Behar Preniqi vazhdon të qëndrojë i arrestuar në Serbi që nga gushti i vitit 2025.

Ai u ndalua nga autoritetet serbe në Batrovc, gjatë kalimit të kufirit mes Kroacisë dhe Serbisë.

Preniqi nuk është rasti i vetëm i shqiptarëve që ndodhen prapa grilave në Serbi.

Osman Selmani u arrestua në korrik të vitit 2026 në pikën kufitare të Mitovodës, teksa po kthehej nga vetëlindja. Ndërkaq, më 2 gusht të këtij viti, në kufirin mes Serbisë dhe Hungarisë u ndalua edhe Mentor Mustafa.

Sipas autoriteteve serbe, të tre akuzohen për pretendime që lidhen me krime lufte ndaj popullatës civile. Familjarët e tyre i kanë mohuar këto akuza.

Organizata e Veteranëve të Luftës së UÇK-së vlerëson se arrestimet e shqiptarëve nga Serbia kanë një synim të caktuar.

“Ideja është më njollosë luftën tonë çlirimtare, me kriju narrativë me kriminalizua luftën tonë të drejtë e çlirimtare që e kemi pas prandaj për neve nuk është diçka e re. Jemi mesuar me këtë qasje të Serbisë. Duhet me pas kujdes mos me kalu nga Serbia pasojat mund të jenë aq të mëdha nuk ka kush të vijë mbrapsht edhe shteti është i pafuqishëm në raport më këto ngjarje. Bashkësia ndërkombëtare duhet me bo trusin që Serbia mos më bo gjëra të tilla”, tha Gazmend Syla.

Edhe Këshilli për Mbrojtjen e Lirive dhe të Drejtave të Njeriut u ka bërë thirrje qytetarëve që të shmangin kalimin nëpër territorin serb, duke paralajmëruar për pasojat e arrestimeve.

“Të gjitha këto arrestime pastaj të gjitha këto lirime janë të kushtueshme materialisht por edhe politikisht sepse Serbia kur të bënë një arrestim të shqiptarëve nga Kosova kur e bënë një arrestim të shqiptarëve nga Kosova i kërkon disa lehtësime edhe për palët është një pazar që bëhet prapa perdeve që ne nuk e shohim”, tha Behgjet Shala.

Paralajmërime për kujdes janë dhënë edhe nga Fondi për të Drejta Humanitare.

“Ne po e shohim që kohë pas kohe, shtetasit e Kosovë po arrestohen në rastin e kalimit të kufirit nëpërmjet Serbisë, sigurisht që të njëjtit duhet të jenë të kujdesshëm sidomos ata të cilët kanë qenë të përfshirë në luftën e fundit të cilët kanë qenë pjesëtar të Ushtrisë Çlirimtare të Kosovës që të i evitojnë këto ndalime. Për arsye se kohëve të fundit po shohim edhe në serbi edhe në Kosovë kanë filluar ngritjet e aktakuzave në mungesë ndaj të pjesëtarëve të cilët kanë marrë pjesë në luftë qoftë ndaj forcave serbe apo ndaj ushtarëve të UÇK-së”, u shpreh Amer Alija.

Pas afro një muaji në paraburgim, të premten u lirua Dukagjin Maxhuni, i cili ishte arrestuar më 12 gusht të këtij viti.

Më herët, nga burgjet serbe ishin liruar edhe Mithat Lozhani dhe Hazir Haziri.

The post Kalimi përmes Serbisë vijon të rrezikojë shqiptarët, disa prej tyre mbeten në burgjet serbe appeared first on Albeu.com.

Qendra Kombëtare për Menaxhimin Kufitar ka bërë publike të dhënat e fundit për lëvizjen e automjeteve në pikat e kalimit kufitar, të përditësuara sot në orën 07:20.

Gjendja në të gjitha pikat kufitare raportohet e qetë dhe pa pritje të gjata. Në pjesën më të madhe të tyre, automjetet presin nga 3 deri në 5 minuta, si gjatë hyrjes, ashtu edhe në dalje.

Kohë më e gjatë pritjeje është regjistruar te Dheu i Bardhë, ku ajo arrin deri në 20 minuta, ndërsa në Merdarë pritja në dalje shkon deri në 30 minuta.

Edhe qarkullimi i kamionëve zhvillohet pa kolona. Në të gjitha pikat kufitare, koha e pritjes për mjetet e rënda është 3-5 minuta në hyrje dhe në dalje.

The post Qarkullim i qetë në pikat kufitare, në Merdarë pritet deri në 30 minuta appeared first on Albeu.com.

