Trashëgimia e kësaj metode vazhdon edhe sot, me efekte të konfirmuara të cilat arrijnë deri në veprim anti-bakterial prej përzierjes së vajrave vegjetalë dhe esencialë.

Tek të parët hyjnë: vaji i arganit, i ullirit, i kastorit, bajames dhe farave. Ndërsa tek esencialët sugjerohen: vaji i rosmarinës, i mentes, livandos dhe i pemës së çajit. Por, është shumë e rëndësishme që çdo vaj që do përdorni të ketë përpunim dhe të jetë për kozmetikë, përndryshe dëmet mund të bëhen të pariparueshme.

A është vërtet i mirë aplikimi i vajit në flokë?

Trikologjistia Silvia Cecchinato thekson për Cosmoplitan.it se nëse nis të përdorësh vajra, askush nuk duhet të presë të shohë mrekulli si ato që reklamohen online.

“Flokët rriten nëse ka një predispozitë gjenetike për të ndodhur dhe nëse nuk ka probleme me folikualt. Vaji ndihmon në rigjenerim dhe rënien e flokëve, por edhe në këtë pikë, studimet që janë bërë nuk janë plotësisht të qarta”, thotë Silvia.

“Aplikimi i vajit në flokë nuk është një praktikë që duhet ndjekur nga të gjithë”, shpjegon më tej ajo.

“Në fakt, përzierja e vajrave në mënyrë të gabuar mund të irritojë lëkurën. Megjithatë, kur vendos ta aplikosh, duhet vetëm 1 herë në javë, nuk duhet mbajtur më shumë se 4 orë dhe aplikimi duhet bërë në flokë të thatë para larjes”, këshillon Cecchinato.

The post A është vërtet i mirë aplikimi i vajit në flokë? appeared first on Albeu.com.

1. Pirja e duhanit
Pirja e duhanit nuk dëmton vetëm bronket, por konsiderohet edhe si armiku numër 1 i flokëve të shëndetshëm. Ai rrit sasinë e toksinave në qarkulllim, duke pasur në këtë mënyrë një ndikim negativ në flokë dhe lëkurë.

2.Stresi
Stresi ndikon në shëndetin tonë emocional dhe shkakton, në afat të gjatë, çekuilibër në sferën psikologjike dhe fizike. Një nga pasojat është dobësimi i flokëve. Njerëzit e stresuar mund të pësojnë rënie të madhe të flokëve, zbokth ose thinja të parakohshme.

3.Lidhni flokët kur janë të lagur
Zakoni i lidhjes së flokëve kur janë të lagura mund të praktikohet shpesh edhe për të krijuar stile flokësh të ndryshme, por është shumë e gabuar. Edhe pse duket si e padëmshme, me kohën mund të shkaktojë probleme të tilla si zbokth, këputje të flokëve etj.

4. Lani flokët me ujë të ngrohtë
Jo të gjithë mund ta tolerojnë ujin e ftohtë kur lahen me shampo dhe në dimër është e pashmangshme përdorimi i ujit të nxehtë. Megjithatë, nëse bëhet zakon i rregullt, ju filloni të vini re dëmet. Temperatura e ujit të nxehtë hap poret e lëkurës së kokës, duke kërcënuar shëndetin e folikulave. Me kalimin e kohës, ai ndryshon prodhimin natyral të sebumit dhe në të njëjtën kohë, prodhon thatësi.

5.Ekspozimi i gjatë në diell
Ashtu si lëkura, edhe flokët duhet të mbrohen nga efektet e diellit. Dëmi mund të mos jetë i dukshëm menjëherë, por rrezet UV mund të ndryshojnë pamjen dhe shpejtësinë me të cilën rriten flokët.

6.Tharëse dhe stilues flokësh
Nuk mund të mohohet se tharëset e nxehta të flokëve dhe stiluesit si pjastera ose masha ndihmojnë në arritjen e modeleve perfekte të flokëve. Megjithatë, përdorimi i tepërt mbetet ndër shkaqet kryesore të përkeqësimit të shëndetit të tyre. Ato dëmtojnë kutikulat që mbrojnë flokët, duke ndryshuar strukturën e tyre.

7.Lyerja e flokëve
Zbardhja e flokëve është një proces kimik agresiv ndaj nuk këshillohet të bëhet shpesh dhe në rastet që vendosni për t’i trajtuar, është mirë t’ja besoni atë duarve të një profesionisti.

8. Kruarja e kokës
Për një arsye ose një tjetër, disa njerëz e kanë zakon të kruajnë kokën me forcë, pothuajse pa e kuptuar. Ndonjëherë fajtori është stresi, në raste të tjera kruajtja lidhet me ndryshimet në pH. Kërvishtja e tepërt e kokës dëmton shëndetin e qelizave të gjalla të pranishme në rrënjën e flokëve. Nëse shkaku është kruarja, zbokthi ose një sëmundje e lëkurës, konsultohuni me një dermatolog sa më shpejt të jetë e mundur.

The post Hiqni dorë nga këto 8 zakone të përditshme dhe floku juaj do të jetë i mahnitshëm appeared first on Albeu.com.

Sipas ekspertëve, ja disa gjëra që duhet të bëni për të shpëtuar nga flokët e yndyrshëm.

#1 Përdorni shampon e duhur

Shampo e duhur është thelbësore për flokët e yndyrshëm. Ekspertët sugjerojnë produkte që kanë në etiketat e tyre përbërës si acidi salicilik apo uthullën e mollës, të cilat ndihmojnë në kontrollin e sebumit të tepërt dhe pastrojnë lëkurën e kokës.

#2 Krijoni rutinën tuaj të larjes

Disa lloje flokësh mund të lahen çdo ditë, e të tjerë jo. Sipas ekspertëve, larja e flokëve çdo ditë mund të heqë vajrat natyralë dhe të sinjalizojë skalpin që të fillojë të prodhojë vaj në zonë, gjë që mund të çojë në kruajtje dhe acarim të lëkurës së kokës.

#3 Përdorni shampo të thatë

Për një rregullim të përkohshëm, shampoja e thatë është një opsion i shkëlqyeshëm. Kjo shampo mund të jetë një mënyrë e shpejtë për të thithur vajin dhe për të freskuar flokët ndërmjet larjeve.

#4 Furça e thatë

Vajrat tanë natyrorë të flokëve nuk arrijnë gjithmonë te skajet, kështu që rrënjët dhe boshti i mesit bëhen shumë të yndyrshëm dhe skajet shumë të thata dhe të brishta. Furça e thatë mund të shtyjë vajrat natyralë nga rrënjët në skajet e flokëve, gjë që i lejon ata të bëhen më të shëndetshëm.

#5 Zbatoni një rutinë të kujdesit për kokën

Shpenzoni kohë duke masazhuar kokën tuaj, pasi kjo mund të rrisë qarkullimin e gjakut, duke ndikuar në të pasurit e një skalpi të shëndetshëm.

#6 Shmangni prekjen e tepërt të flokëve

Prekja e vazhdueshme e flokëve mund t’i bëjë ato të yndyrshme më shpejt. Duart kanë papastërti, vaj, të cilat mund të transferohen lehtësisht në flokët tuaj.

The post Këshilla për të shpëtuar nga flokët me yndyrë appeared first on Albeu.com.