Gjatë natës dhe në orët e para të mëngjesit, reshjet e dëborës janë regjistruar në aksin Kukës–Shishtavec, ku kompania kontraktore ka ndërhyrë menjëherë me mjete borëpastruese dhe punëtorë për të mbajtur të kalueshëm segmentin rrugor.

Ndërhyrjet janë përqendruar veçanërisht në pjesën nga Ura e Shtrezës deri në doganën e Shishtavecit, ku ka edhe prani të dëborës dhe mjegullës së dendur.

Sipas të dhënave nga terreni, intensiteti i reshjeve të dëborës në lartësitë mbi 700 metra mbi nivelin e detit është në rënie.

I gjithë qarku i Kukësit është përfshirë nga mot i paqëndrueshëm, i shoqëruar me reshje shiu në zonat e ulëta dhe reshje dëbore në zonat e larta malore. Kushtet atmosferike janë shoqëruar edhe me erëra të forta.

The post Stuhi dhe reshje dëbore, moti i keq godet Kukësin/ Zbardhet malësia, si paraqitet situata në “Rrugën e Kombit” (VIDEO) appeared first on Albeu.com.

Zonat më të prekura nga bora në Kukës ngelen fshatrat Shkinak, Tërshen, Turaj, Xhafere, Kollovoz, Stanet e Novesojt e Arrën, ku lëvizja në këtë zona bëhet vetëm me mjete të larta, pasi trashësia e borës i kalon 40 cm.

Në Bashkinë Has janë fshatrat si Kishaj, Cahan, Muje e Pogaj që kanë probleme me lëvizjen për shkak të borës.

Një numër i madh banorësh, vijojnë të vuajnë mungesën e energjisë elektrike pas dëmtimit të linjave nga stuhia e borës.

Aktualisht, Njësitë Administrative Topojan, Shishtavec, Zapod, Surroj e Kolsh në Kukës, janë pa furnizim me energji.

Akset rrugore nacionale janë të qarkullueshme, vende vende ka prezencë të akullit, si në lartësitë e qafave të maleve dhe është e nevojshme që drejtuesit e mjeteve të kenë goma dimërore ose zinxhirë.

The post Dëbora zbardh Kukësin/ Probleme me qarkullimin në zonat e thella, disa fshatra pa energji elektrike appeared first on Albeu.com.

Takimi pritet të luhet në stadiumin e ri të Kukësit dhe dy ekipet janë fokusuar te përgatitja e kësaj sfide. Trajneri i Kukësit, Diego Longo ka reaguar me një postim në rrjetet sociale, aty ku ironizon kundërshtarët e Dinamos.

Ekipi verilindor po stërvitet në kompleksin “Football Republic”, aty ku kanë qenë të pranishëm edhe pjesëtarë të stafit teknik dhe zyrtarë të Dinamos.

“Për mua është një kënaqësi e madhe që gjithë stafi teknik dhe drejtues i Dinamos ndjek seancat tona stërvitore. Natyrisht që fakti që do të jemi kundërshtarë pas disa ditësh është rastësi e pastër.

Shpresoj të vazhdoj të jem një burim frymëzimi për të tjerët. Në këtë pikë, do të ishte mungesë edukate të mos bëja të njëjtën gjë, kështu që do ua kthej vizitën dhe do i ndjek me vëmendje stërvitjet e tyre”, deklaroi trajneri italian i Kukësit.

The post Rivalët “spiunojnë” Kukësin, Longo ironizon: Kënaqësi e madhe, do ua kthej pas vizitën appeared first on Albeu.com.

“Laçi-Tirana nuk ishte ndonjë ndeshje kushedi, më tepër e luftuar në mesin e fushës. Të dy skuadrat ishsin jashtëzakonisht të kujdesshme. Tirana ka bërë një ndeshje të mirë, e pranoi edhe vetë trajneri. Laçi ishte i vendosur mirë në fushë, ishte grintoz, kërkoi të shfrytëzonte dhe ishte një moment, një ndeshje që ishte një episod që ndryshonte gjithçka.

