrat me një goditje të bukur nga jashtë zone.

Me këtë rezultat, Senegali e mbyll grupin në vendin e tretë me vetëm 3 pikë dhe pa siguruar kualifikimin. Iraku, nga ana tjetër, përfundon i fundit pa asnjë pikë.

Goli i Habib Diarra (Senegal 1-0 Irak)

Kartoni i kuq i mbrojtësit të Irakut Rebin Sulaka

Goli i Ismaila Sarr (Senegal 2-0 Irak)

Goli i Pape Gueye (Senegal 3-0 Irak)

Goli i Pape Gueye (Senegal 4-0 Irak)

Goli i Iliman Ndiaye (Senegal 5-0 Irak)

The post VIDEO/ Senegali e mbyll me goleadë ndaj Irakut, ndeshje pa histori në Toronto appeared first on Albeu.com.

Skuadra afrikane kaloi e para në avantazh në minutën e 30-të, kur ish-mesfushori i Milanit, Franck Kessie, dërgoi topin në rrjetë pas një situate të rrëmujshme në zonën kundërshtare.

Edhe Gjermania krijoi mundësi me Aleksander Pavlovic dhe Kai Havertz, madje të dy arritën të shënonin, por golat e tyre nuk u quajtën.

Pjesa e dytë nisi me ritëm të lartë, teksa të dyja ekipet kërkonin me ngulm golin. Reagimi i gjermanëve erdhi në minutën e 68-të, kur Deniz Undav barazoi shifrat.

“Pancerat” vazhduan të besonin deri në fund dhe në minutën e 94-të gjetën edhe golin e fitores, sërish me Deniz Undav.

Gjermanët e siguruan suksesin jo pa vështirësi përballë përfaqësueses afrikane, e cila tregoi potencial për vazhdimësinë në Kupën e Botës.

Goli i Franck Kessie (Gjermani 0-1 Bregu i Fildishtë)

Goli i Deniz Undav (Gjermani 1-1 Bregu i Fildishtë)

Goli i Deniz Undav (Gjermani 2-1 Bregu i Fildishtë)

The post VIDEO/ Gjermania përmbys Bregun e Fildishtë, Deniz Undav vendos duelin dhe kreun e grupit e lë për ndeshjen e fundit appeared first on Albeu.com.

Vendasit kaluan në avantazh që në minutën e 11-të pas autogolit të Cameron Burgess, ndërsa goli i dytë erdhi në minutën e 43-të dhe u realizua nga mbrojtësi Alex Freeman.

Fraksioni i dytë startoi me ritëm nga të dyja skuadrat, por ishin amerikanët ata që këmbëngulën më shumë në kërkim të golit të tretë. Nga ana tjetër, australianët nuk mundën të shfaqnin të njëjtin nivel si në ndeshjen e parë përballë Turqisë.

Falë këtij suksesi, amerikanët “blindojnë” vendin e parë në grup, ndërsa Australia do të synojë të sigurojë kualifikimin në takimin ndaj Panamasë.

Autogoli i Cameron Burgess (SHBA 1-0 Australi)

Goli i Alex Freeman (SHBA 2-0 Australi)

The post VIDEO/ SHBA siguron kreun e Grupit D, Australia nuk përsërit paraqitjen ndaj Turqisë appeared first on Albeu.com.