Bëhet me dije se tërmeti ka pasur një magnitudë 4.9 ballë.

Ndërsa epiqendra e tij është në jugun e Kosovës, rreth 18 kilometra nga Prizreni, pranë kufirit me Maqedoninë e Veriut.

Ende nuk dihet nëse ka dëme nga lëkundjet e tërmetit të sotëm.

The post Bie tërmet në Maqedoninë e Veriut, lëkundjen ndihen edhe në Kukës appeared first on Albeu.com.

Gjatë kësaj periudhe, kontrollet kufitare do të aplikohen vetëm për mjetet me targa të huaja, por me një procedurë të përshpejtuar, për të shmangur radhet dhe pritjet e gjata në pikat e përbashkëta, veçanërisht në Morinë dhe Vermicë.

Regjimi pa kontrolle u rikthye pas një pezullimi njëmujor gjatë tetorit, periudhë gjatë së cilës u krye regjistrimi dhe kontrolli i mjeteve e udhëtarëve. Edhe në atë periudhë, në fundjavë dhe gjatë festave zyrtare, nuk janë aplikuar kontrolle për qytetarët dhe automjetet me targa të Shqipërisë dhe Kosovës.

Marrëveshja për lëvizje të lirë mes dy shteteve synon të lehtësojë qarkullimin dhe të shmangë trafikun e rënduar në kufi. Ajo ka dhënë rezultate të dukshme, sidomos gjatë sezonit veror, kur fluksi i udhëtimeve rritet ndjeshëm.

Sipas marrëveshjes, periudhat e lëvizjes pa kontrolle ose me kontrolle të reduktuara janë.Nga 1 maj deri më 30 shtator, dhe nga 1 nëntor deri më 28 shkurt.

Në total, qytetarët e Shqipërisë dhe Kosovës përfitojnë nga 9 muaj në vit me regjim të lehtësuar kalimi kufitar, ndërsa për 3 muajt e mbetur (mars, prill dhe tetor) zbatohen kontrolle të rregullta me përjashtim të fundjavave dhe festave zyrtare të të dy vendeve.

The post Rikthehet regjimi i lëvizjes së automjeteve pa kontrolle mes Shqipërisë dhe Kosovës, ja deri kur zgjat appeared first on Albeu.com.

Polonia dhe Bashkimi Europian kanë akuzuar Bjellorusinë dhe Rusinë se po përpiqen të përhapin kaos që prej vitit 2021, duke nxitur emigrantët drejt kufirit që Varshava e quan “Luftë hibride”. Minsku dhe Moska, vazhdimisht i kanë mohuar akuzat.
Një plan i ri operacional, në rajonin verilindor të Podlasie, ka hyrë në fuqi që prej gushtit dhe do të përfshijnë deri në 31 janar 2025, mbi 17 mijë trupa të Gardës Kombëtare të kufijve të Polonisë.

“Kjo është një stërvitje rutinë në kohë paqeje. Por në përgjithësi, kur një ushtar ka një armë, municione dhe leje për ti përdorur ato, do të thotë që është gati për luftim. Dhe kurdo që e bëjmë këtë, e bëjmë me saktësi, me precision, fokusohemi në atë që duhet të bëjmë, stërvitemi dhe e përkthejmë më pas në aksione reale, të drejtpërdrejta në mbrojtje të kufijve shtetërore”,tha Gjeneralmajor Arkadiusz Szkutnik.

Ende ka përpjekje të vazhdueshme nga emigrantët qark Polonisë, për të hyrë në vend, pavarësisht gardheve të ndërtuara në cdo pikë hyrëse dhe dalëse kufitare.

Kryeministri polak, Donald Tusk, ka aplikuar në vend, një politike të ashpër kundër emigracionit, strategji që ka fituar një mbështetje të jashtëzakonshme publike.

The post Lufta në kufi, por Garda Kombëtare e Polonisë aksion edhe ndaj emigracionit appeared first on Albeu.com.

The post Gjendet skeleti i një personi në kufirin malazezo-shqiptar appeared first on Albeu.com.

