Për t’u ardhur në ndihmë banorëve të Gostivarit, të cilët po përballen me një epidemi pasi u konstatua se uji nuk është i përshtatshëm për përdorim, Kryqi i Kuq ka hapur një llogari ku qytetarët mund të dhurojnë mjete.

Nga Kryqi i Kuq theksojnë se shumë familje në Komunën e Gostivarit po përjetojnë pasoja në shëndet dhe në jetën e përditshme për shkak të ndotjes së ujit të pijshëm. Sipas organizatës, në këto rrethana të vështira, solidariteti, humanizmi dhe uniteti kanë rëndësi të jashtëzakonshme.

Kryqi i Kuq njofton se ekipet e tij ndodhen në terren dhe po zhvillojnë veprimtari për mbështetjen e popullatës së prekur. Aktivitetet humanitare do të vazhdojnë edhe gjatë periudhës së ardhshme, me synimin që ndihma të mbërrijë atje ku nevojitet më shumë.

Organizata vlerëson se çdo kontribut, pavarësisht shumës, përbën mbështetje të rëndësishme për familjet e prekura, pasi mundëson sigurimin e ndihmës së domosdoshme dhe lehtëson përballimin e pasojave të kësaj gjendjeje. Kryqi i Kuq u bën thirrje të gjithëve të dëshmojnë solidaritet dhe humanizëm, duke kontribuar për familjet që kanë nevojë.

Llogaria e Fondit të solidaritetit të Kryqit të Kuq të RMV-së është: 300000001327966, numri tatimor: 4030984271620, SHA Banka komerciale, me shenjën: ndihmë për qytetarët e pësuar në Gostivar.

Për dhurimin e mjeteve në valutë të huaj:

NAME OF THE ORGANIZATION: RED CROSS OF THE REPUBLIC OF NORTH MACEDONIAN

BANK NAME: KOMERCIJALNA BANKA AD SKOPJE

BANK ADDRESS: UL. ORCE NIKOLOV NO.3, 1000 SKOPJE, MACEDONIA

BANK ACCOUNT: 300000000000133 25730522-11

SWIFT CODE: KOBSMK2X

IBAN CODE: MK07300701000001228

The post Kryqi i Kuq krijon llogari donacionesh për të ndihmuar banorët e Gostivarit appeared first on Albeu.com.

Dr. Liljana Ristevska është zgjedhur Presidente e Kryqit të Kuq të Republikës së Maqedonisë së Veriut për mandatin e ri katërvjeçar, në seancën konstituive-zgjedhore të Kuvendit të organizatës. Sipas njoftimit zyrtar, ajo bëhet gruaja e parë që udhëheq Kryqin e Kuq të Republikës së Maqedonisë së Veriut që nga pavarësia e shtetit.

Ky vendim konsiderohet një zhvillim me rëndësi historike për organizatën më të madhe humanitare në vend dhe njëherësh një vlerësim për angazhimin e saj shumëvjeçar, profesionalizmin dhe rolin aktiv në përparimin e Kryqit të Kuq.

Në kumtesën e Kryqit të Kuq të RMV-ë thuhet se Ristevska e merr këtë përgjegjësi pas më shumë se dy dekadash përvojë në organizatë, ku ka kontribuar si vullnetare, si kryetare e Organizatës Komunale të Kryqit të Kuq në Manastir dhe si nënkryetare e deritanishme e Shoqatës Kombëtare.

Sipas të njëjtit njoftim, ajo hyn në këtë mandat me synimin për një Kryq të Kuq modern, më të fuqishëm dhe më të hapur, të përgatitur për t’u përballur me sfidat humanitare të kohës.

Gjatë periudhës së re drejtuese, theksi do të vendoset te forcimi i vullnetarizmit dhe anëtarësisë, zhvillimi i organizatave lokale, avancimi i shërbimeve humanitare, menaxhimi transparent dhe thellimi i partneriteteve brenda vendit, si edhe në kuadër të Lëvizjes Ndërkombëtare të Kryqit të Kuq dhe Gjysmëhënës së Kuqe.

Zgjedhja e saj si gruaja e parë në këtë post që nga pavarësia e Maqedonisë vlerësohet si një hap i rëndësishëm për avancimin e mëtejshëm të mundësive të barabarta dhe të lidershipit në sektorin humanitar, duke vijuar në të njëjtën kohë misionin e Kryqit të Kuq për t’u shërbyer njerëzve me humanizëm, paanshmëri dhe solidaritet.

The post Dr. Liljana Ristevska merr drejtimin e Kryqit të Kuq të Maqedonisë së Veriut appeared first on Albeu.com.