Tirana nuk është e frikshme, por është racionale. Por jo që është e pathyeshme, është skuadër pa stabilitet sa i përket rezultateve, këtë e kemi parë që në fillim. Ishte një fillim i keq, filloi të reagojë, pastaj përsëri keq, reagoi, përsëri gabon sot. Them se është me meritë në vendin e parë por ka probleme dhe dy ndeshjet që ka në vazhdim me Teutën dhe Partizanin sigurisht janë provë force për të treguar që Tirana e meriton vendin e parë. Ajo që theksoj është që është skuadër me shumë oshilacione.

Dy sfidat e fundit mund të ndryshojnë gjërat. Janë përballje shumë të forta këtë javë, por do flasim javë pas jave. Janë dy javë të cilat do të japin një pasqyrim më të qartë për vazhdimësinë, si në fund të klasifikimit, ashtu edhe lart.

E para, Tirana kishte kundërshtar të fortë sot, një skuadër pretendente për titullin vitin e kaluar, ndërsa Tirana nuk ishte. Shkonte pas një periudhe të mirë të Laçit me fitore radhazi me skuadra të mira. Ndeshja po shkonte drejt barazimit, jo se i bënte punë të madhe Tiranës. Por ndeshje të tilla një episod i vendos. Laçi është tani normalisht me këtë fitore patjetër në rrjedhën e vitit të kaluar, pra si pretendent për pjesën e sipërme të klasifikimit, por do të shohim në vazhdimësi.

Forma e Laçit? Kemi punuar shumë gjatë verës, ndërtuam skuadrën në kohë rekord të tregonte veten në Europë. Do të vinte këtu se ishte skuadra më në formë gjatë Europës. Por gabimet e një trajneri amator e çoi në fund të klasifikimit Laçin dhe për fat që u bë ky zëvendësim se do të shkonin punët keq e më keq.

Tirana, Partizani apo Vllaznia janë skuadra me presion, e kanë jashtëzakonisht të madh sepse edhe investimet janë më të mëdha. Tifozerinë e kanë më të madhe, një rezultat negativ transmetohet më shumë te këto skuadra, stafi, futbollistët. Janë dy ndeshje vendimtare për Tiranën, presioni është shumë i lartë. Në ndeshjet e radhës ka Teutën e derbin që dihet rëndësia. Tirana e meriton vendin e parë se ka bërë kampionat më të mirë, është me meritë aty. Por të shohim se puna e futbollit ndryshon nga java në javë e nga dita në ditë, është i paparashikueshëm.

Fitorja në derbi? Është rezultat shumë i rëndësishëm për momentin që kishte Partizani, por të shohim reagimin me Kukësin e Tiranën. Ka qenë një ndeshje e mirë, e zhvilluar nga Partizani e Dinamo. Ka qenë me veprime të mira, ndeshje që mund ta fitonte edhe Dinamo nëse do të shënonte e para, sikurse mund ta fitonte Partizani. Ishte ndeshje që kush shënonte i pari do ta fitonte. Kam mendimin që Dinamo është futur në krizë, e përsëris një skuadër me lojtarë mjaft cilësorë. Janë rezultatet që gjykojnë, por si lojtarë janë cilësore, nuk funksionojnë si skuadër. Një element që e kam thënë gjithmonë. Është një skuadër ku të gjithë duan të luajnë topin, kur humbin topin nuk ka luftë, rikuperime, pozicionime, ka gabime të jashtëzakonshme individuale. Në ndeshjet e fundit ishte gabim i portierit, përsëri kësaj herë ishte gabim individual i mbrojtësve të Dinamos, jo aksion i Partizanit. Dinamo është skuadër që luajnë të gjithë agallarë, luajnë vetëm kur kanë topin por futbolli sot është i rëndësishëm kur skuadra nuk ka topin. Nuk ka agresivitet, gabime në aspektin difensiv.