Kryeministri polak Donald Tusk tha se Gjermania kishte aplikuar një “pezullim de facto të marrëveshjes së Shengenit në një shkallë të gjerë” pasi ministrja e Brendshme, Nancy Faeser, njoftoi vendimin e Berlinit për t’u përballur me atë që ajo e quajti “migrim të parregullt” duke vendosur kontrolle përgjatë kufirit 2300 milje (3700 km) të Gjermanisë pas një vale të fundit të sulmeve të dyshuara islamike.

Tusk bëri thirrje për “konsultime urgjente” me fqinjët e tjerë të Gjermanisë.

Rregulloret e reja do të fillojnë të hënën e ardhshme dhe do të jenë në fuqi për gjashtë muajt e parë.

Vendimi vjen në mes të një debati të ashpër politik në Gjermani mbi migracionin pas sulmeve të fundit fatale, në të cilat të dyshuarit ishin azilkërkues, pretendimet e të cilëve ishin refuzuar.

Ministri i Brendshëm i Austrisë, Gerhard Karner, shprehu gjithashtu kundërshtimin e tij, duke thënë se Vjena nuk do të pranonte asnjë emigrant të kthyer në kufirin me Gjermaninë. “Nuk ka vend për manovrim mbi këtë”, tha ai.

Tusk tha në komentet televizive të martën se nëse Gjermania refuzon emigrantët në kufirin e saj me Poloninë, Varshava do të detyrohet të përballet me ta. “Veprime të tilla janë të papranueshme nga pikëpamja polake,” tha ai në një takim me ambasadorët.

Polonia ka trajtuar një krizë emigrantësh në kufirin e saj lindor që nga viti 2021, që besohet gjerësisht se është koreografi e Bjellorusisë dhe Rusisë dhe akuzon Berlinin se nuk i jep mbështetjen e duhur. Tusk tha se Polonia kishte nevojë për “mbështetje të plotë nga Gjermania dhe e gjithë BE-ja kur bëhet fjalë për ndihmën në organizimin, financimin, armatimin e kufirit lindor, gjithashtu në kontekstin e migrimit të paligjshëm”.

Njoftimi i kontrollit kufitar u bë përpara një raundi të dytë bisedimesh në një samit urgjent mbi politikën e migracionit të Gjermanisë midis qeverisë së koalicionit, partive opozitare dhe shteteve federale, por të martën në mbrëmje, konservatorët e opozitës gjermane njoftuan se po largoheshin, duke deklaruar se Qeveria e kancelarit Olaf Scholz nuk arriti të zbatonte atë që tha se ishte një premtim për të “kryer sistematikisht deportime” në kufirin e Gjermanisë.

The post Gjermania rikthen kontrollet në kufi, Polonia kundër: Shkelet ligji evropian… appeared first on Albeu.com.

Sipas marrëveshjes, të gjitha automjetet me targa të Shqipërisë dhe Kosovës nuk i nënshtrohen procedurave të kontrollit për një periudhe nëntë mujore, nga katër muaj që ishte dy vitet e fundit.

Udhëtarët thonë se marrëveshja lehtëson kalimet në kufi dhe shmang ndalesat e panevojshme.

Këtë fillim maji një pjesë e qytetarëve nga Kosova, kanë zgjedhur të udhëtojnë drejt qyteteve bregdetare të Shqipërisë.

Pavarësish kalimit pa kontrolle, në kufi ditën e parë të majit nuk pati fluks qytetarësh.

Sipas policisë kufitare, në orët e para të së mërkurës hynë rreth 4 mijë persona me afro 1 mijë e 300 mjete.

The post Shqipëri-Kosovë, pa kontrolle në kufi/ Për 9 muaj qytetarët do të udhëtojnë pa kontrolle appeared first on Albeu.com.

Punonjësit e Policisë Kufitare të Malit të Zi kanë sinjalizuar menjëherë punonjësit e Policisë Kufitare të Shqipërisë, të cilët kanë bllokuar menjëherë daljen nga pika e kalimit.

Drejtuesi i automjetit, shtetasi F. S., ka dalë nga automjeti dhe ka tentuar të fshehë armën e zjarrit pistoletë mbrapa një ndërtese në pikën e kalimit, por është gjetur dhe sekuestruar nga shërbimet e Policisë Kufitare shqiptare.

Gjatë kontrollit të përbashkët me homologët e Malit të Zi, shërbimet e Policisë Kufitare i gjetën këtij shtetasi, të fshehura në automjet, edhe një shumë prej 17 640 eurosh, të ndarë në disa pjesë.