Qarkullimi i automjeteve në pikat kufitare të Kosovës vijon, ndërsa në disa prej tyre janë shënuar pritje më të gjata se zakonisht.

Bazuar në informacionet e përditësuara të Qendrës Kombëtare për Menaxhim Kufitar, radhët më të mëdha janë për momentin në Merdarë, ku për dalje nga Kosova pritet deri në një orë.

Në pikën kufitare Dheu i Bardhë, koha e pritjes për të dalë nga vendi arrin deri në 20 minuta.

Në Jarinjë, pritjet për hyrje dhe dalje luhaten nga 5 deri në 10 minuta, ndërsa pjesa tjetër e pikave kufitare paraqitet më e qetë, me pritje që shkojnë nga 3 deri në 5 minuta.

The post Pritjet në pikat kufitare teksa bashkatdhetarët po kthehen appeared first on Albeu.com.

Fluksi i mërgimtarëve që po kthehen drejt vendeve evropiane ka shkaktuar radhë të shtuara në disa pika kufitare në dalje të Kosovës.

Sot, në një numër pikash kufitare janë regjistruar kolona më të gjata dhe pritje me kohëzgjatje të ndryshme.

Në Jarinje, qytetarët presin deri në 40 minuta, ndërsa në Merdare koha e pritjes arrin deri në 60 minuta.

Situatë më e lehtë paraqitet te Dheu i Bardhë, ku pritjet variojnë nga 10 deri në 20 minuta.

Kolona ka gjithashtu në Kullë dhe te Hani i Elezit, ku, sipas informacioneve, pritjet zgjasin 10 minuta.

The post Deri në 60 minuta pritje në dalje të pikave kufitare të Kosovës appeared first on Albeu.com.

Pika kufitare Dheu i Bardhë vijon të ketë fluksin më të madh, me pritje deri në 60 minuta për qytetarët që po largohen nga Kosova. Për hyrje në vend, koha e pritjes shkon deri në 30 minuta.

Të dhënat e përditësuara në orën 16:18 tregojnë se kolona në dalje nga Dheu i Bardhë është e gjatë rreth 500 metra, ndërsa ajo në hyrje arrin në afërsisht 300 metra.

Situatë me pritje deri në gjysmë ore raportohet edhe në pikën kufitare Muçibabë, ku vargu i automjeteve në dalje nga Kosova është rreth 200 metra.

Në vendkalimet e tjera kufitare qarkullimi paraqitet më i lehtë. Në Jarinjë dhe Merdarë, pritjet për dalje nga Kosova janë deri në 10 minuta.

The post Dheu i Bardhë, pritje deri në një orë për të dalë nga Kosova appeared first on Albeu.com.

Qarkullimi i automjeteve vijon të jetë i lartë në disa pika kufitare të Kosovës, ku veçanërisht gjatë daljes nga vendi janë krijuar radhë dhe vonesa.

Të dhënat e fundit për situatën në vendkalime tregojnë se pritja më e gjatë është shënuar në Jarinjë. Sipas Sinjalit, qytetarët që po dalin nga Kosova presin deri në 120 minuta.

Vonesa janë raportuar edhe në pikën kufitare Dheu i Bardhë, ku koha e pritjes për dalje shkon deri në 40 minuta. Ndërkohë, në Merdar automjetet presin nga 20 deri në 30 minuta.

Gjendja në pikat e tjera kufitare është më e qetë, me pritje që në shumicën e rasteve variojnë nga 3 deri në 5 minuta për hyrje dhe dalje. Përjashtim bën Hani i Elezit, ku për të dalë nga vendi qytetarët presin nga 5 deri në 10 minuta.

The post Pritje të gjata në kufi, në Jarinjë qytetarët presin deri në 120 minuta appeared first on Albeu.com.

Qendra Kombëtare për Menaxhimin e Kufirit ka publikuar të dhënat e përditësuara për gjendjen në vendkalimet kufitare.

Sipas informacionit të fundit, ngarkesa më e madhe vazhdon të jetë në pikën kufitare Dheu i Bardhë.

Personat që hyjnë në Kosovë përmes këtij vendkalimi duhet të presin nga 50 deri në 60 minuta, kurse në dalje koha e pritjes varion nga 30 deri në 40 minuta.

Kolona janë krijuar edhe në Muçibabë, ku hyrja në Kosovë zgjat deri në 30 minuta, ndërsa për dalje pritjet arrijnë deri në 60 minuta.

Në Hani të Elezit, koha e pritjes shkon deri në 20 minuta.

Në vendkalimet e tjera kufitare situata paraqitet e qetë, me pritje që lëvizin nga 3 deri në 10 minuta.

