Ministri i Punëve të Jashtme, Glauk Konjufca, njoftoi se ka zhvilluar një bisedë telefonike me ministrin kroat të Punëve të Jashtme dhe Evropiane, Gordan Grlić Radman, për shkak të pritjeve të gjata të qytetarëve të Kosovës dhe bashkatdhetarëve nga diaspora në pikat kufitare të Kroacisë.

Në një postim në Facebook, Konjufca bëri të ditur se homologut kroat i ka përcjellë shqetësimin për vështirësitë që po u krijohen udhëtarëve nga këto vonesa, sidomos në kulmin e sezonit veror.

Ai tha se Grlić Radman e ka informuar se çështja do të diskutohet me autoritetet përgjegjëse kroate, për të vlerësuar mundësitë e lehtësimit të qarkullimit dhe shkurtimit të kohës së pritjes.

“Sot zhvillova një bisedë telefonike me ministrin e Punëve të Jashtme dhe Evropiane të Republikës së Kroacisë, z. Gordan Grlić Radman, lidhur me pritjet e gjata që po përjetojnë qytetarët tanë dhe bashkatdhetarët nga diaspora në pikat kufitare kroate.

Gjatë bisedës shpreha shqetësimin për vështirësitë që këto pritje po u shkaktojnë qytetarëve tanë në kulmin e sezonit veror. Ministri Grlić Radman më bëri të ditur se këtë problem do ta adresojë me autoritetet kompetente të Kroacisë, në mënyrë që të shqyrtohen mundësitë për qarkullim më të lehtë dhe reduktim të kohës së pritjes”, ka shkruar Konjufca.

The post Kolonat në kufirin kroat, Konjufca bisedon me homologun e tij për lehtësimin e pritjeve appeared first on Albeu.com.

Qendra Kombëtare për Menaxhim Kufitar (QKMK) ka bërë të ditur se në orët e hershme të mëngjesit të së shtunës janë shkaktuar kolona të gjata në dalje nga Kosova në drejtim të Shqipërisë.

Sipas njoftimit zyrtar, pritjet kanë nisur nga ora 04:00 e tutje dhe lidhen me regjistrimin e hyrjes së qytetarëve nga pala shqiptare.

Në këto momente, vargu i automjeteve ka shkuar deri në afro 3.5 kilometra, ndërsa qytetarëve u është kërkuar që udhëtimin ta organizojnë duke pasur parasysh vonesat në kufi, shkruan “Bota sot”.

Për të marrë informata shtesë rreth gjendjes në pikat kufitare, qytetarët mund t’i drejtohen Qendrës Kombëtare për Menaxhim Kufitar (QKMK) në këta numra:

045 198 000

045 198 606

Autoritetet kanë paralajmëruar se do të vazhdojnë të njoftojnë për çdo ndryshim të situatës në pikat kufitare.

The post Radhë të gjata në kufirin me Shqipërinë, autoritetet apelojnë qytetarët të llogarisin vonesat appeared first on Albeu.com.

Ndërsa trupat pritet të ndihmojnë gjithashtu me operacionet ajrore dhe nuk është akoma e qartë nëse trupat do të jenë të armatosura, por asnjëri nga ata nuk është i lejuar të kryej arrestime, sekuestrime droge apo përleshje, veçse duhet të ndihmojnë transportimin e imigrantëve.

“Më shumë trupa pritet të dërgohen në kufi në javët dhe muajt e ardhshëm në këtë valë të parë të ndalimit të imigracionit masiv”, tha një nga zyrtarët amerikan.

Rikujtojmë se Trump tha në një urdhër ekzekutiv të hënën, se ai do të vendosë brenda 90 ditëve nëse do të përdorë “Aktin e Kryengritjes” në kufirin SHBA-Meksikë, i cili do t’i lejonte të përdorë trupat amerikane.

The post Trump “bllokon” kufirin mes SHBA-së me Meksikën, 4500 roje kombëtare zbarkojnë për mos lejimin e imigrantëve appeared first on Albeu.com.

