Në pranga ka rënë i riu i identifikuar si Jeton Kacoli. Në bashkëpunim me disa persona të tjerë, 28 vjeçari ka kultivuar bimë narkotike, të cilat u asgjësuan nga policia e Shkodrës në gusht të këtij viti.

Numri i të arrestuarve në kuadër të këtij operacioni, ka shkuar në 5 persona pasi 4 të tjerë kanë rënë në prangat e policisë javë më parë.

Policia vijon punën për kapjen e personave të tjerë, që akuzohen si pjesë e grupit që kultivoi bimët narkotike.

The post Arrestohet 28 vjeçari i shpallur në kërkim për kultivimin e mbi 10 mijë bimëve narkotike në Kir dhe Pult të Shkodrës appeared first on Albeu.com.

2 shtetasit e arrestuar, dyshohet se janë edhe autorë të kultivimit të rreth 320 bimëve narkotike, të gjetura gjatë kontrolleve të ushtruara nga Policia, 3 javët e fundit, në fshatin Kroi i Madh.

Në kuadër të operacionit policor të koduar “Kroi i Madh” u vunë në pranga shtetasit Ndriçim Kani, 43 vjeç dhe Bujar Kani, 22 vjeç (babë e bir), të dy banues në fshatin Kroi i Madh, Krujë.

“Këta 2 shtetas kishin përshtatur një ambient në afërsi të banesës së tyre, në fshatin Kroi i Madh, për përpunimin (tharjen) e bimëve narkotike. Gjatë kontrollit në këtë ambient, shërbimet e Policisë gjetën rreth 11 kg lëndë të dyshuar narkotike kanabis dhe disa bimë në proces tharje, të cilat u sekuestruan në cilësinë e provës materiale, bashkë me 2 celularë”, bën me dije policia.

Nga verifikimet e kryera dyshohet se 2 të arrestuarit janë autorë edhe të kultivimit të rreth 320 bimëve narkotike, të gjetura gjatë kontrolleve të ushtruara nga Policia, gjatë 3 javëve të fundit, në fshatin Kroi i Madh.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./Albeu.com/ 

The post VIDEO/ Iu gjetën 11 kg kanabis në proces tharje pranë banesës, arrestohen babë e bir në Krujë appeared first on Albeu.com.

Karaj është arrestuar në Qerret, pasi është dënuar për kultivimin e bimëve narkotike.

36-vjeçari është dënuar me 4 vite burg në vitin 2022.

Njoftimi i policise:

Kavajë/Finalizohet operacioni policor i koduar “Qerreti”, për lokalizimin dhe vënien në pranga të një shtetasi të dënuar për kultivim të bimëve narkotike.
36-vjeçari i dënuar me 4 vjet burgim, pasi kultivoi bimë narkotike, në vitin 2020, në fshatin Stan i Ri.

Shërbimet e Komisariatit të Policisë Kavajë, në vijim të punës për lokalizimin, kapjen dhe nxjerrjen përpara përgjegjësisë penale të personave të shpallur në kërkim, bazuar dhe në informacionet e marra në rrugë operative, për vendndodhjen e një shtetasi të kërkuar, pasi ishte i dënuar për kultivim të bimëve narkotike, organizuan dhe finalizuan operacionin policor të koduar “Qerreti”.

Si rezultat i këtij operacioni, u bë kapja në Qerret, dhe arrestimi i shtetasit:

– Agim Karaj, 36 vjeç, banues në fshatin Stan i Ri.

Ky shtetas ishte shpallur në kërkim, pasi Gjykata e Rrethit Gjyqësor Kavajë e ka dënuar me 4 vjet burgim, për veprën penale “Kultivimi i bimëve narkotike”. Në shtator të vitit 2020, 36-vjeçari kultivoi bimë narkotike kanabis, në fshatin Stan i Ri.

Materialet i kaluan Prokurorisë pranë Gjykatës së Rrethit Gjyqësor Kavajë, për veprime të mëtejshme./albeu.com

The post EMRI/ I dënuar me 4 vite burg, vihet në pranga 36-vjeçari nga Kavaja i shpallur në kërkim appeared first on Albeu.com.

Në afërsi të banesës së shtetasit B.N janë gjetur të kultivuar 60 fidanë të dyshiar narkotike canabis sativa.

Gjithashtu gjatë kontrollit në banesën e tij janë gjetur dhe sekuestruar një sasi lënde e dyshuar narkotike cannabis sativa dhe një sasi municioni luftarak.

Njoftimi i policisë:

Gjirokastër

Vijon kontrolli masiv i territorit, për parandalimin, evidentimin dhe goditjen e tentativave për kultivim të bimëve narkotike.

Në kuadër të operacionit për kontrollin e territorit është evidentuar dhe goditur një rast i tentativës për kultivim të bimëve narkotike.

Finalizohet me sukses operacioni policor i koduar “Zenelaj”.

Gjenden dhe sekuestrohen fidanë të dyshuar narkotikë cannabis sativa, një sasi lënde e dyshuar narkotike cannabis sativa dhe municion luftarak.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Gjirokastër, në bashkëpunim me strukturat e DVP Gjirokastër, në kuadër të kontrollit të imtësishëm të territorit, bazuar dhe në informacionet e siguruara në rrugë policore, finalizuan me sukses operacionin policor të koduar “Zenelaj”.

Si rezultat i operacionit u arrestua në flagrancë shtetasi B. N., 63 vjeç, banues në fshatin Zenelaj, Gjirokastër.

Arrestimi i këtij shtetasi u bë pasi nga kontrolli i ushtruar në fshatin Zenelaj, Gjirokastër, në afërsi të banesës së shtetasit B. N., janë gjetur të kultivuar 16 fidanë të dyshuar narkotikë cannabis sativa.

Gjithashtu, gjatë kontrollit në banesën e këtij shtetasi u gjetën dhe u sekuestruan në cilësinë e provës materiale një sasi lënde e dyshuar narkotike cannabis sativa dhe një sasi municioni luftarak.

Materialet në ngarkim të shtetasit B. N. i kaluan Prokurorisë pranë Gjykatës së Shkallës së Parë Gjirokastër, për veprat penale “Kultivimi i bimëve narkotike”, “Prodhimi dhe shitja e narkotikëve” dhe “Mbajtja pa leje e armëve, armëve shpërthyese dhe municionit”.

The post Drogë dhe monicione luftarake, vihet në pranga 63-vjeçari në Gjirokastër appeared first on Albeu.com.