Komuna e Kumanovës ka njoftuar se faza e dytë e spërkatjes ajrore kundër mushkonjave të rritura do të zhvillohet të mërkurën, më 5 gusht, duke nisur në orën 05:00.

Trajtimi do të mbulojë gjithsej 1,270 hektarë. Në të do të përfshihen rrjedhat e lumenjve Kumanovka, Lipkovka dhe Kojnarka, bashkësitë lokale Babin Dol, Goce Delçev dhe Tode Mendol, pjesa qendrore e qytetit, si edhe hapësira rreth impiantit të trajtimit të NP “Ujësjellësi” në fshatin Dobrashan.

Sipas autoriteteve komunale, gjatë ndërhyrjes do të aplikohet preparati Aqua Perm-X 30-30. Komuna u kërkon bletarëve të ndërmarrin masat e nevojshme për mbrojtjen e kolonive të bletëve gjatë trajtimit. Në rast se moti pengon realizimin e spërkatjes në orarin e parashikuar, ajo do të zhvendoset për ditën pasuese, sapo kushtet atmosferike të jenë të përshtatshme.

The post Kumanova më 5 gusht realizon spërkatjen e dytë ajrore kundër mushkonjave appeared first on Albeu.com.

Learti, i lindur më 26 qershor 2012 dhe me prejardhje nga Orizarja e Komunës së Likovës, aktualisht ndodhet në Austri, ku do të qëndrojë për dhjetë ditë në kampin stërvitor të klubit, raporton Koha.mk.

Gjatë kësaj periudhe, futbollisti i ri do të stërvitet dhe do të vlerësohet nga trajnerët profesionistë të Austria Wien. Programi përfshin teste fizike dhe teknike, ushtrime taktike, si dhe pjesëmarrje në ndeshje miqësore.

Kjo është një mundësi e rëndësishme për Leartin që të tregojë aftësitë dhe potencialin e tij, të zhvilluara gjatë aktivizimit me klubin e tij të parë, KF Kumanova.

Provat te Austria Wien përbëjnë një hap të rëndësishëm në karrierën e tij dhe një eksperiencë të vlefshme në një prej akademive më të njohura të futbollit austriak.

The post Talenti i ri Leart Alija në prova te Austria Wien appeared first on Albeu.com.

Në Gjykatën Penale të Kumanovës nisi sot procesi gjyqësor ndaj 25-vjeçarit Trajko Bojkovski, i akuzuar për katër vrasje brutale dhe dy tentativa vrasjeje ndaj grave të moshuara në rajonin e Kumanovës, në një seancë të shoqëruar me tension dhe me sjellje të pazakontë nga ana e të pandehurit.

Megjithëse prokuroria e cilësoi këtë rast si të paprecedentë në praktikën gjyqësore, procedura u bllokua që në seancën e parë.

Shkak për këtë u bë vendimi i avokatit Dragan Trajkoviq për t’u tërhequr nga mbrojtja, pasi në nisje të gjykimit Bojkovski deklaroi se nuk ishte fajtor për katër vrasjet.

“Duke pasur parasysh që i pandehuri nuk e pranoi këshillën time, si avokat mbrojtës, po e anuloj prokurën time në përputhje me nenin 76, paragrafi 7 i Ligjit për Procedurën Penale dhe në përputhje me të njëjtin nen, paragrafi 5, i propozoj gjykatës që t’i caktojë një avokat mbrojtës tjetër sipas detyrës zyrtare për të mbrojtur të drejtat dhe interesat e tij”, deklaroi avokati Trajkoviq. Seanca e radhës u caktua për më 31 gusht.

Përpara se të shprehej se nuk ndjehej fajtor për vrasjen e katër grave, Bojkovski shikonte nga tavani, lëvizte rrotull në karrigen e tij në sallën e gjyqit dhe nuk iu përgjigj pyetjeve.

Gjatë seancës së sotme, familjarët e katër viktimave iu bashkuan zyrtarisht ndjekjes penale.

Prokurori Ljubomir Lape bëri të ditur se do të vërtetonte me prova të forta se veprat ishin kryer me dashje dhe se ai ishte nekrofili.

The post I akuzuari për vrasjet në Nagoriçan të Vjetër mohon fajësinë, avokati heq dorë nga mbrojtja appeared first on Albeu.com.

