Të vdekur kanë mbetur Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Myzerim Zeneli vetëm 20 vjeç mbeten të vdekur, ndërkohë që vëllai i Kujtim Ferracakut, 54-vjeçari Hasan Ferracaku dhe një 17-vjeçari Elmilind Dyli, kanë marrë plagë në trup.

Si ndodhi ngjarja:

Burimet bëjnë me dije se fillesa e kësaj ngjarje të rëndë, të konsideruar si masakrë, ka nisur për një sher për shezlonga, i cili ka ndodhur mesditën e djeshme.

Pas këtij konflikti, familja Ferracaku, pronarë të hotelit “Fantazia” kanë shkuar në orët e mesnatës për t’u sqaruar me familjen “Gocaj”, pronarë të hotelit Gocaj.

Bizneset e tyre ndodheshin vetëm 50 metra larg njëri-tjetrit.

Pavarësisht se palët u nisën për sqarim, dy pronarët e hoteleve janë konfliktuar me njëri-tjetrin dhe debati ka degjeneneruar me përdorimin e armëve duke shkaktuar 4 të vdekur dhe tronditur zonën që tashmë është përplot me turistë. /albeu.com/

The post DETAJET/ U zunë për shezlongët e shkuan në mesnatë për sqarim, si ndodhi kasaphana me 4 viktima në Velipojë appeared first on Albeu.com.

Personi që shihni në foto është Kujtim Ferracaku, një nga të vrarët e masakrës së Velipojës.

Ai është babai i Arjan Ferracakut, biznesmen i cili u vra me armë zjarri në vitin 2018.

Siç duket edhe nga vendosja e shiritit të zi, ai ende mbante zi për humbjen e të birit.

Drejtori i Policisë së Shkodrës Niko Brahimaj dha një prononcim për mediat mbi vrasjen e katërfishtë. Niko Brahimaj deklaroi se në këtë konflikt janë përdorur më shumë se një armë, ndërsa policia ka sekuestruar një pistoletë si provë materiale. Ai shtoi se janë sekuestruar një numër kamerash nga vendngjarja, por kushtet e pamjeve kanë qenë të kufizuara për shkak të errësirës.

“Rreth orës 00:30 ka ndodhur një ngjarje tepër e rëndë kriminale para hotel Gocaj. Për shkak të një konflikti me armë të çastit për motive të dobëta, për shkak të ndarjes së pronësisë mbi sipërfaqet me rërë ku vendosen shezlongët, kanë gjetur vdekjen Kujtim Ferracaku, Xhovano Gocaj, Edmond Gocaj dhe Myzerim Zeneli. Është përdorur më shumë se 1 armë. Kemi bërë sekuestrimin e kamerave të sigurisë. Do të ketë persona të arrestuar dhe të shpallur në kërkim”.

Drejtori i Policisë bën me dije se të plagosur kanë mbetur shtetasit Hasan Ferracaku dhe Elmedin Dyli. Në vendngjarje kanë shkuar Drejtori i Përgjithshëm i Policisë Ardi Veliu, drejtori i Departamentit të Policisë Kriminale Tonin Vocaj, si dhe grupi hetimor me specialistët e drejtorisë së Policisë Shkodër. /albeu.com/

The post Ende mbante zi! Biznesmeni që u ekzekutua për sheslonga në Velipojë, i vranë djalin 3 vite më parë appeared first on Albeu.com.