Flavonolet janë një lloj flavonoidesh, një grup substancash natyrale që gjenden në fruta, perime, bishtajore, çaj dhe verë. Në një studim me 961 persona me një moshë mesatare 81 vjeç, subjektet plotësuan pyetësorë rreth dietës së tyre dhe bënë teste të kujtesës. Më pas janë ndjekur për një periudhë 7-vjeçare.

U arrit në përfundimin se rezultatet e testeve njohëse të atyre që konsumuan më shumë flavonole u përkeqësuan më ngadalë me kalimin e viteve në krahasim me subjektet e tjera. Sipas studiuesve, kjo ka të ngjarë për shkak të vetive antioksiduese dhe anti-inflamatore të flavonolit.

Studiuesit veçuan gjithashtu ushqimet më të mira, të cilat janë lakra jeshile, fasulet, çaji, spinaqi, brokoli, domatet, mollët, vera, portokalli, dardha dhe vaji i ullirit.

The post Çaji dhe vera parandalojnë humbjen e kujtesës në pleqëri appeared first on Albeu.com.

Më poshtë lexoni arsyet pse ne nuk i mbajmë mend ëndrrat tona, nga stresi deri te zgjimi i shpejtë.

Stresi

Hulumtimet kanë treguar se stresi jo vetëm që prish dhe shkurton fazën e gjumit REM, por gjithashtu rrit numrin e zgjimeve gjatë natës. Të dyja mund ta bëjnë të vështirë për ju të mbani mend atë që keni ëndërruar.

Të ushqyerit

Është e rëndësishme të shmangni ushqimet që shqetësojnë gjumin, si ushqimet e yndyrshme dhe të skuqura, ushqimet pikante, agrumet, por pijet e gazuara.

Trauma

Trauma është e ngjashme me stresin, por shumë më intensive. Mund të çojë lehtësisht në pagjumësi, por edhe në shtypjen e plotë të kujtimit të ëndrrave në një përpjekje për të harruar makthet e dhimbshme sa më shpejt të jetë e mundur.

Stimuluesit

Rekomandohet të shmangni kafeinën, nikotinën, alkoolin dhe marihuanën përpara se të shkoni në shtrat, sepse të gjitha ato shqetësojnë gjumin. Edhe pse duket se, për shembull, alkooli kontribuon për të fjetur më shpejt, ai në fakt e prish gjumin në gjysmën e dytë të natës kur alkooli tretet.

Ilaçe të caktuara

Sipas ekspertit të gjumit dhe profesorit të NYU, Girardin Jean-Louis, “disa medikamente mund të ndikojnë në ciklin e gjumit REM ose të shkaktojnë ankthe”.

Çrregullime të gjumit

Gjithçka nga pagjumësia tek apnea e gjumit dhe narkolepsia mund të ndikojë negativisht në ciklin e gjumit REM.

Zgjimi shumë shpejt

Sipas psikologut dhe ekspertit të ëndrrave Rubin Najman, zgjimi shumë shpejt mund t’ju bëjë të harroni atë që keni ëndërruar. Ai thotë se periudha e një lloj marramendjeje, gjendja hibride e jashtëzakonshme në të cilën zgjoheni nga gjumi, është e shkëlqyer për të kujtuar atë që keni ëndërruar.

Duke mos i kushtuar vëmendje

Autori dhe eksperti i ëndrrave të kthjellëta Robert Wagoner përmendi një herë se disa njerëz thjesht janë më të interesuar për ëndrrat e tyre se të tjerët. Dhe, nëse diçka nuk ju intereson, as nuk do t’i kushtoni vëmendje, shkruan Mind Body Green.

The post Pse shpesh nuk mund të kujtojmë se çfarë kemi parë në ëndërr? appeared first on Albeu.com.

Mund të themi që ky është një problem i zakonshëm dhe të rrallë janë njerëzit që memorizojnë emrat që në moment të parë.

Që të mos i bëjmë ata të ndihen keq dhe që ne të mos turpërohemi, u drejtohemi me fraza të tilla si “shoqe”, “e dashur”, etj.

Ron White vëren se në fakt nuk është problemi ynë i kujtesës, por e gjitha ka të bëjë me fokusin.

“Kur takoni njerëz ju mendoni nëse e keni takuar më parë, nëse dukeni mirë apo mos bëni ndonjë gafë. Ndërkohë që ju mendoni këto gjëra, personi përballë mund t’jua ketë treguar emrin dhe ju mos ta keni dëgjuar apo kushtuar rëndësi.

Ajo që këshillohet është të përpiqeni të ndaloni së menduari pyetje të tilla dhe thjesht të përqendroheni te emri. Praktikojeni dhe do të na kujtoni./albeu.com

The post Mbani mend fytyrat, por harroni emrat? Ekspertët kanë zgjidhjen appeared first on Albeu.com.