FK Kukësi ka njoftuar krijimin e ekipit të dytë të klubit, FK Kukësi B, i cili do ta nisë aktivitetin në Kategorinë e Tretë. Lajmi është bërë publik nga verilindorët përmes faqes së tyre zyrtare.

Sipas klubit, kjo skuadër do të shërbejë si lidhje mes Akademisë dhe ekipit të parë. Lojtarët e rinj dhe talentet pjesë e klubit do të kenë mundësinë të fitojnë minutat e nevojshme, të zhvillojnë aftësitë e tyre dhe të përballen me një nivel konkurrues.

FK Kukësi e cilëson krijimin e ekipit B si një hap të rëndësishëm në projektin për rikthimin e klubit aty ku i takon.

Përmes këtij projekti synohet promovimi, përparimi dhe integrimi i futbollistëve të rinj, duke i përgatitur ata për të ardhmen e fanellës së Kukësit.

Klubi thekson se Kukësi B përfaqëson një investim për të ardhmen dhe një hap tjetër drejt ndërtimit të një ekipi të fortë, të qëndrueshëm dhe me identitet.

The post FK Kukësi krijon skuadrën B, projekti i ri synon zhvillimin e talenteve appeared first on Albeu.com.