Në përfundim të veprimeve të para hetimore u bë arrestimi i shtetasit F. S., 72 vjeç, banues në Shkodër, me precedentë të mëparshëm penal për armëmbajtje pa leje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprat penale “Trafikimi i armëve dhe municionit”, “Mosdeklarimi në kufi i të hollave dhe i sendeve me vlerë”, “Pastrimi i produkteve të veprës penale” dhe “Mosbindja ndaj urdhrit të punonjësit të policisë”.

The post U largua me shpejtësi për t’iu shmangur kontrollit në kufi, arrestohet 72-vjeçari/ Hodhi nga makina armë, e më pas iu gjetën mijëra euro appeared first on Albeu.com.

Për të dalë nga Kosova në Serbi, përmes pikës kufitare në Mredarë, qytetarët janë duke pritur mbi shtatë orë. Kolona e automjeteve në këtë pikë kufitare është 4.5 kilometra.

Sipas të dhënave të Qendrës Kombëtare për Menaxhim Kufitar, të përditësuar në orën 9 e 1 minut, pritjet për të dalë nga Kosova, te Dheu i Bardhë, janë rreth dy orë, kurse kolona e automjeteve arrin në një kilometër.

Sipas kësaj qendre pritje ka edhe në pikën kufitare në Mutivodë pritjet janë dyë orë e gjysmë, në Jarinje pritjet janë deri në tri orë, kurse në Muçibabë 30 minuta.

Shtatë orë pritjet në Merdarë për të dalë nga Kosova

(E plotësuar, ora 7:15) Pritjet e mërgimtarëve për të dalë nga Kosova, vazhdojnë të jenë të gjata. Sipas Qendrës Kombëtare për Menaxhim Kufitar, pritjet më të gjata, për të dalë nga Kosova, janë në Merdarë dhe te Dheu i Bardhë. Pritje ka edhe në Mutivodë dhe Jarinjë.

Për të dalë nga Kosova në Serbi, përmes pikës kufitare në Mredarë, qytetarët janë duke pritur deri në shtatë orë. Kolona e automjeteve në këtë pikë kufitare është 3.5 kilometra.

Sipas të dhënave të Qendrës Kombëtare për Menaxhim Kufitar, të përditësuar në orën 7 e 9 minuta, pritjet te Dheu i Bardhë, ku pritjet janë rreth 70 minuta, kurse kolona e automjeteve arrin 500 metra.

Sipas kësaj qendre pritje ka edhe në pikën kufitare në Mutivodë pritjet janë dyë orë e gjysmë, në Jarinje, ku pritjet janë një orë, kurse në Muçibabë 30 minuta.

Gjashtë orë pritjet në Merdarë për të dalë nga Kosova

Pritjet e mërgimtarëve për të dalë nga Kosova, vazhdojnë të jenë të gjata. Sipas Qendrës Kombëtare për Menaxhim Kufitar, pritjet më të gjata, për të dalë nga Kosova, janë në Merdarë dhe te Dheu i Bardhë.

Për të dalë nga Kosova në Serbi, përmes pikës kufitare në Mredarë, qytetarët janë duke pritur deri në gjashtë orë. Kolona e automjeteve në këtë pikë kufitare është 3.5 kilometra.

Sipas të dhënave të Qendrës Kombëtare për Menaxhim Kufitar, të përditësuar në orën 6 e 20 minuta, pritjet më të gjata, për të dalë nga Kosova, vazhdojnë të jenë në Merdarë dhe te Dheu i Bardhë, ku pritjet janë rreth 70 minuta, kurse kolona e automjeteve arrin 500 metra.

Sipas kësaj qendre pritje ka edhe në pikën kufitare, Mutivodë e Muçibabë dhe Jarinje, ku pritjet janë një orë e gjysmë.

The post Mbi shtatë orë pritje në Merdarë për të dalë nga Kosova appeared first on Albeu.com.

Komentet e bëra në një intervistë që pritet të publikohet të dielën, vijnë teksa rriten tensionet mes dy vendeve fqinje, si rezultat i luftës së nisur të Rusisë në Ukrainë, në shkurt të vitit 2022, dhe vendimit të shpejtë të Finlandës për t’iu bashkuar NATO-s.

