Izraeli rihap kufijtë për turistët, lejohen të vaksinuarit në 6 muajt e fundit ose me dozë përforcuese

E S — Mon, 03 Jan 2022 15:32:57 +0000

Izraeli po rihapet për turistët duke lejuar që personat e vaksinuar kundër COVID-19 të hyjnë në këtë shtet që nga 9 janari.

Kështu ka thënë Ministria e Shëndetësisë së Izraelit këtë të hënë.

Ky lehtësim i masave kufizuese vlen për turistët që udhëtojnë nga vendet që nuk janë të kategorizuara “me rrezik të lartë”.

Izrali i kishte ndaluar vizitat e turistëve të huaj për shkak të rrezikut nga varianti i ri i koronavirusit, Omicron, që konsiderohet të jetë më i transmetueshëm.

Vendimi i të hënës erdhi pasi ekspertët vendosën që rregullativa nuk kishte më kuptim pasi varianti Omicron vetëm se është duke u shpërndarë me shpejtësi brenda vendit.

Lehtësimi i masave erdhi pasi kryeministri izraelit, Naftali Bennett, u takua me disa ministra të qeverisë së tij.

Turistët që arrijnë në Izrael duhet të qëndrojnë 24 orë të karantinuar ose derisa të rezultojnë negativ në një test PCR për COVID-19.

Sipas rregullave të Izraelit, vetëm ata që i kanë marrë dozat e vaksinës brenda gjashtë muajve të kaluar ose ata që kanë pranuar doza përforcuese konsiderohen të vaksinuar.

Vendimi vlen edhe për ata që janë shëruar nga COVID-19./REL

The post Izraeli rihap kufijtë për turistët, lejohen të vaksinuarit në 6 muajt e fundit ose me dozë përforcuese appeared first on Albeu.com.

Gjermania përsëri kundër: Ne s’vëmë gisht në kufijtë ballkanikë

E S — Mon, 03 May 2021 12:20:23 +0000

Gjermania sikurse në të kaluarën ashtu edhe në të ardhmen do të vazhdojë të kundërshtojë idetë për ndryshim të kufijve të Ballkanit.

Kështu ka thënë kryediplomati gjerman, Heiko Maas gjatë konferencës për shtyp me ministrin e Punëve të Jashtme të Maqedonisë së Veriut, Bujar Osmani.

Ai ka thënë se “Non-paper”-i, për ndryshim të kufijve ballkanik nuk është i vërtetë.

”Non paper-i” e mban emrin e vërtetë. Do të thotë “non paper” dhe nuk është dokument i vërtetë. Ajo është diçka që nuk duhet të merremi me të më shumë. Nuk ka asnjë pjesëmarrje të Gjermanisë në asnjë lloj “non paper”. Nëse ka zëra për këtë, atëherë ato janë ‘fake news’. Politika gjermane për Ballkanin Perëndimor, është ajo, se ne nuk vëmë gisht në kufijtë ballkanik. Çdo ndryshim i kufijve, kudo qoftë do të ketë ndikim në tërë rajonin dhe do të ketë pasoja negative për të gjithë”, tha Maas.

The post Gjermania përsëri kundër: Ne s’vëmë gisht në kufijtë ballkanikë appeared first on Albeu.com.

Kufinj Archives - Albeu.com

Izraeli rihap kufijtë për turistët, lejohen të vaksinuarit në 6 muajt e fundit ose me dozë përforcuese

Gjermania përsëri kundër: Ne s’vëmë gisht në kufijtë ballkanikë