Stacioni i vetëm i energjisë në Rripin e Gazës ndaloi së punuari të mërkurën për shkak të mungesës së karburantit, shkruan BBC. 

Kjo do të thotë që Gaza, duke përfshirë spitalet, po mbështetet në gjeneratorë, të cilët nga ana tjetër kanë nevojë për furnizime të reja karburanti.

Pjesa më e madhe e furnizimit me energji elektrike të Gazës vinte nga Izraeli, i cili ndërpreu energjinë në zonë pas sulmit të Hamasit.

“Mjerimi njerëzor i shkaktuar nga ky përshkallëzim është i neveritshëm dhe unë u bëj thirrje palëve të zvogëlojnë vuajtjet e civilëve,” thotë drejtori rajonal i KNKK-së për Lindjen e Afërt dhe të Mesme, Fabrizio Carboni.

“Ndërsa Gaza humbet energjinë, spitalet humbasin energjinë, duke vënë në rrezik të porsalindurit në inkubatorë dhe pacientët e moshuar me oksigjen. Dializa e veshkave ndalon dhe rrezet X nuk mund të merren,” shton ai.

Carboni gjithashtu ndan frikën e tij për izraelitët e marrë peng nga militantët e Hamasit, duke bërë thirrje për lirimin e tyre të menjëhershëm./Albeu.com

The post Izraeli ndërpreu energjinë elektrike, Kryqi i Kuq ngre alarmin: Spitalet në Gaza rrezikojnë të kthehen në morgje appeared first on Albeu.com.

Qyteti-port i Mariupolit është qyteti që ka përjetuar shkatërrimet më të mëdha në luftë, ku besohet se mijëra persona janë vrarë dhe mijëra të tjerë janë larguar.

Por, dhjetëra-mijëra persona mbeten të bllokuar në qytet pa qasje në ujë dhe ushqim.

“Ekipi ynë është në lëvizje mëngjesin e sotëm nga Zaporizhja për në Mariupol. Nuk mund t’iu jap më shumë detaje në këto momente”, tha një zëdhënës i kësaj organizate.

Komiteti Ndërkombëtar i Kryqit të Kuq tha më 1 prill se udhëhoqi një konvoj me rreth 54 autobusë ukrainas dhe disa makina të tjera private, por ky konvoj u kthye mbrapsht për shkak se u tha se nuk kishte kushte për të vazhduar.

“Ata do të tentojnë sërish të shtunën për të lehtësuar një korridor të sigurt për civilët”, tha Kryqi i Kuq.

Ndërkaq, presidenti ukrainas Zelensky tha se forcat ruse që po tërhiqen kanë lënë mina jashtë Kievit, përfshirë edhe përreth shtëpive.

“Ata po vendosin mina në gjithë territorin. Ata po vendosin mina në shtëpi, pajisje, por edhe në trupat e personave të vdekur”, tha Zelensky gjatë një video-adresimi.

Ai paralajmëroi se beteja të ashpra pritet të ndodhin kur Rusia të rivendosë sërish trupat.

“Ne po përgatitemi për më shumë veprime mbrojtëse”, tha ai.

Forcat ruse, ndërkaq, kanë akuzuar Ukrainën se ka kryer një sulm në një depo nafte në qytetin rus të Belgorodit, jo fort larg kufirit me Ukrainën. Ushtria ukrainase ka refuzuar që të komentojë për këtë sulm, që u tha se ka ndodhur më 1 prill.

Nëse do të konfirmohet, kjo do të ishte një ofensivë e fuqishme nga Ukraina, e cila është nën sulme të vazhdueshme nga drejtime të ndryshme që prej 24 shkurtit, dhe do të ishte sulmi i parë ushtarak në tokën ruse nga forcat e huaja që prej Luftës së Dytë Botërore./rel

The post Kryqi i Kuq sërish tenton të kryejë evakuime nga Mariupoli appeared first on Albeu.com.

“Ky është një tjetër krim lufte i ushtrisë ruse në përputhje me statutin e Gjykatës Penale Ndërkombëtare dhe një shkelje e rëndë e konventave të Gjenevës të vitit 1949. Deri më tani, të vetmit që sulmuan ndërtesat dhe automjetet e Kryqit të Kuq kanë qenë nazistët.

I bëj thirrje komunitetit botëror që të dënojë veprimet barbare të vendit pushtues dhe të marrë masa për t’i dhënë fund luftës së përgjakshme në territorin e Ukrainës sa më shpejt të jetë e mundur”.

Qyteti-port i Mariupolit është i rrethuar nga forcat ruse dhe afër 160,000 civilë kanë mbetur të bllokuar, pa qasje në ujë të pijshëm, ushqim dhe furnizime të tjera thelbësore.

The post I vetmi që kishte shpëtuar deri më tani, forcat ruse sulmojnë edhe Kryqin e Kuq appeared first on Albeu.com.