Javëve të fundit, Finlanda i ka mbyllur tërësisht kufijtë me Rusinë, për shkak të rrijtjes së numrit të migrantëve, kryesisht prej Lindjes së Mesme, me kërkesa për azil.

Numri në rritje i migrantëve të mbledhur në pikat kufitare i ka forcuar bindjet e Finlandës që autoritetet ruse po tentojnë t’i shtyjnë migrantët për të udhëtuar drejt Finlandës, me qëllim të destabilizimit të shtetit.

Finlanda i ka hapur për pak dy pika kufitare më herët gjatë kësaj jave, mirëpo më pas i ka mbyllur ato.

“Ne kemi dëshmi që tregojnë se për dallim nga e kaluara, autoritetet kufitare ruse, jo vetëm që po i lejojnë njerëzit pa dokumente që të nisen drejt kufirit finlandez, por edhe janë duke iu ndihmuar vazhdimisht”, ka thënë ministrja e Jashtme finlandeze, Elina Valtonen.

Finlanda ka hequr dorë nga politika e saj e neutralitetit, pak pas nisjes së luftës së Rusisë në Ukrainë, dhe këtë vit është bërë anëtarja e 31-të e NATO-s.

Prej atëherë, Finlanda e ka rritur numrin e njësiteve ushtarake në misione trajnime, dhe u ka lejuar aeroplanëve të NATO-s që të patrullojnë zonën ajrore, veprim që e ka zemëruar Rusinë.

Në disa pjesë të intervistës për televizionin shtetëror rus, Putin deklaron rrejshëm se Perëndimi e ka tërhequr Finlandën në NATO.

Në fakt, popullsia finlandeze e ka rritur interesimin për NATO, qysh prej nisjes së luftës në Ukrainë.

Ai ka thënë se do ta riaktivizojë distriktin ushtarak Leningrad, hap administrativ që mund të rezultojë me rritje të numrit të ushtarëve në rajonet lindore me Finlandën.

“A kemi pasur ndonjë kontest me ta? Të gjitha kontestet, përfshirë ato territoriale, prej mesit të shekullit 20, janë zgjidhur”, ka thënë Putin.

“Nuk kemi probleme këtu. Tani do të ketë, sepse do të krijohet distrikti ushtarak Leningrad, dhe do të koncentrohen disa njësite ushtarake atje”.

Zyrtarët finlandezë nuk i kanë komentuar këto deklarata.

Putin është pyetur edhe për deklaratat e presidentit amerikan, Joe Biden, i cili ka pretenduar këtë muaj se Rusia do të sulmojë një shtet të NATO-s, nëse e fiton luftën në Ukrainë.

“Është krejtësisht pa asnjë kuptim, dhe besoj se presidenti Biden e kupton këtë”, ka thënë Putin.

“Rusia nuk ka arsye, as interes, as interes gjeopolitik, as ekonomik, politik, dhe as ushtarak, të luftojë me shtetet e NATO-s”, ka thënë ai.

Lufta e plotë e Rusisë në Ukrainë ka nisur më 24 shkurt 2022.

Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./rel

The post Putin paralajmëron Finlandën për “probleme” pas mbylljes së kufirit appeared first on Albeu.com.

Ministri i Jashtëm i Estonisë, Margus Tsahkna, tha se situata në kufirin e Finlandës, e cila është përballur me një valë të madhe emigrantësh pa dokumente në javët e fundit, është “një sulm flagrant hibrid nga Rusia”, shkruan REL.

Sipas Ministrisë së Jashtme të Estonisë, Tsahkna theksoi se shteti baltik “është i gatshëm ta mbyllë kufirin me Rusinë dhe ta mbrojë veten kundër çfarëdo sulmi hibrid”.

Estonia, ish-republikë sovjetike, është tani një përkrahëse e madhe e Ukrainës në luftën e saj kundër pushtuesit rus.

“Kjo është një dëshmi tjetër se Rusia nuk po e lufton vetëm Ukrainë, por ajo përbën kërcënim ndaj vendeve të tjera me sulmet e saj hibride”, tha Tsahkna, duke iu referuar situatës në Finlandë, gjatë takimit të ministrave baltikë dhe nordikë në Bruksel.

The post Estonia e gatshme të mbyllë kufirin me Rusinë appeared first on Albeu.com.