E kanë të vështirë me Vllazninë, kjo nuk ishte ndeshje e keqe për Dinamon, ishte e mirë, mund ta fitonte. Fati i keq që nuk e fitoi, fati i mirë për Partizanin. Nëse fiton dy të fundit patjetër mund të ketë ndryshime. Më vjen keq se Shkëmbi ka punuar shumë dhe është profesionist i mirë, por shoh lojtarë që nuk i përgjigjen në lojë. Trajneri mund të ketë marrëdhënie të mira me lojtarët, por shoh lojtarë shumë akademikë. Shpresoj dhe kam dëshirë që të fitojë këto dy ndeshje e të vazhdojë punën e nisur në verë. Nuk dua të hyj te largimet se secili trajner e di më mirë situatën e brendshme dhe ai do të marrë një vendim në momentin e duhur, ai ose presidenti. Unë jam trajner vete, e ndjej vetë, ka pasur raste kur jam larguar edhe kur drejtuesit thoshin “do të rrish”.

Të gjithë kanë ulje-ngritje, Tirana është në vendin e parë dhe ka patur ulje-ngritje. Kurse Partizani ka pasur kundër rezultatet e fazës së parë. Ka përmirësim por nuk duhet të gabojë, se nëse gabon do të jetë situatë e rrezikshme në vazhdimësi, pasi objektivat e Partizanit gjithmonë janë madhorë. Ka dy ndeshje shumë vendimtare që mund t’i fitojë e atëherë them se mund të futet shumë mirë. Nëse fiton dy ndeshjet mund të futet në garë. Laçi, Partizani dhe Teuta janë tre skuadrat që luftuan për titull deri në fund. Nëse futen me tre skuadrat e para, kampionati do të bëhet akoma më interesant dhe rivalizues, tha ndër të tjera Duro.

The post Dinamo është ekip me agallarë, Partizanin ta shohim me Kukësin e Tiranën appeared first on Albeu.com.

Ish-sulmuesi kroat, ndër më të mirët në vitet e fundit në kampionatin shqiptar, tregon për “TCh” se si lindi kjo ide.

“Para 10 ditësh isha këtu dhe u takova me Safetin, më pas ika në Kroaci dhe erdha pashë finalen e Kupës mes Vllaznisë dhe Skënderbeut. Ndenja dy orë me presidentin e Kukësit dhe ai më kërkoi që të ndihmoj skuadrën”.

Pejic ka luajtur me disa skuadra në Shqipëri. Ai tregon se marrëdhënia e tij me Kukësin është e veçantë.

“Unë me Safetin jemi si familjarë, prandaj pranova dhe erdha këtu për të ndihmuar skuadrën që të kthehet në vendin e parë”.

Këto ditë pritet vetëm zyrtarizimi i tij dhe plani është që skuadra të futet në merkato në këtë muaj për të filluar në korrik fazën përgatitore të plotë. Po cili do të jetë roli i Pejicit?

“Kam dashur ta ndihmoj ekipin si menaxher. Vitin e fundit kam ndjekur çdo ditë seancat stërvitore të Dinamos së Zagrebit dhe kam mësuar shumë e kam krijuar përvojë, por nuk jam ende gati për trajner”.

Megjithatë, Pejic ka qenë ndër të fundit sulmues te Kukësi që në sezonin 2014-2015 ka shënuar 31 gola dhe në sezonin 2016-2017 realizoi 28 gola.

Një profil i tillë mungon prej vitesh në Superiore.

“Nëse do një sulmues të mirë që shënon 20-25 gola në sezon, duhet të paguash shumë”.

Po a i ka garantuar Gjici se e ka buxhetin financiar për ta ringritur skuadrën?

“Po, po ai më ka garantuar që do të shpenzojë para për këtë sezon dhe ato pasardhëse”, përfundoi Pejiç.

The post Pero Pejic sërish në Shqipëri: Erdha për të ndihmuar Kukësin të rikthehet në vendin e parë appeared first on Albeu.com.