Ministria e Infrastrukturës dhe Transportit ka informuar qytetarët dhe operatorët ekonomikë se gjatë ditës së sotme do të vendoset një kufizim i përkohshëm për automjetet që transportojnë mallra dhe kanë masë të përgjithshme mbi 20 tonë.

Sipas parashikimit zyrtar të motit, masa do të zbatohet në autoudhë nga ora 11:00 deri në 17:30, për shkak se temperaturat pritet të arrijnë në 32°C ose më shumë.

Për automjetet e kësaj kategorie nuk do të ketë kufizime në rrugët nacionale, rajonale dhe lidhëse.

Nga ndalesa përjashtohen mjetet e organeve të rendit dhe sigurisë publike, të shërbimeve emergjente, si dhe ato të institucioneve shëndetësore.

Ministria u ka kërkuar drejtuesve të mjeteve dhe operatorëve ekonomikë që ta zbatojnë këtë kufizim dhe t’i organizojnë lëvizjet në përputhje me orarin e caktuar.

The post Sot ndalohet përkohësisht qarkullimi i kamionëve mbi 20 tonë në autoudhët e Kosovës appeared first on Albeu.com.

Konsumi i shtuar i kripës kontribuon në zhvillimin e hipertensionit. Njerëzit me presion të lartë të gjakut kanë një rrezik më të lartë të zhvillimit të sëmundjes koronare të zemrës dhe veçanërisht goditjes në tru, sesa ata me presion normal.

Megjithatë ekziston një mënyrë për të kontrolluar dhe për ta kufizuar sasinë e saj. E vetmja gjë që duhet të bëni është të përdorni sa më shumë erëza për të përmirësuar shijen e ushqimit. Mund ta zëvendësoni atë në një ose dy vakte dhe do të shihni një ndryshim të madh.

The post Si ta kufizoni përdorimin e kripës në ushqim me këtë truk të thjeshtë appeared first on Albeu.com.