Këtë qëndrim e bëri të ditur kreu i bashkisë, Hil Curri, i cili theksoi se deri tani nuk është zhvilluar asnjë diskutim me banorët për këtë propozim, një veprim që sipas tij do të përshpejtonte braktisjen e këtij qyteti verior.

Curri argumentoi se Bashkia e Fushë-Arrëzit nuk përbën një peshë financiare për qeverinë, pasi në territorin e saj veprojnë disa kompani të industrisë së rëndë, të ardhurat tatimore të të cilave derdhen drejtpërdrejt në buxhetin e bashkisë që ai drejton.

Kryebashkiaku demokrat paralajmëroi se beteja për këtë çështje do të shkojë deri në gjykatat ndërkombëtare. Ndërkohë, qytetarët e zonës, së bashku me mërgatën, po përgatiten të dalin në rrugë për të protestuar.

The post Fushë-Arrëzi refuzon shkrirjen me Pukën, kryebashkiaku Curri: Do t’i drejtohemi referendumit dhe protestave appeared first on Albeu.com.