Përdorimi i tij nuk është tërësisht për shkak të festës së Samhain, në të cilën keltët përdornin rrepa boshe dhe i mbushnin me qymyr të kuq ose qirinj për të udhëhequr shpirtrat dhe për të ndriçuar rrugët. Origjina e përdorimit të kungujve në Halloween vjen nga koha e kolonizimit të Amerikës dhe historia e Jack O’Lantern.

Legjenda thotë se Jack ishte një fermer dinak dhe i lig, i cili përdori një kryq druri për të kapur djallin, në mënyrë që ky i fundit mos i merrte shpirtin. Një version thotë se ai e mashtroi djallin që të ngjitej në një pemë molle dhe ta fuste në kurth derisa ai i premtoi se nuk do t’ia merrte shpirtin.

Versioni alternativ tregon se Jack po ndiqej nga disa fshatarë kur takoi djallin dhe i tha se kishte ardhur koha që ai të vdiste. Fermeri i kërkoi të bëhej një monedhë me të cilën do të paguante mallin e vjedhur dhe fshatarët do të luftonin për të parë se kush ishte hajduti. Pasi djalli pranoi të bëhej një monedhë, ai futi në thes Jack-un.

Në të dy versionet, Jack e lejon djallin të shpëtojë vetëm kur ai premton se nuk do t’i marrë kurrë shpirtin. Kur ai vdes, shpirti i tij mbeti ende në tokë, pasi ai nuk mund të hynte në parajsë apo ferr për shkak të marrëveshjes me djallin, i cili i dha atij një prush që nuk do të ndalonte kurrë së djeguri për të parë se ku po shkonte. Pasi e mori, Jack e futi në një nga rrepat e tij dhe endej nëpër botë.

Fillimi i përdorimit të kungullit

Që atëherë, irlandezët dhe skocezët filluan të krijonin rrepë me fytyrën e Jack për të larguar djallin dhe të keqen.

Më vonë, kur u bë kolonizimi në Amerikë, u zbuluan perime të tjera si kungujt dhe për shak të bollëkut dhe korrjes së tyre në vjeshtëm u vendos që të ndërrohen perimet dhe të zëvendësohen rrepat me kungujt. Prandaj, kungulli është bërë simboli i festës së Halloween. /h.ll/albeu.com

The post Historia e vërtetë e kungujve të Halloween, pse janë simboli i festës së famshme appeared first on Albeu.com.

Farat e kungullit shpesh konsiderohen një produkt i panevojshëm që, në shumicën e rasteve përfundon në mbeturina ndërkohë që mund të ishte njësoj si zahiretë e tjera që përgatiten në këtë periudhë! Si ti bëni në shtëpi? Po ju tregojmë sekretet dhe ca receta ku mund t’i përfshini…

Kaloritë dhe vlerat ushqyese:
Si të gjitha frutat e thata, edhe farat e kungullit kanë shumë kalori, reth 560 për 100 gr, ama kanë rolin e tyre të rëndësishëm në ushqyerje. Mjafton të mos e teproni me sasinë që t’u merrni vetëm anët e mira. Pikërisht në këtë stinë, vjeshtë e fillim dimër, farat e kungullit që merren nga kungujt e vjeshtës janë me shumicë, bie edhe humori. Mirëpo natyra ka rregulluar gjithçka; nuk është e rastësishme që një nga vlerat kryesore të tyre është pikërisht në përmirësimin e humorit. Fal magnezit, kanë efekt qetësues dhe shërbejnë për të përmirësuar gjumin. Prania e hekurit dhe omega 3 ndihmon në uljen e nivelit të kolesterolit.

Si t’i bëni në shtëpi?
Është fare e thjeshtë; kur pastroni kungullin lini mënjanë farat. Shpëlajini mirë, deri sa të largohen të gjitha mbetjet e kungullit dhe thajini me një letër kuzhine. Hidhuni pak kripë, piper, vaj ulliri dhe piqini në furrën e parangrohur për disa minuta duke i kthyer vazhdimisht.

Ku t’i përdorni?
Farat e kungullin janë të përshtatshme qoftë për pjatat e ëmbla qoftë për ato të kripura. Mund t’i shtoni në kosin e mëngjesit, në përgatitjet e brumit (bukë, pite, byrekë, etj) që bëni në shtëpi, në sallata, në biskota etj…

The post Nga sot, nuk do t’i hidhni më farat e kungullit, mësoni ku t’i përdorni appeared first on Albeu.com.

Ju mund ta përdorni atë për të bërë supëra të ndryshme, sallata, byrek, por edhe thjesht të pjekur në furrë ose zgarë. Kungulli gatuhet me kripë, por edhe me sheqer.

Kungulli mund të përdoret gjithashtu si një kozmetikë natyral për lëkurën.

Kungulli është i pasur me beta-karoten dhe flavonoide, të dobishme për luftimin e plakjes së qelizave . Kungulli është gjithashtu i pasur me fibra, prandaj rregullon sistemin gastrointestinal, mbron sistemin imunitar dhe ka një efekt antioksidant. Farat e tij janë të pasura me vitaminë E dhe janë të dobishme për parandalimin e çrregullimeve të traktit urinar, veçanërisht për funksionimin e mirë të prostatës. Ato gjithashtu përmbajnë sasi të mira të triptofanit, një substancë që ndihmon në prodhimin e serotoninës, e dobishme kundër pagjumësisë dhe depresionit. Për të shijuar përfitimet, është e mira vetëm t’i gatuajmë në furrë, ose t’i shtoni një grusht në sallatë ose në një tas me kos.

Kungulli është gjithashtu i dobishëm në regjimet me kalori të ulët: siguron vetëm 18 Kcal për 100 gramë të produktit. Kjo është e mundur, pasi që përmban shumë ujë, deri në 94.5%. Karbohidratet nuk kalojnë 3.5%, ndërsa proteina, shumë pak, janë vetëm 1.1%. Kungulli ndihmon në uljen e trupit dhe luftimin e celulitit.

Kungulli i madh, mund të përdoret gjithashtu për të përgatitur një maskë të bukur dhe të thjeshtë. Vetëm pure, ose lëngun e tij e përziejmë në një tas me kos dhe mjaltë duke marrë një brumë të butë që do të aplikohen në lëkurë .

Kungulli ngadalëson plakjen e lëkurës dhe ka një efekt ushqyes, sidomos në lëkurën e thatë.

The post Kungulli magjik, jo vetëm për Halloween, por edhe për shëndetin appeared first on Albeu.com.