Ministri kërkoi rritje të shpejtësisë së përpunimit të kalueshmërisë, si dhe rritjen e numrit të sporteleve gjatë ditëve të Pashkës Ortodokse, që kremtohen javën e ardhshme.

“Pakti i parë dhe përshtypja e parë që krijon një i huaj me Shqipërinë është vendkalimi edhe punonjësi i Policisë Kufitare. Të kemi edhe shërbimet e Policisë Rrugore për të garantuar qarkullimin. Se kur krijohet fluks këtu, krijohet pastaj edhe problem qarkullimi për pjesën drejt Korçës e Pogradecit”, nënvizoi ministri.

Ai u interesua për numrin e pikave të kontrollit, të cilat siç u shpjegua nga përfaqësuesi i Policisë, do të shtohen në ditët e festave kur ka një fluks lëvizje në dy krahët e kufirit.

The post Balla inspektim në Kapshticë: Të rritet numri i sporteleve gjatë ditëve të Pashkës Ortodokse appeared first on Albeu.com.

Rreth 600 emigrantë ishin grumbulluar dje para rojeve të Gardës Kombëtare kufirit në një fushë në El Paso, Texas para se situata të tensionohej dhe ata të mësynin për të kaluar në anën tjetër, shkruan rrjeti britanik Metro.

Burrat me kapuçë, doreza të xhaketa të rënda dimri morën përpara rreth pesë roje që ishin para tyre. Disa prej emigrantëve shiheshin që mbanin duart lart në shenjë dorëzimi mes kaosit, kurse të tjerë kapërcenin gardhin duke rrëzuar rojet që i ndalonin.

Situata të dëshpëruara janë parë shpesh përgjatë kufirit SHBA-Meksikë teksa dhe dislokimi i Gardës Kombëtare nuk ka pasur efekt ndaj mijëra njerëzve të dëshpëruar që kërkojnë t’i shpëtojnë varfërisë e dhunës duke ardhur në SHBA.

The post Turma e emigrantëve mësyn telat më gjemba, rrëzojnë rojet në kufirin Meksikë-SHBA (VIDEO) appeared first on Albeu.com.

Më shumë se 3 500 mjete luftarake të NATO-s dhe 20 mijë trupa do të simulojnë një sulm rus në zonën e quajtur “Korridori Suwalki”.

Ajo është pika më e afërt e Bjellorusisë me Kaliningradin rus, e cila nëse kapet nga forcat armike të NATO-s do të bllokonte në veri tre shtete aleate si Lituania, Letonia dhe Estonia.

Ekspertët e sigurisë e kanë cilësuar këtë zonë si “thembrën e Akilit” në rast të ndonjë çmendurie të Putinit për të sulmuar NATO-n.

Zona ndodhet në kufirin që ndaj Poloninë me Lituaninë dhe për pak kilometra mund të lidhet me tokë me Bjellorusinë dhe rrjedhimisht Rusinë.

Prandaj edhe NATO ka vendosur një numër të madh trupash në këtë zonë dhe bën stërvitjen më të madhe të dekadave të fundit, raporton Albeu.com

The post HARTA/ “Korridori Suwalki”: Pse NATO po blindon kufirin e Polonisë dhe Lituanisë, çfarë rrezikohet në këtë pikë të globit? appeared first on Albeu.com.

Më 15 janar, tregonin se ata kishin përfunduar ndërtimin e një muri të ri betoni rreth 14 km të gjatë.

Më 23 nëntor, autoritetet egjiptiane filluan përfundimin e ndërtimit të një argjinature të vjetër paralel me kufirin, rreth 200 metra larg gardhit ndarës.

The post Egjipti përfundon murin 14 kilometra në kufirin me Gazën appeared first on Albeu.com.

