Berisha u ka bërë apel qytetarëve që të angazhohen në protestën që, sipas tij, do të zhvillohet ditën kur reforma territoriale do të diskutohet në Kuvend.

“Miq, ju ftoj të mobilizohemi, të angazhohemi në protestën më të fuqishme kombëtare që ka njohur vendi ditën e diskutimit në parlament të reformës territoriale”, shkruan Berisha.

Ai nuk ka dhënë detaje të tjera në lidhje me datën, orën apo organizimin e protestës.

The post Berisha u bën thirrje protestuesve: Të mobilizohemi kundër Reformës Territoriale appeared first on Albeu.com.

Protestuesit u tubuan pranë Urës së Lusës, në vijën që aktualisht ndan territorialisht dy bashkitë. Në shenjë simbolike, ata ndaluan përkohësisht qarkullimin e automjeteve dhe kërkuan që propozimi i mazhorancës të mos marrë miratimin e parlamentit.

Pensionistët deklaruan se Matit i shërben më mirë ruajtja e dy njësive të vetëqeverisjes vendore.

Ata shprehën gjithashtu mirënjohje për News 24, që sipas tyre e mbështet çdo ditë duke transmetuar drejtpërdrejt protestën e zhvilluar prej katër muajsh në Tiranë.

Tubimi u mbyll pa incidente dhe pjesëmarrësit u larguan në mënyrë paqësore. Protesta u mbikëqyr nga Policia e Shtetit.

The post Klos/ Pensionistët protestë kundër Reformës Territoriale appeared first on Albeu.com.

Qëndrimi i shprehur gjatë dëgjesës ishte i qartë: Rrogozhina duhet të vijojë të jetë bashki më vete, ndërsa çdo ndryshim i mundshëm territorial duhet të marrë në konsideratë vullnetin e qytetarëve dhe nevojat konkrete të komunitetit.

Kryetari i Bashkisë Rrogozhinë, Andi Proshka, argumentoi se bashkia ka kapacitetet e nevojshme për të vijuar funksionimin si njësi e qeverisjes vendore dhe kundërshtoi propozimin e Reformës Administrativo-Territoriale 2.0.

Në fjalën e tij, Proshka kërkoi që konsultimi publik të mos mbetet një procedurë formale, por që shqetësimet dhe kërkesat e qytetarëve të dëgjohen dhe të merren realisht në konsideratë përpara çdo vendimmarrjeje.

“Zëri i qytetarëve duhet të jetë pjesë e vendimmarrjes”, ishte në thelb mesazhi i përcjellë gjatë dëgjesës, ku u kërkua që e ardhmja administrative e Rrogozhinës të përcaktohet mbi bazën e argumenteve konkrete dhe jo vetëm të një skeme administrative.

Kjo ishte dëgjesa përmbyllëse e konsultimit publik në territorin e Bashkisë Rrogozhinë. Edhe në dëgjesat e zhvilluara më herët në njësitë administrative, komunitetet kanë shprehur kundërshtimin ndaj propozimit për ndryshimin e statusit dhe organizimit territorial.

Përfaqësuesit vendorë dhe qytetarët kërkojnë që çdo vendim për të ardhmen e Rrogozhinës të mbështetet në kapacitetet reale të bashkisë, nevojat e komunitetit dhe vullnetin e banorëve.

Në përfundim të dëgjesës, mesazhi i komunitetit ishte i qartë: Rrogozhina kërkon të dëgjohet dhe të ketë të drejtën të vendosë për të ardhmen e saj administrative.

The post Rrogozhina kundër Reformës Territoriale: Mos na fshini nga harta, zëri i qytetarëve duhet të dëgjohet! appeared first on Albeu.com.