Aksioni me emrin e koduar “Kufijtë” u ndërmor nga efektivët e Komisariatit të Policisë Kufitare në Sarandë, si pjesë e përpjekjeve të intensifikuara për të goditur rrjetet që lehtësojnë kalimet klandestine të kufirit shtetëror nga shtetas të huaj.

Të arrestuarit janë A. D., 50-vjeç, dhe F. Ç., 59-vjeç, banorë të kryeqytetit. Arrestimi i tyre u bë në afërsi të vijës ndarëse me Greqinë, në zonën e njohur si “Pagane”, ku u ndaluan teksa ishin me dy makina. Sipas autoriteteve, me këto mjete do të siguronin transportin e paguar të gjashtë personave.

Ndërkohë, vetë emigrantët, me origjinë nga Pakistani, Bangladeshi dhe India, janë proceduar në gjendje të lirë pasi hetimet treguan se kishin hyrë ilegalisht në Shqipëri përmes kufirit tokësor me shtetin fqinj.

Si prova materiale, uniformat blu bllokuan dy automjetet që dyshohet se do të shërbenin për kryerjen e kësaj veprimtarie të paligjshme. Veprimet hetimore po vazhdojnë për të zbardhur të gjithë mekanizmin e këtij rasti si dhe për të identifikuar persona të tjerë që mund të jenë të implikuar.

The post Po transportonin emigrantë të paligjshëm drejt kufirit me Greqinë, vihen në pranga dy persona appeared first on Albeu.com.

Të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht në qoftë se janë të vaksinuar ose kanë qenë të diagnostikuar me COVID-19, janë të detyruar të paraqesin:

Test negativ PCR, kryer brenda 72 orëve, përpara udhëtimit.

OSE

Test të shpejtë antigjenik, kryer brenda 24 orëve para udhëtimit.

Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike ?  https://travel.gov.gr, me të dhënat e tyre të kontaktit në Greqi, përpara mbërritjes.

Masa vlen për të rriturit dhe fëmijët mbi 5 vjeç, pavarësisht nga vaksinimi.

Pikat kufitare të Kakavisë, Kapshticës dhe Qafbotës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.

The post Greqia zgjat masat ant-Covid për shqiptarët, çfarë duhet të dini para se të udhëtoni appeared first on Albeu.com.