Në një konference për shtyp për shënimin e 100 ditëve luftë, ai u shpreh se Izraeli nuk mund ta përfundojë luftën deri në mbylljen e Korridorit të Filadelfit, një rrip toke prej 14 kilometrash që shërben si kufi midis Egjipti dhe Gazës.

“Ne do të shkatërrojmë Hamasin dhe do të çmilitarizojmë Gazën. Pajisjet ushtarake dhe armët e tjera vdekjeprurëse do të vazhdojnë të hyjnë në këtë zonë, kështu që sigurisht që ne duhet ta mbyllim atë. Ka mënyra të ndryshme që Izraeli mund të marrë përsipër korridorin, por zyrtarët nuk kanë vendosur saktësisht se si do të vazhdojnë ta bëjnë këtë”, tha Netanyahu.

Netanyahu theksoi se Izaeli nuk do të lejojë që banorët e zhvendosur të Gazës veriore të kthehen për sa kohë që lufta është duke vijuar

The post 100 ditë luftë/Netanyahu paralajmëron hapin e radhës: Do të mbyllim kufirin e Gazës me Egjiptin appeared first on Albeu.com.

Kjo masë vlen për minibusët, autobusët, furgonët dhe veturat, të cilat dyshohet se bartin emigrantë të jashtëligjshëm, tha të hënën kryeministri polak, Mateusz Morawiecki, gjatë një fushate zgjedhore në Krasnik.

Duke i shtuar kontrollet kufitare, Varshava synon t’i kundërshtojë ata të cilët “po na akuzojnë neve se kemi kufi të pasigurt”, tha politikani konservator nacionalist, duke shtuar se ka qenë shumë mirë e ditur se në të kaluarën emigrantët mbërrinin në Bashkimin Evropian përmes Hungarisë dhe Sllovakisë, e pastaj përmes Polonisë.

Sllovakia dhe Polonia ndajnë një vijë kufitare 540 kilometra të gjatë.

Të dyja, si vende anëtare të BE-së, janë pjesë e Zonës Shengen për lëvizje të lirë pa viza.

Në Zonën Shengen, e cila ka 26 shtete anëtare, njerëzit nuk kontrollohen në pikat kufitare.

Megjithatë, në vitet e fundit, disa shtete e kanë shfrytëzuar një përjashtim dhe në disa raste i kanë kthyer kontrollet kufitare.

Së fundmi, fqinji i Polonisë, Gjermania, po përballet me trysni për t’i kthyer përkohësisht kontrollet kufitare në kufirin që e ndan me Poloninë dhe Republikën e Çekisë.

Ministrja e Brendshme e Gjermanisë, Nancy Faeser, po mban bisedime me këto dy vende për “masa shtesë kufitare”.

The post Polonia i shton kontrollet kufitare me Sllovakinë, për shkak të emigrantëve appeared first on Albeu.com.

Gjatë fjalës së tij në pikën kufitare të Qafë Thanës, krah kryeministrit Edi Rama, kryeministri maqedonas Dimitar Kovacevski tha se ky është shembull si duhet të sillen dy vende fqinje.

Ai shtoi se në Evropë nuk ka kufij, prandaj të tillë nuk ka pse të ketë as mes Shqipërisë dhe Maqedonisë së Veriut.

“Sot ne jemi shembull si duhet të sillen dy vende fqinje. Me këtë lehtësohet puna e kompanive tona.

Në Ballkan nuk na duhen kufijtë, kufij nuk ka në Evropë dhe nuk ka pse të ketë në Ballkan. Nëse shikoni marrëdhëniet politike mes Maqedonisë dhe Shqipërisë janë në nivelin më të lartë.

Jemi bashkë këtu me Shqipërinë që të hapim one stop shop për shërbimet policore dhe doganore”, tha ndër të tjera kryeministri Maqedonas.

The post Shqipëria dhe Maqedonia e Veriut me kontroll të përbashkët doganor, Kovacevski: Shembull si duhet të sillen dy vende fqinje appeared first on Albeu.com.