Lojtari teksa festonte golin e shënuar në minutën e 16-të, u godit nga një shishe në fytyrë, dëmtim që e detyroi sulmuesin të linte fushën e lojës për t’iu drejtuar spitalit për të mjekuar plagën e marrë.

Një veprim të tillë e ka dënon edhe skuadra e Kukësit, e cila nëpërmjet një postimi në rrjetet sociale u ka kërkuar falje Partizanit dhe Carës për ngjarjen e ndodhur, ndërsa shprehet se janë të gatshëm të bashkëpunojnë me policinë për të gjetur autorin e këtij incidenti.

“FK Kukësi dënon ashpër ngjarjen e ndodhur sot në “Kukës Arena”, aty ku tifozët tonë goditën sulmuesin e Partizanit, Tedi Cara i cili pësoi dëmtim të konsiderueshëm në kokë. Klubi i Kukësit distancohet nga kjo ngjarje e turpshme e tifozerisë dhe i kërkon falje sulmuesit Cara dhe klubit të Partizanit e njëkohësisht i uron shërim të shpejtë lojtarit.

Futbolli është një sport për të bashkuar dhe në një qytet si Kukësi që karakteristikën kryesore ka mikëpritjen, sjellje të tilla nuk kanë hije.

Klubi i Kukësit i bën thirrje Policisë së Shtetit dhe autoriteteve kompetente duke iu ardhur në ndihmë me pamjet filmike të stadiumit që të japin dënimin sipas ligjeve për autorin e këtij incidenti”, ka shkruar klubi verilindorë.

The post Tifozët goditën me shishe sulmuesin e Partizanit, Kukësi kërkon ndjesë: Dënojmë të tilla ngjarje të turpshme appeared first on Albeu.com.

Partizani do të kalonte i pari në avantazh në “Kukës Arena”, ku Tedi Cara do të ndëshkonte Angel Tafas. Sulmuesi i demave shënoi nga goditja e dënimit një supergol në minutën e 16-të. Festa zgjati shumë pak, pasi autori i golit u godit nga tifozët me shishe në sy, lojtarin që u desh të dilte nga fusha e lojës, pasi e kishte të pamundur të vazhdonte pjesën tjetër të ndeshjes.

Kukësi bën shumë pak në pjesën e parë për të rikthyer baraspeshën, me ritmin e lojës që ra ndjeshëm. 45-minutat e para në “Kukës Arena” u mbyllën me avantazhin e miqve, teksa pjesë e dytë do të ishte një tablo tjetër.

Daci që nga tuneli do të gjente golin e barazimit. Një zbritje e shpejtë nga e majta, Daci futet në zonë dhe mposht portierin Rexhepi. Verilindorët marin zemër nga goli i shënuar, me lojtarët që krijojnë raste të tjera shënimi, por do të mungonte finalizimi.

Kukësi sheh më shumë drejt sulmit, por edhe Partizani zbret rrezikshëm sa herë që ka mundësinë, teksa në të 73-të do të vinte dhe goli i avantazhit për demat. Enea Bitri ndëshkon për herë të dytë Tafas. 1-2 për miqtë që provojnë të gjejnë edhe golin e sigurisë në “Kukës Arena”.

Kukësi në minutat e mbetura provon me gjithë forcat, por vendasit nuk do të mund të ndryshonin fatin e kësaj ndeshje duke marrë një tjetër humbje në këtë sezon, ndërsa vazhdojnë të renditet të fundit në tabelën e klasifikimit me vetëm 2 pikë në 5 ndeshje të luajtura deri më tani.

The post Ndryshimi i trajnerit nuk e ndryshon Kukësin, “Demat e Kuq” i mposhtin në shtëpi appeared first on Albeu.com.

Në fushë pak para ndeshjes ka zbritur edhe djali i kryeministrit Edi Rama, Zaho duke shkelmuar topin.

Ndërkohë, në tribunë ndodhet Edi Rama dhe presidenti i FSHF Armando Duka.

The post Zaho shkelmon topin e parë në Kukës Arena (VIDEO) appeared first on Albeu.com.

 

 

Në stadiumin e ri mbërrin për këtë inaugurim edhe kryeministri shqiptar, Edi Rama, i shoqëruar edhe nga djali i tij, Zaho.

Ora 19:16: Mbërrin edhe presidenti i FSHF-së, Armand Duka, bashkë me atë të FFK-së, Agim Ademi.

Ora 19:15: Kryetari i bashkisë së Kukësit dhe njëkohësisht presidenti i nderit i skuadrës, Safet Gjici, mbërrin në stadium bashkë me Ministren e Arsimit dhe Sportit, Evis Kushi.

Ora 19:00 Një atmosferë e krijuar me këngë e me valle në inaugurimin e “Kukës Arena”, ku trupa e kërcimit dhuron emocione. Gjithashtu dhe nën ritmin e violinës, ku performanca e artistëve e kthen në një festë të madhe këtë ditë për të gjithë të pranishmit në stadium.

Ora 18: 13 Në klub i kanë dhënë dorën përgatitjeve të fundit dhe tani po bëhen gati për festën dhe ceremoninë që do t’i paraprijë sfidës me Laçin, për ta bërë ditën e sotme sa më të paharrueshme edhe për tifozët të cilët pritet të mbushin shkallaret. /panoramasport/

The post Ceremonia e inaugurimit të “Kukës Arena”, kryeministri Rama mbërrin në stadiumin e ri (VIDEO) appeared first on Albeu.com.

Kukësi-Dinamo do të luhet në “Kukës Arena”, të mërkurën e 19 janarit, në orën 16:45. SuperSport mëson se Federata Shqiptare e Futbollit e ka shtyrë takimin e javës së 16-të për mesjavën e ardhshme pas kërkesës së Kukësit, që raportoi disa të prekur me Koronavirus. Merr fund pritja e verilindorëve, të cilët tashmë e kanë gati shtëpinë e re, të rikonstruktuar plotësisht dhe me kushtet që kërkon UEFA.

Tapeti i impiantit të ri të Kukësi është tashmë gati dhe është ndezur drita jeshile se nga java e ardhshme do të mund të përballojë pas asnjë problem ndeshjet zyrtare të Abissnet Superiores.  Prej më shumë se dy vitesh Kukësi nuk ka luajtur një ndeshje zyrtare në shtëpinë tij, për shkak se stadiumi po ndërtohej nga e para, çka e ka penalizuar jo pak ekipin verior.

Sfida me Dinamos ishte menduar të luhej në “Elbasan Arena”, megjithatë shtyrja prej katër ditësh i ka dhënë kohën e mjaftueshme tapetit të “Kukës Arena” që të jetë gati e për të mbyllur plotësisht dhe rikonstruksionin e impianit më të ri në vend.

Kukësi ka grumbulluar 28 pikë pas 15 javësh, duke u pozicionuar në vendin e dytë të Abissnet Superiores, 5 pikë larg Tiranës kryesuese. Verilindorët besojnë se “Kukës Arena” mund të jetë faktor i rëndësishëm për ta në garën për titull, teksa do të provojnë që në gjysmën e mbetur të edicionit të arrijnë fitojnë titullin e dytë kampion në histori.

The post Merr fund pritja për Kukësin, ndaj Dinamos luhet në “Kukës Arena” appeared first on Albeu.com.