Sipas Departamentit Meteorologjik, paqëndrueshmëria atmosferike u zgjerua më tej në zonën e Shkupit dhe Kumanovës, ku u regjistruan reshje të dendura shiu, erëra të forta, bubullima dhe breshër.

Deri në përfundim të ditës, moti pritet të mbetet lokalisht i paqëndrueshëm, me shira të rrëmbyeshëm, bubullima, erëra të forta dhe në disa raste edhe me mundësi për breshër.

Gjatë natës, vendi do të ketë mot me vranësira të ndryshueshme, ndërsa era do të jetë e lehtë deri mesatare dhe do të fryjë nga drejtime të ndryshme.

The post Moti i paqëndrueshëm përfshin Shkupin dhe Kumanovën, reshjet dhe stuhitë rikthehen nga nesër appeared first on Albeu.com.

Jashari është i lindur në qytetin Cham të Zvicrës, kurse prindërit e tij janë nga Kumanova e Maqedonisë së Veriut, transmeton Albeu.com.

Në një intervistë me “La Gazzetta dello Sport”, Trajneri i Luzernit, Mario Frick, i cili stërviti Jasharin në Luzern, e lavdëroi shumë mesfushorin, por vuri në dukje një të metë që ai mendon se 23-vjeçari mund ta përmirësojë.

Jashari, i cili iu bashkua Club Brugget nga Luzerni verën e kaluar, është gati të përfundojë një transferim prej 38 milionë eurosh në AC Milan, pasi refuzoi të luante për Bruggen për të detyruar transferimin, raporton “Goal”, transmeton Klankosova.tv.

Transferimi i Jasharit në Milan shënon fundin e një periudhe të tensionuar në Club Brugge, vetëm një vit pasi iu bashkua skuadrës belge. Pavarësisht interesit nga Chelsea, Interi dhe Neom, 23-vjeçari e kishte zemrën të vendosur te AC Milan. Ardon Jashari u la jashtë fitores së klubit në Superkupë kundër Union SG, me kapitenin e skuadrës që tha se nuk donte të luante për skuadrën belge dhe u la jashtë për ndeshjen e tyre të parë në ligë.

Fillimisht, Milani paraqiti një ofertë prej 32 milionë eurosh plus 6 milionë euro në bonuse, por Brugge e refuzoi ofertën. Edhe pse ngurroi të shkonte më shumë se ç’duhej, Milani përfundimisht u kthye me një ofertë të përmirësuar që më në fund e çoi marrëveshjen në fund.

Edhe gazetari i njohur belg, Sacha Tavolieri, ekspert i merkatos dhe i futbollit belg, ka dhënë një vlerësim shumë pozitiv për Jasharin:

“Jashari është një mesfushor shumë i fortë. Mund ta zëvendësojë direkt Reijndersin në mesin e fushës. Madje është më i kompletuar se Reijnders kur ky i fundit mbërriti te Milani nga AZ. Ka një aftësi të madhe në parashikimin dhe ndërprerjen e aksioneve, menaxhon mirë topin dhe e kupton saktë kur duhet të shtyjë përpara, duke u kthyer pothuajse në një numër 10 kur skuadra sulmon.”

Tavolieri shton gjithashtu se Jashari është gati menjëherë për formacionin titullar, pasi është i përgatitur psikologjikisht dhe teknikisht, dhe lexon lojën më shpejt se shumica e lojtarëve në pozicionin e tij.

The post Kush është Ardon Jashari? appeared first on Albeu.com.

“Me datë 16.04.2024, në ora 03:30 në Kriva Pallankë, zyrtarë policorë nga Kriva Pallanka kanë privuar nga liria E.Z (26) nga Kumanova. Ai dyshohet se pasi është arratisur nga burgu, ka marrë sende dhe para nga një objekt shitës në Kriva Pallankë”, thonë nga MPB.

The post Arrestohet një 26-vjeçar nga Kumanova, ishte arratisur nga burgu appeared first on Albeu.com.

Fantazisti i ka dërguar Leartit një fanellë të tij të Napolit, ndërsa nuk ka nguruar edhe ta përshëndesë përmes një video mesazhi.

Klas edhe në sjellje nga Elmas, që në terren shkëlqen dhe ishte edhe protagonist me gol në barazimin 1:1 të Maqedonisë së Veriut në miqësoren me Slloveninë.

The post Elif Elmas gëzon me fanellë tifozin nga Kumanova (VIDEO) appeared first on Albeu.com.