Ministria e Infrastrukturës dhe Transportit ka bërë të ditur se nesër në autoudhë do të vendoset kufizim i përkohshëm për automjetet që transportojnë mallra dhe kanë masë totale mbi 20 tonë.

Vendimi do të hyjë në fuqi nga ora 11:00 deri në 17:30, për shkak të temperaturave të larta që parashikohet të arrijnë në 32 gradë Celsius ose më shumë.

Automjetet e kësaj kategorie do të mund të lëvizin pa pengesa në rrugët nacionale, rajonale dhe ato lidhëse.

Kufizimi nuk përfshin mjetet e rendit dhe sigurisë publike, shërbimet emergjente dhe automjetet që u përkasin institucioneve shëndetësore.

Operatorëve ekonomikë dhe drejtuesve të automjeteve, ministria u ka kërkuar të respektojnë masën dhe të organizojnë lëvizjet e tyre sipas orarit të përcaktuar.

The post Nesër ndalohet përkohësisht lëvizja e kamionëve mbi 20 tonë në autoudhë appeared first on Albeu.com.