The post Fluks i shtuar në pikat kufitare, pritjet më të gjata regjistrohen te Dheu i Bardhë appeared first on Albeu.com.

Të dhënat e fundit të Qendrës Kombëtare për Menaxhim Kufitar tregojnë se në disa pika kufitare janë krijuar kolona dhe pritje për automjetet që hyjnë në Kosovë.

Në përditësimin e orës 19:45, Muçibaba rezulton pika me ngarkesën më të madhe. Udhëtarët që presin të hyjnë në vend po përballen me vonesa deri në 60 minuta, ndërsa radha e automjeteve shtrihet në rreth 300 metra.

Fluks i shtuar është evidentuar gjithashtu te Dheu i Bardhë, ku pritja në hyrje arrin deri në 50 minuta dhe kolona ka një gjatësi prej afërsisht 200 metrash.

Në Bërnjak, hyrja po kërkon rreth 45 minuta pritje, me kolonën e automjeteve që shkon në afro 500 metra. Në Han të Elezit, ndërkaq, vonesat janë rreth 20 minuta në hyrje dhe deri në 40 minuta në dalje, ndërsa radha arrin rreth 300 metra.

Qarkullim më i lehtë raportohet në Kullë, Merdarë, Mutivodë, Qafë të Morinës, Qafë të Prushit, Stançiq dhe Vërmicë. Në këto pika, pritjet lëvizin nga 2 deri në 10 minuta dhe nuk janë krijuar kolona të mëdha.

Sa u përket mjeteve që transportojnë mallra, nuk evidentohen vonesa të ndjeshme. Në shumicën e pikave kufitare, kamionët kalojnë brenda 3 deri në 5 minutash, pa kolona të raportuara.

The post Fluks në kufi, pritje më të gjata në Muçibabë, Dheu i Bardhë dhe Bërnjak appeared first on Albeu.com.

Disa pika të kalimit kufitar në Kosovë po përballen me fluks të lartë qarkullimi, duke shkaktuar radhë të konsiderueshme, sidomos në dalje të territorit.

Sipas informacioneve më të freskëta nga Qendra Kombëtare për Menaxhim Kufitar, situata më e rënduar paraqitet në pikën kufitare Muçibabë, ku udhëtarëve u duhet të presin deri në 120 minuta për të dalë. Në këtë vendkalim, radha e automjeteve shtrihet deri në 2 kilometra.

Ndërkohë, në Dheun e Bardhë, koha e pritjes për ata që hyjnë arrin deri në 80 minuta, ndërsa për dalje rreth 25 minuta. Kolona në dalje mat rreth 1 kilometër gjatësi.

Në Han të Elezit, pritjet janë më të moderuara, deri në 15 minuta, me radhë që shkojnë deri në 100 metra si në hyrje, ashtu edhe në dalje.

Pika kufitare e Vërmicës raporton pritje deri në 15 minuta për hyrje dhe një kolonë prej afërsisht 50 metrash.

Sa i përket vendkalimit në Kullë, qytetarët presin vetëm 3 deri në 5 minuta, teksa radhët variojnë nga 10 në 20 metra.

Në të gjitha pikat e tjera kufitare, fluksi është më i ulët dhe pritjet janë minimale, duke u luhatur kryesisht nga 3 deri në 10 minuta.

The post Radhë deri në 2 orë në dalje të Muçibabës, kolonë 1 km në Dheun e Bardhë appeared first on Albeu.com.

Policia e Kosovës ka arrestuar dy persona me shtetësi serbe në dy ngjarje të veçanta në zonën veriore të vendit, pasi kishin hyrë pa leje përmes kufirit me Serbinë.

Njëri prej incidenteve u regjistrua rreth mesditës së të martës në pikën kufitare të Jarinjes.

Nga njoftimi i autoriteteve bëhet e ditur se i dyshuari, një mashkull nga Serbia, u kap teksa kalonte ilegalisht vijën kufitare. Pas përfundimit të intervistimit, prokurori urdhëroi lirimin e tij dhe çështja tani po ndiqet përmes kanaleve të zakonshme procedurale.

Rasti i dytë ndodhi po atë ditë, por në orët e mbrëmjes, në fshatin Koshuticë që i përket komunës së Leposaviqit. Edhe ky person, i identifikuar si shtetas kosovar, u lirua pas marrjes në pyetje dhe materialet e hetimit kaluan në procedurë të rregullt.

Sipas raportit 24-orësh të Policisë së Kosovës, të dyja ngjarjet janë cilësuar si vepër penale e “Kalimit të paligjshëm të kufirit”.

The post Dy qytetarë të Serbisë ndalohen në veri pas hyrjes së paligjshme në territorin kosovar appeared first on Albeu.com.